هذي القصيدة إهداء لكل طامع بمال المرأة
وأتكلم في بدايتها على لسانه
وأقول :
حافزية والجمال الله عطاها
راحة بالبال والخاطر تهله
كل شهر يزيد في قلبي غلاها
بالخصوص الثلث الاول ما أمله
قمت اهوجس بين ربعي في هواها
حافزية تأسر الخاطر تشله
كل طير حام ما استوطن سماها
الطيور اشكال والشكوى مذله
قبل شهر ماحدا دور رضاها
مادروا عن طرف للعاشق تسله
طامع بألفين من شيخ عطاها
مايتوانى في العطايا وما يمله
انا حبي الحافزية وفي رضاها
كل غالي نرخصه واللول حله
لين ما اقبض في يدي رزق بغاها
اصرفه وامشي بدرب ماتدله
مايهز القلب تنهيد وبكاها
كل همي مالها ياناس كله
مستوي عندي غضبها مع رضاها
كلها عامين والفاتن نمله
لاقريت أبيات افهم مبتغاها
حافزية رزق من رب نجله
مثلها كنز على المهدا نراها
حقها ناكله والباقي نشله
أبلة التعليم يالبى هواها
ترفع الكفين للمولى وتقله
ياعظيم الشان ياخالق سماها
أرزق الانسان والطامع تذله
أبعد الحساد عن درب تطاها
وبمالها تبقى سعيدة مستقله
تعطي اللي ودها بكامل رضاها
وتشكر الوهاب معبود تجله
بقلمي /أوراق الخريف
[/SIZE]
اوراق الخريف
صح لسانك على القصيده الباذخه والرائعه
امميزة بطروحاتك وعذوبتها وطرقها
يسعدني ان اكون من اول من يرد عليك
أأعجبني كذا بيت وكذا معنى
لكن اعجبني اكثر:…
ياعظيم الشان ياخالق سماها
أرزق الانسان والطامع تذله
أبعد الحساد عن درب تطاها
وبمالها تبقى سعيدة مستقله
تستحقي التقييم والاشاده
طير القوافي
الله يحفظتس يآرب..
تقبلي مروري..
دمت بود..
كل غالي نرخصه واللول حله
لين ما اقبض في يدي رزق بغاها
اصرفه وامشي بدرب ماتدله
اشهد بالله انك تغرفين من بحر
ادامك الله وحفظك
عن جد ابدعتتي يالغلآآآ صصصصح لسآآنك
ههههه شكلك حافزيهه عشان كيذآآ كتبتي هالابيات ,,
لا خلاا ولا عدمم من ابداعاتكككك ي ذووووق ,,
ابيات في غاية الجمال
بس حسيت ان فيها مجاراة لفيصل العدواني)
قمت اهوجس بين ربعي في هواها
يشبه بيت فيصل
كنت اهوجس في غلاها هالادميه
وكثير ابيات
صح لسانك
ترفع الكفين للمولى وتقله
ياعظيم الشان ياخالق سماها
أرزق الانسان والطامع تذله
أبعد الحساد عن درب تطاها
وبمالها تبقى سعيدة مستقله
تعطي اللي ودها بكامل رضاها
وتشكر الوهاب معبود تجله
وأعيدها دائما
قلمك فاخر ويحتاج المتابعه
حفظك المولى
صح لساانك وطااب فااالك
تقبلي خااالص ودي و تقديري.