من عقبها كل البقايا … مشاوير
تسكن ضلوعي : طيش و شعورها : ناس
ياااكم تمر اوجيههم ف المقادير
ينزف عليها طير ( مثخن ) بالاحساس
حالم وشايل ( غصن ) خلف المعاذير
نكبر ( مدينه ) و الشوارع بنا : ياس
واقلامنا ب ايدين ( ذنب ) و ( تفاسير ) ..!
ب احلامي ألقى ليل ينذر بالافلاس
وايامنا تقتص من دون تقصير
من يسألك ياوقت .. والعقرب : الفاس ..؟!!
هذا جنوني منك .. ( جوع ) و ( محادير ) ..!
ماتت علي اجناس .. وانطفيت اجناس
وانا اكثري يادوب .. محتاج تصبير..!
ولو انها تقصر .. على ساعة الباس
ماكان حتى العذر يحتاج .. تبرير
عيون خلف عيون .. تبكي على ساس ..
عيون دون عيون .. تزرع مسامير ..!
واللي توطن داخلي و اشعل انفاس
يفداه من شعري سحاب و نواوير
له بالوله زفرات و جنون و اقياس
اكبر من ابلادي .. و غث الاساطير
بي ينكسر له نور و يذوب قرطاس
ويطير حولي من طيوفه عصافير
وانا .. وجفني .. والسهر .. كلنا انعاس
و الشعر ( ساحب ) صاحبه للاعاصير ..!
والناس علة بعضها .. واكثر الناس
ياااكم تمر اوجيههم ف المقادير
للشاعر عاطف الحربي
وسلمت يمين ناقلها
ققصيدة راااائعه
يعطيك الف عافيه
تحياتي
والف شكرر على تعطير متصفحى المتواضع بمرورك
ودمت بكل خيررر