الوسم: القصايد

صح بدنك وشانك عالي
اسعدني واثلج محياي وجودك الراقي
اسعدني جمال وجودك
تقديري لسموك

انا لو جيت لك مجنون قولي فلسفة عقال

ابغير مفاهيم النحو والصرف والاهمال

اباخلق نون للنسوة،وبافتح باب للإحلال

ابانصب مبتداك بكاف وامسح منه حرف الدال

ابالعن خامس الفاعل، وأغير صيغة الأفعال

ابالغي سيبويه ابحرف، واضع بالنقاط اجيال

ابيك انتي اجابة من، وعطف الواو،واسم الحال

ابيك انتي قواعد صرف، وحزم الجد واستهبال

اباعقد مؤتمر قمة،وبافرض حظر للتجوال

ابادعي قلبي وعقلي، وكل احساس صال وجال

بما ان الظروف الآن، لاتسمح بأية حال

عليه الآن، فليعلن طوارئ والحمول اثقال

أبي كف، وهدب عين، ونقاوة قلب واستبسال

أبي وقفة من عيونك تكفى عن مية رجال

وانا اخترتك لأن اسمك، يسري بي شجون طال

لأنك رحمة الكافل، بعين ايتام وام عيال

ولأني كل ماشفتك، عطيت الحمل والحمال

اناظر عينك اليمنى، واشوف الليل والموال

واضيع هناك مابين الرموش وبين حبة خال

انا جيتك ولع عاشق، يدور فيك راحت بال

انا الدمعه وهي دمعه، اذا طاحت وهي اذلال

واخلي رمش يحظنها، ورمش الها يصير اظلال

وبعد هذا تجين انتي، تسوقين الجروح اشكال

أما تخشين ان يهلك، بفعلك شاعر قد آل

الا ويح القلوب اللي، تهد ابصد صم اجبال

تحياااااااتي لكم آمل ان تعجبكم 000

وارجو تقبل مروري

والسموحه على التاخير

تقبلي شكري وتقديري لك اختي 000

الشكر موصول لك اخي 000
دمت بخيرررررررر 00

دمتي بخيررررررررر 000

يابنت ياللي بالقصايد تغنين

جوزي عن الاشعار وش لك بالاشعار

خليك بالمطبخ وغسل المواعين

صعبه ترى يابنت تتغير الادوار

خليه لاهل الشعر يابنت تكفين

وانتي لك البكله .. وروج .. واستشوار

تدرين ولا كان مانتي بتدرين

ترى قصايدكم طماطم مع خيار

شعر مكسر خالي من المضامين

ذوق جماهير الشعر طعم الامرار

والبيض عند الشاعرة اسمه التين

ولاشافت الجربوع تقول ذا فار

والشاعرة لو عمرها بالثمانين

تكذب وتعلن عمري بعمر الازهار

تستخدم الميك اب وتكحل العين

واصغرهن اللي عمرها عمر سنجار

الشعر وين وشاعرات الغثا وين

طاحن بكبد الشعر لين الشعر ثار

وهذا رد عليه :

المشكله ياخوي احلى الدواوين
تحلى بوصف البنت والقاف يحتار

الله عطاها وصخر الشعر للزين
والبنت ماتنعاب في مطبخ الدار

العيب في بنت(ن)تقود الشياطين
ماتعرف المطبخ ولاتعرف الجار

تعرف تمشى وسط الاسواق وتبين
في لبسها في زولها ونظرة العار

تلبس عباه مخصره والهدف شين
تضحك على الرايح وتعاكس المار

تاخذ رقم مسكين مخدوع بالعين
وتجمع رصيد ارقام والكاش تختار

وتصد عنه لعلن افلاس أو دين
وماهما ذيك الهدايا والأسوار

تامر على السواق وتعطيه الفين
من شان مايسئل ولايقول ماصار

عطني وانا اعطيك من كاف او سين
اسرق تسلف لو بعد تلعب اقمار

هذي الصراحه بينتها العناوين
مابين بنت وبنت وانهار وابحار

بنت(ن)لعنها الله شرفها على ثنين
وبنت(ن)رفعها الله مع الناس مقدار

بنت الرجال الي على العهد وافين
اليا نخيته ياو فلانه00 يالاحرار

ابشر بعزك جاك لو اخره وين
مايرتخي عزمه على الضيم صبار

لو قلت ثم قلت من حين لي حين
صعب(ن) أوفي حقهم حق الابرار

تبي الصراحه الفرق مابين ثنتين
ناس تبلى الشعر والشعر مشوار

وناس سوالفهم شعر وسط بيتين
بيت المشاعر وبيت الاحساس جبار

في شعرهم طيب وكرم وكلمة اهلين
في شعرهم معنى وحكم تمنع اضرار

مثل الجمل لاطاح مثل المسنين
كثرت سكاكينه وحاطوه الاشرار

و لاتامن الخاين وربع(ن)ملاعين
الي يخونك يرجع يخون تكرار

والاوله راعيه مايلحقه شين
لو ترخص الغالي وتفديه الاعمار

تدري وعود الحر ياصاحبي دين
والي بدا بالشرط تاليه أنوار

والشعر بحر(ن)فيه لافي ومقفين
مايحكمه بنت ورجل وشبك وجدار

الشعر ماهو طبخ أو قطع سكين
ومكوناته ماهي ابزار واصرار

الشعر احساس وانفاس دافين
غيمة وسط صحرى ومشاعرها امطار

البنت شوفتها شعر يامجانين
والشعر لولا البنت مامثل أدوار

كم ليلة(ن)شعارها ناس واطين
دخان 00 ضيق انفاس واحساس00 في بار

وكم ليلة (ن)شعارها والمقيمين
من نسل قوم(ن)مايهابون الاخطار

وكم مدونة فيه العجب والمحبين
وكم ذيب وسطه لاعوى يلفت انظار

وكم قسم يرسم في رسالة وليفين
وكم كان كم وكم خانات الاسعار

واحد ثلاثه اربعه والثلاثين
بليون ميه واحد ثنين أصفار

وكم فرقت وجهة نظر بين شخصين
وكم ود باقي في خلافات وحوار

الله يديم الود ويعين ويعين
من هو يعاني من صواديف الاقدار

ارجو السموحه كان بالهرج تطعين
شديتني واشتد هرجي والاشبار

ملطوووووووش