01- آلفهرس ..
02- تمهيد ..
03- ترحيب ..
04- مدخل ..
05- مقدمه ..
06- في الآعياد ..
07- في المطبخ ..
08- في البر والكشتات والموخيمآت ..
09- في الإمراآح ..
10- الخآتمه ( الزبده ) ..
تراي يقالي آبحمسكم حطيت فهرسه للموضوع !
02- تمهيد ..
وش هالقطاعه بكم .؟!
وين الناآس مبطينن عنكم !!
وآلله مالكم داآعي !
ولا واحد سأل عن وقاآل وينه فاآقدينه
كش مير
<< 
– تغد بهم قبل مايتعشون بك !
آمزح وآلله .. وربي إني اشتقت الكوم كلكم
تنبيه : اللي يقاله حار ولايحب يقرأ المواضيع الطواآل ينقز للرد رقم #10
بما إني راعية طويله كل واآحد يجيب له شيبس وببسي
آو يروق على فنجال قهوه آو استكانة شاهي
واللي عجل يروح ويجي بوقت أوسع ! لأن الموضوع يبي له ركاده وتركيز << – ولا درس فيزياء
على طاري فيزياء .. هذا الموضوع جاء بهالوقت ليخفف عليكم هم الدراسه !
<< – قولي قسم << 
– معقوله ! << – ماصلة <<- 
إخلصي
والآن مع الموضوع ->> 7 <<- صارت إذاعة سادس جيم
والآن مع الموضوع ->> 7 <<- ذا صدى آلله يهديه مهندسة الصوت مازبطته
والآن مع الموضوع ->> 7
والآن مع الموضوع ->> 7
03- ترحيب ..
يا خزياه .. المفروض بأول الموضوع رحبت بكم مير العذر والسموحه خبركم لآزم نمهد لكم الطريق ونبدأ على حبه حبه
السلام عليكم
وعليكم السلام << – هذا للي مارد علي حتى ما آفشل
ياهلا وآلله ومية مرحبا نوركم ياعيني طفى نور الكهربا
لكل من مر هونآ ()
ويهلا هوم هلا
~ تحلفون إنه تحلب عنز
04- مدخل ..
*
انخطف قلبي وأنا بوسط الزحاآم
شدني نورن و قلبي له وصل
عينه اليمنى تبادلني السلاآم
وعينه اليسرى أبادرها
الغزل
*
05- مقدمه ..
كلنا ياحلوين كانت بداية حياته طفوله .!!
يعني كولكم مريتوا على هالمرحلة << – آهوء أثركم بزاآرين من أول !!
من منكم لم يكن بزر .!؟ يعني معقوله به واحد طلع من بطن أمه وهو جذع مستحيل ! وش هالبطن اللي يبي يشيله .!؟
أو طالع من بطن مآمآته شنب ولآ عجوز .!؟ أو طلع وراح يطعس ويقحص بالموتر ولا تسآن بنت وبآالمطبخ .!؟
آها … حلو .. حلو ,, يعني تبين لنا إنكم كنتو بزارين وبزقات
آنتم معي هالحين .!؟ إيه سلكوا بس
آقولكم ( يا آللي بزقات من أول )
( يا ليل ماطولك وش ذا الموقدمه اللي بديت به وبلشت عجزت آنهيه )
ومع مرور الزمن وزقزقة العصافير كبر هذا البزر شوي وصار موراآهق واخشن صوته واخضر شنبه <<~ للشنبات
وكيرت البزرة وصآرت موراهقة
ونعم صوته وصآرت حلوة << ~ للبنوتاآت
وبعده تبدأ الحريم تتغطى عنه هالمخضر شنبه .. هو طاآر من الفرحه ! لأنه خلاص حس إنه صار رجال وكبير
بس سرعان ما ينزاح هذا الفرح ! لأنه يبي يحس بالمعاناة ويبي يذوق الألم
يعني كل ما جاء يدخل على حريم لازم يتنحنح ويرفع صوته ويقول ياولد .. بوه أحد
همن يقولون له إصبر به مرة عمك مامعه جلال .. عاد يقول بينه وبين نفسه ..
