__
( الجزء الأول)
_
نزلت من الدرج بجاذبيتها الي تخلي الناس غصب يناظرونها بطولها ونظرتها الحادة وجمالها وقوتها ‘ ريم ‘ نزلت وصوت كعبها الي يتردد صداه بالصاله ..
تكلمت بصوتها المبحوح : السـلام عليـكم.
وبدت تسلم على كل المعزومين وامها تناظرها وهي فخورة فيها … انتهت وجلست جنب امها وبدا الكل يسولف ويهمس ويضحك لما وقفهم صوت امرأه حقوده ، نذله ، خبيثه : الا أقول يا أم ريم عيال زوجك ابوهم يصرف عليهم ولا راميهم مثل مارمى بنتك.
التزمت الصمت ام ريم وعطت بنتها الضوء الاخضر بالرد ..
ريم : والله يأم سعود البيت الي انتي فيه الحين من بركات أبوي الله يطول بعمره ، والحمدلله ان ابوي رجال فاهم وواعي حتى وهو مسافر يصرف علينا.
ام سعود : هههههههههههههههههههههههههههههههههه وش هالسفر الي صارله سنتين ماتدرون عن أرضه وسماه وعياله ياويلي عنهم ماتدرون كلوا ماتوا من الجوع حيين ميتين ولا الحقد ملى عيونكم.
ريم رفعت حاجبها واحتد صوتها : عشان كبر سنك ماودي اغلط عليك بس اقل شي اقدر أسويه اذا مو عاجبك اهل البيت الي ضفوك واعزموك – وأشرت عالباب – الباب اوسع من الجمل.
ام سعود : وشووو؟؟؟ هاذي نهاية تربية ابوك تطردين الناس ؟
ريم وقفت : ايه ياروح امك مب عاجبينك انقلعي برا لأني مااستحمل اشوف ناس نفس نظامك يسببولي اشمئزاز تبين تجلسين العين اوسعلك من الرمش بس بطلي قرف.
ام ريم : ريم خلاص.
ام سعود : هاذا الي قدرتي عليه ريم خلاص ولا عاجبك الوضع ؟
ريم : فعلا النقاش معك عقيم ، عقيم وبقوه بعد.
ام سعود رمت كم سبة وشتمتهم وطلعت جلست ريم جنب امها وهي كاتمه العصبيه منهم بس استحملت عشان امها.
: لا حول ولا وقوة الا بالله .
: ريم اعوذ بالله ماتحترم لا كبير ولا صغير
: والله صادقه ام سعود وش هالأبو الي رامي عياله سنتين استغفرالله الله لا يبلانا
: ونعم البنت الي تدافع عن ابوها بغيابه
: مشينا نطلع بس وش الي خلانا نجي
كانت هذي مقتطفات من كلام الحريم الي كانوا حاظرين نصفهم مؤيدين ونصفهم معارضين تصرف ريم .
انتهت الهزيمه وبدوا الناس يقلون لما راحوا جميعا لبيوتهم.
ريم اتجهت لغرفتها وضربت الباب بقوه وجلست عند التسريحه وقدامها المرآيه وبدت تكلم نفسها : أبوي خليتنا مصخره قدام الناس اختفيت فجأه وماندري وش سبب اختفائك تركتني وانا ف نص حاجتي لك وكنت ابكي كل ليل واخترع لك عشرين عذر اذا جيت بالنهاية اكتشف ان أبوي متزوج من زمان وامي تدري عنهم بس ساكته عشانها داريه ماراح اسكت لأبوي !! اصلا كيف يتجرأ يتزوج على امي وهي كانت واقفه معه في عز فقره لما صار اغنى رجال الرياض ويكون هاذا جزاها ؟ هاذا رد المعروف لها ؟ حتى اخوي جراح مسك عنه الشغل وصار كل الضغط عليه ياعزتي لك ياخوي .. نواف ، رغد ، مشعل ، أثير ، هذولي اسماء اخواني كرهتهم وانا ماشفتهم اخواني من أبوي ! الله يجعل السعاده بعيده عن طريقهم كثر ماحرقوا قلبي وقلب أمي …
فكت اكسسواراتها وبدلت ملابسها ورمت نفسها عالسرير وطاحت عيونها على صورة جمبها صورتها هي وجراح اخوها : الله يصبر قلبي ومايبعدك عني
______
جلس بالكنب وامه قباله رما الغتره والعقال عالكنبه الثانيه واسترخى وغمض عيونها حس بعيون تناظره فتح عينه لقى امه تتأمل وجهه : وش فيك يابنت سعد اشتقتي لي عشاني بعدت عنك ساعتين.
