حبيت اشارككم في هذا القسم واحب ان تكون مشاركتي عن الشاعر الكبير والمتألق دائما
خلف بن هذال العتيبي
الاسم : خلف بن هذال بن محمد بن سمران الروقي العتيبي.
تاريخ الميلاد: 1363ه 1943م.
مكان الميلاد: ساجر
التحق كجندي بأولية الحرس الوطني وعمره 14 عاما وذلك عام 1377ه وعمل في البدع والوجه واملج وكان احد المرابطين على شاطئ املج المطل على البحر الاحمر اثناء العدوان الثلاثي على مصر عام 1956م،
*ويقول الهذال : ولعل في حياة البادية والترحال والطبيعة والسفر والغربة والظروف الصعبة، اضافة الى العسكرية قد شكلت في داخلي هاجس الشعر فكان المتنفس هو الشعر,, واول قصيدة كتبها كان عمره 13 سنة من 30 بيتا
*اما عن الحوليات التي ينتظرها الجمهور في كل عام فقد بدأت عام 1385ه والقى اول قصيدة له في منى في مناسبة الحج وكان حينها جنديا في الحرس الوطني امام الملك فيصل يرحمه الله وتتكون من 70 بيتا ألقاها بعد الشاعر المرحوم احمد الغزاوي واستمرت قصائده في منى بشكل سنوي حيث القى حتى الآن 34 قصيدة في 34 عام, ولم ينقطع اطلاقا حتى الآن.
*ويقول شاعرنا خلف ان قصائده تتراوح بين الاربعين الى السبعين بيتا والمرة الوحيدة التي كتب فيها قصيدة جاوزت هذا الرقم كانت عام 1380ه حيث نظم قصيدة نصيحة بلغ عدد ابياتها مائة بيت.
*عندما قالت مجلة المختلف الكويتية بعد انتهاء حرب الخليج وتحرير الكويت ان اهم الاسلحة التي استخدمت في حرب تحرير الكويت لم تكن توماهوك ولا كروز ولا الشبح بل كان خلف العتيبي,, فهي لم تخالف الحقيقة فالمتابع لتلك الحرب بكل مراحلها يدرك حقيقة ما ذهبت اليه المجلة فبعد الهجوم العراقي على الكويت وتشريد اهلها نظم خلف قصيدته المشهورة (يا الله بامانك)، والتي رسم فيها بفراسة وذكاء شديدين مسار الأزمة وأكد ان الكويت عائدة لا محالة في وقت كانت كل التقديرات العسكرية المؤسسة والقائمة على استراتيجيات ودراسات تذهب بعيدا عن ذلك، بل واكد البعض ان تحرير الكويت يحتاج الى سنوات, وحده خلف بحنكة البدوي وفراسة ابن الصحراء رسم مسارا سريعا لما بعد الغزو.
وبتوفيق من الله عز وجل ثم بوقفة خادم الحرمين الشريفين المشرفة يحفظه الله وحكومة وشعب المملكة حررت الكويت وعاد الشيخ جابر الى قصره (دسمان) وعادت الكويت حرة أبية
وهذه بعض قصائد الداهيه خلف بن هذال العتيبي( راية الاسلام مرفوعة..)
