السلام عليكم …
هذه مجموعه من قصائدي … اتمنى تعجبكم …
جنون الحب
لا تلومي العشق من عله تجيه
ولا تزيدي جراح قلبن منفطر
كم شربتك مر علقم مكتسيه
وكم شربتك مالح الدمعه قهر
وكم هجرتي واسهرك ليلي واتيه
وحسي البحار في غبة بحر
العواصف والبروق الي تجيه
حطمت مجداف منجاه بصخر
مايشوف الكف من ضلمه تليه
وما يحرك مقدمه يخاف يعثر
ماله الا رحمة الخالق تقيه
ويحتري لحظات موته كالدهر
انفجر قلبي على ماحر فيه
وانفجر بركان شعري بالدرر
كل حرفن من حروفي ماهجيه
ينكتب قدام عيني ما يمر
تحسبين الحب لعبه وتحسبيه
صورتن تنحط عجدارك شهر
وتلعبين بقلب وافي لك وفيه
كل حبن صافين عوده خضر
صرت انا مجنون تايه كل ابيه
ينكتب اسمه مع قيس بسطر
الصحيح العمر دونك ما ابيه
والصحيح القلب دونك منكسر
وش يفيد الحب في قلبن نزيه
والأناني الي بوصفك قد حضر
هاجرن هجرك وربي ارتجيه
يعوض المضيوم بنتن كالطهر
هذا هو قولي ومرك جربيه
واحصديه العند ودموعك ثمر
وهذا هو وصفك وحبي كذبيه
وارسمي حبك كما ضي القمر
زيني رسمه وتوقيعي خذيه
كاتبن اعلاه يا جرح العمر
———————————————————
الحيره
ضيعت دربي في سواليف الايام
وجمعت جرحي وبنثره في قصيده
بكتب شعورن داخلي كنه اوهام
بعت الي ملكته لجل اني اعيده
عمرن مضى ياترى عدة اعوام
والا شهورن او ليالين مديده
مدري بس الي اعرفه حظ ماقام
حاولت افكه واكسر القيد بيده
حاولت اداري دمعتي عن كل لوام
يلوم قلبي وهالحزن وش جديده
يا لايمي بدمعه عالخد وآلام
تعصف بقلبي ولو تقرب تقيده
الحب للروح كما بطش ضرغام
يبطش ويذبح ومن يفكك من ايده
الحب رحله في ليل الاحلام
ودرب السعاده ومن تهنى بعيده
الحب شيخ له الدمع خدام
يامر وينهى وبحشى القلب سيده
عذبتني يا حب والليل ما نام
واسهرتني مابين عينه وجيده
احبها ولو العمر في حبها دام
ما اصبحت للهم يومن طريده
—————————————————-
لا لا تغيب وتترك الخل محتار
عينه تصب الدمع والدمع طابه
والليل ساتر وحدته والحزن منشار
يقطع عروق القلب بأول شبابه
اعيش ميت وبين الملا كثرة اخبار
اني قتيل العشق والحظ خابه
اشوف طيفه فوق غيم الامطار
ليته يسوق الغيم والحظ جابه
—————————————————-
وحشة الليل
علامه كل ما ذابت وصوفه بقلبي يحيها
ويحرك بالحشا جمره ويهيج جرحي الدامي
علامه كل ما غابت طيوفه بيمي يرسيها
وياسر بالغلا روحي ويروي حظي الضامي
يجيني ويرتحل كنه حامي الروح راميها
ويبعد بالهجر نومي ويبني بالجفا اوهامي
احبه والعشق بلوى واشوف القلب راضيها
احبه كثر ما نامت بحضنه كل احلامي
عجزت افسر غيابه وكيف الدمعه يخفيها
وكيف انه قدر يبعد وعينه تدمع اهيامي
اعرف انه يبي قربي وبعده روحه تشكيها
ولكنه رحل ظالم ويعيش بليله الامي
—————————————————————-
الهم
قضيت البارح لوحدي وسوط الهم يدميني
افكر في ليالي الامس وكاسه كيف يرويني
الا ليتك تجي لحظه تشوف الدمعه بعيني
تشوف الحال بغيابك وكيف الليل مشقيني
اموت ونظرتك وحدك هي الي بتحيني
وتعطيني حضن دافي ينسيني ويدفيني
