نبدا بالرحلة الاقلاعية ..
الأسطورة
^
^
^
كان هناك أسطورة أفريقية تقول أن قوات الأمن في موزمبيق ألقت القبض على عصابة تهريب الحشيش في إقليم سهاليتي ,
ومن ثم أحرقت أطنان الحشيش في أطراف غابة السفاري مما إدى إلى تحشيش جميع حيوانات الغابة, ولذلك يطلق على غابة السفاري إسم غابة المحششين.
غلاف الرواية
مؤتمر المحششين
بعد دخان الحشيش حششت حيوانات غابة السفاري كلها من ملكهم الأسد إلى حرس القرود. ولسوء الحظ كان عندهم بكرة إفتتاح مؤتمر الغابات العالمي والذي تستضيفه غابة السفاري.
ثاني يوم بدأت تتوافد مواكب ملوك ورؤساء الغابات المشاركة وهي كلا
من: غابة الأمازون , غابة السافانا غابة الصنوبر وغابة السنديان. <- اخص والله
وأكتملت الوفود المشاركة بالمؤتمر وجلس كل رئيس وفد على الطاولة المخصصة له والمكتوب عليها إسم الغابة وعلمها. وكان رئيس المؤتمر حسب البروتوكول ملك الغابة المستضيفة الأسد.
ووفد غابة السفاري يتكون من نائبه النمر, وزير التغذية الفيل <- احلى تحيه للوافي خخخ , وزير الإقتصاد الكنغر, وزير الصحة الثعبان ووزير الرياضة بطل كمال الإجسام سابقا الغوريلا المعضل , كما يضم الوفد المستشار الخاص للأسد الخرتيت باشا, ووزير بدون وزارة الثعلب وسكرتيرة المكتب السامي غزالة هانم وكانت مشاركتها شكليه فقط بهدف إقناع الغابات الأخرى إن غابة السفاري تكفل حقوق الغزلان.
إفتتح الملك الأسد المؤتمر بكلمة ترحيبية وعرض أهداف المؤتمر والأجندة لكلمات الوفود المشاركة وورش العمل المصاحبة , وألقى إمبراطور غابة الأمازون كلمة عن الجفاف وتأثيره على الغابات وكيفية الحفاظ على الموارد المائية, بعدها ألقى أمير غابة السافانا كلمة بعنوان (كيفية الإعمار بدون تقطيع الأشجار ) وذكر في مجمل حديثه أن أقلية من حيوانات غابة السافانا تقطن الجحور حيث أن السواد الأعظم تستخدم الأشجار كمأوى ..ويلتفت الكنغر على الخرتيت يسأله بشويش :
وشي يعني السواد الأعظم . ويقول الخرتيت: بالله ماعرفته شفه وراك. يوم إلتفت الكنغر وراه ويشوف الغوريلا المعضل ويفطس من الضحك. وبعدها كانت كلمة ولي عهد غابة الصنوبر نيابة عن الملك , وعند إنتهاء الكلمة وضعت الوفود المشاركة سماعات الترجمة الفو رية (هيدفون) إستعدادا لكلمة رئيس غابة السنديان باللغة السنديانية .
وفي إثناء الكلمة إلتفت الملك الأسد على نائبه النمر وقاله: الحين بيجي دوري بالكلمة الختامية وش أتكلم عنه ؟ ويرد النمر: علمي علمك , لحظة بشوف..وأخذ يقلب بأوراق الأجندة, وقاله وهو يناظر الأوراق: كلمتك ياطويل العمر عن (إنفلونزا الطيور: كيفية الوقاية الإستباقية والمقاومة الإستئنافية) ويرد الأسد : والله البلشة.. طيب مأقدر أتكلم عن حقوق اللبوة, <- ومن الحب ماقتل
النمر: لا ياطويل العمر الكلمة موجودة في الأجندة من فترة, بس سهالات قل كلمة مختصرة مفادها إن أسباب إنفلونزا الطيور هي الطيور الداجنة أو بمعنى أصح الخكارية إللي ياي أليفة ماتعيش إلا مع الإنسان زي الدجاج والحمام, ويلتفت الكنغر على الخرتيت ويقول: تصدق أنا أشك إن الإنسان هو سبب الأمراض إللي يتهم الحيوانات فيها, لو تلاحظ ماتمرض إلا الحيوانات الداجنة إللي عنده زي جنون بقر وإنفلونزا طيور, بالله خبرت لك حيوانات برية فيها مرض, عمرك سمعت عن حصبة النمور وإلا عنقز الصقور ؟ ويرد الخرتيت : لا سمعت عن عقلة الصقور ويضحك الكنغر ويقوله كفك , ويلتفت الأسد وهو معصب ويزأر عليهم: صه ..الحين بيجي دوري وخافوا وسكتوا.