ابتسمت امه بخفه : ملامحك تذكرني بأبوك ياجراح.
جراح عدل جلسته : يمه،يانور عيني، مو اتفقنا تنسينه مثل مانسانا مو اتفقنا اي طاري لأبوي نقفله ؟
ام جراح : حاولت ياجراح والله حاولت بس مااقدر مهما يكن هو زوجي وابو عيالي
جراح والحقد اعمى عيونه : يخسى يصير ابوي.
ام جراح بحدة صوتها : جراااااااح !!!!!
جراح تنهد وسكت.
ام جراح وحدة صوتها مااختفت للحين : مهما يكن هو ابوك والبيت الي ساكن فيه بيته والشركة الي انت تديرها شركة ابوك وبإسمه ممكن تقولي يا سيد جراح لو ان ابوك مايبي لك الخير طردك من الشركة ومن البيت بكبره صح ولا ؟
جراح : وممكن افهم يا امي العزيزه ليش كل ماجبنا طاري ابوي دافعتي عنه !! هو مو تزوج عليك هو مو عنده عيال من زوجه ثانيه هو مو كذب عليك وقالك بروح لشغل كم شهر ويرجع نلقاه متزوج والحين الله يستر بعد يختفي سنتين بعدين نلقاه مع ست الحسن والدلال زوجته الثانيه
ام جراح ارتفع صوتها لأول مره على جراح : جرااااااااااااااااح خلااااص لهنا وبسس !!! بتدخل الثلاثين وانت للحين تتصرف بطيش هاذا أبوك فاهم وش معنى كلمة ابوك ؟
جراح : اووووووووووه, خلاص عاد كل ماصار شي قلتي ابوك وابوك والله لو انه ابو مثل باقي الاباء كان لقيتيه معنا هاللحظه مو يختفي في عز حاجتنا له هاذا مع الاسف مايعتبر ابو مايعتبر واصلا مايشرفني اكون ولده مايشرفني اشيل اسمه ورا اسمي والله الذي لا اله الا هو لو يجي طاري ابوي مره ثانيه لا اقلب البيت باللي فيه – صعد الدرج بخطواته الغاضبه وهو يسب ويشتم كل الي في البيت –
_____
هاذي عائلة ابو جراح من زوجته الاولى ، عائلة الفهد ‘
ابو جراح : عبدالعزيز، كان يعيش مع امه وابوه ويتعبر فقير لكن قام وبدا يدرس ويشتغل بنفس الوقت ودخل ادارة الاعمال لما بدا بمشروع صغير وكان فيه امل وإراده لما نجح المشروع وبدا يعمل ليل ونهار لما فتح له شركه باسمه وكان التوفيق من الله عز وجل ، يمتلك العيون الصغيره والحاده وكان فيه قوه وما يخاف من أي شي
ام جراح : هند، زوجته الاولى عمره بنهاية الاربعين.
جراح : الابن الاكبر عمره ٢٩ ، ورث من صفات ابوه القوه والاحساس بالمسؤوليه يعتبر نسخه من أبوه وياخذ من صفات امه حدة العيون والعصبيه ، جراح انسان من برا قوي وله هيبه ومن داخل انسان فيه حنيه تحمل مسؤولية الشركه بعد اختفاء ابوه المفاجـء ، طويل ويمتلك عيون صغيره بس حاده وأسمر سمار يفتن العين وفيه من الثقل الكثير وبعض الصفات بتعرفونها بالروايه.
