ضيدان خذ مني نصيحه بريره = عليك بالتقوى عسى الرب يهديك
عليك بالتقوى وحسن المسيره = وبالك تعرض شي ماهوب يعنيك
الناس متخلي صغير وكبيره = لو تتخلي الناس ماهي تخليك
بالك ترافق للوجيه الشريره = عليك بالطيب ترى الحي يحييك
وليا جهلت الرجل فانظر في عشيره = ترى الرجال أشكال ماني موصيك
رفقتك للطيب تزيدك بصيره = ورفقتك للخايب تراها ترديك
يالله عسى بالأمر يابوك خيره = عساك ترفع راس من كان يرجيك
العلم طول له ايدينا قصيره = الله على درب الهدايه يمشيك
يالله ياعالم بخاف السريرة = ياخير ماخاب من يلتجي فيك
تاقاه من كل الامور الخطيره = يارب لاتخيب رجا من يناجيك
الله من قلب همومه كثيرة = لاراح هذا قال هذاك باجيك
يقوله اللي شاف ماشاف غيره = شاخت على الأجواد اعيال الصعاليك
شي مضى ماودك إنك تثيره = لاشك أشوف الموت ربي يعافيك
وسلم وتسلم لي عضودك ذخيره = لوغبت بغيابك ترى الكل يكفيك
من الهم لو هو كبر حبة إشعيره = لاتنقله جعل البقاء فيهم وفيك
أن يضبط تنسيق القصيد
على شان ان يكون مرتب
افضل من الشكل هذا
تحياتي للجميع
ويعطيك العافيه عاالنقل الطيب
واعذرنا مافي تنسيق للقصائد بالمدونة
تقبل مرووري
ولاتحرمنا جديدك
يسلمووو على الطرح
الله يعطيك العافيه
تحيتي لكم