على هذا المكان ومن رعاه ومن تربع فيه….سلام وراية الاسلام فوق الراس مرفوعه
ترف بكل عز وكل مجد وضمها بيديه…..امام المسلمين وكلمته بالكون مسموعه
أخص القايد الاعلى فهد درع الوطن حاميه……من العدوان ما عاثت فلول الشرك بربوعه
ملكنا اللي نحبه ثم نحبه والغلا نغليه…….على دربه نسير ونستنير الدرب بسموعه
ملكنا اللي يشرف حاضره ومشرف ماضيه…..يسجل له مدى التاريخ للتاريخ موسوعه
ملكنا اللي فتح قلبه لنا يالله لنا تحييه…….فريدات الخصايل في مقر العز مجموعه
يصون مقدسات وبالثبات مخططه ماشيه……عسى أوطانه لبراق الحيا بالرجع مرجوعه
تمتعنا بعهده بالرخاء والخير والترفيه……شربنا الماء قراح ومدنا وامتد ينبوعه
ليا صدر قرار يتم وبريشة قلم يمضيه……يورد جاري التنفيذ والاوراق مدفوعه
وهذه قصيدة اخرة ل أسطورة الشعر : خلف بن هذال..:
يامحلل الموقف نبي منك تحليل….. وش خطة في خاطرك تعتمدها
ذاب السلام وصار مسرح وتمثيل… سجدة سهو تاجب على من سجدها
ما في الحقيبة للعروبة محاصيل ……. سوالف تصدى الكبود بكبدها
وش منطق الأجيال من بعد هالجيل ……. ياحسرة التاريخ وامر وادهى
الله وانا سائله يدمر إسرائيل ……. ينشي غضب ربي عشاه ويهجدها
تلقح بسحب مثل حمر الغراميل ……. عج مطرها والزلازل رعدها
تمطر سخط منها الصواعق نوازيل ……. يزفر هواها ويتسلخ بردها
يجتثها الرحمن بجناح جبريل……. وتصبح معالم للعرب من بعدها
تكتب على الخنزير طه وتنزيل……. يانجس مبداها ومكبر حقدها
والله جريمة منكرة يا رجاجيل……. حتى الدول باعرافها تنتقدها
الصبح فوق كلابها تلقى الانجيل ……. جرثومة دب المرض في جسدها
استفحلت واللي عليها مهابيل……. قامت على انقاض الخيانة عمدها
من الفرات بخارطتها إلى النيل……. عصابة تسرح وتمرح وحدها
عنها الصواب بعيد جملة وتفصيل ……. عميانة في غيها عن رشدها
هي مصدر الإرهاب وام الأباطيل……. لا وفق الله من يقوم بسندها
عقرب ثرى مسمومة الراس والذيل……. من حر ما فيها تنفخ غددها
عاشت على الكذبة دعاية وتضليل ……. جاها فناها يوم ربي قردها
من حارب الله له مهونه وتذليل ……. في ساعة من غيب لا تبتعدها
ألم تر كيف اهلك الله هل الفيل ……. دك ابرهه وجيوشه اللي حشدها
جاها الجزا الصارم عقوبة وتنكيل ……. وينه و وين اصنام رجس عبدها
شافت فلسطين الجريحة بهاذيل ……. شابت قضيتها وشيب ولدها
خمسين عام علوم صحف ومراسيل ……. في حالها عن حالها من نشدها
مراوحة باقدامها في المحابيل ……. عن راسها قام يتقطع زبدها
إلى متى تصبر على الظلم والويل……. تب على من هانها واضطهدها
تبكي وتغرق بالدموع المناديل ……. تنخى فهد تنخى فهدنا فهدها
تبي صباح به صياح وتهليل ……. يقضي على الفتنه وهي في مهدها
بقوة الايمان حنا هل الخيل ……. الالوية باسم الجهاد نعقدها
بالحرب نثبت في وجيه الاساطيل……. مواقف من شافها ما جحدها
