هذي قصيده أب في ابنته :
يابنت يكفي دخيلك لاتبوسيني
خلاص يكفي ترى مليت مشكورة
وش لك بخدي يابنت الناس فكيني
عندي طريقة وهي ماهيب محظورة
نامي على صدر ابوك وحيل ضميني
لو تصبح عظام صدري منك مكسورة
انتي أساسا مكانك في شراييني
مشاركة بالمحبة والغلا "نورة"
ولاهي غريبة على مثلك تحبيني
لاني أحبك وانادي دوم عصفورة
يابلسم جروح ابوك وفرحة سنيني
يامن لها بالضلوع وخافقي صورة
أهديت غيرك كلام رويشد "اعفيني"
وانتي لك بذمتي "درة وبلورة"
اموت في ضحكتك وانتي ذبحتيني
بلشة عنيدة وكتكوتة وشطورة
أن جيت اريح وانام الليل توذيني
متسلطنة تضرب الجدران بالكورة
تلعب على عيني الكورة توريني
والله ولا سامي الجابر وجمهورة
واليا بكت تنقلب عندي موازيني
دنياي من دمعها وأن سال مذعورة
كن الزلازل بصدري والبراكيني
قامت تفجر وكن الروح مخطورة
واليا ضحكت قلت أنا بالسوق بيعيني
لو كان سعري ثلاث ريال معذورة
والله ما أحسد على ضحكك سلاطيني
اموالهم في بنوك جنيف محشورة
انتي حياتي وعمري شمعة سنيني
ودي اشوفك إليا شيبت دكتورة .
ادواي لاجيت لك تعباااان ضميني
الوصفة اللي ترد الروح "عبورة"
آه ياقلبي وش كثر حبيت…………شخص عزيز مايعرف غلاته.
قوله ياقلبي ليه دقيت..؟………نبضاتك كلها تقول ياحلاته.
انسان غالي وبالقلب انحطيت……….عزيز على قلبي وعلى دقاتة.
حبيبي لاتتركني تراني مليت……….تراني جربت الحب وسكراتة.
حبيت وعمري مانحبيت……….تألمت من الحب وجراحاتة.
ماحد قالي وش فيك وياليت……….أقدر أقول اللي بقلبي وآهاته.
جروح وآلام وآهات خليت……….بقلبي الموجوع وياكثر وجعاته.
حبيت ونسيت وبعد حبيت……….وخايفة قلبي ينجرح وفيها مماتة.
وإذا مات قلبي ماضنيت……….الاقي أحد يحيية من ذاته.
بكيت وتحسرت وأنيت……….ومن كثر الالم قلبي وقفت نبضاتة
وسلامتكم
أتمنى انه يعجبكم.