ريم : البنت الصغرى عمرها ٢٣ ، قويه البنت لأبعد درجه وتستمد القوه من اخوها جراح كان يشجعها بكل صغيره وكبيره ويدلعها لما صارت تاخذ حقها من الكبير والصغير ، طويله وتمتلك البشره البرونزيه وعيونها الكبيره والحاده وشفتها الصغيره المرتويه وشعرها الاسود الطويل وجسمها المتناسق جامعه ملامح ابوها وامها فصارت امرأه لا تقاوم.
_____
دخل البيت ورما نفسه عالكنب : اثييييييير جيبي كاس مويه معك
وسمع صوتها العالي : اوففففف نواف ماتقدر تقوم تجيبها بنفسك !
نواف تنرفز منها : خلاص انقلعي مابي منك شي افف بس
مشعل طلع من الغرفه وعيونه كانت ناعسه من قل النوم .
نواف : مشعل حسبي الله على عدوك فشلتني اليوم عند خويي كل يوم ضارب اخوه ماتمل انت !!
مشعل بضيق : نواف يرحم امك ترى مالي خلق شي والله اكرمني بسكوتك
نواف احتدت نظرات عيونه : وش الي اكرمني بسكوتك تفشلني عند الخلق وتسكتني
مشعل : خلاص قلنا انك اخونا الكبير بس مو تتدخل بكل صغيره وكبيره
نواف : نعم نعم !!!
رغد : تعوذوا من بليس وش جاكم انتم اخوان مافي شي يستحق انكم تتهاوشون عشانه
مشعل : علمي اخوك
نواف : كل هاذا عشاني خايف عليك ومابيك تدخل بمشاكل مع اهل خويي بس الشرهه مب عليك علي انا الي خايف عليك جعله يمسكك ويصفقك ويكسر عظامك عظمه عظمه – وقام ودخل غرفته وسكر الباب بقوه –
مشعل بصوت عالي : هيييه هيييه لا تكسر علينا الباب درينا انك معصب
رغد : مشعل الله يهديك وش فيك على نواف خف عليه شوي تراه اخوك الكبير وجالس يتحمل مسؤوليتنا كلنا
مشعل : ان لله وان اليه راجعوووووون بدت اسطوانتك ذي خلاص عاد فكينا – وطلع من البيت وهو يشتم بنواف –
اثير طلعت من الغرفه وشعرها منثور على وجهه وبيدها اللاب : محد يرتاح بهالبيت دايم ازعاج وهواش
رغد : ادعي ان الله يهديهم ويلا اتركي الي بيدك وتعالي ننظف المطبخ
اثير وهي تتحلطم : ياحظ نواف ومشعل بس اذا طفشوا طلعو من البيت مب حنا اذا طفشنا رحنا ننظف ونكرف حتى لو عصبوا طلعوا مالت علينا بس
رغد تجاهلت كلامها وبدت بالتنظيف
اثير : ايه ايه الكلام الي مايعجبك طنشتيه اف بس
،،،
عيال ابو جراح من زوجته الثانيه :
ام نواف : متوفيه .
نواف : الابن الاكبر عمره ٢٤ ، انسان عصبي لأبعد حد ومايعجبه شي طوله متوسط وعيونه حاده ويملك البشره البرونزيه تحمل مسؤولية اخوه وخواته بعد وفاة امه وعلى اي شي يلوم نفسه ، يشتغل ويدرس بنفس الوقت
رغد : البنت الثانيه عمرها ٢٠ ، انسانه طموحه وماتحب تزعل احد منها فيها ضعف شوي وهاديه تميل للقصر شوي وعيونها كبيره وناعسه وبشرتها بيضاء بالجامعه تخصصها ادارة اعمال.
مشعل : الابن الثالث عمره ١٨ ، انسان مايهمه شي وفال امها لأبعد حد بعيد اشد البعد عن خواته ومايعرف يتحمل المسؤوليه ، صفاته مثل صفات جراح بالضبط بس مايملك الحده بالصوت والنظرات أخر سنه له بالثانوي.