حنا العرب حنا الرماح النوازيل……. نضرب على قمع الرصاصة زندها
من حبنا للموت نهذي الهواذيل ……. والنفس قبل تموت تاخذ سددها
إلى ادبر المهزوم حنا المقابيل ….. كم وقعة شعب الجزيرة شهدها
ولا نولي الزحف نزحف جحافيل ……. جحافل التوحيد في راي اسدها
بقيادة اللي يركي المتن للشيل …. عنا ثقيلات المحامل صمدها
فهد فهد .. ضير بشرب الفناجيل……. إلى ابرزت دهم الجموع يعمدها
حلال حيلي الحلاحيل حلحيل ……. يحلحل اللي ما تحلحل عقدها
دليلنا وان غاب نجم الدواليل ……. على الهدى ديرة مساره رصدها
نفداك وانصى الرشا بالمحاحيل……. ياللي حفرت لدفن الاعدا لحدها
معك أمة الإسلام تصهل تصاهيل ……. قدها يبو فيصل إلى القدس قدها
وتقبلوا تحياااتي
من هنوف سلب عقلي هدب عينها
كن في عينها وإن ناضرتني جموع
حفرة الموت في مقرن حجاجينها
جاء نهار الخميس وفات يوم الربوع
والوعد طاف والاقدام مشقينها
حفيت اقدامنا والعين تذرف دموع
فرقا الاحباب يومين ياشينها
يا مليح الكلام ويا حسيين الطبوع
صورة حابها الرحمن يازينها
فيك من ضبي نجد اوصاف واحسن رموع
وانتم اللي كبود الناس كاوينها
ضامر البطن ما مسة شقاوه وجوع
شجرة عن سموم القيض حامينها
فوق جمن قراح بين ذيك الزروع
ليت من ذاق من خضرة بساتينها
وان لحضني وانا امشي عن الدرب اتوع
هلت العين واختلت قوانينها
القدر نزلتني حدر تسعين بوع
تحت هيبتك نعصا الروح ونهينها
يعجز اليوم قلبي من شبكم يزوع
شبكة اللي مكسرتن جناحينها
كل ما ون قلبي جاوبنه الضلوع
من هنوف سلب عقلي هدب عينها
والناس هجعا وأرفع الصوت بابيات
ولقيت في سود الليالي مضره
كم كلمة ولت وراحت ولا جات
النوم يعرض للعيون وتمره
مر الكرام اللي خطاهم سريعات
تلبس حرير وبنت الاحرار حره
عمهوجة تغدي لها النفس توقات
دنيا تزين للغرير وتغره
بين الليال وبين الأيام غرات
غارة زمان ويكفي الله شره
أدري الهوى والنفس وابليس ما مات
احذر عدوك دبه العمر مره
واخذ الحذر من صاحبك عشر مرات
اخذته عشق واخذني عشاقه
اوضح له ضناي مابروحي
ويفتحلي على الغياض طاقة
الا ياليل وش عندك وعندي
يقول من تكدرله مذاقه
عيونه من غرام الشوق تهمل
عبايرها على ذيك الدقاقة
وانا بنهاية التسعين هجري
إلي خل عجزت اقوى فراقه
مضى عام وثمان سنين كني
كسير عيب الجبار ساقه
يفزع بصياحه هجوع ناس
لهم بالنوم والراحة علاقة
الا ياليل يعرضك وطولك
انا وياك لا عاد الصداقة
وشلون اوداع من معه قلبي وديع
قلبي معه والسر من فرقاه ضاع
صحيح من يفقد زمام امره يضيع
اليا ذكرت الخد والسود الوساع
تسابقت غارات عبارتي جميع
اصبر على الهجران قدر المستطاع
احمل همومي للخلا واشري وابيع
ابيع شي بالجواهر مايباع
بعته رخيص وضاق امامي كل ذيع
بين الرجا والياس يشتد النزاع
بعده دهر ومشاهده عندي ربيع
تستدرج الايام مفتول الذراع
من حيث لا يعلم وترميه بالسريع
يمطر على دار وليفي سكنها
