قلب سرقته ارجوك رده لراعيه ** اوهات قلبك والعطا بالتساوي (بقلم عزيز على قلبي اتمنى تنال اعجابكم )
تدري في قلبي وش يكون دورك
مثل النفس في جوف جسمي ومجراه
حضور غيرك ما يشابه حضورك
أنت لحالك داخل القلب والله
فتحت الباب بقوة ودخلت تصارخ : شوق شوق الحقي ( وتحط يدها على قلبها )
قفزت شوق من على السرير مفجوعه : اشبك …ايش فيه ..وش صار تكلمي ؟
دانه وحاطه يدها على قلبها : اه ياشوق سمعت صوته
شوق ماهي مستوعبه : صوت مين ؟
دانه وهي تناقز من الفرحه : يعني مين حبيب قلبي محمد عند ابوي تحت في المجلس تخيلي ……يالبببببى قلبه
شوق معصبه :انتي من جدك
دانه بفرحه : والله والله
راحت لها شوق وهي ناويه تضربها ..دانه خافت وشردت من الغرفة ركض ودخلت على غرفة تالا وشوق وراها .
دانه تسحب تالا وتندس وراها : تالا تكفا لا تخلينها تضربني
شوق بصراخ : تالا وخري عنها لا يجيك الي يجيها
دانه تسحب تالا يمين ويسار : تالا انا في وجهك
تالا ماتدري وش السالفه : لحظه ..لحظه وش سوت ؟
شوق وهي تسحب دانه من ورى تالا : الغبيه هذي مصحيتني من النوم بصراخ لانها سمعت صوت محمد .. اجل لو شافته بتقومني بصواريخ ؟
دانه تحاول تفك نفسها وتطالع في تالا تبغاها تساعدها : خلاص ..اسفه ..اه اسفه
شوق وهي ماسكة شعر دانه : لو صار فيني شيء (وبصراخ ) : انا الي احبه ولا انتي ؟
تالا تحاول تفك دانه : خلاص شوق فكيها
شوق معصبه : ………..
دانه بالم : اه شعري
تالا وهي تفكهم عن بعض لان دانه صارت تخرمش شوق (بصراخ ) : خلاص انتي وهي لا اروح انا دي لكم امي
شوق بعد ما فكت دانه : هي عيديها وصحيني كذا مره ثانيه والله لا تشوفين شيء مايسرك
دانه وهي تعدل نفسها : وش اسوي احبه اموت فيه
(اعطتها شوق نظره وراحت غرفتها رمت نفسها على السرير وكملت نوم )
تالا مبققة عيونها في دانه : صراخك وصلني انا انفجعت ما الومها على الي سوته فيكي انتي من جدك ؟
دانه مبتسمه : ياشيخه كنت فرحانه وبعدين مدري انها للحين نايمه
وبصراحه لما دخلت ما قدرت امسك نفسي لازم اعبر عن فرختي (وتكبر ابتسامتها )
تالا : ههههههه المفروض تحمدين ربك انها ما فقعت وجهك .. حطي نفسك مكانها
دانه تسوي نفسها معصبه : خليها تجرب تشوف وش اسوي لها
تالا وهي حاطه اصبعها على ذقنها وتحرك عيونها بتفكير : كأني والله اعلم شفتك قبل شوي تندسين وراي وتبغيني اساعدك
دانه باستهزاء : لا ياعمري انتي تتخيلين (وتبقق عيونها ) : خليني اتزوجه واشوف وحده تسوي لي شيء والله اعلمه
تالا : هه لا ياشيخه خفت مره لا تعلمينه .. مع نفسك انتي وهو ويالله ما عندك سالفه اطلعي وقفلي الباب وراكي
دانه مبتسمه : اصلا انا طالعه يمكن المحه
تالا تقرب منها : تبغيني اجي معاكي ؟
دانه ويدينها على خصرها ورافعه حاجب : خيييييييييييير … وش قلتي ماسمعتك
تالا ببراءة : قلت يمكن تبيني اخاويك
دانه تسوي انها معصبه : لا مشكوره خلك في غرفتك ابرك لك
تالا : اقول يالله توكلي واقفلي الباب
دانه : بروح ( وتكش على تالا ) : مالت عليكم
تالا : هههههه
ابتسمت دانه وطلعت وهي تفكر وش بتسوي .
