بطله القصه " لطيفه " : أنا لطيفه.. عمري 18.. أحب الكل .. إجتماعيه لدرجه إن الناس حفظت شكلي .. مرات أصير غلسه و أخبل بالكل .. مخطوبه لولد عمي " محمد ".. كل ما أجوف محمد ماعرف شو يستوي فيني أستحي ومن هالخربطـآن > شكل لطيفه الخـآرجي " سمــآري ع آبيضـآني بس ملـآمحها حلووه " كلهم في البيت بيض الـآ هيه سمـآريه وعذآآب > تجنن .. بس والباقي بتعرفونه بالقصه =)
لطيفه : ماماتي وينج تراني يعت !!
جميله " الشغاله " : ماما مافي شو تبين ؟؟
لطيفه : ما قالت لج وين سارت ؟؟
جميله : لا ما يقول .. انتي شو تبين ؟؟
لطيفه " بخاطرها تقول .. انتي شو لج رازه فيسج " :اممم ما بي شي سلـآمتج يدووه
جميله ( وهي رايحه ) : ههههه شو هالمصخرة
لطيفه : اففففففف >> أقول موووولت عليج ><"
….
في بيت اليد " عبيد ( الله يرحمه ) "
فاطمه " امايه " : أستأذنكم ألحين
موزهـ " عمتي" : يلسي وين سايره توج يايه !!
فاطمه : لـآ بسير بغدي العيال
موزهـ : عيل سيري لـآ تخليهم بيوعهم
فاطمه : يللا نجوفكم ع خير .. سلمي ع عموو " اللي هي يدتي "
موزهـ : يوصل .. سلمي ع العيال .. الدريول يترياج برع
فاطمه : جيه عذبتيه بخلي دريولنا ايي
موزهـ : لـآ خليه هو واقف برع ألحين
فاطمه : يللا مع السلـآمه
موزهـ: مع السلـآمه
..
وصلت امايه البيت .. وجآن أتشقق
لطيفه : جميييييييييييييييييييييلوه ماماتي يت
جميله : انتي ليش تصرخين !!
لطيفه : انتي بلـآج علي اليوم !! .. سيري كملي شغلج أحسن
دخلت امايه البيت
لطيفه : امايه حبيبتي
امايه : بلـآج وقفتي قلبي
لطيفه : بسم الله ع قلبج .. قلبي ولا قلبج
امايه : تغديتي ؟؟!
لطيفه : وين أتغدى وهالشغاله لوعت جبدي !! .. انتي حطيلي اياه ..اباه من ايدج
امايه : إن شاء الله ثواني ببطل العباه وأحطلج الغدا .. عمتج موزهـ تسلم عليج
لطيفه : الله يسلمها ويسلم من وصل السلـآم .. انتي حطيلي الغدا و انا بروح أصلي
امايه :آمين .. تقبل الله مقدما
لطيفه : منا ومنكم صالح الاعمال ..
امايه : آمين يارب .. أقول الشغاله ألحين بتروح بيت خآلتج خل علـآيه تقوم
لطيفه : أوكيك .. يللا جـآآآآآآآآآآو مامي
امايه : متى بتعقل هالبنت !!
..
ابويه " حمدآن " : أقول محمد هات لي الاوراق مال المحامي
محمد: إن شاء الله عمي .. بتاخذهن وياك البيت ؟؟
]محمد ولد عمي .. عمرهـ 21 سنه .. خطيبي احمـ .. يشتغل بشركه ابويه ..صراحه ويهه لوح ><"[
ابويه : هيه باخذهن وياي .. عسب ألحين بسير المسيد وبالمره بروح البيت
محمد : اهاا .. اممم انا بروح المسيد وياك
ابويه : يللا عيل بتتغدى معانا
محمد : لـا الـآهل يتريوني >> فخــآطرهـ طاير من الفرح يبا يقوول هيه.. بس مستحي اونه خخخخخ
ابويه : ماعلي اليوم اتغدى معانا وباجر إن شاء الله معاهم
محمد : ع راحتك عمي … اللي تباه بيصير =)
..
لطيفه و هي مخلصه من الصلـآه .. رن فونهاا
وإلـآ نوره ربيعتها مطرشه لهاا مسج
المسج :
" وينج يالقاطعه ما تسألين عنا ؟؟! حيين ميتين !! أخبارج دبووهـ ؟؟! "
والله فيج الخير تسألين عني يا نورووه
رديت أطرش مسج
المسج :
( سوري فديتج .. والله الحمدلله زينه انا .. وانتي أخبارج ؟؟! )
فديتج نورووه تولهت عليج :*-*:
امايه : لطيفه تعالي الغدا ميلس
لطيفه : أوييييييييييييييييييه امايه تترياني ><"
ألحين بنزل
..
