طفلتك ماعاشت احساس الطفوله روايه رومنسيه جريئه 2024

في إحدى البيوت المتوسطه المستوى ولكن أنيقة الشكل ..
بيت يتكون من طابقين ..
نزل من الدرج مستعجل وريحة عطره الرجآلي تفووح بالبيت بشكل يدووخ ..
وصل للمرايه ووقف يعدل شمآغه الأبيض على ثوبه السكري وسآعته السويسريه الفخمه واللي تدل انه عنده خير برغم صغر سنه ..
شاف شكله بالمرآيه واللي تعكس صورة شاب وسامته ورجولته تكفي إنه يطيح ب 10 نساء من نظره وحده ..
حواجبه الكثيفه المكوفه وتعطيه هيبه أكثر .. حدة نظرآت عيونه الوآسعه بسوآدهآ وكثافة رموشهآ ..
خشمه السيف المسلول على قولتهم .. وشفايفه الجذآبه مايله للحمره ومحآطه بسكسوكه ( الخنجر ) وبسوآدهآ زآدته وسآمه وهيبه ورجوله ..
لون بشرته البرونزيه بشكل آسر ..
إلتفت على أمه اللي جايته تقول : لا اله الا الله .. بسم الله عليك ياامي .. الله يحرسك ويحميك من شر الحسآد وعيونهم .. ويرزقك ببنت الحلآل اللي تريحك طول عمرك ..

/

وصلت مجمع فينيسيا مول بالخبر وهي تكلم صديقتهآ : هآآآي .. هلآ ليان .. كيفك ؟؟
ليان : هلا ومرحبا .. أنا بخير الحمدلله … كيفك إنتي ؟؟
: الحمدلله بأحسن حآل .. ليوونه بغيت أسالك عندك شئ اليوم وإلا فاضيه ؟؟.!
ليان بسرعه : لا فاضيه وطفشاااااانه حدي .. ليش ؟؟
بفرح : حلوو .. أجل وش رأيك تقابليني ب الراشد ..؟؟ أنآ ألحين دآخله فينيسا مول بآخذ هديه لبنت جيراننا توهآ ولدت وجابت بنووته تجنن .. وبأطلع بعدهآ ع الرآشد أتمشى شوي وأشتري شوية أغراض لي وللبنوته الصغنونه .. هآه وش قلتي ؟؟
ليان : أوكي ياقلبي .. ألحين بأقوم البس واتجهز وأجيك ..
: أوكي سي يوو ,,
ليان : سي يوو ..