دانه / اكبرهم بعد حصه مخلصة الجامعه لها سنة لا كنها ما تعينت ذوق وحبوبه غيوره لابعد درجه الي يشوفها لاول مره يحس انها مغروره لا كنها العكس تماما عيونها وساع وجسمها يجنن ويحليها خال فوق حاجبها
تالا / رومنسيه جدا جدا جدا وهاديه لا كنها عنيدة وهي اخر العنقود عيونها عسليه وفيها براءة خياليه طويلة ورشيقه
شوق / اصغر من دانه تحرق الاعصاب ببرودها شوي غامضه واحيانا تكون فلاويه عيونها عيون بدوان
(وهم اول ابطال الروايه اتمنى تعجبكم )
اعجبتني
وبتمنى تتكمل
نقلت للقسم الانسب حتى تكتمل ثم تعاد لقسم الروايات الطويله
وبدايهـ جميله
موڤقهـ ي عوومرري
متابعهـ لك
آستمري
آختك/كبريآئـي
*مزون شمر*
كبريآئـي
حلم فراشه
منورين ولاتحرموني طلتكم
أشـوفـك كـلـمـا أغـفـى لأنـك حـلـمـي السـاهـر
أحبك في تفاصيـلك أحـب أسـلـوبك الـمـجـنــون
أحـبـك في طـلـوع الشـمـس أحـبـك يا أمل باكر
أشوفك داخلي أطفال مع ريح الـفـرح يـمـشـون
أحبك في أبتسـامـه طـفـل أذا ناديــت يا شـاطـر
أحبك ياصدى صوتن بحاسيس الهوى مشحـون
أحـبـك ياربـيـع أخـضـر أحـبــك ياشـتـا مـاطـر
أحـبـك لـذة الـسـكـر أحـبـك ريـحـة الـلـيـمـون
أحبك في قصيدة شوق كتبها في الهـوى شـاعر
أنا صـادق بـحـبـي لك وقـلـبـي أول الـعـربـون
أنا لا جـيـتـك الاول بـلا ثانـي بـلا عـاشــر
حـقـيـقـه أسـمـك الفـاتـن حـقـيـقه قلبي المفتون
أنا مــن كــثــر مـا أحــبــك أردد دوم يـاســاتـر
كانت ماسكة الرسالة مبتسمة " شفتك نايمة ما حبيت ازعجك – اجهزي بنتغداء برى ياروح فارس " قفلت الجوال وهي تدعي من كل قلبها ان الله يحفظ لها فارس
اخذت شور لبست بنطلون جينز عليه تيشيرت وردي لامع بدون اكمام ربطة شعرها كله ورفعته وتركت بعض الخصل تنزل بشكل مهمل حطت روج وكحل وطلع شكلها كيوت ودلع .. شالت بتال من سريره حممته ولبسته طقم قطعه وحده كان شكله يهبل وخاصة انه ماخذ نعومة شعر امه وغمازاتها وعيونها الكبار
نزلت به الصالة : صباح الخير
ام فارس : هلا صباح النور
سلمت حصة على راسها وحطت بتال في حضنها : فطرتي يمه ؟
ام فارس : لا توني صاحيه
حصة قامت : اجل بنفطر سوى
(راحت المطبخ وام فارس تلعب بتال )
حصة / اكبر بنت في عائلة ابو عبد الله ناعمة وكيوت وحساسة جدا عيونها كبار وجمالها جمال هنود جسمها مثل عارضات الازياء ويزيد حلاها غمازاتها
فارس / البكر في عائلة ابو فارس . طويل وجذاب ورمنسي متحمل مسؤولية امه واخته بعد انفصالها عن ابوه يحب حصه من طفولتهم ولهم سنتين متزوجين
ام فارس / مطلقه نشيطة وطيبة وعلى نياتها وتدخل القلب بسرعه
قالوا "عسى إلي ماخذ(ن) عقلك يتهنى به "..
قلت :" اشهد انه تهنى به ووهقني "..