وشوله تتغطى وأنا حافضن شكله حفظ يوم هي تفتش لي ..!
بعدين يرص له ساعه ساعتين .. سنه .. سنتين
والبعض إلى هالحين راص من سنة نوح << – تسمع بالمبالغات لا أقنعه
المهم بعد طول انتظار وفقعت مراره وكبد وطحال يفضون له الدرب !
ويروح لحال سبيله .. <<~ احسنه معاآنآت يرحمون
يعني إذا صار ببيتنآ عزيمه .. ويبي غرض هالشنب من غرفته !
لازم يتمصلح مع بزقه مايسوى قرش .. وتزبط العلاقة معه ويعطيه حلاوه
وبعض الآحيان يكزه ويرجع خمس مراآت .. وكلهن يقول ما لقيت غرضه ! أو يسحب عليه هالخاآيس <<~ حآسة بهم
وتلقونه يقول ياحسافة الحلاوه والبوسه والسعابيل اللي طبعته على خدك <<-حتى السعابيل مانن بهن
………..
عاد البنت ياليل لآ صآرت توه متغطية وقسم أنواآع المعاناآة..]!
بصراحة أنواع البرآءة وهي متغطيبة تلقى الشعر طآلع على جنب ولآ الخشة بآينة .. والضحكة منشقة وطآلعة السنون من ورآ الغطآ
عاد العيال لآشآفوه بدوآ بالتطنز يقولون همانآ تو لآعبين معتس ..!
هذي وحدة من البناآت: تقول أول مآبديت بالغطآ آنواع الدباآشة لدرجة إني مررة أنآ كنت جآلسة مع عماآتي وكآن اثنين من عيال عمتي موجودين .. وبوه خواته معي يعني من البنات
تقول وأنآ جآلسة معهم إلا وأنقز ذيك النقزة تقل أحد بآخن بي ..!
وآروح ألعب بالمرجيحة وعلي الجلآل
وتقول وآنآ العب وإلآ عصايقيلي المزيونآت طآلعآت وعياآال العمة زدامي
هي يحول لآهية باللعب مآنتبهت .. تجي أمه تكزز احد أخوآنه الصغيرين
وقآله ترا امي تقول وحطبه غطي المساويك اللي أنتي مطلعتهن
تقول حسيت إن الخريطة حقت جمعية حقوق الإنساآن يدورنن من العآر !!
………………
وهذآ واحد من العياآل: توه جاي من السفر .. وداآيخ ما يشوف الأرض .. عين مسكره وعين مغمضه ومواصل له يومين وحاآلته حاآله على قول الشاعر (آوم آلحآ آ آ آ له )
يعني مايمديه يوصل السرير .. إلا هو طاآيح وبساآبع نومه ! وياآصل الحلم السبعطعش
ويوم دخل بيتهم والبيت مكتض بالحرمآ ! وهو على إن البيت مافيه أحد .. ورايح يرقى لغرفته يبي ينام
فتح باب الصاله وهو مطلدزن الآرض ومدرعم للدرج .. ويوم انتصف بوسط الصاآله و وش يشوف !
شاآف هالحريم المعزومات وهن يناظرن برعب وصاير كأنه المسرح وهن الجمهور
طار نومه وضاآعت علومه .. وصار مصحصح مثل الحصان !
وتنبط عيونه ويبدأ يقزقز بدون ماترمش عيونه عشان يستغل النظره الآلآلآلآلآولى لأنه حلال
هالقزقزه حصلت في آجزاء من الثانيه .. بس كانت النتيجه إنه شاف كل اللي به وحفظ لبسهن ولون شعورهن
حتى إنه قازن لون عدسات مره وشاف شامه بظهر بنت مع إنه مغطيته .!! <<- حشى مهيب عيون ! ذي آشعة تحت الحمرآ 
عقبه بدأ يتنحنح وقال ياولد .. به أحد ! <<- حلوه به أحد على فطنه يالمطفوق .!؟
حيره و تضييع و احراج .. كل الخيارين صعبات .!!