وتاخذني من الاوهام وعلى صدرك تخليني
وترفع عني الوحشه وثوب القرب تكسيني
الا ليتي ولد عمك وبعرف الناس تلفيني
وامسك بالهوى كفك بوسط العين تنسيني
اشوف الدمعه بعينك واكره عمري وسنيني
واطلب حزنك لقلبي يكويني ويطويني
أحبك وحبك بقلبي وربي فيك مغنيني
ابيكي انتي لوحدك وغيرك ماهوت عيني
—————————————————————-
يا بيوت الشعر روحي واوصلي
للحبيب الي وسط عيني ينام
خبريه انه بقلبي الي علي
وانه المالك لروحي بالهيام
وياقصور العشق علي واعتلي
انتي الدنيا والباقي حطام
تدمع عيوني لجلك واختلي
وادعي الخالق يكتب لك سلام
وامسح دموعك ويروح وينجلي
كل حزن جا بعيونك حرام
خلك بحضني وادفي وانشلي
من حنان القلب ولك كل الغرام
——————————————————-
دنيا كبيره وكل ناس لها كاس
وكاسك بطيب الورد دوم اصبه
ارمي شعوري بالشعر فوق قرطاس
واكتب حروفي واسعد الي احبه
واسهر واراجع كل همي من الساس
واطرز همومي وكل همن بسبه
واغرب همومي تترك القلب محتاس
وتدمع عيوني وسبة الدمع حبه
ليت الفرح دمعه بالرمش تنداس
لسيل الدمعه وكل همي اجبه
ما قلت لك كل ناس لها كاس
وكاسك بطيب الورد دوم اصبه
————————————————————
الطفلة
ابي اسألك عن طفله تاهت في سما الاحزان
تدور عن سعادتها وتحرك فيني اشجاني
لطيفه حيل برضاها ولكن بالزعل بركان
تحب الكلمه الحلوه وتدمع والقلب حاني
احس اني انا ابوها واحس اني انا العشقان
جمعت احساسها بقلبي وعزفت بعشقها الحاني
تسميني امير الحرف وانسى لجلها خلان
واسهر ليلي ارسمها بحبر اشعاري وحداني
واشوف الليل يجفاني ويترك عيني بحرمان
ونبض القلب يضمهاها وتروي دموعي اجفاني
احب جنونها دايم واصنع من دموعي انسان
يعيش العمر وايامه ويعيد يحبها ثاني
احب عنادها لقلبي ويتبع دمعتي غفران
واقول القلب لها عاشق ويردد اسمها لساني
يجيني النوم واتمنى اشوف الحلم بها فرحان
وأهدي قلبها بكفي وآخذها بأحضاني
تقول لا تروح عن عيني وتترك فيني الاحزان
واقول اني انا جنبك ولاجلك البس اكفاني
وابعد ليلك الموحش واكتب بالقلم قيفان
واضم همومك لصدري واحس انك بتدفاني
بقلبي قصه احكيها وترويها ملوك الجان
عجزت اكمل ابياتي لان العشق ابكاني
————————————————————-
اعيش انا لجلك ولجلني ارتاح
واكتب قصيدي لكل غالي
اكتب قصيدي وكله ارباح
وابعد همومك وسود الليالي
لاعاش ياصاح ولاعاش ياصاح
من لا يشيل الهم ويترك خالي
اغزي انا حزنك لو انه اشباح
واهدم انا همك لو السور عالي
ولو الفرح في سماك ما لاح
اجيبه بعزمي ولو ما مشا لي
البسك ثوب السعد مثل الوشاح
واهديلك عيوني لو الدم سالي
خلك من الي خاير العزم نواح
ماتشوف له خير ولاهو بسالي
هات الهموم وخلي القلب يرتاح
بضمها بصدري وبيطيب فالي
———————————————-
احس بك ولو تباعدنا بالمسافات
واروي عطش روحك وارتوي له
هات الخفوق ويبات وين مابات
ابي ظلوعي تشيل حمله وتشيله
ابيه ينسى من الحزن كل مافات
وابيه يهدى وكل الدفى اعطيله
ابيه يضحك بالدروب المخيفات
وابيه يتحدى الصعب ويمشيله
لا لا اشوف على الخد دمعات
