النصيحة اللي تمنيتي أحد قايلها لك قبل تتزوجين

  • بواسطة

السلام عليكم ورحمة الله وبركاته

عارفين إن مجرد ما ينتشر ان فلانة انخطبت تبدا النصايح تجيها من كل حدب وصوب بطلب او بدون طلب

اثقلي اكشخي اطبخي تدلعي اهتمي باهله امه خواته وووووووووووووو الخ

لكن سبحان الله لما تدخل الوحده القفص وتعيش تجربتها تنتبه لاشياء كانت غافله عنها ولا احد نبهها
السؤال هنا
ماهي النصيحة اللي تمنيت أحد قايلها لك قبل الزواج او ماهي النصيحه اللي اخذتيها وكانت فاشله بكل المقاييس يالله ياحلوين المجال لكم

في امان الله

بسالك لو احد كان نصحكم بتسمع نصحيتوا طبعااا لالا..
..لو قالولك لالاتزوجين راح تقلبين الدنيا ليش ماتزوج .وقبل هذا ترى مقدر ..لو قالوا ان ام زوجك خلي علاقتك رسميه راح تشوفينهاا طيبه وراح تتغير وجهة نظرك وبعدين تطلع لا خبيثه وتندمين ..واذا قالوا شيليهاا بعيونك تحاولين ويالنهايه تنصدمين..حتى الزوج اذا قالوا عوديه على شئ احيانا صعبه الشخصيه تتخلف في ازواج سهل التعامل وفي ازواج صعب ..وحتى السلايف ..عني

النصائح اللي بقولهاا؟1- خلي كل عمل تسوينه خالص لوجه الله مه لغيره يعني احيانا تتقربين من السلايف او اخواته عشان خاطر زوجك صعبه لاتجاملين نفسك او تضغطي وخلي علاقتك حسب ماتكتشفين اذا كان اقاربك سهله بس هو اللي بعيد اللي تتعبين شوفي شخصيتهم اذا وقفوا معاك وقفات بصراحه يستاهلون التقدير والاحترام واذا لا تجنبيهم بس ادي الواجب ..

2-لاتدخلي باي شئ بين زوجك واهله سوى لهم شئ ودى اعطى لا تدخلين ساعد اخته ماديا باخوه اي احد مالك شغل هذوله اهله مالك حق تمنعينه لانك لو قلتي لا اول وديتهم اي شئ او ساعدتهم راح يعاند ويسوي نهايتهاا انتي الخسرانه واخاف تكسبين ذنب وهالنقطه ايجابيه احيانا لانه احيانا غيرة الام الولد يكون مقصر لو شافته ماتغيير عادي ..ولاتلومين غيره الام والله لو صرت ام تحسين يكفي انهاا امه..

3- اهلك اسرار اهلك ابدا لاتقوليلهاا لزوجك الخاصه لانهم اهلك مايبون احد يدري بالسالفه لاتقصري حقك باهلك خاصه امك وابوك اكسبي رضاءهما مه خلاص تزوجت لاتنسي هم سبب وجودك بالحياه وماحد يتمنى لك السعاده الاهم ويكفي رضاءهما من رضى الله وماتدرين يدومون بالحياه ولا لا..ولاتقولين لام زوجك لو كانت طيبه امي لاتخلي احد يستبدل هالاسم خالتي على عين وراسي ..اما الاشياء العاديه اللي ماتعتبراسرارخاصه لاهلك عادي شاريك زوجك فيهااحسيسي ان اهلك يعتبرونه منهم.

.
4-زوجك جنتك ونارك.. الله قال _وجعلنا بينكم موده ورحمه _لم يقل حب يعني الحب مه كل شئ اهم شئ الاحترام والتقدير وحسن العشره ..لاتهملين نفسك ابدا حافظي على نظافتك. الابتسامه تخلي كل صباح رايح الدوام ابيتسمي بوجه وكمان خالص لوجه الله وهوجائ يلقى الراحه والبيت نظيف ..لاتعاندينه واسكتي لاتكبري ابدا السالفه خلك عقلنيه في الامور هذه المخاصمات وعاطفيه في غرفه النوم والاشياء الثانيه ولابد من المشاكل بس الحرمه الحكميه الذكيه تحلهاا اذا تذكرت ان وراك جزاء وحساب وانه في قبرك ماحد يدخل الاانتي راح تتنازلين ..وتعرف انهاا مراح تسوى ..الاسرار الخاصه اصلا اللي بغرفه النوم ماتكون الا بينك وبينه اصلا ايش تستفدين لو قلتيها هذه اشياء استغرب اصلا اللي تبسط وتتجراء وتقولهاا لان مصير كل زوجين..اتركي عنك التوتر والقلق والخوف انه راح يسوي كذا وحتى التخيل امكن تقولي بالك اكيد راح عنده اخته يبى شئ مثلا سبحان الله طلع فعلا راح لاخته بس بيجيب شئ وتبدى عنك الاهواجيس يعني خلي عندك حسن الظن .. احنا الحريم عاطفيات مانمل قلبنا طول وقته فارغ نبى حب نبى كل شئ يشكرنا اذا اكل اكله لازم يمدحنا خلاص اذا شفيت راضي وعجبه اهم نبى بكثره جو الرومنسيات صعبه لانه يمل الزواج مه شهر طولت عمر ان شاءالله ا واملئ فراغك بشئ ينفعك دنيا واخره تركي الغيره لاتمنعيه من الخروج لاصحابه بالعكس حلو اللي يخرج يغير جو حتى انتي مع صحباتك او جيرانك بس مه معناته يهمل بيته لا كذا اكثر الرجال يملون يحسون الزواج ربطه وكذا مع الايام يتغير اذا كان من النوع الكتوم لاتضغطين واتززنين لا ..لاتميزي زوجك باي احد اتمنى زوجك زي فلانه لازم فيه السلبي والايجابي والله لو تنظرون مصيبة غيركم عايشين بهم زوجهاا يضرب يشمت وان طلع مدمن مخدرات وغيركذا الله يصبرهم ويفك همهم ..
قبل الزواج ماتدخلين بيتك الا عارفه تطبخين عارفه كيف ترتبين بيتك وكيف تتزين لزوجك والامور الثانيه وانصح كل وحده مقبله للزواج انصح تقرا الكتب تثقف نفسهاا…

تره الناس اجناس مه كلهم واحد ادخلي حياتك الزوجيه وبنفسك شوفي الرجال مه واحد اهل الزوج مه واحد زي اصابع اليد مه سوى وهذه من امور الغيب..وترى اهم شئ بالزوج الدين والاخلاق لانه هو المكمل للمراه وهذا حديث نبينا محمد عليه الصلاه والسلام..طولت عليكم بس حبيت اعطي راي…استغرالله العلي العظيم واتوب اليه..

اشكرك على تواجدك ومرورك العطر

وعلى النصائح القيمة

جزاك الله الف خير

ودمتي

تسلم يدك ملوكة

بعدني ماتزوجت .. لوقتها اجيكم ..

تم نقله للقسم الانسب ..

اسعدني تواجدك حبيبتي

والله يوفقك للخير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.