ويجي دور رئيس المؤتمر وبدأ تأثير الحشيش ياخذ مفعوله ونسى الموضوع إللي بيتكلم عنه ويوقف قدام الميكرفون ويتنح شافوه وفده كذا ويلمحون له عن موضوع أنفلونزا الطيور بدون ماحد ينتبه لهم, ويأشر الخرتيت ببراطمه يقول بق بق باق. ويعاطس..والنمر كأنه يصفر والفيل يحرك أذانية زي الجناح وإذا ألتفتوا عليهم الوفود ما كأنهم يسوون شي.. ولافيه فايده, بالأخير قال الغوريلا المعضل أنا الحين أخليه يتذكرالموضوع ويطلع برى القاعة كأنه رايح للحمام ويروح ورى القاعة قدام الدريشة مايشوفه إلا الأسد ويأشر على حمامة ماسكه بمنقارها غصن زيتون حاطينها شعار المؤتمر رمز السلام موقعه على المدخل والأسد ماعندك أحد ناسي موضوعه وتقفل مع الغوريلا وينيشن الدفش على الحمامة ويصكها بالنعلة…. من قوه الصفقة نشب راسها بإصبع النعلة والريش يتطاير..إنتبه له الأسد وقال : موضوعي اليوم عن الحمام وسكت هذا كل إللي ذكره ويصفقون وفده فرحانين إنه تذكر الموضوع .
ويقرب الأسد للمكرفون ويقول: حمام جانا مسيان… ولا سلم عليا…حمام جانا مسيان ولا سلم عليا , وتلفت الوفود على الأسد المحشش ماهم مصدقين ! ماأمداهم يلتفتون على الأسد إلا يسمعون وفده ماسكين يدين بعض ويردون عليه: يذكر كل ولهان على فرقى خويه ههه فلوها الزقرت خخخ …, أما الأسد حط المكرفون تحت إبطه ويصفق ويقول للوفود يلا أبي أسمع الصفقة ويلتفت لنائب ملك الصنوبر ويقول: أحلى تحية لملك الصنوبر في غيابه . ووفد الأسد مرفعين أكثر منه الخرتيت جالس يطبل على الطاولة والثعبان عض علم غابة السفاري إللي قدامه ووقف يلوح فيه زي جمهور سوبر ستار وباقي وفد السفاري فالين أمها يرقصون, ويتحمس الفيل مرررة وينزل بنص قاعة المؤتمر ويتلطم بأذانيه (زي الشباب إللي
يتلطمون بالحفلات ويرقصون )
ويهز خرطومه يمين يسار, والخرتيت مسك يد الكنغر والنمر والثعلب برقص معهم تشوبي (دبكة عراقية). بعد ماأستوعبت الوفود إللي صار إستدعوا أمن غابة السفاري حرس القرود . أما الأسد كان يغني ويناظر الغزالة إللي جالسة مستحية ومارقصت معهم , وياخذ وردة حمرا من بوكية الورد إللي يحطونه عادة قدام رئيس المؤتمر ويقولها هابي فلنتاين (اليوم) ويحذفها عليها ويغنى لها : غزال قايد غزلان ..غزال القيصرية ..غزال قايد غزلان غزال القيصرية وتحمست الغزالة يوم غنى فيها ملك الغابة,
وتقول: ألعن أبو إللي ماترقص معكم ياشيخ خخ , وتنقز عشرة أمتار إلا هي على طاولة رئيس المؤتمر وتتل وزير الصحة الثعبان من كرسيه وتربطه على خصرها وتهز.
