اضع هنا ديوان الشاعر المبدع والمتالق بكل جداره
الا وهو الشاعر / سداح العتيبي
لا اعلم عنه سوا قصائده التي تحيي وتبث الاحاسيس الينا وهي كافيه عن المعرفه ..
تحصـن ميـر ماعنـدي منـاعـه
يستر الله مـن دواي ومـن طبيبـي
خاطري مشحون من كثـر إلتياعـه
يجحد العلـه وأنـا جرحـي عطيبـي
منكسر مـا بيـن حبسـه وإندفاعـه
و واقف بيـن المنـادي والمجيبـي
وأنت يا اللي بينـي وبينـك طماعـه
لا تسلمنـي ظنونـي وأتغـدي بـي
فرد جروحـي ليـا جاتـك جماعـه
ولا تخليهـا تجمـع ليـن أطيبـي ؟
لا تجاملنـي وحبـك عـن قنـاعـه
ما غصبتـك بالمحبـه تنتحـي بـي
فيك روعه للغرام .. ومنـك راعـه
وأصدق العشاق مقطوع النصيبـي !
سم وأسلم وأبشر وسمـع وطاعـه
ضارب سمعي على صوتك صليبـي
راح قلبي مثل أخوك مـن الرضاعـه
ورحـت عنـي لا بعيـد ولا قريبـي
ما لحقني شك غيـر مـن القطاعـه
يا الله أقطع ف الهوى شكي وريبـي
لا تقول الحـب يبغـا لـه شجاعـه
وأنت يا طيبك .. وأنا يا طيب طيبي !
حافـظ تاريـخ ميـلادك وداعــه
والزمان يدور والعمـر يعـدي بـي
كل عـام وكـل يـوم وكـل ساعـه
وأنت طيـب ومتعافـي يـا حبيبـي
وألا أنا عمري يخلـف الله ضياعـه
كل ما عيد شبابـي .. عـاد شيبـي
سيـدي كـل بطبعـه وإنطبـاعـه
كان ما طريت جيبـك طـر جيبـي ؟
وأعتبرني شاعر وراعـي بضاعـه
يابس عرقي على الغصن الرطيبـي
وأن سمعت اللي يطيب إلك إستماعـه
قول صـح لسـان سـداح العتيبـي
لين جناب الود يا لين العود
وألطف وأساليب المحبه عديده
خل القسا لاهب تستاقه النود
وأحذر بعد ما ساقته تستعيده
بإسم الوفا والحب والطيب والجود
الصح عيده والخطا لا تعيده
عليك حل الحبل والحبل معقود
تعقدت روس الحبال الجويده
وراك ساكت والسما بروق ورعود
والليل موحش والهبايب شديده
مدري حداك الصمت وأصبحت محدود
وألا أن صوتك فيه نبره جديده
تنقل كلام شفاك بعيونك السود
وفي كل نظره منك .. جمله مفيده
كم قلت لك مأمون والسد مسدود
والشك زايل والهقاوي بعيده
خوفي من اهل الرقص والنقص والزود
وبثي يا إذاعه وأنشري يا جريده
قلبي لهد كبدي وعبرت ملهود
وأنته حجر قلبك وكبدك حديده !!
خليتني بالشعر حاوي ومردود
وعلقتني في باب بيت القصيده
وتعبت أغني فيك يا باشة الخود
مما بدالي .. ما بقا لي شريده
جوارحي لرضاك مقتادها قود
تقول حاكمني بشرع وعقيده
لاشك حكم العشق ماعنه منشود
وحكومة العشاق ماهي رشيده
أنت اعتبر ما صار ماهوب مقصود
وأنا أعتبر ما صار فرصه سعيده
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
يقول سداح:
درب السعادة عليه الحزن قاطع طريـق
إليا بدا من وراها .. حـال مـن دونهـا
/
تقول بين الفرح والحزن عهـد وثيـق
سبحـان مـن سيـر الدنيـا بقانونهـا
/
أثر الصدور الوسيعه يا سعد ما تضيـق
إلا مـن النـاس صاحيهـا ومجنونهـا
/
حاولت وأزريت لا أفل الحجـاج الطليـق
( في خاطري ضيقة تمشي على هونها )
/
يون قلبي مع الجهـراء بمـا لا يطيـق
أسبـوع ودموعهـا تفـوح بعيونـهـا
/
الحادثه كارثه والجـرح جـرح عميـق
أعمق من اللي على الشاشه تشوفونهـا
/
يا ديرة مرتبط معهـا بعشـق عتيـق
أحـب أهلهـا وأحـب اللـي يحبونهـا
/
يا أم اليتامى عليك الظلـم دايـم يويـق
وصكـات بقعـا عليـك تعـد طبلونهـا
/
العارض اللي حصل لك ما يسر الصديـق
جريمـة تدمـي التاريـخ بطعونـهـا
/
لكـن يـا باحثيـن مسببـات الحريـق
المجرمـه لـو تـعـذر لا تخلونـهـا
/
نامت وعيت حكومتنـا الرشيـده تفيـق
عسى اليتامى بصيحتهـم يصحونهـا !!
