اتوه بضحكته واسرح وادوخ بنظرته يمي
فديته كل عمري هو هلي وناسي وكل القوم
سحرني هو ملكني هو لعب بي هو نفض همي
احبه واعشقه واهواه واصير بسبته مرحوم
بعد عمري بعد روحي بدا يجري بدل دمي
فصل قلبي وعن جسمي تعمد يتركه مقسوم
واخذ قلبي وخلاني وحيد وغارق بيمي
انا كلي فدا كله ولو لزم علي لزوم
اضيع بهمسته واشهق واغمض لانطق باسمي
حبيبي هو دوا روحي غلاه يزيد يوم بيوم
واحس انه يبي ياخذ غلاته من غلاة امي
محد مثلي قدر يعشق قمرلا.. والقمر مرسوم
على خده اشوف اقمار منها ياخذ ويرمي
دعاي اللي لمعبودي يخلي ضحكته لي دوم
ولايحرمني من حبه بعد خالي وبعد عمي
قصيدة رائعة تستحق القراءة اكثر من مره والتوقف كثيرا عند كلماتها
تحياتي لك
نتمنى منك المزيد
صح لساااااااااااااااااااااااانك…
ودمت في تميز…
أشكرك على هذه القصيده الأكثر من رائعه
وعلى هذه المشاعر الفياضه
يعجز لساني عن الكلام أمام تلك الكلمات الجميله
أتمنى لك التوفيق
وأنتظر انهمار مشاعرك بشوق