يسقي وطن منتوقة العنق ياسعود
مالي وطن بالعارض الا وطنها
قلبي غدا واستيسره لين العود
محد يفك القلب ياسعود منها
ساطي وفي كفه جديحه وبارود
وادخل يده بين الضلوع ودفنها
بيني وبينه وصل واسرار وعهود
مصيونة ماتدري الناس عنها
في كل عام يزود حبه بعد زود
اقفى بروحي والتوى في رسنها
اموت بين الخد وعيونه السود
وحواجب ربي بملحه قرنها
وشعر بدهن الورد والمسك مكدود
جديلة تضمني واحتضنها
ليل جمعني به عسى ليت ويعود
يبعد عن النفس الحزينة حزنها
سلام وراية الاسلام فوق الراس مرفوعه
ترف بكل عز وكل مجد وضمها بيديه
امام المسلمين وكلمته بالكون مسموعه
أخص القايد الاعلى فهد درع الوطن حاميه
من العدوان ما عاثت فلول الشرك بربوعه
ملكنا اللي نحبه ثم نحبه والغلا نغليه
على دربه نسير ونستنير الدرب بسموعه
ملكنا اللي يشرف حاضره ومشرف ماضيه
يسجل له مدى التاريخ للتاريخ موسوعه
ملكنا اللي فتح قلبه لنا يالله لنا تحييه
فريدات الخصايل في مقر العز مجموعه
يصون مقدسات وبالثبات مخططه ماشيه
عسى أوطانه لبراق الحيا بالرجع مرجوعه
تمتعنا بعهده بالرخاء والخير والترفيه
شربنا الماء قراح ومدنا وامتد ينبوعه
ليا صدر قرار يتم وبريشة قلم يمضيه
يورد جاري التنفيذ والاوراق مدفوعه
يوجه ما يوجه منفرد بالراي والتوجيه
يحل اوضاع غيره ما ابتحل في حل موضوعه
ليا منه تنهض زلزل الغبرا تحت رجليه
يامكبر هيبته والارض تستكلم تحت طوعه
سعودي ملا الكرسي صحيح ومنصبه ماليه
ليا زمجر وطالع بالسباع تخر مفجوعه
تليق به القياده والسياده والامن مضفيه
على شبه الجزيرة ساد تشريعه ومشروعه
بلاده ما يقارب ربع قرن بساعده يبنيه
ولايتبع فهد يتبع فهد وخطاه متبوعه
يعود الراي لاهل الراي واخذ الراي من راعيه
يعد ارياه مفتوله ومثنيه ومربوعه
بتوع ليا مضى يمضي بسيف العدل ما يثنيه
ليا عدوا قواطيع السيوف ابتر وقاطوعه
ليا اشتد الخصيم بخصمته من حكمته ينهيه
ينوخ للحقوق وتصبح الحقاد مرجوعه
جبل راسي ومن طبع الجبل ما يحترك راسيه
ذرى المفزوع واللي طار عنها الستر مفجوعه
جنودك يافهد شعبك لياطق الحدى حاديه
فداك الامن يفداك الحرس والجيش وفروعه
عليك براس الافعى ما دفق سمه وكيف وليه
يروجها الغبي واللي ثقتنا منه منزوعه
من الضربه يطيح من اوله والحق على تاليه
قبل فتك الافاعي خلها في البيض مخلوعه
عصابه يا بوفيصل بثت التشويش والتشويه
على ارضك ما لها بيعه ومن بيعتك مخلوعه
على يمناك اخوك اللي مناظيم السرب تتليه
على اكتافه كبار الواجبات اليوم موضوعه
تصدى من تعدى ويتحدى والوطن يعنيه
تعبر كلمة في نشرة الاخبار مذيوعه
صدق راعي المثل لاركبت حر ارقد ولا توصيه
ولو حددت له رحلة شهر ياتيك باسبوعه
نرحب في ولي العهد ونحييه وتحييه
جماهير تردد له بيوت الشعر مبدوعه
هلا يامرحبا واهلين يارجل الوطن ذاويه
بعد هذا الزعيم انت الوطن وحماه ودروعه