بعد فترة من حالة الهرج والمرج في قاعة المؤتمرات والتي أثارت إستهجان الوفود المشاركة قال أمير غابة السفانا لإمبرواطور الأمازون أبشرك وصل الحرس. ويدخل القاعة حرس القرود بقيادة ضابطهم الشمبانزي أول مادخلوا أمرهم أن يصفوا صفين متقابلين ثم أمرهم بالجلوس على ركبهم , وأخذ الميكرفون ويجر الصوت بالسامرية:
عديت أنا بالمستقلي***** من نايفات العداما.
إلتفت ملك الأمازون على أمير السافانا وقال: إذا هذا حرسهم وش ترجى من هالمهبل , تصدق ..أنا قلبي ناغزني من أول مادخلت قاعة المؤتمر ولقيتهم حاطين على الطاولات جنب موية الصحة شطة وكتشب …لا ومن زين الطبايع حاطين المنيو مع أوراق الأجندة. .ويرد إمبراطور الأمازون : وأنا بصراحة شكيت بالوضع أول ماوصلت .. إستقبلني ملكهم الأسد وسلم علي وقال لي إشتقنا لك . وتعزف فرقة الحرس الموسيقية لي بدال السلام الوطني (الأماكن كلها مشتاقة لك ) ههههههههه
أما القرود مندمجين مع السامرية ويهزون كتوفهم يمين يسار ويكمل الشمبانزي : جيت المطوع يصلي **** صليت معه القياما.
سمعت أنا صوت خلي **** سلمت قبل الإماما.
ويقول الكنغر للخرتيت وهم يرقصون تشوبي: قال إيش.. قال سمعت أنا صوت خلي, إلله يسمعه الحين يقول خله نانسي عجرم ماهي قردة زيه. ويضحك الخرتيت ويقول من قدها شمبانسي عجرم. ويوم إدهروا بالسامري إنطرب وزير الرياضة الغوريلا وقام بينهم يرقص وشوي إلا هو مستنزل السامرية هذي هي إللي تجيب راسه , ويهيج عليهم وقام يضرب صدره بيديه ويقول آآآآه آآآآه أه (كنج كونج) وراح يهجم على الوفود المشاركة ويحذف الكراسي عليهم وكلن قام من كرسيه ويندس تحت الطاولة وأولهم الحرس الخاص للملوك والرؤساء ويقولون: الرئيس فين؟
ويرجع الغوريلا هايج معه كرسي ويلمحه الضابط الشمبانزي والقرود لاهين بالسامري, ويحذف المكرفون ويحط رجله ماتشوف إلا البسطار من النحشة صاقع بالسقف ويقول للقرود وهو يلتفت وراه طايرتن بوهته: إنحاشوا ياعيال جاكم السواد الأعظم جاكم ولا عاد يمديهم ينحاشون وبلمح البصر نقزوا القرود إلا هم متعلقين بثريا قاعة المؤتمر, و من كثرهم الثريا ماكفتهم وبعضهم ماسكين ذيول بعض حتى ضابطهم الشمبانزي ماكفته الثريا وماسكه عسكري مع ذيله والغوريلا كل شوي ناقزن على الضابط وصافقه وهو يتدودل, ويقول للقرد إللي ماسكه فوق : يلعن خشمك ياعسكري إرفعني فوق لاشفته ناقز علي.
ويرد قرد ثاني: أفا يسبك وإنت ساكت فك يده. ويحرشونه القرود لان ضابطهم نحيس ويكرهونه فك يده خله يطيح على الغوريلا فكه يالرخمة..والقرد متردد وده بس خايف من الضابط يجازيه, ويقول واحد منهم: فكه وإذا هو ضابطك تحت في الثرى إنت ضابطه الحين في الثريا. والضابط يقوله :ماعليك منهم بجازيهم كلهم وأعطيك ترقية ..ويلتفت القرد علي خوياه ويقول : ياخونة ماعندكم ولاء للعسكرية ..مهما كان هذا ضابطنا لازم نقدره ونساعده ..أنا أعلمكم كيف تحترمون ضابطكم …تسوون له كذا . .ويفك يد الضابط ويدق له تحية ويغمز لخوياه وهو يضحك ويتوطى الغوريلا ببطن الضابط. إللي قعد يرافس مكانه +++ ابو النذذالة خخخ
وبعد المؤتمر قاطعت الغابات غابة السفاري بسبب التصرف الأرعن وسحبوا كل سفراءهم وفرضوا عليها حصارا إقتصادي بعدما تمادت الغابة في تصرفاتها الهوجاء تجاه كل المواثيق الغابية.