اثير : البنت الرابعه والاخيره عمرها ١٧ ، انسانه كسوله وتضحك على اي شي وفيها من الهبال شوي ، ملامحها ناعمه وهاديه وكوبي من امها صف ثاني ثانوي.
طبعا حالتهم الماديه تختلف عن اخوانهم من ابوهم يميلون للفقر شوي والي سواه لهم ابو جراح شرى لهم بيت بس .
،،،
انتهى البارت الأول .
المشاركة الأصلية كتبت بواسطة magged34
ممتازة هذه الرواية
اشكرك من القلب
المشاركة الأصلية كتبت بواسطة ام رموسه
روعه الروايه يعطيك العافيه
الله يعافيك حبيبتي وشكرا لك
_
٨:٠٠ ص
نزل من الدرج وابتسم لما شاف اهله تحت
جراح : ياصباح الخير
ريم ابتسمت بفرحه لما شافت جراح : ياصباح النور
باس راس امه : يازين هالصباح بشوفة اجمل ام
ام جراح صدت عنه
جراح : افا ماعاش من يزعلها وانا جراح
ام جراح تحاول تلهي نفسها بالصحون
جراح : والله اني خايف اطلع وماعاد ارجع وانتي زعلانه مني
ام جراح تركت الصحون وفزت من مكانها وضمت يده : بسم الله عليك يومي قبل يومك
جراح ضحك وضمها لصدره : عساني ماابكيك
ام جراح : يلا اترك عنك هالحركات واجلس عشان تاكل
ابتسم جراح وهو يعرف طبع امه تزعل بس ترضى بسرعه.
ريم : وش صاير شكل امس فاتتني اشياء
جراح بلعانه : شي بين الأم وولدها
ريم تقوس فمها : وانا اي شي يصير اعلمك
جراح : مايهون علي لازم اعلمك – وناظر ام جراح بأبتسامه – بس امي زعلانه علي لأني جبت طاري ابوي بالشينه
ريم كان العصير بفمها وشرقت وقامت تكح.
ام جراح بخوف : بسم الله عليك
جراح كشر بخوف : وش جاك
ريم تنحنحت عشان يرجع صوتها : احم ، لا أبد مافي شي بس تأخرت عالدوام مع السلامه – وقامت بسرعه –
ام جراح : استودعتك الله
جراح : وانا بعد شكلي بتأخر عالدوام اليوم يالله فمان الله
ام جراح : بحفظ ربي
_____
نواف دخل غرفة مشعل وقام يهاوشه : مشعلللل ماداومت !!!!
مشعل احذ المخده وحطها بوجهه : اووووففف
نواف : هاذا الي فالح فيه سهر الليل والصبح نوم وساحب عالدوام
مشعل ماكان له حس
نواف : نومه بدون قومه ان شاءالله – وقام يستغفر بقلبه ، وطلع برا وشاف رغد برا
وكشر باستغراب : رغد مو مفروض تكونين بالجامعه ؟
رغد ابتسمت بحب لأخوها : إلا ، بس خفت اصحيك وجلست انتظر مشعل يصحى ويوديني بس ماصحى
نواف ارتسم الضيق على ملامحه : الله يهديك دراستك اهم من نومي مفروض صحيتيني
رغد نزلت راسها : اسفه
نواف تنهد : طيب واثير راحت المدرسه ؟
رغد : ايه مرتها صديقتها
نواف احتدت نظرات عيونها وارتفع صوته : نعععععممممم؟؟؟؟؟
رغد ناظرت نواف بخوف : والله العظيم قلت لها لا تروحين بس عصبت علي
نواف : وبإذن مين رااااااحت ؟
رغد عضت شفتها ونزلت راسها وتدعي بقلبها ان ربي يفكها من عصبية نواف
نواف قام يهاوش وكانت ضحيته رغد : محسسيني اني ولا شي بهالبيت اطلع وارجع القاكم مقررين بأشياء من دون اذني !! متصورين انكم امانه برقبتي وشلون تبوني اعيش واهتم فيكم وكل وحده تسوي الي براسها من غير ماتشاور بس والله والله ان اثير حسابها عندي عسيييييييير
رغد فزت من مكانها ومسكت يده : لا تكفى نواف،البنت صغيره ماتعرف وش عواقب الي سوته
نواف شال يده منها : وين معه صغيييره وهي عمرها ١٧ تستهبلين !!!
