السلام عليكم ورحمة الله وبركاته
السينابون
السينابون
استخدمت طبعا العجينه اليابانيه مع التانق زونق
التانق زوق
25 جرام دقيق [ قسته بالملعقه تبع القياس وكانت ملعقتين ]
125 جرام ماء [تقريبا نص كاس ماء ]
شفتوا وش حلاته بس ماء ودقيق يكون الماء ضعف كمية الدقيق 5 مرات
العجينة اليابانيه ||
تستخدم مع التانق زونق في صنع الخبز واكثر شيء يستخدم للتوست والبونس والصامولي واغلب انواع الخبز المنفوخه
تعطيك مخبوزات كانها قطنه وتحميرها حلو ومو معجنه على بعض وتشابه في مقاديرها خبز الباباروتي نفس طرواته
ندخل على المقادير //
270 جرام دقيق [2 وربع كأس ]
20 جرام حليب بودره [ 2 ملعقة كبيره ]
40 جرام سكر [ 3 ملاعق كبيره ]
نص ملعقه صغيره ملح
6 جرام خميرة فوريه [ ملعقه حلى ]
30 جرام بيضه مخفوقه [ بيضه صغيره ]
85 جرام ماء دافىء [ نص كاس ]
22 جرام زبده [ ربع اصبع الزبده ابو 100 جرام ونقصي منه نتفه ]
بعد ما تخمر وتضبط العجينه ناخذ المقدار كله ونفرده على شكل مستطيل كبير
وندهنه بالزبده ونخلي طرف من العجينه ما توصل له الزبده علشان تتقفل الحبات مضبوط
لو في الطرف الاخير زبده ما راح تنقفل معاك الحبات زين
نرش القرفه والسكر البني والسكر العادي احب اخلطهم
ونبدا نلف العجين مثل العاده
الى ان ننتهي الى الطرف ونحاول نكبس باطراف الاصابع علشان تتلصق العجينه ببعض
ونقطعها بسكين حاده او خيط مثل ما تحبي
هالمقدار عمل لي 10 حبات مقاسهم حلو لا كبيره مر ولا هي صغيره
نرصهم بصينيه مدهونه بالزبده ونخخليهم يرجعوا يختمروا مره ثانيه لمدة لا تقل عن نص ساعه
هنا شكلهم بعد مرور النص ساعه نكون مشغلين الفرن قبل ربع ساعه وساخن وجاهز على حرارة 220
ما ياخذوا وقت في الفرن بسرعه يستوو ما يتعدى 20 دقيقه
وهذا شكلهم بعد ما طلعتهم من الفرن والريحه معبيه البيت 
نلفها بقصدير 5 الى 10 دقائق
وبعدها لك مطلق الحريه تقدميها وتصبي فوقها اللي تحبي
توفي شكولاته خليط الجبن مع الحليب المركز حسب رغبتك
انا افضل اقدمها دافيه الذ
شوفوا كيف بمجرد ما تمسكها الشوكه تتقطع معاك كانها قطنه
الصور تغني عن الكلام
هنا حطيت عليها خليط الجبن والحليب المركز مع جوز البيكان المحمص والتوفي
وبالعافيه عليكم مقدما
منقول
انشاءالله اســـؤيــه لا هلي
رووعهـ ملاكــي..
من جد حبيتـ..
أحلا اعجاابـ لسمووكـ يالمزيوونهـ..
عافاكـ ربــي..
^,^
بأنتظظآر جديدك
مشكوووورة
