سالفة النملة اللي جاها فشل كلوي 2024

تعالو اسمعو سالفة النمله الي جاها فشل كلوي
السلام عليكم ورحمة الله و بركاته

وش لونكم عساكم طيبين وش علومكم عندي قصه اليوم ان شاء الله تعجبكم
اسمعو سالفة النملة اللي جاها فشل كلوي

طبعا اللي يحكي القصة بنت مو ولد يعني لا احد يستغرب أنا لاطشها منها

——————————————————————————–

قبل سنتين شريت سكانر ( ماسح ضوئي ) وأول ماشريته كنت فرحانه .. أي ورقة ألقاها أدخلها بالسكانر وبينما أنا كذلك <= = يمديكم على اللغة ..

وأنا ألقى نملة قاعدة تتمشى بالغرفة

الظاهر إنها مسوية شوبنق .. وأنا آخذها وأحطها بالسكانر وأكبر صورتها 1600 أكبر حجم وألقى الجهة اليمنى عندها فيها بعج .. وأنا أسوي قص للجلد وألقى الكلوة رايحة فيها ..

وأنا طلعه بالحوش وأجيب نملة ثانية وأدخلها بالسكانر وأحطها في برنامج اسمه سبيكنق وأقول لها ممكن تتبرعين بكلوة لمريضة في حالة خطرة ..

قالت : الله يرجك .. أنا ألحين رايحة للمستشفى عشان أسوي غسيل كلى ..

وأنا أقول : لاحول ولا قوة إلا بالله .. ألحين صار عندي نملتين فيهم فشل كلوي ..

وأنا أطلع عند الحوش مرة ثانية – بس هالمرة عندي عدسة – وألقى نملة منتفة وجالسة لحالها

وأنا آخذها وأحطها بالجهاز وأدخلها برنامج سبيكنق وأقول لها لوسمحتي ممكن سؤال ؟
قالت : آمري ؟

قلت : ليش جالسة لحالك ؟
قالت : أنا فقيرة ودايم أشحد من النمل لين طفشوا مني وهم يطردوني من القرية .

قلت : وش رايك أعطيك خيشة سكر ؟
قالت : تكفين ..

قلت : بشرط !!

قالت : اطلبي ياهانم؟

قلت : تتبرعين بوحدة من كلاويتس لنمملة عندي ؟
قالت : o.k

وأنا أفتح بطنها وأسوي لكلوتها قص وأنسخ منها ثنتين وأعطي وحدة النملة القديمة وحدة النملة الجديدة

.. وهم يطلعون من عندي مستانسين .. ويوم جاء الليل وأنا أروح أسوي شاي بس مالقيت سكر .. وأروح للنملة وأقول لها : بالله عطيني سكر !

قالت : دا بعدك .
قلت : تكفين ..

قالت : بشرط ؟
قلت : وشنهو الشرط ؟

قالت : اليوم بيجوني نمل من بيت جيرانكم ودي أقلطهم عندك في البيت ..
قلت : مافيه مشكلة ..

قالت : خلاص ،، خذي لك ملعقتين سكر ولا تكثرين تراني أشوفك .(

وفي اليوم التالي :

جونا نمل من بيت جارنا .. والنملة تناديني وتقول تراني مسوية تمايم اليوم اطلبي من أقرب مطعم وجيبي لنا مفطحين .. عشان ألي جاني ولد ..

قلت : ماشي .. وأنا أروح أطلب لهم مفطحين .. وكل شوي تناديني : .. جيبي القهوة .. جيبي الشاهي .. وأنا رايحه جايه .. يوم انتهت العزيمة ووحدة من النمل الضيوف

تقول : بكرة السهرة عندي .. قالت نملتي : الله يعينك ؟ <= = يعني موافقة .

وفي اليوم التالي :

راحت نملتي عند جيراننا على الغداء .. وأنا قاعده أبكي على حظي في البيت .. وشوي وإلا ألقى صرصور

.. وأنا أقول له : ورع ؟
وهو يقول : نعم ؟

قلت : وش اسمك ؟
قال : وش دخلك ؟

قلت : آسفه إني تدخلت بخصوصياتك .. بس ممكن طلب ؟
قال : تفضلي .

قلت : أنا سالفتي كذا وكذا .. وأبغاك تآكل النملة الليلة ؟
قال : خلاص .. بس بشرط ؟

قلت: وش الشرط ؟
قال: حمام الرجال أبغى أحجزه لمدة أسبوع .

قلت : موافقه .
وبعد قليل وهي تجي النملة مالية بطنها وتقول : ألحين راح أقيل وبعد ماأقوم شفي لي الحمام

أبي آخذ شور <= = يعني تبي تتسبح ..
وأنا أقول : حاضر سيدي .. وأغمز للصرصور ..

وفي هذه الأثناء : راح الصرصور لأخوياه وقال لهم : الليلة عازمكم على صيدة .. وهم يندسون ورى باب الحمام
..

والنملة أول ماقامت من النوم راحت للحمام تبي تآخذ شور على قولتها .. وهم يهجمون عليها هجمة رجل واحد .. وهم يكلونها ..

وفي اليوم التالي :

مع الصبح أسمع قرقعة بالحمام وأروح أشوف وألقى الصرصور هو وأخوياه يلعبون بلوت ..
جتني سكتة قلبية

.. وأنا أقول لازم اتخلص منه بأي طريقة .. وبعد تفكير عميق .. وأنا أدخل عليهم .. وهو يقول لي : خير يالطيبه .

قلت : أبد بس ودي أفتح الدريشة عشان تهوون شوي .

قال: ياختي عاجبتني الريحة .

قلت : عشان خاطري .

قال : يلله بسرعة افتحيها ولا أشوفك بالبيت بعدين .. فاهمه ؟
وأنا أقرب من الدريشة كني بفتحها وأسحب السيفوووووووووووووون

وهو يقول : غدرتي بي .. غدرتي بي . حسبي الله عليك .

وأنا أقول له : لو سمحت لاتقول اسم الله بالحمام .

وأنا أروح سيدا للسكانر وأكسرة أربا إربا لأنه هو السبب .. وهكذا عشت حياة سعيدة !!

وسلااامتكم

وشرااااااااااااايكم فالقصه

.

.

.
طبعا منقووووووووووووووول
تحياتي :
اجمل احساس

هههههههههههههههههههههههه حلوة بطني راح يعورني من كثر الضحك
يسلموا على النقل الرائع تقبلي مروري
مشكووووووره
ههههههههههههههههههههههههههههههههههههههههههههههههههههههههههههههههههههههههههههههههههههههههههههه

الله يعطيك العافيه

هههههههههههههههههههه
يسلموو عل الموضوع
السلام عليكم ورحمه الله وبركاته

مشكورة أختي على نقل القصة الحلوة000000000

لوكانت القصه حقيقية وعملتيها فلم 00000000000

هههههههههههههههههههههههه

ماراح اكمل عشان ما تتخيليها بالمنام0000000000

أخوج

هههههههههههههههههههههههههههههههههههههههههههههههههههههههههههههههههههههههههه

يسلموووووووووووووووو على الموضوع الحلو جناااااااااااااان وربي

يسمنووووووووووووووووووووو
ههههههههههههه
يسلمووووووووووووووووو على هالقصه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.