القلب باقي على عهد وميثاقه
باقي لو أن الزمن في قسوته حده
ولو سود الأيام ما جتله على الفاقه
ياللي غيابك خذا قلبي ولا رده
قلبي ترى من غيابك زادة اشواقه
ما زلت ناطر رجوعك مده ومده
قلبي عليك الامل باني عن افراقه
لو شفت منك الجفا واسلوب ماوده
باقي غرامك يحوف القلب واعماقه
مادري نويت الرجوع او ناوي الصده
عطنا الخبر عنك يكفي قلبي ازهاقه
غيابك اليوم ما حصل من يسده
المركز الاول انت وغيرك الحاقه
والله لو شفت قلبي لاحكا جده
إلا بي اتروف لو عينيك دفاقه
من عقب من قالي هذاك من قده
اليوم مضرب مثل عاشق وعشاقه
طواني الياس واحلام الأمل هده
هجرانك الي تركلي نار حراقه
ابطيت أفكر ابوده .. ما هو بوده ؟
لا ..لا ..بوده !بوده! قرر افراقه
يالين صرت استهيم الفكر واحده
اروح وارجع على افكاري بلا طاقة
ياشين بعدك وياشينك بها لشده
خابرك لين رحوم وزينه أخلاقه
واليوم من قسوتك فالعمر لاتعده
اللي بقى آهة للجوف حراقه
ما ضحكتن فاتت الا باقي ضده
نصيبنا تاخذه لو مره أذواقه
من اشعاري لكم مع التحيه
قصيدة جميله
يعطيك العافيه
بس ياليت نعرف هي لك او منقوله
تقبل مروري
صح بدنك
القصيد من كتاباتي الشعريه المتواضعه
وان شاء الله تنال اعجابكم
شاكر لك طيب المرور
دمتي بخير
صح بدنك
ولاتهون
الجمال الحقيقي مرورك العذب
شكرا لك
يعافيك
الله يعافيك بس عاد لاتدوخينا معهم
الله يعطيك العافيه
وشاكر لك ومقدر مرورك هنا
لك تقديري