فى سؤال وانا قاعد مع نفسى طرحته على نفسى
وحبيت اطرحه عليكم
هل يا ترى الغربه بتقسى القلب ؟
احيانا وانا جالس لوحدى وبافكر فى مصر باحس انى مش مشتاق ليهم
حتى لما سمعت خبر وفات جدى
حسيت الموضوع عادى مش عارف ليه يمكن لانى بقالى 5 سنوات
فى الغربه ولا الفلوس هى الى عملت فيه كده مش عارف
حتى الناس الى متجوزين ممكن يسيب مراته بالسنتين والتلاته فى مصر
ومش ينزل بس هو بيكلم فى التليفون وبس وهم بيبلغوه
مبروك مراتك حامل ….. مبروك مراتك جابت ولد
مبروك الواد دخل المدرسه …….. مبروك الواد اتجوز
يعنى حياته كلها بقت على التليفون او على النت
وزى ما يكون انتزع الاحساس من قلبه
وهو فى الغربه عايش زى الميت
وبالنسبه لاهله فى مصر اصبح ميت بالفعل
مش اكتر من انه بيبعت الفلوس ليهم
وفى الاخر بيموت ويروح بلده فى تابوت
هاقول حكايه وحصلت
مرة واحد من سوهاج كان شغال فى احد الجمعيات فى الكويت
المهم جه وهو كان عنده 20 سنه ودنه عشر سنين مش ينزل مصر
المهم نزل بعد عشر سنين وعاوز يتجوز وفعلا اتجوز المتعوس وبعد 3 شهور جواز
رجع الكويت تخيلوا دنه كام سنه فى الكويت 23 سنه مش ينزل ولما فكر ينزل مات
ونزلناه فى تابوت و نزل معاه ابن عمه مع التابوت فلما وصل التابوت لمصر
ووصل الصعيد مراته اصرت انها تشوفه علشان يمكن مش عرفت شكله
وراحت تافه فى وشه ههههههههههههه
عندها حق الانسان ده لا سابه بنت ولا اتجوزها بس 3 شهو وعلى كدا
يا ترى ايه رايكم وعلى فكرة والله حصلت مش باكدب فى حاجات حصلت اكتر
نفسى اعرف رايكم
هى الغربه مش بتقسى
بس الحياه بتلهى الناس عن حتى اقرب الناس ليهم
ولما بيفتكروا ويفهموا كده بيكون الوقت فات
زى قصه صحبك دى
يفضلوا طول حياتهم يفكروا فى الفلوس وبس
وبينسوا ان الدنيا فيها اللى اهم من الفلوس مليون مره
انك مثلا تشوف ولادك بيكبروا قدامك
انك تكون جزء من حياتهم مش مجرد ممول وخلاص
انك تحس بدفئ العيله
المفروض الغربه تحنن القلب لانها بتخلينا دايما مشتاقين لاهلنا واصحابنا
ولو حصل غير كده يبقى العيب فينا
واحنا اللى بنكون بنقسى قلوبنا بادينا
اتمنى ان كلامى مش يضايق حد
تحياتى
مشكووووووووووووووووووووووورة على مرورك
وكلامك صح بس اكيد الغربه ليها عامل
والبعيد عن العين بعيد عن القلب
والى جرب الغربه مش زى الى مجربش
على العموم كننت سعيد قوى بمرورك
ورايك واتمنى مشاركتك معايا
على صفحتى مرة تانيه
انا اكيد معاك ان اللى جرب الغربه مش زى اللى مجربش
بس مش معاك ابدا
فى ان البعيد عن العين بعيد عن القلب
انا بالنسبه ليا العكس بيبقى قريب من القلب اكتر واكتر
انا مثلا كان عمى مسافر وكنت بشتاق له وديما بحس انه قريب منى وغلاوته فى قلبى بتزيد اكتر
يمكن اكتر من عمى اللى بشوفه كل يوم
والصراحه مش سيبته انا ومراته غير لما رجع بعد سنه واحده ههههههههههههه
اتمنى مكنش ضيفه ثقيله على صفحتك
تحياتى
مع فائق احترامي
بيحس انه غريب ولما يبدا ياخد على الجو
بيكون بيلملم نفسه علشان يرجع
وكمان مش بيحب يزعل حد علشان عارف انه ماشى
والكل يبقى طمعان فيه
اتمنى ردك ويا ريت نبقى اصحاب
مشكووووووووووووووووووورة لمرورك الكريم على صفحتى
لكن الغربه احيانا تقتل كل الاحاسيس الحلوه
داخل الانسان
وربنا ما يكتب الغربه على حد
متشكر على مرورك
وتعليقى ممكن يكون مهم
لانى واحده من الناس جربت الغربه
ومع ذلك عمر الغربه منسيتنى اى حاجه
ولابلدى ولااهلى ولاحاجه خالص
وعلى فكره فى مصادفه غريبه
ان جدى برده مات واا فى الغربه
بس اتاثرت بيه بشكل كبير
بعكس اللى حصل معاك
ده راىى والاختلاف فى الراى
لايفسد للود قضيه
تقبل مرورى
تحياتى
بيحس انه غريب ولما يبدا ياخد على الجو
بيكون بيلملم نفسه علشان يرجع
وكمان مش بيحب يزعل حد علشان عارف انه ماشى
والكل يبقى طمعان فيه
اتمنى ردك ويا ريت نبقى اصحاب
يعنى اللى فى الغربه يحس فى بلده انه غريب ولما بيبقى فى البلد التانيه مش بيبقى غريب
وكمان صعب يحس بالغربه وسط اهله
وبالنسبه للطمعانين
زى ما فى ناس طمعانه فى ناس مش طمعانه
اهم حاجه يكون فاهم اللى قدامه كويس
وكل مكان فيه الكويس والوحش اهم حاجه ان الواحد ياخد باله وميكونش ده مجرد وهم منه وخلاص
تحياتى
وتعليقى ممكن يكون مهم
لانى واحده من الناس جربت الغربه
ومع ذلك عمر الغربه منسيتنى اى حاجه
ولابلدى ولااهلى ولاحاجه خالص
وعلى فكره فى مصادفه غريبه
ان جدى برده مات واا فى الغربه
بس اتاثرت بيه بشكل كبير
بعكس اللى حصل معاك
ده راىى والاختلاف فى الراى
لايفسد للود قضيه
تقبل مرورى
تحياتى
لرايك وان الاختلاف فى الراىلا يفسد للود قضيه
انا مش قولت انى هانساهم ولا حاجه
بس القلب بقسى عليهم شويه
والفراق بالنسباله بيبقى اسهل
على العموم اتمنى ان نكون اصحاب
وكنتى مسافرة اى بلد
واتمنى مرورك مرارا وتكرارا على صفحتى
