اليوم في الدين وغدا في الوطن من
اجل الشهره والمال
ما يقوم به الفاشلون بالتطاول على ديننا الحنيف وحسبنا الله ونعم الوكيل
يامدور الشهره على حساب دينك
*** حتى الوطن يمكن تبيعه بلا اثمان
وتصير في يد المحرض يهينك
*** إهانة المديون من شر ديان
واللي على عصيان ربك يعينك
*** هذا هو الشيطان في صورة انسان
يجردك من عقلك اللي يزينك
*** وتصير عبد السؤ.. والارباب .. خوان
يستخونك .. وان كان.. بينه .. وبينك
*** يصورك .. للحريه روح واعيان
انته مثل دميه .. مكبل يدينك
*** مالك بقاموسه .. كرامه .. ولا شان
يستخدمك .. في ما .. يضر ويدينك
*** مثل المتاجر .. بالخبائث .. والادمان
لو طحت .. ما والله .. تشوفه عوينك
**** باتشوفه أول .. من نكث عهده وخان
والشهره اللي .. ما تبيض جبينك
*** ما تنفعك وان صرت .. كسرى .. وهامان
في عين .. كل انسان .. ربي يشينك
*** وتناظرك .. حتى البهايم بحقران
ما تجلب إلا العار يلحق بنينك
*** وتبؤ من رب البرايا بخسران
استغفر الله .. قبل يقطع وتينك
*** وروحك .. تحنطها الملائك بالاكفان
واقعد مع نفسك .. وراجع يقينك
*** وانظر الى ما صار .. في كل الازمان
وخذها قناعه .. لزمآن وسنينك
*** من فرط بدينه يفرط بالوطان
شعر : عبدالله صالح العمري