رغد : سامحها هالمره تكفى
نواف دخل غرفته وسكر الباب بقوه .
رغد نزلت دموعها بخوف وقامت تعض اظافرها.
،،
نواف جلس على سريره :(( الى متى يحسسوني اني بلا قيمة والله اني ماانام الليل من تفكيري واخاف على كل واحد من اي شي،خايف اني مااقدر اصون الامانه الي وصتني فيها امي،احبهم واصارخ واهاوشهم لمصلحتهم بس ولا واحد يحس بتعبي وهمي، مشعل انسان مهمل ولا اقدر اوصيه على خواتي ، ورغد انسانه خوافه لآبعد حد ، واثير كسوله ، يالله ساعدني مااعرف شلون اتصرف،تعبت تعبت تعبت.))
___
دخل الشركه بهيبته المعتاده وهو يناظر ارتباك الموظفين بدخوله راح لسكرتيره ووقف احتراما له
: ياسر الملفات الي تحتاج توقيعي القاها بمكتبي وبسرعه
ياسر : ابشر طال عمرك .
دخل لمكتبه واسترخى بكرسيه وابتدا دوامه المتعب سمع صوت طرقات الباب : تفضل
دخل ياسر وبيده وقدمها له : طال عمرك هالأوراق تحتاج توقيعك
جراح : طيب اطلع ومع طريقك ناد لي المحامي متعب.
ياسر : ابشر – وطلع بسرعه واول ماسكر الباب مسك قلبه وهو يتنهد : نعنبوا بليسه هو وش مسويلي عشان اخاف منه هالكثر – وركض ينادي المحامي متعب.
___
انتهت محاظراتها وجلست بالكافيتريا وجلست صديقتها بشخصيتها المرحه : هاي ريم
ريم ابتسمت : هلا نهال
نهال : كيف المحاظره معك
ريم : كويسه الحمدلله
نهال : امممم عاد انا مشتاقة لك مره ماودك تعزميني ؟
ريم ناظرتها بنص عين : الشوق مايجي الا وقت الأكل
نهال ضربتها بدفاشه : افا دايم انا اشتاق لك
ريم مسكت كتفها بألم : افف نهال وش هالضرب واحمدي ربك ساكته لك للحين
نهال : وش دعوه ريم امزح معك
ريم : مزحك ثقيل
نهال : طيب
ريم : لا تزعلين نهال بس كتفي عورني
نهال ابتسمت : لا عادي ، خلصت محاظراتك ؟
ريم : ايه يلا قومي نطلع نتمشى
نهال : يالله
__
طلع من غرفته وفزت رغد من مكانها : نواف تبغى فطور ؟
نواف كشر حواجبه : ماابغى شي – وطلع وسكر الباب –
مشعل : الحمدلله وش فيه ذا معصب
رغد : لا تلومه
مشعل : انا بطلع ويمكن اتأخر لا تقعدون تدقون علي وتزعجوني عشان مااكسر الجوال فوق راسكم
رغد : طيب طيب
,,
طلع مشعل وركب مع صديقه – تركي –
تركي : مشعل توقع صادقت مين ؟
مشعل بملل : مين ؟
تركي : واحد من عيال الفهد الاغنياء
لف مشعل عليه بسرعه : ايش ؟
تركي تحمس : والله واسمه وليد ياهو يلعب بالفلوس لععببب وانا صادقته عشان ناخذ من فلوسه ونسحب عليه
مشعل ناظره ببرود ورجع يناظر الطريق
تركي ضربه مع كتفه : ياهوووووه،أقولك غنيي حتى لما درى اني على قد حالي مارفع خشمه وسحب علي بالعكس قام يرحب فيني
مشعل عصب : طيب وش أسويلك ؟ انا هالعائله ابعدني عنها مابي قربها
تركي استغرب غضب مشعل : طيب وش فيك عصبت ؟ والله ان الرجال طيب ويمدينا نلعب عليه بكلمتين وغير كذا بنروح له الحين اذا ماعجبك بتركه عشانك
مشعل ناظر تركي ببرود : تركي افهمني الله يخليك انا خايف يكونون من عماني بعدها والله أبوي يوريني الويل.
