قصيدة الغيرة اللي داخلي ما لها حدود 2024

أنا اشهد إني بمحبتك أناني ..

لولاي حطيت لشعوري قيود ..

مبطي كوتك بنارها يا حناني ..

أكتم لهبها في صدري المحدود ..

تحرق خفوقي و أحرف لساني ..

و تنزل الدمعة على أبيض خدود ..

سبحان مخرج الما من واهج كياني ..

و لولاي أضمك بقوة المهدود ..

كان ذبحك معانقي من زماني ..

لكن العطف على جوي يسود ..

و لا خير فيني لو يطغى جناني ..

دام العقل زينة يا أم العيون السود ..

بآتزين لك فيه و آتنثر معاني ..

معنى يعكس رقتك يا شطي المنشود ..

يا بحر العيون أهديتك أماني ..

العمر ينقص و غلاك انت في زود ..

يا بايقه عمري ما بقى شي ثاني ..

و بصارحك في خطا ما كان مقصود ..

بلحظة شرود يوم حبك غزاني ..

ناديت أنا أختي بإسمك المعهود ..

واقبلت مستغربة و معها أواني ..

من بعدها حسيت بأطرافي جمود ..

وإن الحكي أثقل من كل المباني ..

و إنك تسلطنت وخلق الله شهود ..

لين صارت عيونك لسفني مواني ..

و إن المشاعر من خلفك جنود ..

ترسلها علي و لو ما كنت جاني ..

سلطان روحي أنت أنا مابي أعود ..

خذني معاها لا تتركني بمكاني ..

خذني معاك بدنيا مالها حدود ..

أرجوك في حبي خلك أناني ..

و سلامة أرواحكم ,,,,,

احترامي
طير القوافي

حنايا