دانه كانت تفكر وش تسوي قطع حبل افكارها صوته
محمد: مع السلامة ياعمي وإن شاء الله نزوركم قريب
ابو عبدالله : الله يحيك في أي وقت وسلم على اخوانك معك
محمد : يوصل .. تامر على شيء
ابو عبدالله : مشكور وماتقصر مانبي إلا سلامتك
محمد : الله يسلمك
ابو عبدالله : في امان الله ( وقفل الباب وراه )
دانه انقهرت وراحت عند تالا جلست على سريرها زامه شفايفها وفيها الصيحه
تالا : اعوذ بالله .. سكنهم مساكنهم وش السالفه ( وباستهبال ) : لا يكون حبيب القلب ما اعطاك وجه
دانه : سخيفه
تالا : شكرا … واللحين وش فيك كانك بزر ماخذين مصاصته
دانه بقهر : راح وما قدرت المحه ( وبقبضة يدها ضربت فخذها ) : ودي اشوفه
تالا : الحمد لله والشكر ولو سمحتي ما ابغى حزن بكمل روايتي .. وبعدين احمدي الله انك سمعتي صوته اساسا مين كان يتوقع انك بتسمعين صوته حتى
دانه بحزن : والله اني كنت محزنه يوم نقلنا كنت احسب اني خلاص ماراح اسمع صوته بس اللحين اشوه سمعته ( وبحركه حالمه ) : بعد شهر عناء
تالا : اللحين رضيتي
دانه باكبر ابتسامه على وجهها : يس ( وبدات تصفق صفقتين صفقتين ) : تالا شيلها معي " حبك قتلني محمد ياعيوني يا حمودي * لا اكل ولا اشرب ودموعي فوق خدودي ( تالا فكت شعرها تلعب به يمين ويسار ) : استاحشك كل لحظه
تالا تصفق : وراء وراء على قلبي .. عاشت دانوه
دانه تضحك وتاشر لتالا : ياناس اريد محمد من عنده لا تحرموني
تالا : هههههههه حاظر .. بس كذا ..ابشري
ابو عبدالله : دانه ….. دانه
دانه : طيب جايه ( طالعت في تالا كنها مصدومه )
تالا : اشبك ؟
دانه : لا يكون خطبني من اللحين اقولكم موافقه
تالا : ههههههه اقول توكلي
دانه : خليني اشوف وش يبغى فديته ( نزلت ركض لقته في الصاله) سلمت على يده وراسه : هلا امر
ابو عبدالله : مايامر عليك عدو ابغاك ترتبين المجلس كان عندي محمد ولد تركي
(دانه قلبها صار يدق بسرعه من سمعت اسمه )
ابو عبد الله : عاد وانا ابوك رتبيه وبخريه انا طالع اقيل
دانه : نوم العوافي ( وطلعت تنزل المكنسه )
ابو عبدالله / مؤسس شركة يشتغل فيها هو واخوانه حكيم وحنون وقلبه كبير
طلع ابو عبدالله غرفته وكانت ام عبدالله نايمه كان بيتمدد على السرير (دق جواله ) طالع في الشاشة بإستغراب : هلا
محمد : السلام عليكم
ابو عبدالله : وعليكم السلام
محمد بإحراج : اسف عمي ازعجتك بس الظاهر إني نسيت المحفظة عندكم وبغيت ارجع اخذها
ابو عبدالله : مافيه ازعاج ولا شي تعال وانا ابوك
محمد : مشكور ياعمي مع السلامه
ابو عبد الله : مع السلامه
ابو عبد الله دق على السواق وقاله يفتح مجلس الرجال لمحمد ( فتحه ورجع لغرفته وترك الباب الخارجي مفتوح ينتظر محمد )