/

كآن متوجه لقصر الأفرآح بس تذكر إنه مآشرى لخويه هديه ع الأقل بمنآسبة زوآجه ..
وتوجه على طوول ل فينيسيا مول لأنه أقرب شئ له ألحين ,,
وقف سيارته بالباركينج ونزل لمحل سآعآت إشترى سآعه رجآليه فخمه وأخذهآ ورآح لمحل متخصص بتغليف الهدايا ,,
أول مآدخل عندهم لفت نظره بنت متنقبه نقاب كويتي وعيونهآ باينه بشكل ملفت ومبهر متكحله بس بكحل أسود خفيف وحآطه عدسات لونهآ غريب ( بباله هو طبعا انها عدسات ) .. صح إنه أعجب فيها كثير وماقدر يشيل عيونه عنهآ وسمعهآ تحكي بالجوال : لمى أنآ بمحل هدايا وأبي أشتري لمهآ هديه عشان بنوتتهآ تكفين قولي لي وش تحب أو وش ناقصهآ وأجيبه لهآ ؟؟
ردت لمى بإحراج : يا فآتن مآله دآعي تكلفين على نفسك ,, والله بوكيهآت الورد اللي مليتي فيهآ المستشفى والشوكولآ اللي جايبتهآ بلون وردي واشكال فخمه خليتينا نستقبل الناس بفخر هههههههههه .. (كملت بجديه) تكفين لا تجيين شئ بتزعلين مهآ منك وتحرجينهآ زود ..
قالت فاتن بشوية زعل : لمى إنتي تعرفين أنكم خوآتي اللي ماجابتهم أمي ,, ومهآ أختي الكبيره مو بس جآرتنآ .. ويكفي إنهآ سمت بنتهآ ( فاتن ) على إسمي وربي ماراح أنسى لهآ هالشئ .. وبعدين إنتي وش عليك أنآ بأجيب لهآ حق السمآوه بس مو ألحين هذي أشياء بسيطه بس ..
عشان كذا خليني اشتري لهآ كل اللي أتمنآه .. بس أبي أعرف هي وش تحب ..؟؟
ردت لمى بكل حب لهآلبنت اللي يعتبرونهآ إختهم : بصرآحه أحرجتيني بكلآمك … بس اللي أعرف إنهآ كآنت تبي تروح تشتري لهآ ملآبس .. لأنهآ الدلخه شرت كل شئ ولآدي بعد ماقالت لهآ الدكتوره إنتي حامل ب ولد خخخخخخخخخخ ..
ضحكت فاتن بنعوومه متغافله العيون اللي تراقبهآ والأذآن الصاغيه لهآ ولصوتهآ : ياحبي لهآ مهآ عليهآ حركآت عجيبه .. أجل خلآص أنآ ألحين بأروح أشتري لهآ كل شئ يخص البيبي .. وآآآآي حدي مستانسه إنه طلع لي شغله بعد هالملل اللي جاني ..
ضحكت لمى على حمآس فاتن وصوتهآ اللي مهمآ علآ الا تبان فيه نبرة الدلع الطبيعيه وقالت : الله لايحرمك الونآسه يافتونه ..
قالت فاتن بضحكه : ولا يحرمك يارب .. ويللا الحين اقلبي وجهك أبغى أكمل الشوبينق تبعي واخلص بسرعه عشان يمديني اجيكم ..
ضحكت لمى وقالت تتصنع العصبيه : شوفوا ناكرة الجميل ..الحين انتي اللي داقه علي وتترجيني اعلمك وش محتاجه مهآ وبنتهآ وبالآخر تقولين اقلبي وجهك .. طيب طيب انتي تعالي عندنا وتشوفي وش بيجيك ..
ضحكت فاتن وقالت : أوكي الله يكفيني شرك .. اشوفك على خير ياقلبي ..
لمى ردت بإبتسامه : الله معآك ياقلبي ,, وتكفين لا تتأخرين …
فاتن : إن شاء الله بأحاول اخلص بدري .. مع السلآمه ..
لمى : مع السلآمه

أرض الأحلآم وأشجآر الأمآني يبآس ..
وإنت ظالم ولكني أحبك كثير ..
وآضح إني خسرتك للأبد وإنت حآس ..
خلك أقوى شوي وإعترف بالمصير ..
رحت يوم إرتوت فيني عذوق الحمآس ..
مثل من ياخذ اللقمه من إفم الفقير ..
عندي إحسآس وشوية رجآوي ويأس ..
ومابغيت أزعجك مادآم وقتك قصير ..
قلت أبنسآك يمكن المسآفه تقآس ..
بين ذآك الزمآن اللي مضى والأخير ..
صآحبي .. مارضيت أنسآك من قو بأس ..
يوم أبنسآك كنت أبغى يموت الضمير ..
الغرابيل تلحقني وأنا بدون ناس ..
عفت ناسي عشان ابقى بعينك كبير ..
يوم كان الوفآء تحت الخديعه يدآس ..
والغرآم آخر حلول الوسط للعشير ..
كنت غالي وكان الكل حولك نحآس ..
كنت صادق وكان الكل حولي يغير ..
ليت الأيام ثلجه ذابت بوسط كاس ..
كان عودت أنا مع برد العلاقه ضغير ..
كنت أنا وأنت في ذيك المحلات ماس ..
وسرقتك الحياة الهاديه وصرت غير ..
بس كانك تبي فرقا مثل ماانت حآس ..
خل ليل الخبر يذكر همومي بخير ..

