. . . . . هموم الوقت واتعابه وغلا الاسعار والطفره
كريم الوقت بأجحافه يسوق المر والعلقم
. . . . . بخيل الوقت بأنصافه سعادته دوم محتكره
يتيم دمعته سالت مع الايام يتألم
. . . . . حزين وقوته الميا وكسرة خبز مع تمره
يناظر كل من حوله بيتكلم ومتلعثم
. . . . . ينادي يايبه وينك ؟ دوام المدرسه بكره
ولاحد به يواسي حالته حتى ولا يهتم
. . . . . وصدى صوته يجاوب صرخة آهاته مع الحسره
يلملم حزنه ويسكت وطول الليل ماتكلم
. . . . . يتوه ويشهق همومه يئن بضيق مع زفره
وكريم الوقت بظروفه كثير منه متظلم
. . . . . فقير عزته نفسه ولا يملك سوى صبره
اجار وقسط مطوف وحاله حالة المعدم
. . . . . ديون مثقله ظهره ورعاية بيت مع اسره
يناظر أول عياله متى بيكبر يشيل الهم
. . . . . يورث له من الدنيا شقاه اللي كسر ظهره
ترى رجلآ بليا مال يسمى سيف متثلم
. . . . . يقوله ( علي ابن حمري ) في شطر من قمم شعره
وغريب الوقت باحواله شباب راح يتندم
. . . . . شباب ضايع تايه غرامه ماركة عطره
يتوه بضيعته لاهي على الانغام يترنم
. . . . . يبذر ماله بيده ويهيم بعالم (السكره )
وعجيب يا زمن حالك نشوف اوجيه تتبسم
. . . . . وجيه من البشر لكن قلوب اقسى من الصخره
هذي هي حالة التاجر كثير المال والاسهم
. . . . . يصيف غرب (بالنمسا) ويروق لجو سومطره
وختمت القاف وابياتي واقول الله بهم اعلم
. . . . . لله في البشر حكمه عليم ونافذ امره
,,, اتمنى تنول على اعجابكم ,,,
وسلامتكم ..
يلملم حزنه ويسكت وطول الليل ماتكلم
. . . . . يتوه ويشهق همومه يئن بضيق مع زفره
. .. . . . . يصيف غرب (بالنمسا) ويروق لجو سومطره
قصيده جميله جدا واقع الوقت حيل حلوه
يسلمو تحياتى $$ لحظه شموخ $$
نورتي الموضوع بمرورك المعطر ..
تحياتي لك ..
جميل ماخطت به اناملك .. عساك ع القوة ..
لاتحرمنا من جديدك .. لاعدمناك ..
لاهنت على النقل الجميل
هلا ومرحبا000
صح لسانك مليووون ولا يكفوون000
وتسسسسلم يمناااك لاعدمناك 000
احييك ع الذوق الراقي والحس العالي اللي تملكه000
بس خيوو ياليت تكتب منقوول او اسمك اذا كانت لك عشان حقوق القصيده 000
يعطيك العافيه 000
تحياااتي000
يسلمووو على المروور الرائع ..