ياهجوسي ورديني بالهوى حوض المنيه
نوخي ذود الهموم العوب في عوج المحاني
واسهجي فكري على القيفان يم ارض خليه
العوض في مسامر القمرا ولا قطعة زماني
ماوطيت النار من طوعي مادام النار حيه
لعنبو حظي يطيع ومير هالمره عصاني
كل ماجيت اشتكي همي كواني ألف كيه
ولاهجد لارحم أبو مجناه عود ثم كواني
البليه ياعرب والله ماغيره بليه
أن تركته ماتركني .. وان رجيته مارجاني
ياعرب وشهي سوات اللي عشق بنت بدويه
حطت النيشان في صدري وبارقها رماني
لا ربت يم الحجاز .. ولا وطت نجد العذيه
لاسكنت أرض الجنوب .. ولا نصت درب العماني
حايليه لعنبو من لا عشق له حايليه
أشهد ان دنياي زانت عقب ماخلي نصاني
صوتها لامن دعاني كن جوفي به حميه
يفزع بنبض العروق أليا سمع خلي دعاني
عينها القايد وانا كلي لها مثل السريه
ان رفع بالصوت ياجندي ألبي بأمتناني
وان وصلته اجمع الرجلين وادق التحيه
وان لحظني برمش عينه أنحدر باقي كياني
كن مابيني وبين الزين قوه جاذبيه
حالف قلبي على طاريه مايوم يعصاني
شامخه مثل الجبال و زينها ماشفت زيه
مايوصفها قصيد .. ولابيوت .. ولا اغاني
وعزها عز الشيوخ اللي على الشيمه وفيه
وخصرها لامن تثنى شبه عود الخيزراني
شعرها مثل السفايف لا اعتلت ظهر المطيه
منه ريح العود ينفح لا وصلني ثم غشاني
منبهر .. ياقوة الله في تواصيف البنيه
لو بعدد بالوصايف طول عمري مامداني
طالبك يالله يارحمن ياجزل العطيه
أتغفر للمودماني عن خطايا المودماني
منقووول
والله يغفر للمودماني انشالله
عزالله قصيده جزله
ماقصرت
يالذيب
ويسلموو عاالنقل الجميل
تحيااتي
مزون شمر
الف شكر لكم على المرور
وصحت يدك
وقوى يمانك
أنا على حطت إيدك ماتغيرت..
بس أنت قلي عن سبايب غيابك..؟
((نسيتني))
والحين يعني تذكرت..؟
ولا الهوى من دون تدري مشى بك..؟
أعاتبك من كثر ماني لك أشتقت.."
وبعد العتب..
من كل قلبي…"
××"هلابك"××
معاند
الفيحااااء
الف مليوووون شكر لكم على المرور
اتمنى لك المزيد من التميز و الابداع
تقبلي فائق تقديري و احترامي