على وين ما عاود الليل ظلاما يخطر عزيز ومقعدا واوهاما
يخطر عزيز وصوبا وتخطر اياما فى الزها منهوبا
على وين تخطر يابعيد الجوابا لنظار عادتن اتجى علتن
ويبقن ادموعي كاثرا بشبوبا تهلب ليالي مزن فى سيلتن
وناخذ شهر طايح وفي غيبوبا وكان نضت نبقا غير في دمعتن
دنيا قديمه ع الشقا منصوبا لنظار خلتن نكد حالتن
وفرحة الغاوى عندها ملعوبا كان طولت عامين ما وفتن
دنيا دعيه ما تقول اكذوبا زهيت زها واجد مع بكيتن
وراهو صحيح القول ع المكتوبا فوق الجبين اعيونا تقساما
على وين ما عاود الليل ظلاما يخطر عزيز ومقعدا واوهاما
…….قفل نقاله……
قفل نقاله
ويش السبب غالي تبدل حاله وين ما انكلمه يقفله نقاله
قفل ما كلم قيسا الغالي ف الجفا ايتعلم
ولا جاء خبر منا علينا سلم حتى امجامله مادزلي رساله
يحسابني انحس بغيبته انتألم ونبكي عليه بدمعتي سياله
متخصص اصواب وف الغرام امعلم سريب الغلا راهن اطوال احبالة
ونا لامر للعالي الحي امسلم عظيم قدرته بدل الكون أحواله
صفانا عكر ع الشاشة قرا رقمي علينا سكر
ناسي اوعوده لي مايذكر افعاله اليوم امخالفات اقواله
ساهر مع طيفه الليل انفكر وطول النهار وحالتي مي حاله
الله وعلم ركبني امراض السكر ونا العقل من غادي قديم ظلاله
ما ايريد ايرد ولا سنين عشرتنا الغالي عده
ننسى غلاه وغيته لابد عديم الوفا نجفاه مالي وماله
وعلى رايهم ما حد خير من حد العيب والخطا مانا الهن حماله
وارثين العصر من قبل جد الجد اليوم وسوقنا عامر بلا دلالة
ما ايرد علينا وهو قبل كل ساعه ايكلم فينا
متبدل عزيز ماعاد شي يبينا عايش هني رايق وفاضي باله
ونحنا زاد نبو غلاه انسينا بلاه نحملو مانا عليه زعاله
……سامحت واجد….
سامحت واجد
يكفى خلاص اعذار كثرن اعيوبك ياعزيز اكبار
سامحت واجد
خلاص اعذارك كملن القيت الشوك في نوارك
خذنك مظاهر لافتات انظارك تمت حياتك غامضة واسرار
برد وسلام اليوم عندى نارك افعالك السود امطفيات النار
لاعاد انريدك لا انجى في اصدارك لا نريد منك نمسكه تذكار
ولا عاد انريد اندور فيه مدارك في فلك غيرك انشوف مسار
جنك افكار امغيرات افكارك وراهن مشيت ورحت في تيار
كل يوم على الخطا تما يزيد اصرارك وتزيد في الخطاوى بينا بامتار
ما عاد عندك بيش كملن اعذارك غش وادوغيش
خاين وتكذب ماعرفتك ليش بروحك طريقك في الخطا تختار
حرة حياتك كيف تبى عيش عندك اهوايا لعبتك بالنار
بى قلم شهاب الروح….
مع كامل حبى وتقديرى… وارجو ان انكون عضو خفيف الظل على الجميع
وارجو ان اجد مكان بينكم وانكزن عند حسن ظن الجميع….. وشكرا مع امتنانى …… شهاب الروح
وصح الساانك وعلاشاانك
وحياك الله في عبير المحبه
وبأنتظارجديدك القاادم