نزلت دانه بالمكنسه وبدات ترتب شافت الباب الثاني مفتوح بس ما اهتمت لانها عارفه محد يدخل إلا مع ابوها لقيت المحفظة حسبتها حقت ابوها حطتها على وحده من التكايات وهي تنشد : انساك قول شلون لا صرت الاعماق .. شكيت من حبك وللحين باقي
علمني نسيانك واعلمك تشتاق .. ضامي وصالك ياسراب التلاقي
ساقتني الاقدام لشوفة وليفي ** وانا أشهد إنها وصلتني لغرامي
دخل محمد وقاله السواق يروح للمجلس سمع صوتها سرح شوي وبعدين انتبه لنفسه ( صوتها قريب معقولة تكون في المجلس .. لا ما اظن انا كلمت ابو عبدالله يمكن جالسه قريب ) دخل المجلس وانصدم لما شافها كانت معطيته ظهرها وتلف اسلاك المكنسه
اخذت المحفظة ولفتت تتاكد ان كل شي بمكانه جات عينه بعينها ( دقيقة دقيقتين ثلاث دقايق ….كت )
محمد : اسف .. ب..بس .. انا نسيت …. المحفظة و …( طالع في يدها ) : ممكن
دانه ماتحركت واقفه محلها مصدومه وخايفه ( محمد إلا هذا محمد ) نزلت دموعها
طالع فيها مصدوم وقرب منها مد يده : اعطيني المح…….( قبل لا يكمل كلامه شردت ركض والمحفظه في يدها )
فتحت الباب بقوة ودموعها مغرقة وجهها
تالا بخوف : دانه اشبك ؟
دانه تمسح دموعها : والله ..ش..ف..ته ..شفته بعيوني
تالا ( بسم الله هذي وش شافت )قربت منها : وين شفتيه بسم الله عليك يمكن تتخيلين
دانه : اه ياتالا تلاقت عيني بعينه
تالا تمسح على راسها وبخوف : كيف شكله ؟
دانه : يجنن ياخذ العقل
تالا مستغربه ؟؟؟؟؟؟؟؟
دانه : والله اني احبه
تالا : الله يخلف عليك .. مين ؟
دانه : محمد في غيره
تالا: محمد ؟ طيب ليش تبكين ؟ معقوله لهذي الدرجه يخوف؟
دانه تبقق عيونها : لا بالعكس يجنن بس صدمني ( سرحت في المحفظة وبصراخ ): حقته ..محفظته
تالا باستغراب : وش تسوين بمحفظته ؟
دانه بترجي : الله يخليك وديها له رجعيها بسرعه .. تكفا
تالا بجدية : نعم
دانه تسلم على راسها : تكفا
تالا تدفها : خلاص فكيني هاتيها ( فتحتها لقيت بطاقة الاحوال جلست تتامل صورته ) : بصراحه ما هو خقق مدري وش عاجبك فيه ؟
دانه سحبت البطاقة بقوة : يجنن يهبل ….احلى منك
تالا : نعم نعم كثري منها … صدق لا قالوا القرد فعين امه غزال
دانه بصدمه : قرد .. طيري .. انتي القرد شوفي وش زينه ( ضمت البطاقة )
تالا : خلاص لا تعطينه المحفظه قولي له ضاعت
دانه استوعبت : ليش ما وديتيها وديها بسرعه ( اعطتها البطاقة ودفتها برى الغرفة )
تالا دخلت البطاقه في المحفظة ونزلت : راجو تعال عند الباب تلقى محفظه اعطيها محمد ok
راجو : حاظر ماما
راجو بعد ما اخذ المحفظة دخل عند محمد الي كان واقف محله يفكر بالصاروخ الي شافه وصورتها ما فارقت خياله
راجو : بابا محمد
محمد : ……….
