~مواقف مضحكة ~

  • بواسطة
~ هلاا اليوم جايبةة لكم مواقف من نظرةة الشرعيةة وحجات تسعدكم وتونسكم ~ ويلي بعد حاب يضيف موقف صار معاه فكرةة حلوةة !! ~
~ ترا المواقف كلها حقيقة يعني مب خيال وانا بنفسي مجمعتهم لكم ~

~ استغفر الله ~
~ الحمد الله ~
~ الله اكبر ~
الموقف الأول :موقفي بس مو في النظره الشرعيه لان ماعندنا ههههه انا تزوجت ولد عمي لانه يحبني من الطفوله مع انه مايعرف شكلي بعد ماكبرت الزبده اني ماشفته غير في الزواج وقت التصوير وانا طبعي جرئيه وخبله ههههههههه المهم انه دخل وهو ساكت وقت التصوير كانت المصوره تطلب انه يسوي حركات جريئه والمصوره مصريه وتبغاني نسوي اشياء مدري كيف وكذا وهو كان منحرج وراح يخاصمها ويقولها ماله داعي وكذا عاد انا وش سويت قمت وقرصته وقلت لاتكلمها يمكن تسحرنا والا شي وتروع وسكت ونفذ طلباتها وهو ينتفض عاد انا مدري وش احس فيه اول مرا اشوفه وع طول قرصته ي فضحي منه بس ههههههههههههه وثاني شي بعد مارحنا الفندق كان يبغی يساعدني بينزل البلاوي الي في شعري ودفيته عني خايفه لايشوف الحشوه الي كبر المركی وقلت اطلع لاخلصت اناديك وطلع وتزينت وخلصت واروح بناديه الا والقاه في سابع نووومه وانا اعصب اقول وش هالحركات ماله داعي عاد انا كان في ذيك الحظه ابغی اجلس معه واتعرف عليه ورحت وقفت بعيد شوي عنه وقلت بسبسبسبس لين قام ياربي ودي اذبح نفسي مدري وش احس فيه الموهم وقعدنا وسولفنا لين الساعه 9 الصباح وبعدين نمنا وللحين يقولي مارحمتيني وانا نايم ههههههههه دعواتكم لي بالذريه الصالحه صارلي سبع سنين متزوجه

في يوم العقد ، قالو لي المعرس بكمل من عند الرجال وبجي علطول يشوفج ، طبعا مشاعري المفروض تكون مثل مشاعر كل وحده ، بس انا ماكنت حزتها صراحه احس بشي مشاعري مثلجه وجامده مادري بالضبط شكنت احس فيه ،، يوم وصل غطوني بمشمر اخضر علشان يجي هو يشيله ويبوسني ع راسي كان ف الصاله بس اهلي واهله الحمدلله عاد انا مادري شصادني من دخل من الباب ماشافو الا وحده من تحت المشمر تضحكك بصوت عالي ، مادري شصااادني مشاعري معوقه ،، كلما ابي اسكت روحي مو قادره وهم يضحكون علي حتى اهو مسكين من الفشله ويوم سمع ضحكي بدال مايرفع المشمر ويبوسني ع راسي قعد يمي وسكت عباله استخفيت هههههههه ويقوم الضحك عليه وللحين مادري شصادني الصراحه حسيت من قلب ان مشاعري معوقه زين ماكنسل الرجال

هاذي القصه حصلت لخالتي طبعا هي معلمة انجليزي وكانت دلوعة اهلها مره ورفضت كثير المهم تقدم لها ولد خالها كان يموت وياخذها وهي رافضه ما تبي تتزوج بس اهلها ضغطو عليها وافقت طبعا يوم جا يوم الشوفه هو عارفها انها حلوه وكشخه وتهتم بنفسها قامت دخلت لابسه تنورة اسود وبلوزة اسود ونظارة حوافها اسود وطرحه مع ان مو اجباري عندنا تلبس طرحه وقعدت شوي وطلعت ووافق وتمت الملكه على خير واللحين صار لهم 10 سنوات متزوجين وعندهم بنوته والى الان يذكرها بالتنورة والبلوزة والطرحه والنظارة اهم شي

مرحبا بحكي عن نظرتي الشرعيه وزواجي طبعا انا شوفتي غير ومختلفه ومضحكه بنفس الوقت ونهايتها محزنه كنت بثالث ثانوي وانخطبت وتمت الموافقه وكان يوم دوامات داومت الصباح وناسيه ان عندي شوفه بالليل وانا بعادتي عاقله مالي بالهبال بالمدرسه لكن قدر الله ذاك اليوم العب بالكرسي اللي قدام طاولتي ويطيح علي الكرسي ورجلي تعورن ويتصلون على ابوي وياخذني رحنا لطبيب وطلعت الامور بسيطه وجا الوقت الموعد اللي المحروس بيشوفني فيه تجهزت ولبست تنوره وببلوزه وجا هو القبيله اللي معه للحين مدري وش يبون دخلت معي اخوي وسلمت وجلست بجنبه والرجال قام يبي يحبني مستوعبين اول مرا اششوفه وقام يبي يسلم ويمطقني هجيت عنه وجلست يم اخوي وبدا يسال الجرئي واخذ راحته بزياده ويقومون ويخلونا مع بعض وقمت وراهم وسحبت عليه وادخل غريفتي والا الباب يدق اطلعي ماشافك زين كل ذا وماشافني زين دخلت من جديد ويبدا الاخ يسال ومصخها بجد وقال انا موافق وكنت اخر سنه ورفض ياجل الزواج ييبيه بعد ششهرين وهوش ومهاوش لما صار اللي يبيه ونهاية القصه اننا تزوجنا وماجلست عنده الا شهرين وتطلقت الله يسامح من كان السبب ودعواتكم لي وله

~~ تبغون اكمل يلي يبغا مواقف زي كذا يكتب كملي !!~~ وراح اكمل انشالله

……
كملي فديتس 😡
كملي بليز
ينقل للأنسب…

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.