انطق الآهات واعجز صدها
تايهه بين المشاعر والشعور
بين اياما تخفي سمها
عفت عمري والليالي والشهور
يا بلاها يا مقادير المها
شفتها الدنيا على راسي تدور
اسأل احلامي ادور وينها
ما هقيت ان الآسا مني يثور
ياخذ احبابي ويتركني لها
افتقدت الاب مني ضاع نور
وش تسوي من تفارقها امها
افتقدت الاهل والاخ الغيور
وش تسوي من غدرها عمها
ليتها كانت من اصحاب القبور
ليتها كانت مع كل اهلها
اياه يا الغدار تغدر بالزهور
ترفض العزه وترضى بيعها
لا تبرر لي ترى منت بعذور
انت اسباب المآسي كلها
لو براكيني وزلزالي يثور
كان ما الدنيا حمتك بضلها
آه انا ونيت من دنيا القهور
مستحيل انسى او اجهل ظلمها
خطوتي في الخوف امشيها حذور
في طريقا ما عرفت اهوالها
انت يا الي كان من ضمن الحضور
المها طنتك شيئ بعقلها
طيبتي خلتني امنحك الشعور
ما هقيت انك تبا غدر المها
لا تظن انك بغدرانك فخور
او تقول البنت تنسى ثارها
كبريائي با يطالك والغرور
وانتقام البنت يصبح يومها
لا تقول اشلون تفصيل الامور
اقسم اني من يذيقك سمها
لي مخالب كالسباع وكالنمور
وانت تعرف يوم تمضي حكمها
يوم تصبح لي عشا ولا سحور
المراره من يدي لك طعمها
بنتقم منك ولو مرت دهور
منك اخذ حقي ولختي حقها
المها جنحانها مثل الصقور
با تصيدك دامك انته همها
باتشوف الود في عيني شرور
غير موتك المها ما ودها
قصتي ماتنتهي عبر العصور
دام ساره في حياتي همها
خيتي يا بعد عمري والسرور
دعوتي تشفا الجراح واضمها
لك هديه كل باقات الزهور
دامك انتي يا الحبيبه شمها
سامحيني واعذري كل القصور
يالغلا يا نور عينين المها
والنشاما من لهم قلبي شكور
ما تخلو عن مها في يومها
بلغيهم يا الحمايم والطيور
الاماني سلميهم رسمها
زادهم ربي لنا بهجه ونور
والحياه الي تطول اعوام
وانصحكم يبنات ان تبعدو عن الشباب ولا تصدقون اى
شئ منهم ليس ورائهم غير الذنوب
ملاحضه / ليس كلهم ولاكن الاغلبيه
اشكركم من كل قلبي وتحياتي لكم
فرصه سعيده
مع السلامه
وفيك الخير أختي الكريمه
ولكن الشات لايناسب عقليتك فهو أصغر منها والانسان دائما يرتقي الى الاعلى
ويطالع الثريا وليس الثرى…
قصيدتك رائعه وأنتي أروع منها لانك كاتبتها والاحساس هذا لايكون الامن مبدع
الى هنا وكفا
فقد عجزت عن الوفا
وسداد دين اللطفاء
لك شكري مضاعفا
بمرورك يزداد حرفي شرفا
لك تحياتي هديه والسلام مضاعفا
مهما كنت تعني بكلامك عادي يالغالى ولاكن انا قلت البعض
انا قصتي بالقصيده كتبتهاا من المشاكل والعذاب الى واجهته
يتيمه نعم ولاكن الله معي اتمنى للجميع التوفيق
وتحياتي واحترامي
يعطيك العاافيه
والله يحفظك
دمت بووود