يآ يمكل دربه للدرجه أو يرجع أدراآجه .؟! بس إنه درج .. هجت به وقال قوم درجني اختبص وانهبل وصابته جنيه
زبن للدرج ورقى وقابلته وحده .. عاد شلدز !! منهو اللي له حق بالعبور .!؟
عاد يوم صار من بكرآ .. راح ل آوخته و سأله.. منهي ذيك اللي جايه أمس ولآبسه تنوره نوف مادري موف .!؟
اللي جاآلسه بجمب حصه بنت عمي .!؟
آخته : هاآو وش دخلك ياقليل الآدب ! ثاني شي وش دراك إن اللي بجمبه حصه .!؟
رد عليه : عرفت حصيصه من حبة الخال اللي بخده !
مآشآء آلله كبرت وصارت مره <<- أكيد مره آجل تبيه تكبر وتصير بقره .!؟
معقوله ذي حصه اللي تلعب معي من أول فتحي ياورده ياحليلتس ياحصحوص
بس ترا اللي بجمبه ماعرفته وقسم .!؟ <<- ملزم أبو الشباب
ترد الآوخت .. خل عنك اللقافه <<- كره ماينفعن 
خويي لسان حاله يقول .. طيب يمكن قصدي شريف وأبي أخطب فرصه يمكن تبي تفتكون من خشتي !!
كم سوت هالنظره .. يعني كم واحد تزوج من وحده بسبب هالنظره الآلآلآلآولى
ولهذآ السبب .. تتبين أهمية الموضوع
قد تكون نظره أولى .. بعدين نظرة خطوبه .. ومن ثم ملكه وزواج .. وآخيرا راسين على مخده ..!
7- في المطبخ ..
عندكم عزيمه ببيتكم .. ومختب أخوتس وحاآلتكم حاآله كل شوي رايح جاي للمطبخ
جيبوا قهوه .. عطونا بيالات .. متى يقضي عشاكم
وخبركم بعض الحريم المعزومات يقالهن فازعات مع أهل البيت
ويروحن للمطبخ يدورن شغل لآنهن فاضيات ولا لقن أحد يسولفن معه
أو رايحات يشرفن على شكل المطبخ وش عندهم من مواعين
أو يسألن الشغالات .. وشلون سويتي الحلى الفلاني .؟!
آو إن راعية العزيمه له ولدن سنع .. عاد يتميلحن البنات عند الأم !
يعني اني تراي قرمه وراعية شغل .. حتى تخطبه الأم لولده ! <<- الله يعينس يا أومي على هالنمونه من البنات .؟
واآحد من العيال يقول ..
عندنا عزيمه ورحت للمطبخ أبي فناجيل .. و يوم دخلت للمطبخ وتقابلن وجه لوجه بنت
أبحاول أصرفه و ألطف الجو ! قلت له .. يبغى فنجالات يا صديق ..
آنتي اندونيجي ( اندونيسي ) أو بلبينو ( فلبين ) .؟!لآلآلآلآلآ .. آكيد سيرلآ ( سيريلآنكآ )
ومششششششآء آلله تطورت منفوحه آشوف الشغآلآلآلآت بدن يفلن الجدايل ويحطن ميكياج .؟!
هو قال تسذآ منه إنه يسولف شوي و تطول النظره و منه لكاعه ولعانه وإلا كله ملح البنيه
مير شكله حقدت ياويلي وتحطمت يارب يارب إنه ماتتهور وتنتحر .!!
لآني أعرف واحد إنتحر وبغى يموت بس فكه الله
8- في البر والكشتات والمخيمآت ..
تقول وحدة من البنات: بالشتاء إذا خيمنا .. أشوف عيال خوالي بهم قرامه وفززززعه مهيب بأحد
إذا قالوا إن قسم الحريم به شي خربان .. أو قالوا لهم تعالوا شيلوا شي أو جيبوا حاآجه للحريم
أشوفهم ينقزون مثل البرق .!!
مير تقول اخوي يقول والله يآنآ كمخة منول لآشفتهم قلت والله ياهم فاضين بهم فزعة
وأناآ قاعد عند الضويه ومتلحف الفروه وبهالجميده ماآودي آتحرك وأقول بنفسي ..
و الله ياهم كفو مشاء الله عليهم الحمد لله اللي ربي وفقن بهم
وألوم نفسي وأقول والله يا آنا كمخه ما أنفع .؟! عقب عرفت مقصدهم ..