العـام 00 انـا مبتلـش فـي عقـدة السـانـي
واليـوم 00 انـا شاعـرن مـا ينـهـدم بيـتـه
؛
مافيـه داعــي تـهـل الـدمـع مــن شـانـي
بـكــره يـقـولـون لـيــه يـالـحــب بـكـيـتـه
انــــا تـمـنـيــت تـذكــرنــي وتـنـسـانــي
وانـتــه يالـيـتـك تـمـنـى الــلــي تمـنـيـتـه
رسايلـك جـات بـيـن اسـمـي وعنـوانـي
وتـعـلـقـت بــيــن ضـيـعـتـه ودلـيـتــه ؟؟
بعـض البشـر لـو يـدورنـي مــا يلقـانـي
وبعض البشـر لـو يجـاذب سيرتـي جيتـه
لا تنـشـغـل خـلـنـي يـــا سـيــد خــلانــي
استسمحـك وقتـي اللـي مـعـك قضيـتـه ؟
قـولــي ( ؟ )الـحـلـم خلـيـتـه وخـلانــي
او قــول بالعـكـس خـلانـي وخلـيـتـه ؟؟
ياسـيـفـي ودرعـــي وخـيـلـي ومـيـدانـي
البـيـرق المنكـسـر لـرضــاك رزيـتــه ؟
امــوت مــن ضيقـتـي مـيـر الله احيـانـي
وجـوارحـي نـــوب لا حـيــه ولا مـيـتـه
رغـم انـي اعانـي مـن الوقـت مـا اعانـي
مسحت صبـري علـى جرحـي وداويتـه
فرشت لك قلبـي وشلتـك وسـط وجدانـي
وارتحـت فـي قلـبـي المـفـروش واذيـتـه
فـي ذمتـك لا تـراودنـي عـلـى اجنـانـي
وصـلــت حــــد الـجـنــان ولا تـعـديـتـه
وان قلت وش جاك مدري منك وشجاني
مغـيـر مـديـت لــك كـفــي وعضـيـتـه ؟؟
ماعـاد مــع راســي الا روس جنحـانـي
والـريـح لاهـــب مـــع طـاريــك هبـيـتـه
اسمح لي اجر صوتـي واسحـب الحانـي
والشـعـر لا ضـقـت غنـانـي وغنـيـتـه ؟
العـام 00 انـا مبتلـش فـي عقـدة السـانـي
واليـوم 00 انـا شاعـرن مـا ينـهـدم بيـتـه
ومافيـه داعـي تهـل الـدمـع مــن شـانـي
بـكــره يـقـولـون لـيــه يـالـحــب بـكـيـتـه
أعذروني عـن غيـاب زلتـه مدموحـه
___________________________ وأسمحوا لي لين أراجع سيرتـي وسجلـي
غبـت كلـي والدوافـع كلهـا مشروحـه
___________________________ أفتحوا كشف الغياب وسجلونـي كلـي
هكذا طعـم المحبـه .. حلـوه ومملوحـه
___________________________ وهكذا الفرقا مملـه .. والوصـال مسلـي
العلم مرفوع يـا اللـي ترفعـون اللوحـه
___________________________ الشحيـح يصـد عنـي والكريـم يهـلـي
دام باقي فـي ضميـري نافـذه مفتوحـه
___________________________ عبرها ينفذ شعـوري ليـن يبـرد غلـي
قلبي المجروح مـدري كبـدي المجروحـه
___________________________ جر عمرك يا النسم بيـن الضلـوع وقلـي
دمعتي تبحث خفـاي وضحكتـي مذبوحـه
___________________________ هينـه والصبـر طبعـي والقناعـه دلـي
ما بقا للشعر واهس والهجـوس تشوحـه
___________________________ بين منقود الرفيق وبيـن شرهـة خلـي !
أنقرض نسل القصيد وراح راحـت روحـه
___________________________ وأكثـر الشعـار ولـت والزمـان مولـي
يفزع الطحطـوح وألا تفـزع الطحطوحـه
___________________________ الدعـاوي حطهـا وأشتالـهـا بامجـلـي
كل ما هـب النسيـم أستنزلـت منفوحـه
___________________________ والعليـا يـا ماشـاء الله حظهـا متعلـي
طاوله وأربع كراسي وأمسيـه وأصبوحـه
___________________________ والله الله .. مير حلي يـا حـلاوه حلـي !
الشاعر / سداح العتيبي
إليكم بعض نوادر (سداح)
يا داعي الشعـر مـا للغطرسـه داعـي
ــــــــــــ قصايـدي كلـهـا بالخـتـم مختـومـه