لطيفه : هلـآ ماماتي
امايه : اهلين .. تعالي تغدي من متى الغدا ميلس !!
لطيفه : ><" وانا شو دراني .. شو محد قام من عيالج ؟؟
امايه : لا فديتج كلي انتي وعقب يوم بينشون بغرف لهم ..
لطيفه : ما عليج بسيرلهم عقب ما اتغدى ههههه
امايه : اتغدي انتي وعن الثرثره الزايده
لطيفه : اوكيك
..
بعد ما خلصت لطيفه الغدا راحت اتقوم خواتها
راحت أول شي حجره علـآيه اختها .. اختها علـآيه عمرها 24 معرسه ولد خالتي رآشد .. خلصت الجامعه وألحين هي بطاليه .. ويـآيه البيت تبـآت كم يووم وبترووح بيت ريلها ككككككككك
لطيفه : اييييييييييييييه ما تستحين ع فيسج
علـآيه : بلـآج تصرخين .. انجلعي برع برقد
لطيفه : اييييييييه امايه روحها تغسل وتطبخ وانتي هنيه نايمه و مستريحه امحق وحدهـ معرسه
علـآيه : وانتي جييه ما تطبخين و تغسلين معاها .. وبعدين الشغاله موجوده !!
لطيفه : امايه تقوول انتي بعدج صغيرونه ع الطباخ و الغسل .. وبعدين الشغاله محد ..
علـآيه " اعتفس ويهاا " : ليكوون شردت بعد .. هب متفيجه اغسل واطبخ .. !!
لطيفه : انتي قومي وبقوولج كل شي
علـآيه : ياا ربي ع الغلـآسه .. خلصيني بصلي وبييج ><"
لطيفه : ههههههههههه
..
وعقبها سارت حجره اخوها عبوود " عبيد ">> عبيد عمره 26 سنه .. خاطب بنت خالتيه " العنود" يشتغل مع ابويه بس ماخذ اجازه أونه يريح <<
لطيفه : اوييييييييييييييييييييييييه !!
عبيد : شو صاير ليكوون ماتيتي !!
لطيفه : سير مناك ..>>" بصوت عالي " انزيييييييييين قوووووم
عبيد : بلـآج شليتي طبلتي
لطيفه : أحسن يعلها ما ترد .. عنودي تترياك تحت >> ميلسنها جنها حماره
من متى وهي تترياك ؟؟
عبيد : قووووووووولي والله .. الحين بنزل
لطيفه " بخاطرها .. صج انك هندي تصدق كل شي " ههههههه
..
عقب سارت حجره خواتها التوأم .. " مهرهـ & ميرهـ " عمرهن 12 سنة .. طبعا بعدهن عزابيات
لطيفه : مهاااري مياااااااااااري نشن
مهره & ميره : اففففف دومها حشره ما تسكت أعوذ بالله
لطيفه : طالعه عليكن تراني . قومن صلن احسن لكن بدال هالرقاد
مهره & ميره : إن شاء الله " ورجعن يتلحفن "
لطيفه : اييييييييييه ارمس عمري انا .. والله لو ارمس طاوله بتفهم
قوووووووووومووووووا
مهره & ميره : انزين صميتي اذوناا اشوي اشوي
لطيفه : اجوفكن تحت لو ما جفتكن بتجوفوووون فااااهماااات
مهره & ميره : إن شاء الله عموو
لطيفه " ههههههههه ما خليت حد ما لعوزت به كككككككككك "
الموهيييم بجوف منو اللي ياي
لطيفه ظهرت ما تعرف منو ع الباب .. لـآن الشغاله راحت بيت خآلتها
طالعه والشيله كانت ع جتفها ..
