ترى لي ثلاث سنين من راح ما شفته ! .
. يذكرني ، ب مبسمه لاجيت أطالع : فوق
وأدنق .. وانا التدنيق ، مالي ب معرفته ! .
. أدور .. خطأ ، من : ذكرياته عليه حقوق
عشان ، أتعذر في : عيوبه ، ليا عفته ! .
. ولا شفت غير اللي ل مثل الدموع يلوق
وأعود على موضوع ( قلبي وعاطفته ) ! .
. أحبه ، كثر : ما سولفو به ، وانا مخنوق
وأعذره ، كثر : ما أحب إسمي بسالفته ! .
. خذاه المفارق من يديني ب طيب وذوق
[ وحلفني .. إني : ما أخونه .. وحلفته ] ! .
. على أيامه أشفق ل أي جمعة غلا وأتوق
وعقبه .. ليا سير علي شخص ، صرفته ! .
. أحس إني السارق وأحس إني المسروق
ليا هب .. من ، صوبه : براد ، وتلحفته ! .
. من الشوق بين الناس أمشي تقل مطفوق
أحس .. إني مريته ، وانا مدري وطفته ! .
. وإذا رحت صدفة ل أي حاجة ولأية سوق
أطالع .. ( يمين ايسار ) أدور ولا شفته ! .
. وأفكر وأقول ب قلب ينبض بضيق وشوق
على كثر .. طلعاتي ، ولا يوم : صادفته ! .
القصيدة لشاعر / عبدالعزيز السبيل
قصيدة جميلة
تسلم
على منقولك الراقي
تحياتي لك
تسسسسلم عـ/ النقل
وصح لسان شاعرها..
قصيدة جميلة
تسلم
على منقولك الراقي
تحياتي لك
صح بدنك وتسلم على الإطراء
وتسلم يمين شاعرها
ومشكووورعلى هذا الانتقاء المتميز
وراق لي
. أحس إني السارق وأحس إني المسروق
ليا هب .. من ، صوبه : براد ، وتلحفته ! .
وكلك ذوق تحيات وتقدير
اختك عزة نفس