علينا عهد لك ياسيدي والعهد ما نصخيه
عواتقنا قلايدها العهد بايمان مقطوعه
معك سلطان حماي الحدود ليا احتمى صاليه
يجيب لك القلايع من يدين القوم مقلوعه
يسلم ثالث الاثنين ويعافيه ويدويه
ابوخالد له الهامات بالتقدير مخضوعه
على الارهاب شنوا حرب شعوا واقطعوا طاريه
تموت الشجرة اللي من عروق الجذع مقطوعه
على من روع الصيام خزي ولعنة تخزيه
عسى من راعهم رب الفلق يبلاه ويروعه
تموت اطفال وتموت النسا فعل طغى طاغيه
بكل الوصف وحش مفترس ويغير بفزوعه
جريمة ما تشبه بالجرايم يصعب التشبيه
عقول للحدث ما استوعبت خرقا ومصدوعه
كلام للبعيد وللقريب يسمعه باذنيه
لعله يستفيد ويستقر العلم باسموعه
نجابه طغمة بان الردى منها ولاتخفيه
هذا والله هو الارهاب مهما يختلف نوعه
خذت عدوى وجتنا بالوبا من تلمسه تعديه
كفى الله شرها وبقدرة الرحمن مقلوعه
ملغمة المصاحف ما لها بين الرجال وجيه
هبت والله وجيه للهوى وابليس مركوعه
في ليلة(ن) يطربلها كل ساري
مسرى مع الفج الخلا عز واجلال
متشطر(ن) ماخضت في عرض غاري
على خطاتي مشومر(ن) يقطع اللال
تدفن مداهيله هبوب الذوراي
أبي أربي ابل والحل برحال
علم صغير جاهل بالبراري
اجمع من البل عشر وتصير وبال
واختر فحلها مع جنبها يباري
البل لها في مهجة القلب منزال
منايح القصار سفن الصحاري
مراجل(ن) يشقى بها كل رجال
افلاس بايعها نواميس شاري
ودي تعرفني على ناس إرجال
شرواك من أهل المنايح وطاري
يكفيك ابن هندي ومسلط وهذال
ومن شمر العاصي وبرغش وضاري
لقيت في الوحدة سكون وسعة بال
بعيد ماعندي من الهم طاري
ارجع الذكرى على روس الاجلال
وامرح خلا بين الحجل والقماري
ماهمني جمع المرابي للأموال
عزيز لو امسيت جيعان عاري
00000000000000000
البن الاشقر يداوي الراس فنجاله
كيف لنا نحرقه بالنار ونزله
وليا انقطع لو ورا صنعاء عنينا له
البارحه الليل ماغمضت به كله
أراقب الصبح جالس واتحرى له
ابعث شريطن مضى وأطويه وفله
وأقول من يحفظ التاريخ لأجياله
قل للعراقي يفتش جعبته قله
يلقى بها شي مايطري على باله
الهم والغم والطاعون والعله
حقه لحاله كفايه حقه لحاله
من صفعتن ذاقها بانت بها الخله
يذكر هزيمة شهر شعبان وهلاله
قام الثعل يشتغل ويشاغل الشله
عزت وطارق وعد عدي وأمثاله
يذبح ويصلخ يده حمراء ومبتله
شي يخلي جبين الحر ينداله
ياناس ياويل من هذا زعيم له
الشعب في وضع يؤسف له ويرثى له
شعبن شرب كره وأكل كره كره له
يتفل على صورته ويدوس تمثاله
تبت يدا ابو لهب تب (ن) وتبله
واللي معه بالحطب للقوم حماله
مقبل على طبختن بالحيل تعمله
يوخذ بها الثار والثورة تسوى له
حتى نسيبه ولد خاله تحيل له
لغم له الهليوكبتر وأنشدوا خاله
الله مايهمل الظالم ويمهله
وأن طال به عمر اخس شوي وأردى له
الحكم منهار والاحزاب منحله
مخس من حالتن فيها ولا حاله