لآنه إذا قالوا لهم إن قسم الرجال يبي له شغل ما قاآم أحد .؟!
عقبه تأكدت إني كمخه صدز اللي قاعد ههههههههههههههه
وبعضهم تجيه صلة رحم وتواآصل عجيب .؟!
وين عمتي فلانه أبسلم عليه وآلله مشتاق له حيل ..
جعله ينشق بطنه لآنه تسذوب عادي تمر السنه والسنتين ماسأل عنه
وبعضهم وهو رايح مدرعم لقسم الحريم يبي يصلح شي وشاف بزر قدامه ..
تنزل عليه حنيه عجيبه سبحان الله .؟! <<- لزوم التميلح !
و ياملحوه .. ياقنينوه ويبدأ يمطخ الولد و يجغفه و يقبصه مع خده و يقول .. ياحبيلك وه بس .!!
والولد حايمتن تسبده ويمسح سعابيل هالخايس ولسان حاله يقول ..
( طس بس كل عومري آترجاك تودين للبقاله ! وتقول لي فاردز شايفن سواق عند أمك ) !!
……………………
على طاري التطعيس .. يقول
واآحد من العيال كشتنا مع أهلي وعماني ..
عاد جن لمي القعر ( البنات الصغار ) وأشغلن حياآتي هن نطعس وطعس بنا .. طعس بنا
قلت يله .. هن ناخذ أجرهن وماتسوى فرحت هالبزارين .. ويركبون معي وتقعد بجمبي بالمرتبه اليمين بنت عمي
ويوم آخذت لفتين أشوفه بدت تمون لا أقنعه فتحت القزازه وطلعت راسه وبدت تطبل على التنده وتقول سواقنا دوس دوس
وبدوا البزارين يرددون وراه إلى مابدت تهز السياره .. حتى اشوف المساحات اشتغلن .!!
ويوم دققت بالنظر طلعن عصاقيل هالماخوذه يروحن ويجن ! لا ومن الشين لابسه شراب وحده لونه برتقالي والثانيه خضرا .؟!
والله من الطفاقه بذيك البنت .. المهم بعد فتره يمكن آقل من شهر .. جت عمتي لبيتنا ودخلت أسلم عليه ..
عاد أشوف بجمبه وحده متغطيه ولا تعرف تغطى زين .!!
قلت لعمتي مشاء الله مبروك جايتس شغاله .. قالت وش شغالته .؟! قلت هالمزيونه اللي بجمبتس !
أكيد إنه جديده ولا تعرف تحتسي إلا ياعمه وش هالميانه قاعدتن معكم .!!
لا ومن زين الطبايع تقهوى ؟! مير وراه قزما الحمد لله و الشكر .؟!
والنقاب وراو تسذا موعاق .؟! و … عاد قاطعتن عمتي وقالت .. ذي بنتي آلله يصلحك
قلت .. وشو هههههههههههههههههههههههه و آكر ضحك
أمس سيقانه تروح وتجي قدامي وتصبخ وجهي واليوم متغطيه !
عاد قلت للبنت .. عشتوا وآلله .. غطي سيقانتس همن وجهتس !
وثاني شي توتس بزر وش عجلتن عليه !! و آنا فاآقع ضحك هستيري
إييييييه بس بس .. آكيد الدار النسائية معطيتكم محاظره وتأثرتي به
عاد جدعت العباة أبشركم <<- تحلفون إنه علماني 
إي والله شوله تغطى وهي بزر .. همن إذا كبرت دشرت وحطت نقابات وعبايات تفتن .؟!
ومره لقيته بالحوش مع البزارين يلعبون مليحق .. وتلعب معهم وهي متغطيه
عاد تركض هي ويلحقه حدآ البزارين ومير يجر جلاله ويطيح
قالت لا مامعنا جر جلالات تذكرت اللي يلعبون كوره ويقولون مامعنا مزع
( مزع = شوت الكوره بقوه )
[COLOR="Red"] [/
09- في الإمراآح ..
إذا قدر آلله وأمرحت عندكم حدآ بنات الآقارب .. وأنت رجالن راعي درعمه ودايم تنسى إنه به !
