ديوان الشاعر منصور المشيقح – المهاجر 2024

ماني على خبرك تراني تغيرت
أنت السبب يومك تطول غيابك

وياحسرتي كانك علي ماتحسرت
وياويل قلب ممتلي من عذابك

ماشفت دمعة من يحبك وفكرت
وش فيه يبكي ماتمنى عتابك

صبرت لجلك ليتني ماتصبرت
وضاع الصبر وضعت أطرد سرابك

ضنيت ترجع بس شفتك تأخرت
والقلب عيا يحتمل ماهقابك

تكفيني الذكرى عسى ماتكبرت
مادري تذكرولاذوقك غدابك

مجبور أسامح لوأحسك تغيرت
وإن جيتني لاصيح وأصرخ هلا بك

رد الجواب وطمنن وش قررت
نرجع سوى أو تستمر في غيابك

شعر منصور المشيقح

للأستماع والتحميل اضغط

الشاعر منصور المشيقح-ضاع الصبر.mp3

ليه الغدر مرسوم في وجه الأيام
وليه الزمن بعثربصدري كآبه

ليه أنقطع بالكف خيط للأحلام
وليه الدقايق كلبوهاتشابه

ليه أبخفوقي تسكن أوجاع والالام
وليه الكرى بيني وبينه حرابه

تعبت أنا أشكي جرح قلبي للأقلام
وأنثر جروحي بالدفاتركتابه

في داخلي جمر الغضى تحت الأقدام
درب وعر والعين تطردسرابه

مليت من جسم غدا كله سقام
مليت من طول الطريق وعذابه

ومالوم جسمي لو بقى جلدوعظام
دام الزمن شال الجروح وصطابه

صرح المشاعر صار في جوفي هشام
مات النبات ولابقى إلاترابه

وصرت الوحيد بوجه الأيام منظام
اسأل ولابه من يردالأجابه
.

.
للتحميل اضغط

http://sub3.rofof.com/012xvdsk16/01_Al-msar_1.html

والله فيك الخير
بعد مانسيتي
ليه
جيتي..
حتى في بعدك
تكبرتي
وقسيتي
ليه جيتي
بعد ما خانك
غرورك
خضعتيلي وبكيتي
في غيابك
كانت أيامي
تمر
والشهر يمضي دهر
في غيابك
أنتحر حرفي على صدرالسطر
أنشدي الخفاق
عن معنى الصبر
ما تت
ألأشواق
فيه وينتظر
وش ينتظر
دام ما للغدر ياخليغدر
والله أني ما عرفتك
كني ما لحظه
لمحتك
جيتي يكسيك الندم
جيتي في صدرك
ألم
خابره قلبي يسامح
تعرفين الحب
جامح
وقلبي ما عمره يردك
من عرفتك…
أرفعي
راسك
تعذبني دموعك
عيشيني بس
في لحظه
رجوعك
يابعد روحي
يضايقني خضوعك
من لفيتي كل ليالي
الشوق
ردت من لفيتي
من بغيتي
كلي تحت
أمرك
يابعد حيي وميتي..
.
.
.
ياسيدة .. عرش الكلام
من للظلام …
لاملت حروف العتب
صدر التعب
لاصارت أشواقي حمام ..

أسراب يغريها الغمام ..

من للظلام .. ؟
ياسيدة عذر الكلام
ليه الغرام ..
اللي حلف راح و نسى
اللي سكن قلبي قسى
وليه الأماني كلها ..
في دقها .. في جلها .. صارت .. سهام ..
آآهات .. واحزان .. وظلام ..
ياسيدة عذرالكلام
من للغرام ..
من للغرام ..

برغبتي حاولت حتى شريتك
وبرغبتي بعتك ولايمكن اشريك

وبرغبتي ضميت جرحي وجيتك
كله على شانك ومن شان ماضيك
وصافحت منك الغدر ساعة لفيتك
ومن بعدها عاهدت نفسي فلاجيك
ياماعن دروب الخيانة نهيتك
وعن كل درب للخيانة يمشيك
وانا على درب الفراق احتريتك
واببتعدعن درب يمي يوديك
كم ليلة حافي وصلتك ببيتك
وانتا على داري قليلة خطاويك
وانا بكل اللي ملكت اشتريتك
رح لعنبوا قلب يودك ويغليك
في صفحةالنسيان مبطي طويتك
واعلم تراي أموت هم ولاأرجيك
وفتشت عنك بداخلي مالقيتك
حتى ذكرت إني من أيام ناسيك!!

ضايق صدري وثوبي ماوسعني

/// واشعر برغبة عيوني للبكى ..

.

.

ليت ربي من هوى نفسي منعني

/// كان مارفرف خفوقي واشتكى

.

.

لاحبيب في مواساته رفعني

/// ولاصديق للمواجيب ارتكى ..

.

سافر وانا قبلك مع الهم سافرت
بجمع شتاتي وأنت جمع شتاتك

لاتحسبنك يوم جيت وتعذرت
بنسى جروح بداخلي من سواتك

يمكن قبلت العذر لكن تأخرت
توك صحيت وهزتك ذكرياتك

أن كنت أنا في حقك بيوم قصرت
قلها صريحه لايدينك سكاتك

ماعدت ذاك اللي معي وين ماسرت
واللي بقلبي مايغير غلاتك

حتى أنت ياآخرآمالي تغيرت
وأنتا بقلبي كنت لي ماحلاتك

لامرت الذكرى عليك وتذكرت
حاول تذكر شخص مر بحياتك

عزاي في ثوب الوفا لك تعطرت
وعزاي حب ماسكن وسط ذاتك
.

.

ماعاد ينفعك العذر لو تعذرت
توك صحيت وهزتك ذكرياتك

.

لبريدة اللي رملها كنه الماس
شوقي جذبني …. والمسافة وفاها

ماهوب توه .. هالوفاء قبل الأنفاس
تسكن عروقي مرتوي من غلاها

مزيونة في ليلها الدافئ إحساس
همسة حبيب … غارق في هواها

طبع الكرم لرجالها … أفخر لباس
ومن المكارم … ربي اللي حباها

بالحب والإخلاص شلته على الراس
ودايم بقلبي … عاليا مستواها

فيها رفيعين المواجيب والساس
وفيها الوجيه اللي حسين نباها

هذي بريدة عشقها ماله قياس
مثل الهنوف اللي شرفها .. حلاها

لا تعتذر

أبصبر و الصبر لو طال
ولاني سابق الأقدار..
وإذا جاء للعقد حلال
أبد مالك بعد أعذار..
قالوا..
الكذب حبله قصير
وبكرى الحق ..
شمسه تنير..
وأتخيلك..
وشلون..
ساعتها تكون..
دمع الندم..
لا هل من بين الجفون..
يترك على خدك…
مطر..
ومن الخجل..
خدك جمر..
وأتخيلك..
ودك تخادع.. تدعي..
تعجز حروفك..
والمعاني تنتحر..
لو زان كذبك..
ما يصدق مسمعي…
الصدق يوصل خافقي.. ما ينكسر
عمري قضى..
وعمرك قضى..
بالحب ما شفنا الرضى..
ولو تعترف وتنسى اللي راح
وذاك الزمان
اللي مضى…
ياحلوتي..
الحق لامنه ظهر..
في وقتها مالك عذر
ولا تعتذر..

واااااااو

يسلموووووو

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.