راجو بصراخ : بابا محمد
انتفض محمد ولفت له : وش فيه ؟
راجو : مدام قول تفضل هذا ( مد له المحفظه )
محمد سرح في المحفظة
راجو : بابا في مشكله ؟
محمد بعد ما استوعب اخذ المحفظة : ياخي إذا شفت واحد سرحان لا تخرب عليه (ابتسم ) : شكرا
راجو : عفوا
قبل لا يطلع من المجلس طالع فيه كأنه يحفظ الي صار شكلها . صوتها . خوفها ( اول مره اعرف اني مرعب )ابتسم وخرج
تفداك عين تعشقك وأنت موجود *
ويفداك قلب يذكرك وانت غايب *
حصة قالت لام فارس انهم بيتغدون برى
ام فارس : بتاخذون بتال معكم ؟
حصة : لا بخليه عند تهاني تبغاه يجلس عندها
ام فارس مبتسمه : الله يستر عليكم ( اخذت الموت حطت قناة بداية تتابع برنامجها المفضل ) استاذنت حصة وطلعت جناحها تجهز نفسها لوصول فارس
تهاني / اخت فارس الوحيدة طويلة وشعرها لخصرها عيونها بنية هادية وناعمة
عشقي وعشقك من طفولتنا تناما *
نفرح ونمرح ماعلا العاشق ملامه *
دخل فارس لقى امه واخته في الصاله : السلام عليكم
ام فارس وتهاني : وعليكم السلام
سلم على راس امه ويدها : كيف الغاليه عساها بخير
ام فارس : بخير دامك بخير
فارس : وش تسوين للولد ؟
تهاني :هههه ياخي خدوده تجنن ودي اكلها ( تقرص خدوده )
قام وشال بتال : يالله اقول خلي خدود ولدي فديته وفديت امه ( باسه على خده )
تهاني : اقول هات الولد ويالله زوجتك تستناك وتراه عندي لين ترجعون (ابتسمت بنذاله )
ابتسم وحطه في حضنها : انتبهي لولدي ولا تقرصين خدوده (يطالع في بتال ) : علمني وانا ابوك لا قرصتك والله لاضربها
ام فارس وتهاني : ههههههههههه
فارس : يمه ولدي عندك انتبهي لخدوده من بنتك
ام فارس : ابشر ماعندي اغلى منكم
فارس ابتسم
طلع لجناحه لقى باب الغرفة مفتوح دخل وشافها جالسه على السرير ما انتبهت له سحبها له بسرعه وقفت مفجوعه فارس لف يدينه على خصرها : ههههههههه لهذي الدرجه اخوف ؟
حصه مبتسمه : لا بس ماانتبهت لك (لفت يدينها حول رقبته ) حط عينه بعينها وقربها له (باسها على شفايفها بكل حب ) وبهمس : معاكي دقيقتين إذا ما جهزتي نقيل ونتغداء بعدين
حصه فكت يدينه عنها : جاهزة بس البس العباية ( راحت تلبسها وهويتاملها مبتسم لين خلصت ):ماشاء الله ماعدت ثلاث دقايق
حصه : هههههه انا سريعه
فارس رافع حاجب : إيه صح
(مسك يدها ونزلوا فتح السيارة وركبت وركب ) فارس : منوره السيارة
حصه : منوره بوجودك
فارس :احم احم (شغل السيارة وعدل نفسه ) : توكلنا على الله
بعد دقايق وصلوا المطعم نزلوا سوى مسك يدها ودخلوا قسم العوائل كانت تتامل المطعم سيرامك ذهبي وانوار خافته والطاولات دائريه ومفارشها حمراء مع ذهبي وعلى كل طاوله باقه فيها ورد احمر وابيض جلست وجلس قدامها بعد ما حطوا العازل وكشفت
فارس بإبتسامه : عجبك
حصه بفرحه : يجنن
فارس : اهم شي عجبك وش تبغين تتغدين ؟
حصه بتفكير : على ذوقك
فارس رافع حاجب : اكيد
حصه بضحكه : اكيدين
فارس : لا تلوميني لو ما عجبك
حصه : ما راح الومك
فارس : اجل اتفقنا
طلبوا لهم مشويات وعصيرا وصحن حلا نهاية الوجبة وبدأوا ياكلون ويسولفون وهم مبسوطين
حصه بضحكه : الحمد لله اتوقع اني زدت كيلوا على هذا الاكل
فارس : ههههه بالعافيه بس ياويلك تمتنين خليك كذا ( بحركت تهديد ) : ولا ما عاد فيه مطاعم
حصه : ههههه حاظر ما راح امتن
فارس مسك يدها : فديت الي تسمع الكلام
حصه : هههه انا مؤدبه
فارس : هههههه مره
سدد الحساب وطلعوا من المطعم وركبوا السيارة
فارس : ودك نرجع للبيت ولا نتمشى شويه
حصه : براحتك
فارس : خلينا نفر (طالع فيها ) : بوديك مكان حلو
حصه : يالله
وصلوا حديقة فيها اشجار كثيرة وعشب وما كان فيه إلا عوائل قليلة فرش الزله تحت شجرة كبيرة جلست وجلس جمبها كان المكان عالي يشوفون الي تحتهم كانت الشجرة مظللتهم والهواء يحرك اغصانها تربع ولف يدينه حول ظهرها سند راسه على كتفها : كيف المكان ؟
حصه : حلو وهادي المرة الجاية نجي كلنا نفلها
سند راسه على كتفها زيادة وقربها له : من عيوني
ابتسمت : تسلم عيونك
فارس : شكلي بنام
حصه : طيب يالله نروح
رفع راسه وطالع فيها بإبتسامه : لا عاجبني المكان بنام هنا (اشر على فخذها ) هي كانت متربعه مثله وقبل لا تعترض حط راسه على فخذها وغمض عيونه
حصه بارتباك: فارس قوم الناس تطالع فينا
فارس : ما هموني
سحب يدها وحطها على راسه ابتسمت وبدات تمسح على راسه وهو نام
اتمنى تحوز على رضاكم
تالا في غرفتها تكمل روايتها ودانه بعد الموقف إلي صار لها نامت في غرفة تالا
دخلت شوق : سلااااااااااااااااااااام
تالا : وعليكم السلام ..بدري كملي نوم
شوق جلست قدامها : والله شبعت ولا ماكان قمت (باستغراب ): ليش نايمه هنا ؟
تالا : ههههههه
شوق : سلاماااااااات
تالا : فاتك صار لها موقف تحسد عليه
شوق بحماس : ايش ؟
تالا حكت لها السالفه : هههههههههه
تالا : ههههههه والله فاااتك شكلها
شوق : الله حقق لها امنيتها (طالعة في دانه ) : الظاهر انها تحلم به شوفي كيف نايمه
لفت تالا : هههههههههه
(كانت نايمه على جمبها وحاظنه المخده ورافعه راسها وعلى وجهها شبه ابتسامه )
شوق : ماخلصتي روايتك ؟
تالا : بدأت اقراء وحده ثانيه
شوق : اها (خطرت في بالها فكره وهي تطالع في دانه بخبث)
تالا وهي رافعه حاجب : وش بتسوين ؟
شوق تتصنع البراءة ولا اااشي .
