الوسم: الجامعي

اللهم اجعل هذا العام الدراسي عام سعادة وتوفيق ونجآح .. ع الكل يا رب

تعرفوني انا حصيصه ام قصيصه بس غيرت اسمي المهم حبيت انزل لكم يومياتي

ومن حظي يوم جيت بنزل الموضوع خرب النت

نبدأ
صحيت السبت 1231433ه
الساعه 4 العصر ..
لقيت اهلي ب يطلعون السوق و طيران أغسل والبس عبايتي واحط الكام بالشنطه و اروح معاهم

واول شي اسويه اروح ستار بوكس آخذ مشروبي الروحي عشان اصحصح وانبسط

بعدها طلعت اجوب السوق .. كان مره زحمه م قدرت أصور الا صورتين ..

دخلت سنتر بوينت وشفت هالشي الجميل .. مره كان ودياه لتسريحتي بس تسريحتي عاليه وهذا قصير

رحت اخذت لي مناكير وروج وعطر فواحه … جيت بحاسب الا وأشوف الزحمه عند الكاشير
تركت الاغراض و مشيت مالي خلق اوقف ساعه

تمشيت واخذت لي كم غرض من كم محل واخذت عشاء ورجعت البيت وللكرف اللي ينتظرني

رجعت البيت وجلست ارتب ملابسي بالدواليب بما ان غرفتي توي مسويه لها ميك اوفر

قبل

ركبت هالشي الجميل

رتبت سريري وحطيت ه المفرش مؤقتا لحد ما الاقي المفرش اللي ببالي
والشرشف هذا المشجر هديه من امي الله يخليها 3>

وطول ما انا جالسه أرتب أشم ريحة الاكل .. وبطني يصاصي ..
خلصت ترتيب وبسسرعه رحت آخذ لي شاور سريع ..

ولبست بجامتي

وطيران على المطبخ

حطيت الاكل وجلست اشوف مسلسل

شوي خرب النت !
جلست أحاول اشبك النت بالبلاك بيري .. و م ضبط …

جبت عدة الاظافر وسويت أظافري ..

لا يفوتكم المبردات الملونه .. كانت عند كليرز ودايم اشوفها وتعجبني .. بس احس ماتستاهل سعرها .. الوحده بـ حول 12 ريال
والمشكله هذي احسها استخدام واحد وتخرب

وجا يوم ادخل كليرز الا مسوي تخفيضات ويبيع الوحده ب ريال
ومحدثتكم م صدقت وقشت كل اللي عنده

…

خلصت من اظافري وغسلت العده وعقمتها .. وجلست اصور لكم لبسي و رتبت بعض اغراض شنطتي .. وشفت النت ماضبط قلت بنام لي ساعتين

صحيت على اذان الفجر ..
واخذت لي شاور .. ونزلت أسوي لي فطور ..

انا لازم كل يوم أصحى الفجر وافطر فطور روقان واجهز على مهلي عشان اروح الجامعه وانا مروقه .. مآ احب اصحى متأخره يخرب المززاج

قعدت افطر + أشوف مسلسل شوي

بعد م روقت جلست ادور لي لبس .. آخر شي اخترت هـ القميص
وأكيد التنوره السوداء

لبست وسمكرت وجهي .. بالعاده ما احط كريم اساس .. الواقي يفي بالغرض .. بس عشانه اول يوم وكيذا

مصوره الصوره من الليل الساعه 12 وربع
و نسيت اقولكم شعري سويته ويفي نآعم ..

تأكدت من محتويات الشنطه
أهم شي البنادول لزوم صداع اول اسبوع
العلبه السوداء هذيك نظاره ترى

خذت شنطتي وتوكلت على الله ..

وصلت الجامعه .. ي شين اول يوم خاصه اذا محد معاي من صاحباتي
خذت محاضرتين ولما جت الساعه 12 قلت بطلع واسحب ع المحاضره اللي بقت
مره طفشت =(

و م قدرت اصور الا هالصوره بالخش والدس .. بالجوال طبعا

رجعت البيت اتضور جوعا
خذت لي شاور سريع عقب الحر والقرف < تلاحظور كل شاوراتي سريعه .!
ترى اقصد بـ شاور سريع يعني ابو نص ساعه او ساعه الا ربع

ونزلت المطبخ سويت هالشي الأليييييييم "صينية الرز "

وتغديت الحمد لله وطيران ع اللاب توب الا الاقي النت خربان
ورحت انام .. وكل شوي صاحيه اشيك ع النت .. ماضبط الا الساعه 11
كنت بهون عن الموضوع بس تحسفت بهالصور اللي ماليه الكام

كان ودي الموضوع يصير احسن من كذا بس الشكوى لله
وأخيرا خلصت
أشوفكم على خير

حصيصه كان صورتي قصيصتك هخهههه

تبين الصرراحه ماتووقعتك كذا والله

الله يحفظك

سآعتكك خورآفية مآشآله تف تف عن العين >>

والاحلى روقـــــآن شغلك كله روقـــــآن ماشاء الله عليك هههه

مشكوره على مجهودك استمتاعنا معاك ياعسل اسأل الله لك التوفيق..

يعطيك ألف عافية