الله يخليكم ابي مشورتكم رجاااااءا لاتبخلون علي

  • بواسطة
[بنات بليز ابي مشورتكم

انا مملكه وخطيبي مايدق علي يقولي مااحس اني استانس بالاتصال وانا مره استانس باتصاله ورسايله جدا نادره يقولي مابي اقولك كلام حلو موطالع من قلبي مابي اجاملك طيب يعني الكلمه الطيبه صارت مجامله سبحان الله يوم اناقشه يزعل مني يبي كلامه هو الصح وانا والله العظيم امر بفراغ عاطفي محد عالم فيه الا الله اهلي قاسيين اتوقعت الاقي من زوجي كلام حلو بالقطاره يرسل يمكن بالشهر مره ويكلمني كل اسبوعين مره ولا يديني مصروف حرمان مادي وعاطفي رغم اني احبه ومره متعلقه فيه وهو مو حاس فيني تعبت صراحه ليل نهار افكرفيه وهو مستانس وعايش اللحظه

ساعدوني الله يسعدكم ايش مشورتكم لي لعلها تريحني حبايبي

آممم ~

صآرحيةة قولي لةة وش جآك مني عشآن تسوي فيني كيذآ ؟ ؟

قوليلةة انا احبك وانت تجاوبني بكل [ برود ] مآ آبغى اجاملك ~

مآدآم حنآ تونآ مخطوبين يعني ما انتقلنا للمرحلةة [ الثآنيةة ] تسوي فيني كيذآ , مآنت مجبور تحبني ؟ ؟

وإذا هو مايبي يقول لك كلآم حلو , إنتي قوليلةة ولو مجاملةة ع قولتةة ~

~

ربي يسعدك ~

مشكوره ع مرورك الله يسعدك يارب صارحته بعد مانفع صرت يوميا ارسله رسايل حلوه ادقه يعني حتى انت ارسلي مايرد ع رسايلي فقع قلبي يقولي مابي اجاملك ابي الكلمه تطلع من قلبي اقوله الكلمه الطيبه صارت مجامله انا اعرف الكلمه الطيبه صدقه حاولت وحاولت لاكن مافي فايده ع فكره انا متملكه
عيشي لحظتك انتي بعد اختي

وان شاءالله ممكن فترة بس وراح يعرف ويقدركل الأشياءالي انتي تقدمينها

يعني لاتشغلين نفسك في اشياءممكن الوقت يحلهابأذن الله

حبيبتي شوفي اذا دق اساليه ليش كيذا اسلوبه

نصيحه مني واسال مجرب ولاتسال طبيب
اللي نمشي وراه مايعطينا وجه واللي نتركه يجينا
يا اختي عيشي انتي بذاتك لا تتعلقين فاحد انا ما قول لاتحبينه حبيه بس لاتبينين له انك من دونه بتموتين
ترى الرجل يحب المره الثقيله وانتي الى الان ماتزوجتي بس ملكه الرسائل والكلام الحب بعد الزواج افضل
ع فكره اقراي عن الحياه الزوجيه ومو كل شي تقرينه تطبقينه حسب شخصيت زوجك اثقلي عليه وشوفي
وصدقيني كثر الاسئله بتبعده عنك ارضي بالقليل علشان تحصلين على الكثير
ولا تنسين قيام الليل واسالي الله ان يرضى عنك لان اذا رضى الله عنك راح تعيشين سعييييييده
بسراحه انا مع كلام حبيبتي آميره بلا قصر,,

من جد الرجال يحبون المراءه الثقيله,,,

حبيه هو حلالك بس عطيه بالقطاره,,ع شأن يحس,,

لآنو الواحد مايحس بالنعمه لين يفقدها وراح تشوفين,,

ولاتنسين ربك هو فراج الهم أدعيه وأستغفر,,

والله يكتبلك الخير,,

الله يكتبلكم الاجر يارب ويجزاكم الفردوس الاعلى امين يارب

صادقين والله لازم اثقل عليه واشتغل بذكر الله افضل من تفكيري فيه

نبهتوني ع شغله كنت ناسيتها الله يحفضكم دعاء الله انه يرضى عني
مشكورين ماقصرتوا الله لايحرمكم الاجر

دعواتي لكم

شوفي حياتي انا مثلك اتصاله قليييييل مره

وسمعت كلام اخواتي فالمدونة وخليته اسبوع بدون لاارسل

وفالأخير صار يركض وراي

سوي مثلي يالغاليه ومالك االا اللي يرضيك صدقيني

والله يوفقك ويوفقني ويوفق جميع بنات المسلمين

انا مع البنات لايحس انك راميه نفسك عليه
ربي ييسر أمرك بلغينا شيصير معك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.