تخطى إلى المحتوى

لو أقول إني بكيتك تصدقين

مس[الورد][والفل ][والياسمين][ودهن العود][الجوري ]اء

لو أقول إني بكيتك …. تصدقين

ولو أقول الدمعة أحرقتني … بتصدقين

ليتك تحسي بدمعتي … ليتك تجين

وليتك بيدك دمعتي على خدي تمسحين

وابيك بنارها فيني لحظة تحسين وتشعرين

تدرين … عادي لو تنزل الدمعة وحنا راضيين
كنك تقول لعيونك ابي امحي أحزاني بدمعتين

أو لحظة فرح ونبيكي يادمعة تعبرين

ويختلف إحساسها وهي تنزل غصب من العين

إحساس مؤلم كن روحك داخلك تنقسم نصين

وكل العيون تناظر لحظة الدمعة تخون العين

أو كن عينك جرحها ينزف ودمعها السكين

وتذكرين يوم أقول إنك لدمعتي تشبهين

اثنينكم غالين عندي واثنينكم في العين

اليوم اقولك آسف انا ترى لدمعتي ماتشبهين
دمعتي خانت عيوني وإنتي لا حشا ماتخونين

ودمعتي لا منها أهجرت عيني ماترجعها اليدين

وإنتي يمكن رحلتي بس يكفيني آمل إنك ترجعين
وتصدقين من رحلتي وكل شي حولي منظره مؤلم حزين

ذاك الورد اللي يشبهك أو كان ما عاده الحين

ماتت أوراقه عطش وهي تنطر إنك ترجعين
ودفترى اللي كتبت اسمك على أول أوراقه تذكرين

واللي كتبتك داخله طفلة وتعطي دروس العاشقين

كانت حروفه تغني والسطور أوتار وانتي تعزفين

واليوم تشبه أوراقه ضلوعي الحزن فيها سجين

والقصايد بيوتها باتت خاوية ماتت معانيها من الحنين

وصارت حروفها من كثر دمعي ناقصين

تخيلي حالتي عقبك بالله ابيكي تتخيلين

ترى ابعد كثيرمن التصور لو تجمعين وتطرحين

قمت أهوجس بك من أول الصبح لحزة ترقدين

وقمت انطق اسمك بين اسامي الحاضرين

صارت عيوني مرآية لصورتك وين ما اطالع تطلعين

صار كل صوت في مسمعي لصوتك رنين

كل من عرفني حس بحالتي وإنتي ولا تحسين

كل شي بدنيتي صار محصور بنقطتين

ليه رحلتي …… وليه انا بعدك حزين

حالتي من رحلتي نص ميت ونص محسوب من العايشين

ولو أقلك شي خوفي إنك ماتصدقين

صرتي إنتي … والسهر … والنوم ضدي متحالفين

لا جيت أغمض عيوني بنام … تصحين

وداخل ضلوعي بأعلى صوتك تصرخين

وافتح عيوني على عيونك العين بالعين

مدري حقيقة أو وهم مدري وش تكونين

بس الحقيقة إنك في أوله ليلي تجين

اشكيك لك واسمعك داخلي تبكين

وأشوف بعيونك لي عتب ولا تحكين

واقول آسف وعلى بالي انك تسمعين

قولي انخبل قولي استخف قولي اللي تقولين

هذي الحقيقة وبس ابيكي تعرفين

حتى الأغاني من رحلتي رتمها صاير حزين

كل لحن بوسطها يسألني عنك ومتى بترجعين

وذيك الأغاني اللي أحفظها من سنين

ردت على بالي وقمت أغنيها وأعرف إنك تحفظين

غنيت أسافر عنك … ومعاي تسافرين
واصرخ وحشتيني … وأقول يمكن تسألين

واقلك غضت عيونك وانا ماغضت أبد لي عين

ودايم وانا اشكي عليك الحال يمكن لحالي تسمعين

وأبكيك لاقلت المسافر راح يا عيوني وش تحترين

ابكيك حرقة والم وابكيك شوق وحنين

وابكي على قلب انحرم وكل من حوله متهنيين

وابكي على حب انتهى قبل عنه تعرفين

وابكي الملاك اللي تركني لاحزاني سجين

وابكي وليتها دموعي ترد الغايبين

كان اطفي شموع عيني بكى بس انتي ترجعين

وسلامتكم

بس بغيت اعرف منقول او من كتاباتك
ع العموم مشكور يعطيك الف عافيه
كلمات غايه في الروعه
لاتحرمنا من جديدك

المشاركة الأصلية كتبت بواسطة معزوفه القمر

بس بغيت اعرف منقول او من كتاباتك
ع العموم مشكور يعطيك الف عافيه
كلمات غايه في الروعه
لاتحرمنا من جديدك

يسلموو على مرورك الشعر منقووول

يسلموووووووووو
الله يعطيييييييييييك آلف عآآآآفيه ..
الوسوم:

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.