يقول واآحد من العيال .. إنه مره من المرات أمرحن عندنا بنات خالي و خالاتي ..
طبعا هالبنات صغار وتوهن باديات يتغطن .. سون لي قلق بالبيت
مليت كل ماجيت للصاله ألقاهن وأرص برا بالشمس لي سنه إلى مايتغطن وليته على الصاله وبس ..
بنات الكفس صايرات قواطي ببسي بكل مكان بالبيت ألقاهن بالمجلس .. المقلط .. الدرج و بالملحق بعد .. حتى السطح ماخلنوه !
واللي يقهر إني حافظ أشكالهن حفظ .. وش يتغطن عنه !
لا بعد من زين الطبايع أكثرهن أنا تسد رضعتهن وزامهن وشايلهن على ظهري وملعبهن يوم هن صغار
وهالحين لو تشوفن وحده منهن شهقت وكأنه شايفه جني حقيراآت وناكرات للجميل .!!
المهم إني مليت منهن .. عاد عقب بديت أدخل وأدرعم وأنا مطلع الجوال وأنغز به .. يقالي ما انتبهت لهن
عاد تبدأ تسمع أصواتهن وهن يكركرن ويقولن يوه وين الجلال ..
عاد اللي تغطي وجه بيده واللي بالستاره واللي بجلدة الكوتاب اللي معه واللي تدعس راسه بالكنب تقل نعامه
واللي تفتح الشنطه وتدس راسه به واللي رفلى تغطي وجهه بتنورته همن تبين كراعينه وشي آفضع
عاد تجي الفزعات من خواتي .. فلان ترا فيه بنات ارجع
عاد أنا أسوي نفسي مصدوم و لادريت ويقالي استحيت عاد ما أرجع .. أكمل دربي لآني شخص مقدام ولا أعرف الرجوع للوراء
10- الخآتمه ( الزبده ) ..
بهالمواقف ذي يحصل به إحراآج وحيره .. وتضييع وطراآفه وآكشنات في بعض الحالات
ياليت كل واحد يذكر لنا مواقفه ببساآطه .. عاد مابوه احد وما حصل له مواقف
بالإستراحات والعزايم والعروس .. والمستشفيات بعد .. وفي كل مكان وزمان
حتى بالعزاء ! وخاصه أول يوم منه .. أنواع الحوسه .. بس أحسن مابه إن البنت تصير ماتكشخت
<<- بعض البنات يحبن الكشخه حتى بالمواقف المحرجه
( عاد بعضه منقول )
طبعا اللي ماقرأ الموضوع و نقز الى هالرد يبي يقول مواقف عن وشو .؟!
نقوله إرجع وإقرا الموضوع
ههههههههههههه مقلبتكم يالحارين تعيشوا وتآكلوا غيرهآ نيهآهآهآ
للكل .. خذوا راحتكم والمحل محلكم .. بس بدون تعليقات خارج الموضوع .. ولا أحد يتميلح لا أقنعه
مير موب هالحين عقب ماقريتوا الموضوع ولا عندكم مواقف .. تروحون تدخلون بالعنايه حتى تكتبون لنا
ويارب ماتجي وحده ما أعرست وقرت الموضوع !
ومسكت معه غلط وتبي عرس .. تروح تدرعم عند فارس آحلامه
تراي برئ منكم .. اللي بيناظر محارم الناس أكيد إن الناس راح
يشوفون محارمه ! لذا انتبهوا
وترا اللمحه ذبحه
وأشوا إن هالموضوع موب بالرمضان حتى ما يحصل درعمه بصلاة التراويح
مانطول عليكم .. لي عوده مع ردودكم ودرعماتكم
وهالحين بروح أشرب لي كأس ماء
لآني أحس إني فحمت وأنا أكتب
هن نشوفكم
وبث بث بث قضينا ^!^
بماني آلله و بركاته ياخلفاتهم آنتو
[/SIZE][/FONT]
[/SIZE][/FONT][/CENTER]
يسلمووووووووووووو
وين المووقف يا ولد العز….^_^…
يسلموو خيوو ع المروور..
