وهمهم هلا واستبشر وفتح اوراقه
وغنى حمام الحب لك يا الغلا طاروق
وقدم على صوت الحدا للحلا باقه
يا قمرية العاشق يا كل الغنج والذوق
يا فجر السعاده وابتسامته واشراقه
ياروح المحب ويا غلا العاشق المعشوق
يانسمة ربيع لواحة اشواق براقه
تطلين مثل النور يا المترفه وتروق
عيون المحبه وابتسامتك منساقه
مثيل المطر يحيي يباس الشجر ويسوق
معه بشريات الخير والجود باعماقه
اشوف الاماكن في غيابك وطن محروق
علته الكابه والحزن ضيق احداقه
واذا جيت تزهر بك بلاد الوله وتفوق
من اسباتها وتقوم بالحب خفاقه
واناظر بلهفه في عيونك واقل ملحوق
على الوصل واخشى لوعة الحب وافراقه
دخلت ابعوالم غير واصبحت داخل طوق
صناعته من نسجك والافكار خلاقه
بغيت اندهك قلتي صهن يا رفيع الذوق
تراني مجرد طيف للحب واشواقه
تراني حكاية حب في داخلك مخنوق
هو الداء وانا طب حبك وترياقه
رحلتي كأنك لم تكوني وصرت اتوق
للقياك او للعتق من نظرة اشفاقه
القصيدة للشاعر عالي المالكي
ويعطيك العافيه عالنقل