صحت سديم على صوت التنبيه يقول ( لم يتم الرد ) ..
حست إنهآ إنصدمت بهالقصيده اللي دخلت فيهآ جو شآعري خيالي ..
قالت بنفسهآ : يآآآآآآآه ياخوي وش كثر إنت متعذب .. معقوله عزآم يكون يحب وحده تركته ؟؟ معقووله ؟؟ لا لا ما أظن أكيد إنه بس حآطهآ كذا عشان فيهآ كلمة ( الخبر ) ..إيه إيه أكيد …
صحت مره ثانيه من سرحآنهآ على صوت جوآلهآ يدق بإسم
( عزآم قلبي ..يتصل بك ) ,, ردت بسرعه : هلآ عزآم ..
قال عزآم بهدوء وركآده : هلآ سدوومه .. دقيتي علي ؟؟
قالت سديم : إيه دقيت بس مارديت وين كان جوالك ؟؟
قال عزام : معآي بس لأني كنت بين الرجآل ماقدرت أكلم وألحين طلعت ..
قالت سديم بفرحه : يعني بتجي البيت ؟؟
إستغرب عزام نبرة الفرح بصوتهآ وقال : مدري ليش ؟؟
قالت بسرعه وبصوت مترجي : تكفى عزآآمي بأطلبك طلب وقول تم تكفى ..
قال عزام بضحكه وعرف إنهآ ماتطلب ب تكفى إلا شئ غالي عليهآ : آمري سمي … وش بغيتي ؟؟
ضحكت سديم وقالت : قول تم طيب ..
إبتسم عزام اكثر وقال :خليني أعرف أول ..
قالت سديم بقلق وبسررعه : أبيك توديني عند لمى بنت خالتي أنآم عندهآ .. بتجيهآ بنت جيرآنهم وأبي أشوفهآ من زمآن تحكي لي عنهآ وحبيتهآ وأبي أقابلهآ ..
قال عزآم بهدووء : بأوديك لهآ بس ماتنآمين ..
قالت سديم بترجي : لااااا عزآم تكفى .. خلني أنآم .. وبعدين ياقلبي مشوآر عليك ترجع لي مره ثانيه .. إنت ودني وروح ماله دآعي تتعب عمرك وترجع ..
ضحك عزام بخفيف وقال : يعني مسويه عمرك خايفه علي من المشاوير ؟؟
لاتخافين متعوود وأصلا شغلي بالخبر يعني مو صعب علي اوديك وارجع لك ..
قالت سديم بآخر محآوله لإقنآعه : تكفى عزآآآآآمووو خلني أنآم هنآك .. والله كلمتني شوي وتصيح من الطفش حتى هي .. تكفىىىى ,,
قال عزآم بإستسلآم : لاحول ولا قوة إلا بالله .. مشكلتي مااقدر اردك بشئ .. هالمره بس بأخليك تنامين .. المره الجايه زياره وبس مافيه نوم .. فآهمه ؟؟
قالت سديم بسرعه : مااضمن لك بس .. إن شاء الله بأحآول ..
إبتسم عزام على خفيف كأنهآ تشوفه وقال : أوكي ,. ويللا تجهزي ماابي أنتظر كثير .. والا والله لانزل أنآم وماعلي منك فاهمه ؟؟
قالت : لا لا إن شاء الله أول ماتوصل تلقاني أنتظرك بالحوش ..
قال : أوك .. مع السلآمه ..
ردت : بأمآن الله ..

(( عزآم : (29 سنه ) .. وصفنآ شكله من قبل .. بس طبعه حآد .. يضحك صح ويفرفش أحيانآ .. بس إذا عصب يررعب .. تحمل مسؤولية أهله بعمر ال 19 سنه وهو بعز مرآهقته .. كآفح وإشتغل بشركة الفهد من موظف عآدي ل مدير مكتب المدير العآم .. لحصوله على ماجستير إدآرة أعمآل ..
شايل فكرة الزوآج من باله لحد مايزوج خوآته الباقيات .. حنون وطيب باوقآت .. وقاسي وشرس باقوات ثانيه .. ووو ,, والا اقول بنتعرف عليه أكثر بالأحدآث ^,^ )) ..

ونطت سديم تجهز ملآبسهآ اللي تحتآجهآ وتلبس لهآ لبس كشخه لأنها سمعت من لمى ان بنت جيرانهم مررررره غنيه وكشخه بس متواضعه ..
ولبست ( تنوره كاروهآت أحمر وزيتي وبيج ميدي ل نص السآق .. وبلوزه كم طوويل حمرآء مفتوحه من نص الظهر على شكل دآئره وتحتهآ بدي زيتي ..تغطي نص الفتحه ) وحطت كحل أخضر بعيونهآ وماسكآرآ .. وبلاشر وردي وقلوس عنآبي نآعم .. ولبست إكسسوار زيتي وأحمر .. وفكت شعرهآ اللي يوصل لتحت أكتافهآ بقصة الفرآوله ومبرز كثرته ولونه الكاكاوي المناسب لبياضهآ بشكل حلو ,, وحطت ورده حمرآء على جنب بشعرهآ ,, طلع شكلهآ جنآآآآآآآن .. لبست كعب زيتي ربط ع السآق وأخذت شنطتهآ وجوآلهآ وطلعت .. وملآبس النوم تلبس مع لمى لأنهم نفس الجسم ..
نزلت من الدرج وقابلت أختهآ سآره ..