من ردى حظه في أهل بيته يزوله
صار الشجر قوم في عيونه يورى له
من كثر مايرتميه يخاف من ظله
ومن يعلم الغيب لو عدي قتاله
صدام انا بنشدك وش أنت حي إله
مثلك يموت بغبنه وموته اشوى له
ماعاد تملك من السلطه خبر لله
خارج عن السيطرة دولتك منزاله
جمع عظامك سوات مجمع الجله
واحرق بها مادرى بغداد برجاله
الجيش يرزح تحت ذل من الذله
والشعب مسكين تضحك له وتغتاله
وإذاعتك ياسويد الوجه منشله
ماعندك ألا يا لالا يا لالا لالا
أي بله اسمعك زين أي بله اي بله
وليا تبين عدو بنا وحنا له
ماتدري إنا نعقد الحبل ونحله
بالعسر واليسر حلاله وفتاله
نعسف الصعب ثم يجيك مزين (ن) دل له
اديب مايشتكي عرقوب جماله
مانقتنع بالهجاد نصبح الحله
مع الغطاليس رجليه وخياله
والدار ماهيب ياصدام محتله
ما استعمرت قبل حكم العود وعياله
واليوم عنها نسن السيف ونسله
من شط وأخطى الطريق نصلح احواله
والفهد تخسى عنه منت بقبيل إله
وطى برجله على غاربك بنعاله
منته بكفوه ولا شرواك كفو إله
الفهد يكرم عن المشبوه واشكاله
الفهد عز العرب والعرب عز إله
وكم دولة (ن) تستغيث المال من ماله
العادل العدل والاسلام شرع إله
ولبيعة المسلمين البيعه أولى له
ولا انت مهزوم لا مذهب ولا مله
مقطع اربع تطيح بكل محباله
من ما بظلك تخدع الشعب وتظله
مفسد ويدعى عليك وفهد يدعى له
وين انت يلي له العذرى تكحل له
يقوم لعيونها وتشوم لافعاله
من طيب ابوها تبي وصفه حلي إله
يقلط على شوبة البارود وظلاله
ابيك في لازم (ن) قدك وقد إله
قمر عربسات يبرى لك وتبرى له
أمر (ن) ضروري وخلك مستعدإله
منته مراسل تجي وتروح برساله
عندك مهمه وقلبك مابرد غله
جدول مسيرك تعرف العام مدهاله
اركب على اللي قنابلها من السله
بمكبرات الصور بالجو جواله
اخذ المدرج وتل بريكها تله
واخفقبها خفقت الكدري لمقياله
انحر بها خاين النهرين وافطن له
لاذكر بالخير في حله وترحاله
حدد مكانه بتل سكوب وانزله
انزل رويدا رويدا واكبس الأله
حربية (ن) عاديه سوداء تسلل له
تسللت من جهة عمان وجباله
جاته من الغرب عبر اجواء صديق إله
تحمل على متنها حزنه وسلاله
ترسم هدفها على الليزر وترسله
اشارة الضبط وبالمضرب تهيا له
ماتحمله ماترفعه ترفعه مترين وتهله
مع ذرة الشمس في قصره تحما له
تعطيه ضربه تدك القبو بالفله
والشر فاله وفال الله ولا فاله
من شدة الانفجار اقول باسم الله
تهتز الاهوار والبصرة بزلزاله
في سبع الارض تحفرله وتدفن له
من تحت الانقاض والانقاذ ما شاله
ياخذ سنه يلتهب قبوه كما المله
ويذوب صنقل الساعه وسلساله
ثم خل غيره يشوف ويعتبر خله
واللي يبي مثلها بالحال تثنى له
الضعف ما حطه الطيب سبيل إله
قد قيل من لايعيل تجيه عياله
ما استعمرت قبل حكم العود وعياله
واليوم عنها نسن السيف ونسله
من شط وأخطى الطريق نصلح احواله
والفهد تخسى عنه منت بقبيل إله
وطى برجله على غاربك بنعاله