تالا : اعرف نظرتك هذي وراكي شي
شوق : هههههههه
تالا : اعترفي
شوق حطت كوب القهوه قدامها وقامت لعند دانه وسحبت المخدة بقوة (بصراخ) : دانه .. الحقي .. ابوي بيضربك محمد علمه يقول اخذتي محفظته (تهزها ) : قومي بسرعه
دانه جلست بخوف : والله ماسويت شي ..انا كنت ..هو ..المحف..ظه
شوق :هههههههههههه
تالا : هههههههههههه
دانه استوعبت : ياهبلة ياغبيه هذا مو مزح (دخلت الحمام غسلت وجهها وطلعت )
دانه تطالع فيهم وهم يضحكون : خلوني اتزوج محمد والله لاعلمه عليكم
شوق : ماصار محمد صاير سوبرمان
تالا باستهبال : يمه خفت خفت تكفا لا تعلمينه (طالعت في شوق ) : صح احنا مره خايفين منه
دانه بحركة تهديد : طيب خلوني اتزوجه
شوق وتالا : لااااااا
(طالعت فيهم و طلعت لغرفتها )
شوق سحبت الروايه من يد تالا : سولفي معي ما بقي إلا كم شهر وتخلص الإجازة
تالا: طيب ليش ما تكملين دراسه ..وصلتلك وانتي ماتبغين تتحركين
شوق بتنهيده : كنت استناكي
تالا : لاااا من جدك ..صدقتك
شوق : مالي نفس امس ابوي اعطاني محاظره وش طولها وإن شاء الله إني بكمل
تالا بشك : إن شاء الله
شوق : ههههه الظاهر إني عطيتك وجه (خلصت قهوتها وشالت الكوب وقامت )
تالا : على وين ؟
شوق : بروح العب بالبلايستيشن بغيتي شي
تالا رافعه حواجبها : قبل شوي تبغيني اسولف معك واللحين رايحه تلعبين
شوق : إلي يشوفك يقول عندك سالفه كملي روايتك ازين لك
تالا : طيب إذا اندمجت لا تجين تخربين علي انتي ودانه
شوق مبتسمه : حاضر (بطريقه ملكيه طالعت في تالا ) : اوامر اخرى ياصاحبت السمو
تالا عاشت الدور : لا بس لا قلت لك تعالي تجيني طيران الله يسلمك
شوق بنذاله : ماتنعطين وجه (طلعت وقفلت الباب وراها)
ام عبدالله : شوق
شوق : هلا
ام عبدالله : اجهزي بكرة بنروح المزرعه مع عمانك
شوق جاتها فكره : من جد بكره رايحين
ام عبدالله : ايه وشبك ؟
شوق بابتسامه : لا ولاااااشي
ام عبدالله : بروح اعلم اخواتك
شوق : طيب
ام عبدالله / حنونه وتحب تمزح وتتمنى تشوف الكل مبسوط في حياته لاكنها احيانا تعصب
شوق : دانه طلبتك لا ترديني ..انتي بس اقنعيها
دانه : طيب لازم اعرف ليييييييييييش ؟
شوق تتنهد : بلا لقافه بس خليها تلبسه بالطيب بالقوة تصرفي انا متوكله على الله ثم عليكي
دانه : باحاول
شوق قامت :ok (دخلت غرفتها وقفلت الباب اخذت جوالها واتصلت )
شوق : سلااااام
يزن : وعليكم السلام هلا وغلا
شوق : هلا فيك .. يزن طلبتك قول تم
يزن : تم ..وش بغيتي
شوق : بكره بنروح المزرعه اكيد انت جاي
يزن : ايه
شوق : ابيك تجي بدري قبلهم كلهم .. ودي اشتري كم غرض بدون لا احد يدري .. تقدر تقول مفاجأة
يزن : حاظر بس عندي طلب صغير
شوق : هههههههه عارفه حاظر يا استاذ من عيوني
يزن : كذا تمام .. تسلم عيونك
شوق : واللحين توكل برتب افكاري
يزن : حاظر بس اتمنى تكون افكار غير شريره
شوق : ههههه لالا تخاف غير شريره
يزن : اجل روحي رتبيها سلاااام
شوق : مع السلامه
سألت الحب يوما : "لماذا تعذب القلوب " ؟
فاجاب : " ماالحب إلا لذة لعذاب "
صلت الظهر ودخلت لتالا : سلااااام
تالا : وعليكم السلام
دانه : جهزتي ملابسك بنروح بعد المغرب
تالا : اللحين بروح اتجهز وانتي
دانه : افا عليكي خلصت كل شي
تالا تهز راسها : اها وش عندك قولي وراكي شي
دانه : طلبتك لا ترديني
تالا بتفكير : اول شي اعرف وش تبين بعدين اقرر
دانه بترجي : تكفا طلبتك قولي تم
تالا تفكر
دانه : يالله بلا عناد قولي تم
تالا : طيب تم ..وش تبغين
دانه فرحت نقزت لدولابها ودورت بين الملابس لين لقيته : تلبسينه