لا فاضوا المبدعيـن وغـاض الإبداعـي
ــــــــــــ بالنـاس معطيـه وبالنـاس محـرومـه
تشكيلـة عامـره مـن كـل الأنواعـي
ـــــــــــ فيهم على القيمه وفيهم علـى القومـه !
الحمـد والشـكـر لله ثــم لـذراعـي
ــــــــــ ما جيت مـن بينهـم يمنـاي محزومـه
لو ترقص الموهبـه وتطـق الأصباعـي
ـــــــــ قلدتهـا مـن عقـود المـاس منظومـه
عـز الله أن الزمـن ماكـر وخـداعـي
ــــــــ ثـوب الريـاء يلبسـه وينفـذ كمـومـه
لا طال عمـر الضعيـف قصيـر الباعـي
ــــــــ مراجلـه بـيـن حنجـرتـه وبلعـومـه
أغلب نجوم الورق طاحت علـى القاعـي
ــــــــ وأغلب نجوم السمـاء فالليـل منجومـه
يا قاضـي العـدل ويـن الناقـد الواعـي
ــــــــ مفقود.. هو مـات وإلا ضاعـت علومـه
أنا مـا قلـت الرعيـه مـا لهـا راعـي
ــــــــ إلا بعـد شفتهـا ماهـيـب ماسـومـه
عسـى مزاجيتـي مـا تخلـف أطباعـي
ـــــــــ وعينـي لهـا نظـرة بالعقـل محكومـه
وقع يا طير السعد وأعزف علـى إيقاعـي
ـــــــــ جناحـك المنكسـر مـا يكسـر الحومـه
تون يوم الفضـاء عصـاك مـا طاعـي
ــــــــــ وأنته ما ترضى الهوان .. وزومتك زومه !
أبتقاسـم معـك تـوزيـع الأوجـاعـي
ــــــــــ يا حر كبـدك مـا بيـن الحـر والبومـه
لا تشرح أوضاعك.. ولا شارح أوضاعـي
ـــــــــ كـل عطـاه الولـي رزقـه ومقسومـه
(كبود الرجال)
يا وسع صدري مير صدري لا ومره الله يضيق
…………… حــزم ضلوعه وأظهر اللي راكنه فـ أركونها
واللي ما يظهرها الزفير .. يتلها تل الشهيق
…………… لابد مع جر النسم ما ينكشف مكنونها
صابر وأنا بين الرجا والياس والجرح العميق
…………… ما تنومن شهب الليال إليا تغير لونها
يوم أحتمى الميقاف وجا للغيض فيض ونشف ريق
…………… وقامت تجر المخطيه بين العباد لحونها
خليتني يا حادي ركابي على حيد الطريق
…………… والمعرفه هانت وشانت واختلف قانونها
ناتج علاقتنا على ماقيل علمن ما يليق
…………… بضاعة بادت قبل لا ينفتش كرتونها
منته بـ أخوي من الرضاع ولاني أخوك الشقيق
…………… واللي تحطك سدها بكره تجي من دونها !
غيـبت من بعض العلوم الحامضه وأزريت أفيق
…………… ما يذبح كبود الرجال ألا وساع طعونها
أختار فـ الثنتين .. وأنته لا عدو ولا صديق
…………… والأولـــه يا صعبها .. والثانيه ياهونها
وأعرف ترا ما الله محمـل عبده بما لايطيق
…………… والناس حسب حظوظها وفوقها وظنونها
شكرك على جنحانك إليا طرت يالحر الطليق
…………… لو يمـك فروخ النعام مبحلقات عيونها
أول علومي كنت أجر الصوت للغصن الوريق
…………… وآخر علومي بشروا ليلى عقل مجنونها ؟
(Youtube)
للمعرفـه والعلـم طالـب ومطـلـوب
وللعولمـة طفـره وسرعـه مخيـفـه
وللتقنيـة حاسـب وللذنـب حاسـوب
وللشـر وازع بالنفـوس الضعيـفـه
وللناس طمعة روس وأحساس وقلـوب
وللـراس مـخ وللجـوارح وظيـفـه
قام التطـور بينهـم ينفـض الثـوب
ويومي علـى روس الجبـال المنيفـه
على ما قالوا كـل ممنـوع مرغـوب
و مـدور الممنـوع يلـقـى حليـفـه
يا مولعين اللايت في سايت ( يوتيوب )
عليـكـم أوزار الخـلايـق لفيـفـه
ما يمنعـه حاجـب ولا فيـه محجـوب
واللي معـه مقطـع فضيحـه يضيفـه
العرض وافر والحيـاء منـه مسلـوب
بيـن العلـوم المحزنـه والطريـفـه
بالصوت والصوره من بلاي لستـوب
من خش به جت له على كيف كيفه !!
