جاني واحد قال : بسأل كم سؤال
وقبل يسأل قلت : أنا ماني خبير !
قال: جاوب بس , يا ولد الحلال
وكل كلمه حطها .. بشطر صغير
قال نبدي : شنهو تعريف المحال..؟
قلت : خل هالكلمه ف الشطر الأخير ..!
القهر : إن شفت دمعات الرجال
والوطن : ( إنسان ) .. متغير كثير
والطفل : لعبه على شاطي الرمال
والأمل : إحساس في عين الضرير
الوفا : [ قلبين ] .. يجمعهم حلال
والرجل : اللي على أهله يغير
والرجا : لا قلت : للواطي تعال
والفشل : مدري .. ولكنه مرير
والشعر : في وقتنا .. بدر وطلال
زين وأول : حيل يعجبني جرير ..!
والغلا : إحساس إلى حد الخيال
والعشق : لا شفت معشوقك تطير
والجفا : إعكس مفاهيم / الوصال
والوصل : يعني تأكد فيك خير
والعقل : تسفه أقاويل الجهال
والجهل : إن قلت عن نفسك كبير
والخطر : لا صار ما عندك مجال
والبلا : إن صرت معدوم الضمير
والعجب : لا صرت تسأل منهو قال
والتعب : إن كنت تبحث عن مصير
الغنى : بالنفس ما هو راس مال
والفقر : من كان .. بأعماله فقير
يكفي يكفي .. أسئله إنهي الجدال
ويالله علمني عن .. السر الخطير
ما أبي تضرب لي في غيرك مثال
قول : عنك وإعتبر سرك في بير
جات طعنه من جنوبك والشمال
يعني وضعك بين من حولك خطير
صاحبي وإن ضاقت بعينك ليال
لك فرشت القلب مفروش الحرير
في [ بلاد الحلم ].. ممنوع العقال
والمصيبه الشعب ما إختار الأمير
وما ألومك .. كان شديت الرحال
دام بيتك جرح / وفراشك حصير
هذا تعريفي إلى كلمة : محال
شيء ودك فيه ولا يمكن يصير ..!
من قصائد احمد الصانع ..
والوطن : ( إنسان ) .. متغير كثير
والطفل : لعبه على شاطي الرمال
والأمل : إحساس في عين الضرير
الوفا : [ قلبين ] .. يجمعهم حلال
والرجل : اللي على أهله يغير
والرجا : لا قلت : للواطي تعال
والفشل : مدري .. ولكنه مرير
يقصر الكلام في طرحك الرائع
كلما اقول دام ابداعك وعطائك بلا حدود
أخوووي
نوووورت
يعطيك العاافيه عاالنقل الطيب
شاكره لحضورك المميز
والوصل : يعني تأكد فيك خير
والعقل : تسفه أقاويل الجهال
والجهل : إن قلت عن نفسك كبير
روووعه حبيبتي
شاكره..
تقبلي مروري غلاتي..
نورتي حبيبتي