تالا : نعم
دانه : تكفا ..تكفا لازم تلبسينه وبعدين هو حلو عليك
تالا : سلامات هذا حق مناسبه ماهو حق جمعه
دانه : اليوم عندنا مناسبه كبيره ولازم نكشخ .. بس بصراحه مدري وش المناسبه
تالا : طيب اللحين توكلي خليني اجهز
وبدات تتجهز
البارت گان جميل چـــــدا
تسلم يدينك ي الغلا
آستمري
متابعهـ لك
آختك /كبريآئـي
البارت گان جميل چـــــدا
تسلم يدينك ي الغلا
آستمري
متابعهـ لك
آختك /كبريآئـي
الله يسلمك ولا يحرمني طلك
دانه اخذت شور واستشورت شعرها ولفته على برى كان لتحت كتوفها لبست فستان احمر قصير لتحت الركبة ضيق من فوق لين تحت بكم طايح عن الكتف لبست اساور حمراء مع سلسال احمر حطت مكياج خفيف وتعطرت ( طلعت لامها تسالها عن التجهيزات )
دخلت المطبخ : سلام
ام عبدالله وتالا : وعليكم السلام
ام عبدالله : انا رايحه اصلي العصر شيلي الاغراض ورتبيها في الشنط
دانه : حاظر ( طالعت في تالا ) : انتي على يدينك نقش حنه ابغى افهم ليش ما تشتغلين
تالا : هه مع نفسك .. انتي الكبيره تحملي
دانه : الله يصبرني عليكم .. وين شوق
تالا : للحين ما شفتها
دانه : لا يكون نايمه
تالا : روحي شوفيها ( طلعت دانه )
فتحت الباب ودخلت وباستغراب : شوق للحين ما خلصتي ؟
شوق ببرود : اللحين اخلص
دانه : لو اذن المغرب وانتي ما خلصتي ابوي بيهزءك
شوق وهي مندمجه : اخلص الي في يدي واجهز
دانه : بتاخذين البلايستيشن ؟
شوق : اكييييييد ( ببرود ) : وهل في ذلك شك ؟
دانه عصبت وقفلت البلايستيشن وفصلة التوصيله
شوق بصراخ : لاااااااااا وصلت للنهايه ( قامت لها ودانه ركض على المطبخ وشوق وراها )
ام عبدالله : شوق للحين ما خلصتي بعد المغرب بنمشي
شوق وعيونها على دانه : خلصت مجهزة كل شي من امس
دانه مندسه ورى امها : امي شوفي بنتك بتضربني
لفت ام عبدالله على شوق : شوق وش قلت لك روحي خلصي
شوق : حاظر
دخلت المطبخ بسرعه مسكت يد دانه ولفتها ورلى ظهرها : مره ثانيه تطفينه وانا العب تشوفين شي مايسرك ( تركت شعرها وشردت قبل لا تمسكها امها )
دانه تفرك يدها : امي عندك بنت اعوذ بالله منها بس تضرب
ام عبدالله : ههههههه من صغرها
دانه : الله يعيين الي بياخذها
ام عبدالله وتالا : هههههههههههه
شوق رجعت الغرفة لمت البلايستيشن ورتبت الشنطه الي بتاخذها وتاكدت من كل شي ( اخذت شور ولبست بنطلون جينز عليه بلوزة زرقاء باكمام مثنيه ورقبه عاليه مفتوحه جللت شعرها وخلته ذيل حصان لنص ظهرها سوت لها بف خفيف من قدام لبست ساعه سوداء وتعطرت
راحت المطبخ : للحين ما خلصتوا ؟
ام عبدالله : تعالي ساعدينا
شوق راحت جمب دانه ودفتها : وخري ابغى اجلس هنا
دانه : وجع .. ياكبر المطبخ مالقيتي إلا هنا
شوق : عاجبني المكان جمب تالا قلبي
تالا تسبل بعيونها : تسلمين
دانه : لا بالله انتي وهي ( تاشر لشوق ) : روحي اجلسي من الجهه الثانيه
شوق بعناد : ما ابغى بجلس هنا قومي يالله توكلي
دانه : امي شوفي شوق
ام عبدالله : بزارين انتوا .. خلاص كبرتوا اعقلوا
دانه ببراءة : انا عاقله بس شوق اذيه
شوق : ضحكتيني انتي عاقله كثري منها
تالا : اساسا انا اعقلكم
شوق بابتسامه : انا اشهد ( قامت جلست جمب تالا من الجهه الثانيه ) : انا بجلس جمب العاقله مو المهبوله
دانه شهقت : انا مهبوله .. احترميني انا اختك الكبيره
شوق تهز راسها : يسير خير
تالا : ههههههه ( وكملوا التجهيزات )
ايه احبك تسالني وش كثر ..
حبي اصدق من حكاات الغرام ..
وان بغت وصف وافي في شطر..
انا احبك في (الدقيقة ) ( الف عام )..
