… خلف بن هذال العتيبي رتبة (( فريق ))
… يسرني و نيابة عن قبيلة عتيبه كافه .. أن أبارك له بهذه القصيده المتواضعه
من فرحة الشعب السعودي للفرح عندي حضور
الفرحه اللي عشت فيها .. شفتها و أوحيتها
كنه ندا .. صوت وصدى .. لأبعد مدى .. هذا السرور
والفرحه (إ)لها ليت أزريت آصل أقصى ليتها
كل يبارك يا خلف عن لابته بأصدق شعور
مباركات جيت أبحصيها عدد / ما أحصيتها
بالترقيه / وأيضا الثقه / من قادة الشعب الوقور
القمه (إ)لها بيت و آل سعود جو في بيتها
حكامنا وسط القلوب / من المهاد إلى القبور
الله يبقي حيها / والله يرحم ميتها
عيال من وحد وطنا بالعدل وألغى الشرور
العين تشهد فعلهم من وين ما لديتها
إليا نخونا ثارت الخيل وبنادقنا تثور
نشرب فناجيل العدا اللي ليتها أقفت ليتها
وأنا عن اللي فعلهم تعجز توصفه السطور
جبت الفريده / والقصيده / من غلا غنيتها
عن ربعي عتيبه هل الوقفات من ماض العصور
هيلا مهيله / لو أبمدحها عمر ما أوفيتها
نبعث تباريك الغلا / لك خص / بالصوت الجهور
وش فايدة مضمون تبريكاتنا لا أخفيتها
هذا بعض مما نكنه من غلا وسط الصدور
يا اللي تنومس مملكتك أرضيتنا وأرضيتها
وبه كلمة يشهد بها غيري / وأنا ما أقول زور
وإن كانها زله تراني يا خلف زليتها
لا والله إلا يا خلف شاعر وطن وافي شبور
تشهد لك أبيات على شان الوطن عديتها
شاعر وطن .. لا لم ولن .. ياتي مثيلك / للنشور
قصيدتك / كل يفكر كيف تبني بيتها
فالحرب شاعر / فالرخا شاعر / ولا فيهم قصور
شعارنا لو كان فالأبيات ما خصيتها
… الشاعر / ماجد بن هلال …
الشاعر خلف بن هذال شاعر غني عن التعريف
يستاهل كل خير
والف مبروك له على الرتبه
وصح لسان الشاعر وتسلم يمين الناقل
ولاهانوا الاثنين
على الابيات الاكثر من رائعه
يعطيكم
العافيه
واشكركم
على
المرور
الجميل
اخوكم الروقي
ويستااهل الفريق خلف بن هذاال
والنعم فيك وفي عتيبه وفي كل القبائل
ويعطيك العااااافيه يالرووقي
زود
والله
يعافيك
اخوك
الروقي