جافت سياره ابوها مولعه ليتاتها
قالت : ابويه وصل
لطيفه فتحت الباب
لطيفه : هلـآ أبووويه
ابويه : اهلين بنتي
دخل ابوها و معاه محمد انصدمت بمحمد .. وبسرعه لبست الشيله اللي ع جتفها خخخخ
محمد " قال بخاطره ما شاء الله عليها احلى عن أول !! " : امم السلـآم عليكم
لطيفه : و..و..وع..وعليكم السلـآم
محمد : شخبارج ؟؟
لطيفه : بـ ..بخير ومن صو..و..وبك ؟
محمد : بخير دامج بخير
لطيفه : تفضل ليش واقف ؟؟ >> الله يخسه جااف شعري خخخخ
محمد تقرب من لطيفه .. استغربت لطيفه من حركته !! همس للطيفه وقال : ………………………
كـــــــــــــــــــــــــــــــ للبـآرت الـثـآني ـــــــــــــــــــــــــــــت
السلام عليكم
بداية جميلة
انتظر البارت الاول 🙂
لطيفه : و..و..وع..وعليكم السلـآم
محمد : شخبارج ؟؟
لطيفه : بـ ..بخير ومن صو.وبك ؟
محمد : بخير دامج بخير
لطيفه : تفضل ليش واقف ؟؟>> الله يخسه جااف شعري خخخخ
محمد تقرب من لطيفه .. استغربت لطيفه من حركته !! همس للطيفه وقال :
ما شاء الله شو هالجمال و الحلـآهـ .. تعرفين انج احلى عن أول يوم كنتي صغيرهـ ..ويوم خطبتج من عمي كنتي غير و ألحين آحلى .. المهم انا ساير عند عمي يللا جـآآو
لطيفه : شو قصدهـ هذا من هالكلـآم !! مووووولت أقول ..بسير أجوف منو قام
راحت حجره علـآيه .. جافتها نايمه
لطيفه : عليوووووووه الطمه قومي
علـآيه : انتي بلـآج من الصبح تصارخين !!
لطيفه : توج بتقومين .. >> راحت وخذت المخدهـ وفرتها ع ويهها
علـآيه : سيري الصاله .. لـآعطيج كف ع ويهج
لطيفه : ما بطلع .. عليووهـ حموود بالميلس مع ابوي
علـآيه : شو اسوي يعني اطلع واسلم مثلـا .. أحيده إلـآ خطيبج يعني بالعربي ريلج
لطيفه : موووولت متى بتفهمين .. انزين الشغآله فبيت خآلوه يللا قومي إذا ييت وجفتج نايمه بفر المخده عليج اوكيك
علـآيه : إن شاء الله عمتي
..
راحت حجره اخوهاا عبوود جافته يصلي ..>> عاش السديس ههههه استغفر الله
عقب برجع له .. راحت حجرهـ التوأم ميرهـ و مهرهـ
جافت مهرهـ قاعدهـ ع الشبريه
لطيفه : وينها ميروه ؟؟!
مهرهـ : ميرووهـ تسبح .. قاعدهـ اترياها
لطيفه : اهاا .. عيل إذا يتسلمووون ع حموود إنزلوا تحت .. أوكيك يللا جـآآآآآآآو
مهرهـ : اوكيك .. امممم لطووف متى بنتغدى ؟؟!
لطيفه : أصلـا أنا قومتكم عسب تتغدون ^^*
مهرهـ : اهاا .. يللا جـآآو
……
في بيت عمي " عبدالله "
ام محمد : وينه ولديه تآخر ؟؟ امايه عبير جوفي اخوج وينه ؟؟
عبير : لحظه امايه بييب فوني
ام محمد : يللـآ اتصلي بسرعه
عبير : لحظه امايه
رن فون محمد المتصل " عبير الورد "
محمد : هلـآ .. السلـآم عليج اختيه
عبير : وعليكم السلـآم .. وينك الوالدهـ قاعده تحاتيك ؟؟
محمد : انا في بيت عمي حمدآن ..
عبير : شو تسوي هناك ؟؟؟
محمد : شو بسوي يعني .. عمي عازمني عندهم وبتغدى معاهم فيها شي ؟؟
عبير : لـآ ما فيها شي .. يللـآ جـآآو
محمد : جـآآوآآت خيتوو
..
أم محمد : ها شو قالج وينه ؟؟!
عبير : امايه ولدج بيتغدى عند عمي حمدآن
أم محمد : جييه ؟؟
عبير : عمي عازمنه عندهم
أم محمد : زين عساها عافيه عليه
..
في بيت خـآلتي " بدريه " أم رآشد
خـآلتيه " بدريه " : امايه العنود تعالي اشوي
العنود " خطيبه عبآدي اخويه " : يايه
خـآلتيه : تعالي حذالي اهنيه
العنود : إن شاء الله
خـآلتيه : عقب شهرين عرسج وانتي بعدج ما زهبتي ؟؟
العنود : امايه انا هب مستعيله لـآحقه
خآلتيه : جيه هب مستعيله .. انتي قلنا ما عليه بنحجز لج مكياج عند الصآلون و الفستان بيتآجر .. و خواتج ؟؟
العنود : انا متفقه مع منآيه و هنآيه إن الاسبوع الياي بنروح المول
خآلتيه : عيل انتي اخآريلهن الفساتين .. و احجزيلهن بالمرهـ
العنود : إن شاء الله امايه
خآلتيه : انا بكلم اخوج رآشد عسب يوديكم
..