كان جالس على السرير وهي حاطه بتال جمبه تغير ملابسه لفت له كان يتامل بتال رفع عينه لها : الله لا يحرمني منكم
حصه مبتسمه : امين ويالله اللحين خذلك شور وبجهز لك ملابسك ما ودي نتاخر (سحبت منشفه ومدتها له ) اخذ منها المنشفه وباسها في خدها ودخل الحمام
طلعت لها تنوره سوداء قصيره عليها بلوزه رسميه بقبه مفتوحه للصدر لبست اكسسوارات سوداء استشورة شعرها ونزلت غرة كثيفه على وجهها ولمت الباقي بشباصه (شكلها ياخذ العقل )
طلع فارس من الحمام وكان ينشف شعره ( كانت تتعطر عند المرايه ) : حبيبي شوف ثوبك معلق هناك (اشرت له على محله ) قرب منها وحضنها صارظهرها على صدره ويدينه حول بطنها : ايش الحلاوه هذي
حصه تطالعه من المرايا : عيونك الحلوه
فارس : يعني لازم نروح
حصه طبعا لازم نروح ويالله اجهز بروح استعجل عمتي وتهاني ( حطت يدها على يدينه تفكهم ) ابتسم وما فكها
حصه : فارس لا نتاخر
لفها عليه ويدينه على خصرها حضنها بحنان وحضنته ( رفع راسه يتاملها )
حصه بعدت عنه : انا بروح استعجلهم ok
فارس : ليش تزعليني منك
حصه : فارس
فارس : راضيني
حصه قربت منه وبسرعه باسته على خده وقبل لا يمسكها شردت عند باب الغرفة : اجهز وانزل
نزلت لقيتهم جاهزين طلعت لفارس ( كان يعدل شماغه ) شالت بتال : كلنا جاهزين بنستناك تحت
فارس بابتسامه : طيب
كل من جاني هجاني ولا مني ..
قالوا امر الحب في الدنيا سراب ..
ليتهم شافوا الي شوقه شاقني ..
كان قالوا ان الهوى امره صواب ..
ابو عبدالله شال الاغراض ودخلها السيارة وركبت ام عبدالله جمبه وتالا ورى جمبها دانه ( شوق فتحت باب السيارة ودخلت )
دانه : ايش كنتي تسوين
شوق : بلا لقافه
ام عبدالله : لازم تتاخرين ياشوق وش كنتي تسوين ؟
شوق : اسفه بس كنت اجهز كم غرض احتاجهم
تالا تاشر على الشنطه الي مع شوق : بالله عليكي وش تسوين بشنطه هذا كبرها ؟
شوق : بعدين تعرفين
وصلوا المزرعه نزلت شوق اول وحده نزل ابو عبدالله الاغراض ودانه وتالا يساعدونه وام عبدالله ترصها في المطبخ ( بعد ما خلصوا دخلوا المجلس )
ام عبدالله : وين شوق ؟
دانه وتالا : مدري
ام عبدالله : دانه شوفي وينها
دانه قامت : طيب
ام عبدالله : تالا تعالي اجلسي جمبي
تالا تنط : من عيوني اجلس في حضنك لو بغيتي
ام عبدالله : ههههههه لا رجولي توجعني ( حضنتها وجلست تمسح على راسها ) : بتوحشيني
تالا : ايش
ام عبدالله : ولا شي
تالا مسويه عبقريه : امي لا يكون متقدم لي معرس ووافقتوا بدون علمي .. ترى ما اسامحكم بدري على الزواج
ام عبدالله ضربتها على راسها : صدق انك خبله
تالا : مدري عنكم بعدين ليش العنف ( حطت يدها على راسها ) : عورتيني
ام عبدالله : واه منك اللحين هالخبطه توجع وخري لا تجيك وحده اقوى
تالا وخرت : ليه (وببراءة) : انا مسكينه
دخل ابو عبدالله : مين زعل بنتي
ام عبدالله : مين يقدر يزعلها وانت ابوها
ابو عبدالله : هههههههه اكيد محد يقدر يزعلها (ضمها له ) : هذي حبيبتي
تالا ضمته وابتسمت (دخلت دانه مبوزه ) وانا محد يحبني
ابوعبدالله : ههههههه تعالي ( مد يدينه لها ) دانه تدف تالا : وخري دوري
ام عبدالله : الحمدلله والشكر هذا وانتي الكبيره
ابو عبدالله : خلهم في حضني (طالع فيها ) ولا تغارين
ام عبدالله بحيا : وش اغار كبرنا على هالحركات
ابو عبدالله : لا ما كبرنا (طالع فيها بحب ): تعالي
دانه وتالا عاجبهم الوضع
دانه ماسكه ضحكتها : قومي امي لا تستحين ترى هذا زوجك واحنا بناتك ما بيننا غريب
ام عبدالله حذفتها بكرتون المناديل : استحي وعن قلت الادب
دانه : هههههه .. امي عورتيني
ابو عبدالله : هههههه ماعليه امك حياويه خليها على راحتها
تالا تضحك على امها الي قلب وجهها الوان
ابو عبدالله باستغراب : وين شوق هالبنت اغلب وقتها مختفيه ما اشوفها
ام عبدالله : دانه وين اختك
دانه : مدري عنها
ام عبدالله : انا ماقلت لك روحي شوفيها
دانه تضرب راسها بكف يدها : نسيت
ام عبدالله : الي ماخذ عقلك يتهنى به
دانه راح بالها لمحمد : ها.. اللحين اروح اشوفها (وطلعت ) وجلس ابوعبدالله يسولف معهم وينتضر اخوانه