فضائح طلاب صف رابع ابتدائي في مادة التعبير
هذي يا طويلين العمر معاناة مدرس لغة عربية ههههههههه
شوفوا ايش كاتب :
( اتمنا أن يكون لي صديق نضيف وراحته جميله)
الترجمة:’ أتمنى أن يكون لي صديق نظيف ورائحته جميلة ‘
الله يعينه مسكين .. ويحقق أمنيته .. مدري وين عايش فيه .. أصدقائه كلهم قذرين
ومعفنين <<< هذا معنى كلامه ..
شوفوا التعبير:
( إذا شربت ماء غير نظيف فقد يؤدي إلى الأمراض مثل السلطان ومرض الحرارة ومرض الحساسية)
طبعا هذا أخذ الدرجة كاملة … عارفين ليه ؟؟
لأن إملاءه ما شاء الله ممتاز ..
لكن خربها بشي واحد
بدل ما يكتب السرطان (الله يكفينا ويكفيكم شره) كتب السلطان ..
( وقد رأيت ليلة البارحة ولدا لا يحب النظافة يبقى بثياب متسخة ولا يحب النظافة أبدا حتى لو أتيت له بالملايين )<<<< يا عيني على المبالغة .. ملايين ؟؟
هذا شكله محشش .. وشارب شاي باللبن مع البرنقلز وجاي المدرسة
وربي مو داري شسالفة .. وفاغر في طووووول الحصة
شوفوا وش كتب :
( أحمد محمد ) >>>>>طيب وش سوو أحمد ومحمد ؟؟؟؟
هذا يا طولين العمر .. كاتب لي أربع جمل ..
الأولى: انه النظافة من الإيمان <<<طيب حلوو
الثانية: عن النظافة في المنزل <<<يا سلام
الثالثة: عن النظافة في المسجد <<<ممتاز جدا
الرابعة مستشهد بحديث نبوي … طبعا الخط والإملاء شي خيالي .. لكن الحديث هو :
‘ إن صلاة الجماعة أفضل من صلاة الفرد بسبع وعشرين درجة’الحديث نبوي شريف .. صحيح مية بالمية …..لكن وش دخله بموضوع النظافة.! . أبغى أفهم..
وربي انه دااااااااج … يعني الموضوع تعبير عن النظافة … ومكتوب العنوان على السبورة:
شوفوا وش عبر لي :
(أحب مدرستي فيها زملائي وفيها معلمين مفيدين فيها مدير مفيد ومرشد ووكيل …. إلى آخر كلامه اللي زي وجهه )
يعني جالس يشرح لي عن المدرسة.. ومسوي أني كاشفكم يا معلمين ..
شوفوا التأليف .. استغفر الله العظيم :
( قال النبي حافظو على منزلكم من الأوساخ والجراثيم )<< خاف ربك يا شيخ
هذا الطالب جلس المدر س أسبوع يقنع فيه انه ما في حديث زي كذا…
والحمد لله أقتنع ..
منقول..