تركي سكت وصد عنه
مشعل : مااقوى على زعلك بس حس فيني !
تركي :……..
مشعل بضيق : خلاص اللي يريحك بروح معك
تركي لف عليه وابتسم : ايه هاذا مشعل الي اعرفه
مشعل ابتسم ابتسامه صفراء وناظر الطريق ..
بعد مرور ربع ساعه..
تركي : وصلنا يلا انزل
تردد مشعل شوي بس نزل لانه عارف تركي بيجرحه بالكلام وبيقلل من قيمته ..
تركي : شف شف سيارته نعنبوا بليسه يلعب بالفلوس لعب..
مشعل ناظر وليد وهو يتفحصه من راسه لرجوله..
تركي بصوت عالي : وليييييييد
وليد ناظره وابتسم ومشى برزانه وسكينه ووصل لهم : السلام عليكم ..
تركي : وعليكم السلام،ياهلا والله،هلا بالشيخ
مشعل ناظر تركي بنص عين (ياكبرك عند الله يامنافق)
وليد : هلابك تركي اخبارك
تركي : بخير الله يسلمك وانت؟
وليد : الحمدلله ،، وطاحت عينه على مشعل وقالها وهو مايحس بنفسه ،، جراح
مشعل كشر باستغراب : هاه ؟
وليد تنح شوي بعدها ضحك : معليش مشبهك على واحد
مشعل حك رقبته بتوتر : لا عادي،انا مشعل
وليد : تشرفت
مشعل : الشرف لي
وبعدها اخذتهم السوالف ومشعل يرد بكلمه ولا كلمتين ويرجع يسكت..
____
الساعه ١٢:٣٠ م
جراح : مستحيييييل اعقد عقد مع هالشركه
المحامي متعب : ياجراح هاذي فرصه ماتتفوت !
جراح ضرب الطاوله بقوه : تستهبل انت !! هاذولي كانو اشد اعداء ابوي والحين تبيني اعقد معهم
المحامي متعب : بيجيك خير منهم
جراح : انا ماني طمعان بالفلوس اهم شي رواتب الموظفين توصلهم شهريا واهلي ولله الحمد بخير ونعمه
المحامي متعب : هاذا شي راجع لك انا نصحتك وانت بكيفك
قطع كلامهم صراخ برا المكتب وطلعوا يشوفون المشكله.
جراح : نعم خير وش صاير ؟؟؟
الرجال الأول تكلم بإرتباك : لا طال عمرك ما مافي شي
جراح بعصبيه : كل ذا وتقول مافي شي !!!!
الرجال الثاني ملتزم الصمت.
جراح : اخلصوا علي وقولو وش صاير
الرجال الاول : سوء تفاهم
جراح : سوء تفاهم تسببون هالضجه ذي كلها ؟؟؟ تقدرون تنقلعون برا الشركة تتفاهمون لأني مااستحمل اشوف هالاشكال موجوده هنا
الرجال الثاني : عشان الشركه شركتك تقعد تتأمر علينا كأننا خدم عندك
جراح تكلم بسخريه : ياشيخ !! ايه بتأمر عليك وغصب عليك تنفذ
الرجال ببرود : ماني مجبور .
نواف دخل الشركه عشام يقدم اوراقه وانتبه للهوشه الي صايره
جراح : منت مجبوور اجل انقلع برا الشركة ولا عاد اشوووفف وجهكك هنااا ان ماخليتك تبكي نددممم مااكون جراح الفهد !!!!
