أقدم لكم هذه القصيده أرجو أن تحوز على أعجابكم ورضاكم :
صديت لكن ليتنـي يـوم صديـت
مخبره بأنـه علـى القلـب غالـي
واليوم قاعد بيـن ليتـه ويـا ليـت
ليته سمعني ليـت ماهـوب سالـي
يا جرح(ن)قلبي علامـك تناسيـت
حلم(ن)تقوده بيـن صـم الجبالـي
حبك بقلبـي داخلـي لـو توفيـت
من جو عيني وأرسمه وسـط بالـي
من زود ما أحبك وأنا داخل البيـت
أطوف وأدعي لك ولا أدعي لحالـي
مدري عن أحوالي ليا من توضيـت
يمكن سحاقـه مـا يفيـد الطوالـي
يا شين حظي من عنا الوقت ونيـت
ويا طيب حظك من عنا الوقت خالي
لا تحسبني ظافـر(ن) يـوم قفيـت
أجاوب أشجانـي ولا مـن موالـي
في شذوتك خلك ولو مـا تشافيـت
ولا نيب أدور بين قيـل(ن) وقالـي
حبك طبعته في خفوقي ولا أزريـت
وأعشق هبوب(ن) لافيه من شمالـي
أحاول أمحي حبكم مير ما أمحيـت
وفي حلمي أشوفك سوات الغزالـي
لا قاوي(ن) زولك بحلمي ولا أمسيت
حتى لقيتك وسـط جـوف الخيالـي
العام يدك فـي يـدي مـا تنحيـت
تنعش فـؤادي يـا سمـو الدلالـي
واليوم لـو مديـت يـدي تماديـت
السانيه طاحـت وقطعـت أحبالـي
أهب يا عرق(ن) شبك ما تهقويـت
إمسـي(ن) عمـه وصبـح بخالـي
صارت عوايد وأجرحتنـي وكنيـت
ما ذاقهـا سمـع العـدات النذالـي
بكره ليا من جيت غيـرك وحبيـت
مانيب ناسـي حبنـا لـو صفالـي
أشوفهم بالجال وأنتـم هـل البيـت
لو تلتفت تلطـم صواديـف جالـي
صبري كما صم الجبـال وترديـت
في غيبتك صاوي وساهـر لحالـي
لا يا غرام(ن) كل ما قلت سجيـت
يضيق صدر(ن) مثل صدر الشمالي
ميسوره أحوالي ليـا مـن توحيـت
قلب(ن) هجرته صاح وين الموالـي
يا رائد(ن) فالجوف ليه أنت بديـت
فصل المورد عـن بـراد الظلالـي
وأشوفك تقاوم ولا أشوفـك أرخيـت
حتى دعيت الثايـره بـس تعالـي
لو كان قربك مثـل الأمريـد بليـت
جرح(ن) جرحته يا سمـو الدلالـي
ضعيتنـي خليتنـي داخـل البيـت
أطوف وأدعي لك ولا أدعي لحالـي
وسـلامـتـكــم
إختيآر موفق ~
بإنتظار جديدك ~
تقبل مروري
دمت متألق ~ ’‘
جرح(ن) جرحته يا سمـو الدلالـي
ضعيتنـي خليتنـي داخـل البيـت
أطوف وأدعي لك ولا أدعي لحالـي
………….
أبيات راقيه جدا و ذوق جميل
أهنئك ع هالابداع و الذوق الراقي
)) اشكرك ((
