تخطى إلى المحتوى

دمع تحدر فوق الاوجان دفاق

  • بواسطة
  • 4 فبراير، 2022
دمع تحدر فوق الاوجان دفاق
…………… جاراه حبر فوق الاوراق رايق

حبري ودمعي فالهوا صارن ارفاق
………… وكلن على كيفه يصوغ الحقايق

الدمع وضح ماكتمته فالاعماق
……….في ضامري وسط الضلوع الغلايق

صبرت واخفيت المحبه والاشواق
……………لين ان نار الحب صارت حرايق

ولولا ضلوعي ضبت القلب باوثاق
……………….والا تمزع ماتفيد العلايق

والحبر صاغ الفكر في بيض الاوراق
………تصريف هجس اللي به الفكر ضايق

لي هاجس عاشق وللشعر يشتاق
…………يلهيه نظم الشعر ضايق ورايق

ولي صاحب يسوى طويلات الاعناق
……….وفي خاطري تفداه كل الخلايق

دايم على وصله معذب ومشتاق
………وياما على شانه حسبت الدقايق

عهد المحبه حافظينه بميثاق
…………مادام روحي مالفت للترايق

واقسمت له باللي كفل كل الارزاق
………..اني على حبه اصون الوثايق

وعقب الغلا والوجد ومزوح عشاق
………..جار الزمان وصار بعض العوايق

وحل الفراق وصحت ياشين الافراق
………..والقلب للهجران ماهوب طايق

ولو صحت لو ناديت والقلب خفاق
……..لو قلت انا المسروق والعشق بايق

حكمه وصارت للمحبين طوراق
……….وقول السديري فالدواوين فايق

(ياليت ربي ماخلق حب وفراق )
…………ليه الهواوي لا سمعها تضايق ؟؟

عيونها حزينه

منقوووووول

قصيدة جميله يسلموو عاالنقل

ارجو منك التقيد بقوانين القسم
وكتابة مصدر القصيدة او منقوول

ماعاش من يطعن قلبك بسهامه يالغاليه الجيرياالجيريا تحياتي لك ،،،،
يسلموووووو

على هالنقل الرائع

وحل الفراق وصحت ياشين الافراق
………..والقلب للهجران ماهوب طايق

صح لسان قايله

وسلمت يمين ناقلتها

ابيات قمه في الروعه والذووق

فهذا يدل على ذوقك الراقي

في انتظار جديدك وابداعاتك في الكتابه او النقل

قصيده في قمة الرووعه
صح الساان قاايلها وسلمت يمين نااقلها
يعطيك العاااافيه عيوونها

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.