(( سآره (20 سنه ) تدرس حآسب بجامعة الملك فيصل 3 سنه .. بنت مررره حلوة بس مشكلتهآ شوية الغرور اللي فيهآ .. تعشق الفلوس وريحتهآ .. بس حبوبه بأحيان وخبيثه بأحيان ثانيه ,, )) ,,

سآره : على وين إن شاء الله لابسه وكآشخه ؟؟
قالت سديم وهي تسكر شنطتهآ وتلبس عبايتهآ : بأروح عند خالتي .. لمى دقت علي تطلبني أروح لها بتجيهم بنت جيرانهم فاتن الفهد.. اللي حكت لنآ عنها ذاك اليوم ..تذكرين .؟؟
قالت سآره وهي تتذكر : إيه إيه تذكرتهآ بنت العز والفلوس ,,
قالت سديم بنظره لأختهآ : وشو بنت العز والفلوس ..؟؟ بنت ابوها وامهآ ترى … والا انتي كل الناس عندك بالريال والفلس ؟؟
ضحكت سآره وهزت أكتافهآ بعدم مبالاه وقالت : إيه ياحبيبتي هذا اللي المفروض تفكرين فيه ,, مو تفكير الفقآرى أمثالنا أخلاق ومدري ايش ؟؟
شوي دق جوالهآ وردت : هلآ شذى .. أخبارك يالدووبا وحشتيني؟؟ ( قالتهآ وهي طالعه غرفتهآ ) ,,
طالعتهآ سديم وهي رايحه وتقول : الحمدلله والشكر تفكير محدوود وسطحي الله لايبلانآ ..
دق جوالهآ هي بعد وردت بدون ماتشوف مين : هلآ ..
: هلآ سديم يللا اطلعي انا برا أنتظرك ..
سديم : يللا انا طالعه ..

وصلت قدآم فيلا ابو سعود وإتصلت على لمى عشان تنزل تساعدها بالأغراض الكثيره بالرغم إن شغالتهآ معآهآ وشايله ثلاث ارباع الأغراض بس لأن الباقي هدايا كبيره ..
ردت لمى وهي تقول : هلآ فتووو ..
قالت فاتن بحب : هلا عيوني ..إسمعي عندكم أحد من الرجال ؟؟
قالت لمى : لا أبوي وتركي طالعين .. محد فيه خذي راحتك تلقين أمي تحت ..
وترى بنت خالتي سديم جات وتنتظرك معآي ..
إبتسمت فاتن بفرح وقالت : جد ؟؟ يللا انا نازله بس الأغراض كثيييره مرره ..وش رايك تنزلين تساعديني ؟؟وإلا اقولك يللا باتقاسمهآ مع الشغاله مسكينه لعنت شكلهآ اليوم هههههههه ..
ضحكت لمى وقالت : هههههههه ياعمري يافتوون والله أخاف تزعل مهآ وأمي منك لأنك كلفتي على نفسك .. بس يللا الحين بانزل لك ..
قالت فاتن بسرعه : يللا انا انتظرك ..
ونزلت مع الشغاله وهي تنزل كل الأغراض والسواق يساعدهم يدخلها الحوش لأن باب الحوش كان مفتوح بعد دخول عزآم ..
السوآق حط الأغراض وطلع للسيآره ..
وفاتن تضايقت من الطرحه اللي كل شوي تنفك وتخرب عليهآ قامت تلفتت ورآهآ ماشافت بالباركينج اللي بالحوش ولاسياره قامت فصخت طرحتهآ ورمتهآ على أكتآفهآ وشعرهآ كآنت رآفعته شينيون مبهذل من الطرحه ,, بس خصل من شعرهآ طايحه على وجههآ..
وقامت شالت أكياس وكثيره بيدينهآ الصغآر .. وهي لسى ببدآية الحوش ودآخله للفيلآ ..