في بيت ابو عبيد
في حجره عبيد
عبيد : اييه وينها عنآدي قاصه علي ؟؟؟
لطيفه : ههههههههههههههههههههههههههههههههههههههههه
عبيد : بلـآج صرتي مينونه !!!
لطيفه : هاا ماشي .. انا قومتك عسب تتغدى
عبيد " ~.~ " : مالت عليج >>> وخذ المخده و فرها عليها
لطيفه : هههههه ع حرمتك
عبيد : جب يالهبله .. مالت ع ريلج
لطيفه : ريلي تحت مع ابويه ^^,
عبيد : منو حموود تحت ؟؟!!!
لطيفه : هيه عيل كم واحد انا مخطوبه له !! هب عايبنك شو ؟؟
عبيد : خخخخخخخخخخخ .. ياهبله جييه ما قلتيلي ؟؟ بسير عندهم
لطيفه : كيفي يوم ما بقولك
عبيد : سيري انجلعي جلع الله راسج
لطيفه : الحين بنزل بخبره
عبيد : تعالي يالسباله وين سايره
لطيفه : عيل احترم نفسك
عبيد : إن شاء الله عموو
..
في الميلس
عبيد : السلـآم عليكم ورحمه الله وبركـآته
الوالد " حمدآن " & محمد" : وعليكم السلـآم ورحمه الله وبركـآته
عبيد : شحالكم .. ربكم إلـآ بخير ؟؟
الوالد "حمدآن " & محمد : بخير وسهاله و من صوبك ؟؟
عبيد : انا بخير دامكم بخير .. اسمحولي ماعرف انكم موجودين .. الهبله لطووف توها خبرتني
محمد : احم احم .. لوسمحت
الوآلد " حمدآن " & عبيد : ههههههه
محمد : دووم الضحكه يارب =)
الوآلد " حمدآن " & عبيد : ويـآك ^^)
محمد : بلـآك واقف اقرب يالطيب !!
عبيد : جريب .. اقول حمود متى بتملج ع هالغبيه ؟؟
محمد : لو سمحت لـآ تسبها .. اممم الوقت اللي يقرر فيه عمي
الوآلد : امممم انته متى تبا تملج ؟
محمد : اليوم ههههههه
الوآلد + عبيد : ههههههههه
الوآلد : عقب 4 شهور .. موافق ؟
محمد : اللي تشوفه عمي
عبيد : وآخيرا بفتك من الحشرهـ لطوووف =]
محمد " قاعد يتطالعه بنظرهـ وهو رافع حواجبه "
عبيد : السموحه منك .. الحين بشرد عن احصل كف منك
محمد : زين عرفت المقصد خخخ
عبيد : ههههه يللا عيل .. بالعافيه عليكم
..
في الصآله
عبوود : لطووف الهبله تعالي
لطيفه " وهي نازله من الحجره وحاطه ايدها ع خصرها ": نعم .. خير .. شو تبا ؟؟
عبوود : تعالي هني
لطيفه : اوكيك .. هلـآ الغآلي شو تبابي ؟
عبوود : اممم تعرفين متى بتملجين ؟
لطيفه : امم نوو ما اعرف خخخخ !!
عبوود : بلـآ هبل ؟؟
لطيفه : قوللي إذا ما بعرس بسوي حفله
عبوود : احيد اللي تعرس تسوي حفله هب اللي ما تعرس .. صدق انج خديه !!
لطيفه : خلصني .. الزبدهـ من الـآخر
عبوود : حبيبي تعرفين المطبخ هناك الزبده خخخخ
لطيفه : عبووووود خلصني
عبوود : هدي هدي .. انزين مـلجتج عقب 4 شهوور
لطيفه " وقفت وصرخت " : شوووووووووووووو !!!
