وأنا أتألم وأقول حسبي الله ومايدري ان قلبي انجرح
على باله بتمناله الخير وأقول الله يوفقك مع غيري
أي خير أتمناله مع الغير أنا مو ملك ولا أقل من غيري
أوهمتني بالخيره وتقول انها المصير أوهمتني و قلت مصيرك مصيري
والله مدري ايش اللي قاعد يصير والا هذا حظي وبطير مع طيري
ليه خليتني أتعلق فيك وليه تقول احنا لبعضنا
ليه تخليني أبكي عليك وليه تطفي شمعة حبنا
ليتك قلت عشان أعمل حسابي ليتك مت كان أهون من عذابي
أدري كل اللي صار من أسبابي أنا من طيبتي حطيتك بين أهدابي
ياخي كان قلت من البدايه كان قلت لحبنا أخير ونهايه
ليه عيشتني معك في روايه ليه أوهمتني وليه ألفت حكايه
يعني بالله ترضى تكون ظالم ترضى تجرح أغلى المشاعر
والا ماتفرق معك تجرح دايم وعادي عندك تكسر الخواطر
يالله كل شي قسمة و نصيب و أنا كنت أستخير الله فيك
وكنت أقول يا تصيب يا تخيب بس أنا اليوم ضعت من ايديك
كلمات
الشاعر علي
السموحه والله من كل قلبي بس كنت مريض وايد والحين الحمدلله بخير بفضل الله وش اخباركم والله لكم وحشه يااهلي ورابعي اخوك الشاعر علي
قصيدة رائعة جد
تسلم يدينك
وننتظر جديدك
يتواضع قلمي بين أناملك …
ليخط لك بحروف الإعجاب …
ويكتب لك بكلمات التعبير….
ويرسم لك فراشات الشوق …
تحلق فوق أزهار حروفك …
أيها الإنسان المبحر ….
لقد أعجزت يدي أن تلحق بك …
أو تكتب لك أو تدون حرفا ….
بقيت في حيرة وأنا أنظر …
إلى حروفك وهي تتجلىء أمام ناظري …
تحياتي
حرام الورد ينداس
كلماتك رائعه .. بل قمة الروعه أيها المتألق
تقبل مروري والله يسعدك
والحمد لله على سلامتك