السلام عليكم:
ما ادري كيف ابدى الموضوع …. بس بقولكم … وتحملوا كتاباتي لاني دايم استخدم الاسلوب الساخر 
وانشاء الله اكون خفيف ظل عليكم….
اخواني خواتي بصراحة انا فيني عيب احاول اتخلص منه واصير زي العالم الحين…….. بس ما قدرت؟؟؟؟؟
بصراحه انا فيني عيب الصراحة……..
يمكن الواحد فيكم بيقول لا مو عيب هذا شجاعة وجرأة ويحسب لك مو عليك…….
اقوله اترك النصب والخرط انا صراحتي سوت لي الكثير من المشاكل…….
بذكر لكم بعضها …وقولوا لي هل استمر على هالصراحة….
اول موقف حسيت فيه اني نكبت نفسي بصراحتي فيه موقف حصل لي بالثانوية عندما سألنا استاذ الادب من هو افضل شاعر جاهلي بالنسبة لك… واذكر سبب اعجابك فيه…..
اقولكم الصراحة وش جاوبت ولا تضحكون………
قلت له انا شاعري المفضل امرؤ القيس…..؟؟؟
قال خللك يابدون صوت اخر واحد عشان تقول لي السبب….. وجلس يسال الشباب وكلهم يقلون زهير زهير زهير ………. والسبب شعر حكم ………حكم حكم…….. حسيتهم ببغاؤات
قال نرجع لاخوكم بدون صوت !!!
قال لي ليه يابدون صوت اخترت امرؤ القيس ؟؟؟
: قلت لانه ابن اصل وفصل,,,,,
ولانه ولد مللك وفالها بالخراب اللي كان فيه….!!!
والسبب الاكبر لاعجابي فيه موقفه عندما مر على غدير ووجد بعض البنات يغتسلن فيه….. وسرق ملابسهن…. وطلب من كل واحدة… الخروج من الغدير وبدأ بوصفهن………
تتوقعون وش سوى فين الاستاذ بعد ما سمع ردي….قال اطلع برى واي حصة ادب لا اشوووفك فيها…….
طيب ليه هو ما طلب رايي؟؟؟ (والله دنيا يسالون ويزعلون )
انا قلت رايي بصراحة……. الله يلعن الصراحة اللي تجيب للواحد العيد….
كنت اقدر اجامل واكذب زي اكثر الطلاب واقول زهير بن ابي سلمى والسبب عشان اكثر شعررره حكم……. وانتهى الموضوووووووووع!!
ومن المواقف الاخيرة اللي تصير لي……. مواقف في شات البالتوك وبعض الشاتات الصوتية !!!
اكون في روم من الرومات وتبدا المشاركات ويطلعون الشباب يتميلحون باصواتهم واللي يغني واللي يجيب شعر!!!
ولاتلقى احد معبرهم………!!! 
وتطلع بنت صوتها يكون بشع ( وبومة حزينة ) وتلاقيهم يكتبوا لها الله الله
وربي جناااااااااااااان………. وربي هوووووووووس…….. واللي يحط اشكال وورود على اسمها
واللي يرقص مسوي انه انطرب على صوتها!!!
وانا احس نفسي مكتوم واحترق !!! ابغى اقولهم نصابين ابغى اقول للبنت الله يرحم امك لاعاد تتكلمي بالمايك صووووتك بششششششششششششع !!!
طبعا احيان اكتم في صدري واتماللك نفسي واغير الروم !!! واحيان اطلع واخربها واقول اللي بخاطري وما احصل نفسي الا وانا اشم هواء في سطح المكتب( بعد طردت الادمن او المسؤل عن الروم )
وكثير وكثير………. مواقف
وكثير من المواقف لو اقولها لكم كان متوا من الضحك …. بعطيكم اخر اثنين :
في نهاية دراستي الجامعية كان فيه حفل التخرج واعطتنا الجامعة لباس تخرج (كان غبي في وجهة نظري) المهم لبسونا هاللبس وبدأ الحفل ….
وكل شوي واحد يلقي كلمة… العميد ووزير التعليم وناس كبااااااار …. المهم
جاء دو ر العميد وبدأ يتكلم عن الجامعة وانجازاتها وتطورها … وانها توأمة لجامعات عالمية … الزبدة ان ذكر حتى لباس الخريجين مقتبس من جامعة اكسفورد الانجليزية
انا من البداية ماني مقتنع من اللبس هذا ( وجاء دور الذيب لكي يلقي كلمتة طبعا انا الذيب )
بديت بشكر الله اول شي ثم الاستاذ والدكاتر وقلت ان الجامعة ولا اروع بس لو انهم (غيروا هاللبس اللي طالعين فيه كاننا فرقة سلام ملكي لوووووول ) القاعة والحضور ابتسموا.. واشوف نظرات بعيون العميد تتطاير شررا
المهم انتهى الحفل ….. وجيت اعامل للاستلام الشهادة لقيت ملاحظة جنب اسمي ( ان هالطالب ممنوع من استلام شهادته لمدة شهر او بتصريح من العميد شخصيا )
المسؤل في الارشيف قال لي نصيحة لاتراجع العميد الحين والا بتقعد سنة وانته تراجع فيها
خلهم ينسون كلمتك الموقرة وبعد شهر تعال خذها
واخر هالمواقف …….. معلش اسف اني غثيتكم
بس استحملوني….
اني صارحت خطيبتي وقلت لها انا بتزوج اربع…. تتوقعون وش صار خربت العلاقة……!!!!!!!
وبسبتها تخاصمنا شهرين !!!
وبغت تنتهي علاقتنا!!! بس ربك ستر( صرفتها وقلت لها هذا كان حلم )
وحمد لله تزوجت وعدت على خير
……… طيب ليه العالم يزعلون من الصراحة…..
واللي يموتني قهر المجاملة الكذابة……… يعني واحد ما يستاهل هالمدح يمدحونه !!!
بس من اليوم !!!
خلاص انا شكلي قررت اجامل واكذب واصير زي هالعالم………..
بعضهم قال لي انته مو عيبك يابدون صوت الصراحة عيب ما تعرف الوقت اللي تقول الصراحة ولاتعرف تزبرقها وتصلحها بحيث ماتجرح ولاتندم على قولها!!!
بس هذا طبع يانااااااااس………… صعب الواحد يغيره بين يوم وليلة !!!
واللي عنده رأي يسعفني والله احترت!!!!!!!!
اخوكم
بدون صوت ***
ماعليك من العالم ولا تغير طبعك 