نواف كشر باستغراب وهمس للي جنبه : وش صاير ؟
: هاذا مديرنا وفيه واحد مااحترمه وقام يهاوشه
نواف رجع يناظر جراح وانتبه للشبه الواضح بينه وبين اخوه مشعل .
الرجال طلع بسرعه والثاني انحاش وراه
جراح بصوت عالي : وانتمم خيييرر تناظرون ؟؟ كل واحد ينقلع لشغله
وتفرقوا الموظفين خلال ثواني من الخوف وانتبه للي واقف مكانه ماتحرك
جراح بعصبيه : نعم انت ؟
نواف : جيت بقدم اوراقي لأني احتاج الوظيفه
جراح قام يناظره من فوق لتحت ويتفحصه : ياسسررر
ياسر : سم
جراح : شف ملف هاذا
ياسر : ابشر
جراح رفع حاجبه ودخل مكتبه ودق على متعب : خمس دقايق والقاك مزروع عندي بالمكتب .
____
رغد جلست تعض اصابعها من الخوف : ياربييي الساعه وحده واثير ماجت الله يستر لايكون جاها شي ولا اذا جاء نواف وهي مو موجوده ياويلي .
سمعت صوت الباب وفزت من مكانها وهي تدعي ربها انها تكون اثير بس طلع مشعل
رغد جلست مكانها : اوووففف
مشعل استغرب : شفيك ؟
رغد : اثير مارجعت للحين
مشعل انصدم : ايييييش ؟
رغد دموعها نزلت بضعف : ياربي يامشعل والله خايفه
مشعل : انتي شلون تتركينها تروح مع صديقتها وانتي ماتعرفين منهي اصلا
رغد وهي ترجف : مشعل مو وقت هواشك والله ، ليش واقف للحين قوووووم دورههاااا
مشعل : هاه شلون ادورها وين القاها وين اروح اصلا
رغد : يعني اييييييش؟؟ ادورها بدالك
مشعل : خلاص خلاص بدورها.
____
ياسر : اسمك نواف الفهد ؟
نواف : ايه نعم
ياسر : بس شلون تتوظف وانت توك تدرس ؟
نواف : اخر سنه لي بالجامعه بصير ادرس الصبح واشتغل المساء
ياسر : اها ماشاءالله,الملف بيوصل للمدير لان من شروطه اذا جاء يوظف احد لازم يشيك عليه تعرف مانوظف الا الي واثقين فيهم وشركتنا شركه كبيره …
نواف ( يالليل واضح انه راعي سوالف الله يفكني منه بس ) وبدا نواف يجاريه ويسلك له
ياسر : عطني رقم جوالك واذا لك وظيفه بنتصل عليك
نواف ابتسم وعطاه رقمه وطلع من الشركة
وخلال ربع ساعه وصل للبيت..
ودخل وهو مبتسم وفرحان واستغرب من وجيه مشعل ورغد المرتبكه واول ماشافوه فزو من مكانهم
نواف : وش صاير ؟
وكان الصمت سيد الموقف
نواف : هيييه تكلمووا وش صاير ؟؟
مشعل : أثير – وسكت-
نواف صرخ بوجهه : تكللممممم وشش فييييهههااا !!!!
مشعل : مارجعت للحين من المدرسه والساعه ٢
نواف انصدم : اييييييش
مشعل سكت ونزل راسه
نواف دف رغد بقوه : كلللههه منننكك انتييي مخليتها تمشي على هواهااا شوفي الساعهه كمم مفروض انها واصللهه من ساعتييييننن
رغد وبدت تشاهق : والله والله …و
نواف : اصصص ولا كلمههه ابعدي عني هالساعه لادفنك بأرضك – وناظر مشعل – وانتت وش تسوييي واااقففف قم دورها الله لا يبارك فيك
مشعل ارتبك : كنت انتظرك
نواف : ككككككللل شي علييي انااا…
انتهى البارت قراءه ممتعه …
كملي ياعسل
يعطيك العافيه وربي يسعدك
تقبلي مروري مع تحياتي وتقديري
