السلام عليكم ورحمة الله وبركاتة ياجماعة انا انسانة مدري وش فيني انا جدا عاصية لربي بدرجة كثيرة لا صلاة لا دعوات فقط اغاني والله احتمال في اليوم 25 اغنية او 20 اغنية لاتلوموني ياجماعة انا مشيت مع اصدقاء سؤء وانا معنفة ومتعذبة في البيت بشكل كبير تعقدت منها بشكل عالمي لين صرت مجنونة انجنيت عصيت ربي والله انا احب اعترف والله ولا صلاة اصليها صحيحة كلها خطا طبعا اصلي في بعض الاحيان يعني مثل امي تقول يلا قمي صلي او كل الناس بيصلون جماعة كذا اصلي صح لكن كلها خطا لا تحيات لا تسابيح ولا وشي انا هالشي مضايقني حاولت اني اتوب الى الله وانتهي من هالمعاصي والاغاني لكن الشيطان يقولي لا لا الاغاني المعاصي اشياء جميلة تخليك سعيدة وانا اعترف اذا تسمعت اغاني احس بسعادة كبيرة جدا صديقاتي كلهم صديقات سؤء ويعلموني اشياء سيئة جدا اهلي يكرهوني كرة غير طبيعي يضربوني يشتموني يحبسون في الغرفة الحمام والله انهم مرة حبسوني في الحمام يوم كامل بدون ماء ولا اكل ولا شي مانقول غير حسبي الله بس كنت ادعي اقول يارب اجعلني تائبة اللهم اجعلني تائبة لكني اعود الى الاغاني بدرجة كبيرة لم اصحى من النوم اغاني بعدها اغاني والله واستغفرالله العظيم الان احنا في شهر رمضان اني اتسمع اغاني والله العظيم انا بتكلم بكل صراحة وفي وقت الصلوات اتسمع اغاني يقولون الي يتسمع اغاني في وقت الصلاة لاينطق الشهادة عند الموت انا للاسف اتسمع حاولت اتوب لكن الشيطان يوسوس لي ويقول تسمعي عادي واشياء كثيرة انا جدا متضايقة وربي بعض الاحيان ابكي عشان ارتاح ابي اتوب الى ربي بس متى
امانة ساعدوني كيف اتوب والله الي بيساعدوني لا ادعي لهم دعوات الى اخر يومي
انتظركم
يمنع العود للذنب فأهم وسائله الإكثار من النظر في كتب الرقائق، ونصوص الترغيب والترهيب التي تتحدث عن فوائد الطاعات، وشؤم وخطر المعاصي، إضافة إلى مجالسة الصحبة الصالحة، ومشاركتهم في أعمال الخير، والبعد عن أجواء المعصية وأهلها، ولكن لأن أمر التوبة عظيم فلها شروط أولها: الإقلاع عن الذنب فورا، وثانيها: الندم على ما فات، وثالثها: العزم على عدم العودة.
أول شئ لازم يكون عندك عزم وإصرار على التوبه
ثانيا : النااس الي حولك يتقبلوا هذا الشئ فيحاولوا يساعدونك <<<وطبعاا هذا يعتمد عليك
ثالثا : حاولي قد ما تقدري انگ ما تجلسي لحالك اختلطي مع الناس ومع اهلك
رابعا : إتركي كل صديقاات السووء مهما كانت معزتها عندك لانها طبعاا ما بتفيدك بشئ ابداا
خامسا : تعلمي طريقه الصلاه الصحيحه والخاشعه وواصلي على صلاتگ
صلي قياام الليل والسنن <<< اذا كنتي تقدري
صاادقي النسااء الصالحات و حريم الدين
اعتذري من كل شئ ما اهلگ اذا اخطئتي عليه
استغفري وسبحي واقرئ ادعيه كثيره <<< اذا تبيها برسلگ اياها
اغلقي كل مواقع التواصل الاجتماعي الي عندك
وهذا إلي عندي اتمنى اكون ساعدتك وافدتك وطبعا هذا الشهر شهر فضيل ومبارك فعسى ربي يقبل توبتك
( والله يغفر الذنوب جميعا ) فعسى ربي يوفقك ويساعدك على توبتك
اولا اختي تذكري نعم الله عليك وانه اعطاك كل شئ وانتي بمقابل تعصين
حاولي ترك المعاصي والصرار ع التوبه
تعوذي من الشيطان كل ما وسوس لك
واعلمي ان ما عند الله اجمل من هذه الدنيا
اخيرا من ترك شئ لله عوضه الله باحسن منه
اسال الله ان يتوب عليك ويهديك الئ الطريق الصحيح
يارب رحمتك
اولا اختي العزيزه؛حاولي انج تتعلمين طريقة الصلاه الصحيحه مافي انسان يطلع من بطن امه عارف كل شي في مشايخ كثيرين يعلمون طريقة الصلاه والصلاه سهله مايبيها شي يبي له قلب خاشع وذهن مركز على الصلاه انا ما اقدر اقولج اتركي الاغاني الحين ويالله …… لا بس راح اقولج خففي من الاغاني شوي شوي لا تستعجلين كل يوم نقصي خمس اغاني ماتسمعينها لين ماتتركينها لا تقولين بالاغاني احس براحه صحيح مرات تعبر عن مشاعرنا بس بعدها نحس بتأنيب الضمير اقري قراءن اتوقع انتي دارسه وتعرفين تنطقين الحروف سمعي قراءن واذا الشيطان يوسوس لج شغلي بغرفتج سورة البقره كل يووم صدقيني راحه وانا ادري انه لمن راح تقرين القراءن بتحسين بتعب بالبدايه وتحسين ملل ويالله متى اخلص وبتقولين ووين الراحه الي يقولون عنها بس حاولي شدي على نفسج لأن القراءن يطهر جرحج يطهر قلبج من الذنوب وشوي شوي بتحسين براحه وسعاده اسمعي ندوات اسلاميه عن عذاب القبر عن يوم القيامه عن الذنوب وترى مشاكلج تهون على غيرج انتي استغفري ربج كل يوم ودايم وقولي سبحان الله والحمدلله ولا اله الا الله ولاحول ولاقوة الا بالله ترى ربي غفار رحيم وبعد شديد العقاب احنا ماندري متى نموت تلقينا عايشين اليوم ميتين بكرا توبي لربج توبه نصوحهوترى التائب من الذنب كما لاذنب فيه اوعدي ربج ماتعودينها واتركي رفيقات السوء دامج عارفه انهم رفيقات سوء ليه ترافجينهم ((قل من تصاحب اقول لك من انت)) ((الطيور على اشكالها تقع)) اهم شي الصلاة ترى عماد الدين ومثل ماقلتج سوي الي قلتج عليه بتلقين حياتج بتتغير للأفضل وللأخسن بأذن الله واذا عن اهلج يمكن كارهين الوضع الي انتي فيه فتغيري احسن ودوري الاعمال الي تقربج من ربج وابعدي عن هالدنيا تراها فانيه والله مافي شي اسعد من القرب من الله والله يغفر لج ذنوبج ويطهرج منها ويهديج انشاء الله
الله يهديك ويهدينا اجمعين حاولي تشوفي مقاطع دعويه اتدعي من ربك انو يسهل امرك ويفرجها عليك صلي قيام الليل ففيه دعوه لاترد اسمعي الـ قران واول ماتشوفي اغنيه استعذي اجعلي عندك همه واراده انك تتركي الاشياء السيئه صديقات السوء اتركيهم وانصحيهم عسى الله ان يهدينا ويهديكم اجمعين يارب