/

: على وين يا أمك ؟؟ توك جآي إقعد تقهوى وألحين بيجي عمك وتركي إجلس معهم شوي ..
عزآم وهو يوقف ويمسك جيوبه يفتش ع أغراضه قال : قهوتكم مشروبه ياخاله .. وعسى بيتكم عآمر ..والله مستعجل بأروح البيت تعبآن حدي وأدوور النووم بس ..وعمي وتركي سلمي لي عليهم كثير وإعتذري لي منهم ..
وقفت أم سعود وهي تقول : الله يسلم عمرك ياوليدي .. بس بكره تعآل مع أهلك لأن أمك قالت لي بتجونآ إن شاء الله .. خلآص ؟؟
عزآم وهو يأشر على عيونه : إبشري ياخاله من عيوني .الثنتين .. وألحين أسمحي لي ..
أم سعود : مسمووح يالغالي .. الله وياك ..
عزآم وهو طآلع : فأمآن الكريم ..
طلع وسكر باب البيت ومآشي للحوش بس سمع صوت نآآعم جدآ وفيه ميزه عجيبه أجبرته يرفع رأسه جهة مصدر الصوت .. وإنصدم وجمد بمكآنه من اللي شآفه ..

/

{ مدري ؟؟!
كن الحزن فيني شآف له " نعم الصديق "..
{مدري ؟؟!
يمكن كنت فعلآ كفو ل/الحزن و تكآنه ..
و الفرح ك/ الثوب لكن !!
يبدو إنه مايليق ,,
دآم لبسه لآي خآسر مآورآه إلا ..{::.. الإهآنه ..::} ..

/

جمعة شبآب .. بلوت .. لاب توبآت .. جوآلآت .. دربكه ..جيتأر .. عود ..
كآن جآلس ومآسك العود ويغني بصوته الرجولي المبحوح الحزين :

أجر الصوت من جرح برى لي ..
ألا والجرح أكبر من زمآني ..

خلص أغنيته وسمع تصفير الشباب حوله وتصفيقهم وقا يضحك وهو يعدل بلوزته ويقول بضحك : لادآعي لآ دآعي حبايبي .. عآرف إني فنآن العرب الثاني ماله داعي تقولون لي وتحرجوني زوود ..
ضحكوآ عليه وقال عصآم : ياولد وش هالحركات ؟؟ ماكنت أدري إن عند ولد خالتي كل هالمواهب المدفونه .. والله طلعت خطنطر (خطير يعني ^,^ ) ياولد ..

(( عصآم (24 سنه) .. شاب وسيم بس مومثل أخوه ^,* .. يشتغل ممرض بالمستشفى .. إستقبال .. مرح ويحب الدجه ,, مغازلجي نوعآ مآ .. )) …

((تركي (24 سنه) .. شاب مملووح كثير وجذآب .. هادئ ورومآنسي جدآ .. عآقل وثقيل .. يشتغل ممرض بنفس المشتشفى مع عصام بس هو قسم مختبرات .. يحب ,, واللي يحبهآ بنعرفهآ مع الأحدآث ^,^)) ..

ضحك عصام بتوتر من شك ولد خالته فيه وجآ بيتكلم وقاطعه دخول سلطآن ويده بجوآله ويقول : وش فيه سليطين ياتريك ؟؟ وبعدين ندوج أنآ ويآه نترزق الله .. وإلتفت على عصام وغمز له وكمل : والا لا ياعصام ؟؟
قال عصام : إيه إيه صح ..
دق جوآل بنغمة ( بلآحب بلآوجع قلب ….) وكان جوال سلطآن ..
إبتسم سلطآن بخبث وأخذ جوآله وقام يرد وهو يقول بصوت عآلي سمعه أصحآبه رغم إنه بعد عنهم شوي : هلآ وغلآ ب كل الحلآ ..
وإختفى صوته لأنه إبتعد عنهم أكثر ..
لف تركي على عصآم وقال : ياعصام سليطين مايجي من ورآه إلا البلآوي ,, وإحنآ مانمآشيه ولا نحتك فيه مثلك .. إبعد عنه أحسن لك ولنا ..
عصب عصام من طريقة تركي ووقف وهو يقول بعصبيه تخفي توتره : وشو أحسن لك ولي ..؟؟ ماني بأصغر بزآرينك تكلمني كذا .. وسليطين أظن إن إسمه سلطآن ,, وماشفت منه شئ يضر عشان أبعد عنه .. ورجآء خلك بحالك وخلني بحالي يآ .. يآ ولد خالتي ..
ومشى وهو معصب ركب سيارته ورجع البيت في وسط ذهول الكل من عصبيته الغير متوقعه ولسبب تافه ..