هات الخفوق من الشعر بحكيله
————————————————
يتبع
(( لا تخافي ))
لا تخافي من غيباك خوفن اشبه بالجحود
للخفوق الي ملكتي حبره ومحبارته
ولا تحاتي دمع عيني هاملن فوق الخدود
هذا من زايد غلاكي عيني اللي ذابته
انتي يا نجمن تلالا في السما فوق الوجود
ربي اسكنكي في قلبي كالورود النابته
ماعرفت الحب قبلك او تعب هاذي القيود
ولا عرفت الضحك بعدك في شفاتي صامته
هذا طيفك في خيالي راسمن دونه حدود
كل ما مديت كفي عني تصعب حاجته
والحزن اصبح رفيقي وكنه لأعمى يقود
انتخيبه لا بغيتك في شعوري ثابته
ايه احبك لو قضيتي باقي العمر بصدود
ولو يكون الشيب شعرك ما اظني عابته
دربك اصبح هو حياتي و قلبي بحبك يجود
لا تخافي من غيابك عيني الي هابته
يتبع
فتى الظل 
كل قصيده أحلى من الثآنيه
على فكره
انا من المعجبين بقصآيدك 
وآصل اخوي الله يوفقك 🙂
(( الجياد ))
مابقالي من عشيري غير حبه والبعاد
الله اكبر يا زمانن ما سمع لي واسمعه
والله اكبر يا زمانن كيف ضيعني وعاد
والله اكبر يا عشيري كيف حبك اتبعه
ماعرفت الدمعه الا في ثرى ذيك الجياد
يوم قلبي ينتخي بي وما قدرت ارجعه
لو اقول الليل ساري راجعن لي بالوكاد
حاملن همي بكفه من دموعي اشبعه
هذا قلبي ياحبيبي هايمن في كل واد
دامين مثل الأسير وكل صوتن يفزعه
وهذا حبك يا حبيبي راكزن مثل الوتاد
جامعن حبك بقلبي ماخطرلي اقمعه
حتى حلمي ياحبيبي لابسن ثوب السواد
كل ما لامس عيونه القى دمعي ادمعه
يصهل بصدري حصانن حارمن عيني الرقاد
يركض بصحرى كبيره ولسرابك يتبعه
راكبن من فوق سرجه طفلن ابكاه البعاد
مايبي غيرك حبيبي ليت بعدك تقطعه
ما كفرت بحكم ربي ولا بحكمه بالعباد
ولا كفرت بقلب ناسي حالفن ماضيعه
الله أكبر يا زمانن كيف ضيعني وعاد
والله أكبر يا زمانن ما سمع لي واسمعه
فتى الظل
فتى الظل
ومشكور ع ديوان قصايدك الروعه وبكذا تقصر علي البحث عن قصايد وأنشاءالله أكون من المتابعين لقصايدك
تحياتي لك
أخوك/برد الأحزأإن
احساس عاشق
تبي تسمع مواويلي بقلب تايه محتار
وتعرف ما جرى بعدك وبابك يوم صكيته
دموع الآه ترثيني وتنزل من عيوني كثار
وترحل من دفا عيني لشالك يوم لفيته
واحس الآه تشكيلي حبيب تارك هالدار
وحرف من خلص حبري بدم القلب خطيته
واحس أوتار تعزفني قتيل بثورة الثوار
ذبحه البندق العادي وبنته تحتري جيته
واحس بهالشتا دافي على عكسه زمان صار
حنون القلب يدفيني يعوض قلب خبيته
واحس بهالسما تمطر دموع بقدرة الجبار
وترثي حالي لحالي وحبك يوم لبيته
واحس بهالجفا شخص على بابي يدق الطار
يغني عيني يا ليلي قرى شعري وبكيته
واحسه يركض لدارك وهو يرويلك الاشعار
يحنن قلبك القاسي ويطلب وصلك لبيته
واحسك صرت لي ماضي تلاشى بحكمة الأقدار
مسحتي نفسك بنفسك وجرح البعد داويته
نسيت اليوم طعناتك نسيت اني غريب الدار
لقيت الحب من بعدك وقلبي الباكي هنيته
أبيكي تقري أشعاري الى من هلت الاسحار
وحسي بنفس احساسي بطيفك يوم ناجينه
رحلت اليوم عن قلبك نفاكي خافقي واختار
انا حبيت من بعدك وقلبي عنك صكيته