عبوود : شو عندج فضحتينا اقعدي و خفي صوتج ؟؟
لطيفه : انزين انتوا متى و كيف و ع أي اساس تحددون ؟
عبوود : لطووف هدي ابويه حدد " وقام من مكانه " لـآن اخوج الغآلي طلب "شرد صوب الميلس "
لطيفه " بطلت عيونها مستغربه وقعدت وانفجرت الدموع "
عبوود " سار صوبها " : لطووف خلـآص ابويه حدد
لطيفه " ترمس وهي تصيح " : انزين بها الـ 4 شهور شو بسوي ؟
عبوود : حبيبي لطوووف هدي اعصابج .. اليوم انا بوديج مول الامارات عسب تتشرين لج
لطيفه : انزين دراستي ما خلصتها .. كيف جيه انا 3 ثانوي ما يقدر يترياا سنه عسب اخلص ؟
عبوود : خلـآص لطووف مسحي دموعج عن امايه تجوفهن .. وتعالي معاي فوق عند علـآيه
لطيفه " وهي تمسح دموعها " : إن شاء الله
..
في حجرهـ علـآيه
عبيد : ممكن ندخل
علـآيه : حياكم
لطيفه " وهي تصيح ركضت عند علـآيه " : عليتي وتكمل صياحها
علـآيه " وهي تحضن لطووف ": بلـآج توج يايه تصارخين و تضحكين .. بلـآج الحين قاعدهـ تصيحين ؟
عبيد " سار يقعد حذال لطوووف " : حبيبي لطووف بس خلـآص
علـآيه : عبوود بلـآها لطووف ؟؟!
عبيد : قاعدهـ تصيح عسب ملجتها عقب 4 شهور
علـآيه : لطووف بلـآ عبط .. الريال خطبج خلـآص يعني اتوقعي بآي وقت تكون ملجتج
لطيفه " ترمس وهي تشاهق " : انزين ودراستي ؟
علـآيه " وعلـآمات التعجب بويهها !! " : كل هالحفله عسب دراستج ؟؟
لطيفه : عيل شو ؟
علـآيه .. ما عليه .. إلـآ هيه سنه وتخلصين
لطيفه " وقامت من السرير " : انتوا تعرفون اني ابي ادخل الجآمعه .. ومع جيه يالسيين تستهبلون >> وراحت لحجرتها وهي تركض
>> حجرتها بالطابق اللي تحت مجابل الميلس .. وهي تركض ما جآفت العمود اللي جدامها دعمت العمود و الضربه يت ع راسها .. وبهالوقت محمد و ابوها كانوا ظاهرين من الميلس.. الضربه كانت وآآآآآآآآآيد قويه
لطيفه أغمى عليها و طآحت ع راسها من ورا .. الحين العوار من ورا وجدام >> راسها راح فيها
محمد " بصوت عالي " : لطووووووووووووووف
ركض محمد مع الوآلد عند لطيفه
..
حجرهـ علـآيه
عبيد : اوييييه ها صوت محمد يصرخ باسم لطووف.. ليكوون صابها شي
علـآيه : دخيلك عبوود سير جوف شو السالفه .. بلبس العباه والشيله وعقب بنزل
عبيد : اوكيك
..
في الصاله .. عبيد نزل من فوق .. وما يعرف شو اللي صاير
محمد " وهو يصيح " : لطووف ردي علي بلـآج ساكته
عبيد : شو صارلها ؟؟
الوآلد : هدوا وصلوا ع النبي
عبيد + محمد : اللهم صلي وسلم عليه
الوآلد : كانت نازله من فوق ودعمت العموود وعقبها طاحت ع راسها من ورا >> الضربه الثانيه كانت اقوى
محمد : لطوووف يللا ردي علي
عبيد : قوموا بنوديها المستشفى
عليا توها كانت نازله
علـآيه : عبوود انا بي وياكم
والوالده كانت توها يايه من فوق
الوالدهـ : شو صاير .. بلـآكم تصارخوون ؟؟
>> من حسن الحظ ان الوآلدهـ كانت لابسه عباتها
علـآيه : امايه اركبي السياره بسرعه
الوآلدهـ : ليييش ؟؟ شو صااير ..؟
علـآيه : بنتج لطوووف أغمى عليها ..
آلوالدهـ : بنتي فديتها بلـآها .. يلـلآ يلـلآ خل انوديها
..
راحوا بموترين (( الموتر الاول موتر عبيد { عبيد اللي يسوق + علـآيه قاعده ورا مع لطيفه } )) (( الموتر الثاني موتر محمد { محمد اللي يسوق + الوالد جدام + الوالده ورا ))
كـــــــــــــــــــــــــــــ للبـآرت الثـآلث ـــــــــــــــــــــــــــــت
بداية جميلة
انتظر البارت الاول 🙂
وعليكم السلـآم والرحمـه
نزلت بـآرتين 
نورتي الغـآليه =)
احباط 
بانتظارككك ي الغلأأ ع احححر من جمر . .
بانتظار التكملة
:
تنقل للروايات الغير مكتمله لحين انتهاءها