صباحكم/مسائكم فل وورد وياسمين
صراحة انا احبكم في الله فقررت اني اعطيكم تجربتي مع شعري عشان تستفيدون
يلا نبدأ :
اولا: انا شعري ناعم بس مجعد وهايش (قصدي الفتلة ناعمة ) اوك وبعدين من 4 سنين كنت مسوية فرد ومن سنتين كنت ابي اسوي كيراتين بس انا شعري طويل والسعر مرة غالي ومرة سويتة وطلع مغشوش وما سوى شي بشعري وهنا بدأت معاناتي مع شعري فقلت خلاص بهتم وبعتني فيه واشوف النتيجة واول شي سويته هو اني قصيت كل الاطراف المتقصفة عشان كانت طالع على باقي الشعر قلت لها وقفي عندك بقصك بعني بقصك
ثانيا: ادري طولت عليكم بس يلا نبدأ باروتين اليومي:
امشط شعري الصبح واستعمل كريم غارنية فروكتس لون العلبة اصفر صراحة رووووووووووعة يجنن بثلاث زيوت
وباليل امشطة واحط زيت باراشوت بجوز الهند والفة كعكتين او كعكة وحدة او اربع او افكة على حسب يعني
الروتين الاسبوعي:
الشامبو متغير بس افضل الانواع هي: تيريسمي – سايوس- هيربل اسنسز – لوريال باريس(الفيف)
والبلسم على حسب نوع الشامبو وبعدين بعد مانغسل الشعر ونحط البلسم ونشطب نجي لحمام الكريم استعملي الي تبين وافضلهم : لوريال باريس (الفيف) الوردي اواي نوع وفاشكول بعد مرة حلو راح ناخذ كمية من حمام الكريم وراح نحط شوية زيت لوز او سمسم او زيتون وتقسمين الشعر وتحطينها وتخلينها على حسب المدة الموجودة على حمام الكريم وبعد مانخلص نجفف الشعر بالفوطة واياك ثم اياك والسشوار 
وندهن كريم الشعر ونمشط وممكن تلفينة طاقية او على الرول(العادي مو الحار) او كعكات.
خطوات جدا مهمة:
انا عن نفسي ما كنت مهتمة بموضوع الحنة وكذا بس بعدين جربتها عطتني مفعول خيالى تلمع وتنظف وتعطي لون صراحة روعة احسن من مليون صبغة.
السشوار والفير والسيراميك حاولو تخففوا منها لان الحرارة تضر الشعر واذا سويتي حطي واقي حرارة وسيروم .
*اساس الشعر الجميل من الداخل يعني اهتمي بغذائك واتأكدي انك ماعندك انيميا وكلي خضار وفواكه وموية كثير واشربي حليب جوز الهند يعطي نعومة للشعر ولمعة وطول .
اتمنى تكونو استفدتوا من الموضوع وموطالبة منكم غير دعوة حلوة في ظهر الغيب
وما احلل النقل بدون ذكر المصدر ……تحياتي