سكسوكة الأسد
صوت باب قصر الأسد يطق بقوة ويقوم الأسد من النوم قافلة معه ماعليه إلا فنيلة علاق وهاف سنة وفوطته على كتفه ويفتح الباب ويطلع ولد الثعبان , ويهاوشه خير وش عندك مصحيني على هالصبح, آسف طال عمرك بس أبوي من أمس مارجع لنا مرتك اللبوة رابطته بين شجرتين تشر عليه خلاقينها ومتحلفتن فيه تقول ياويلك إن رحت لأهلك قبل ماتيبس خلاقيني وبيني وبينكم هي حاطة شلحتها علشان تسذا حاشرته تبية يكتم السر .
ويكتم الأسد الضحكة ويقول بينه وبين نفسه الله يغربلها هالعوبا, خلاص رح لها وقلها تفكه ويصك الباب بقوة , ويدخل ولد الثعبان راسه مع فتحة قفل الباب ويقول: طيب مافيه تعويض وإلا شي؟ ويدف الأسد بإصبعه راس الثعبان ويقول: أقول فك أبوك وطس لا أخلي بنتي تلعب فيك شبرا أمرا.
بعد ماروق الملك الأسد وصحصح دخل على ديوان قصره , وعلى طول يقول له نائبه النمر وينك ياطويل العمر اليوم عندك إفتتاح مشروع برج الشجرة, الأسد: والله النشبة لعن أبو إبليسك خلني أتقهوى ويصير خير, ويقول للفهد الأسود وين القدوع يابخيت , وش ذا الروتين الممل, ويقرب منه مستشاره الخرتيت ويوشوش له: أقول يابو الليث ماودك بس نطلع نتمشى بالغابة منها تغير جو ومنها تشوف أحوال الرعية على الهواء مباشرة بدون رتوش ترى إللي حواليك ماينقلون لك الصورة الصحيحة للي صاير في الغابة,
الأسد: بس عندي أشغال كثيرة. الخرتيت: يارجال العمر يخلص والشغل مايخلص ممدي عليه, الأسد: يالله تم. الخرتيت بس يبغى لك تزكرت صراحة مايصلح شكلك كذا باللبده مخليتك رسمي مرة. الأسد وهو يمسح على لبدته: تهقاه؟ الخرتيت: إيه , أنا بزكرتك زكرته يحبها قلبك, إنت قلبك خضر بس ماحد عارف لك, هاه ..يلا مشينا: الأسد: يلا.. قدام.
وياخذ الخرتيت الأسد عند صالون السنجاب الفخم ويقول للسنجاب لوسمحت حلق كشة اللبدة هذي وسوي له سكسوكة على شكل قفل ..حتى الشعر إلي بطرف الذيل شيله صاير ذيل جربوع على غفلة.
الحلاق :تأبرني إستااز. بعدما خلص الأسد حلاقة يناظره الخرتيت ويقول: ماشاء الله وش هالزين, ويناظر الآسد المراية ويقول تصدق أحس أني صغرت عشرين سنة. يوم بغى يحاسب الأسد قال السنجاب الحساب مدفوع ويأشر على فرس النهر إلي جالس يسوي تنظيف كشرة , ويسأل الأسد السنجاب: هاه كيف شغلتك مربحة؟ ويرد السنجاب : بتطلع دهب ويلتفت الأسد على الخرتيت ويقول: أجل ورى شبابنا ماشوفهم فيها.
وهم طالعين يدخل القرد يبغى يحلق , ويناظر فيه الخرتيت ويضحك ويقول الأسد وش يضحكك, ويرد: لأن القرد مهو زينا يسأله الحلاق وش تبغى تحلق شعر راس وإلا دقن, الاسد: أجل وش يسأله؟ الخرتيت: الحلاق يسأله تبغى تحلق شعر راس وإلا دقن وإلا ظهر وإلا بطن وإلا فخوذ وإلا ذيل لان جسمه كله شعر, ويضحك الأسد ويقول: أجل أسهل له يشلوطه.
==== الى اللقاء مع الاجزاء القادمة ====
منقول
