على حطة يدك
من آخر ما سمعت اسمي من شفاتك
ولبيتك ..
شرغت ب "هاه"
يا لبا عروقك وضحكاتك ؟!
غريبه !!
ترا توي انتبهت اني من البارح
وانا ماني معي ؟!
سارح !!
احس ان البشر حولي مجرد ناس
و "احس" <=== هذي بليا احساس!!
اووف!!
تعال وخذ عيوني واعطني شوف
حفظت الدروب اللي نهايتها عيونك
ونسيت اضحك
نسيت افرح
ونسيت احلم
وش اللي بذكره يا بعد عمري بدونك ؟!
من ليلة أول ما تلاقينا
بلا موعد ..
رسمنا للوعد مركب
وللمركب بحر وامواج
وهاج الشوق..فينا هاج
وجدفنا بأغانينا
واخذنا برحلة ه اللقا
حلم تثرثر به امانينا
رسمنا كل هالدنيا حوالينا
.
.
ونسينا نرسم المينا!!
على طاري الفراق اللي كتبته عنك بأشعاري؟!
وش اخباري؟!
الين اليوم تتخيل لقانا كيف؟!
انا رتبت كل اللي بقول وكيف ..
جلست احسب سنيني
م بين الشوق والذكرى
وراحت الذكرى مع ذكري
.
.
.
وما بقى بكرى
!!
صحيح ..
صحيح تشبه له كثير
اللي انتظرته هالعمر ..
أنه يمر ..
واعطيه من عمري ..
عمر ..
صحيح تشبه له كثير
صوتك ..
كلامك ..
ضحكتك ..
لبسك ..
دلالك ..
دمعتك ..
حتى الزعل ..
حتى الرضى والأبتسام
حتى السوالف والكلام
ايه اعترف ..
صحيح تشبه له كثير
لكن به شي مختلف !!!
لي جيت أضمك ..
ما
أرتجف !!!
حاولت ..
حاولت احبك واعشقك !!
حاولت !!
لكن ما قدرت !!
ماهو على كيفي احب
ولاهو على كيفك تحب
وما هو غصب ..
انك تكون اللي ابيه ..
واللي انتظرته و احتريه
اللي ابيه ..
انسان غير !!
صحيح تشبه له كثير
ايه اعترف
لكن به شي مختلف ..
لي جيت اضمك ..!!
ما ..
أرتجف !!
