يا صاحبي مدري هو يجيبك …العيد
ولا يجيب غيابك العيد … فيني
ياليتها تصدق معانا …المواعيد
وتصبح نهار العيد حاضن …يديني
وابدأ اتسكع بين حلو … العناقيد
وآفل ليلك والرموش … اتحميني
واخذ من علوم الخدود … المواريد
ومن كاس حبك ارشف اللي … يهنيني
وتفرش دروب الحب ورد …وزغاريد
وتعيد بصدري وتقطف … حنيني
غيري يقول العيد فرحه…وتجديد
وآنا اقول العيد ما مر …عيني
عيدي بدونك غابه من …التناهيد
كن الشقا مكتوب لي في …جبيني
اسمع بطاري العيد من زيد …وعبيد
لكني اعيشه حشى يا …ظنيني
الخلق في فرحه وانا حزني … يزيد
من دون شوفك غربتي …تحتويني
وش حيلتي والشوق ظالم …وعربيد
والوقت فرق غصب بينك… وبيني
بعد المسافه قيد وظروفنا … قيد
والدرب موحش وانت وينك …وويني
تعال .. ياتي العيد يا سيد …الغيد
عيدي بدونك ما تعرفه… سنيني
وان كان ما تقدر فدى يا اتلع …الجيد
في العيد .. خل العيد دينه … وديني
وتعال لي من دون موعد … وتحديد
ويصبح نهار العيد يومك …تجيني
تعال خطوه بس واطوي لك… البيد
واجيك قلبي فوق راحة …يميني
باقي على خبرك مولع …وصنديد
صابر وبعدك حربة في …كنيني
تكفى تعال وهات بحضورك …العيد
لالا يجيب غيابك العيد …فيني
لالا يجيب غيابك العيد …فيني
لالا يجيب غيابك العيد …فيني
كل عام وانتم بخير
مما راق لى
تقبلوا تحياتي وتقديري
تسلم ويامال العافيه
اورنس