جلسة شباب أشناب مع خمر وحبـوب
والبنـت ترقـص بالثيـاب الخفيـفـه
والمطرب المشهور بأحضان رعبـوب
والكبتـن الطيـار ويــا المضيـفـه
فضايح في وقـت ماهـوب معيـوب
العيـب فيـنـا والبصـايـر كفيـفـه
يـا أمـة الإسـلام والعـز منـهـوب
يضحـك علينـا الـذل ويسـل سيفـه
وحنا نجي ونـروح ونقـول مكتـوب
ونعمل على هـدم البيـوت الشريفـه
متـى نعـود لخالـق الخلـق ونتـوب
ونعامـل الله بالقـلـوب النظيـفـه !
(موجه تطور)
يا صبح نـورك عليـه إثبـات
شمسك علـى الكـون شعالـه
والليـل لـو يستـر الـغـرات
يبـدي مـن اسـراره لحـالـه
البارحـه والهجـوس أفــوات
مابـيـن رجـلـي وخيـالـه
شالن في صدري ثلاث اصـوات
ونـوم العوافـي بـرن حالـه
عقلـت قلبـي عـن السجـات
وعـودت أسـريـه بعقـالـه
وروابعه عقـب راحـت جـات
تـحـط حمـلـه وتشـتـالـه
وأمسيت أجـر النسـم بسكـات
وكبـرت علـى القالـه القالـه
يا طول صبري علـى الميـلات
وقـت العنـا فـاض مكيـالـه
حنا في وقـت مـن الاوقـات
يضفـي علـى الخلـق سلالـه
زادت دشــوش الفضائـيـات
وانـا الفضـا مالـي ومـالـه
جاء مع عرب سات .. نايل سات
يـرسـل وزانــه ويبـرالـه
موجة تطـور علـى الشاشـات
ريموتـهـا يكـبـس الآلــه
والمجـد مـن بدهـا بـالـذات
يا جعـل مـا يقطـع ارسالـه
ما تعـرض ألا عبـر وآيـات
وصلـوا علـى محمـد وآلـه
والسلـه الباقـيـه هيـهـات
ماهـيـب لله وإنـــا لـــه
قمصان نـوم وعلـوم وشـات
بــث فــال الله ولا فـالـه
ارسل سلامـك وهـاك وهـات
وكــل محـضـر بـجـوالـه
عسل وصـل والحنونـه جـات
دجــال يضـحـك لدجـالـه
نـاس بلاهـا حياهـا مــات
شـبـاب الاســلام يرثـالـه
الفـن مـع كاشـف العـورات
يصلـح لـشـرواه وامثـالـه
يـا الله لاتقـطـع الهـقـوات
وتبـلـغ الـعـود فـعيـالـه
القلب في سوق الهوى لجلك يغيـض ويمتلـي
ماهوب راع مساومـه أمـا أشتـره وإلا بعـه
يوم الشعور مداوله .. وش قلت لك وش قلت لي
راجع حديث العاطفـه وأقتـص دربـه وأتبعـه
وألا بلاش أنسى مافات ومات .. وأسمع ما يلي
لا تترك الملتاع واقف لك على راس أصبعـه !
لا تكسر شداد الجمل .. لين آكل لسـان الطلـي
وإليا نهض حظي وحظك شق صـدري وأجبعـه
من قال لك ( ما الحـب الآ للحبيـب الأولـي )
يا خامس أحبابي معك نسيـت حـب الأربعـه !
أضحك معي .. وأضحك معك لكن لا تضحك علي
طبعـي علشانـك تعبـت أعوبلـه وأطوبـعـه
شتتني وأنـا عليـك .. أميـح ميحـات الدلـي
ودخلتني فـالزوبعه وأنا مـا أعـرف الزوبعـه
وغنيت لك قافين والمعنى علـى وجـه جلـي
أختر حداها وأحفظه وأفتـح ضلوعـك وأطبعـه
أقولها .. وأن مـا تلقيتـك .. تلقيـت الخلـي
يا منبع الحـب الحقيقـي علنـي مـن منبعـه
