رواية لا أشوفك بعد موتي جالس لحالك حزين / كامله 2024

بقلم الكاتبتين :. أحآسيس مكتومه, همسة إشتياق .
وللأمانه اللي حابة تنقلها تنقلها بإسم الكاتبتين ..
/

/

/

البآرت الأول ,,

" ليان جالسه بغرفتها وتكلم بنت عمها رؤى …"
ليان : أهلييين ..!
رؤى : هلا والله..
ليان : كيف الحال ..؟!
رؤى : الحمد لله .. إنت كيفك ؟
ليان: تمام الحمد لله …., أقول رؤى …!
رؤى : آمري ..
ليان : شريتي لك حق حفلة بكرى..
رؤى : إي والله شريت لي بلوزه وتنوره قصيرة .. بس باقي لي إكسسوارات ..
ليان : ما شاء الله .. حظك خلصتي وشريتي لك ..
رؤى بعلامات استغراب : ليان .. من جدك للحين ما شريتي لك ؟!
ليان محتآره : آمممممم .. طيب أنا الحين بروح للسوق .. تعالي معي وبكلم خالتي ندووش تجي معنى..
رؤى : أوك خلاص أقول لأمي وأعطيك خبر …
ليان : لا تتأخرين ..
رؤى : إن شاء الله يلا مع السلامة ..
ليان : بآي
________________________________
نعرفكم على "" ليان , ورؤى ""… !
ليان : عمرها 19 سنه ثالث ثنوي علمي .. وهي البنت الوحيده ..حلوه وجميله وجذابه بالكلام العربي " تخقق " جسمها حلو وعيونها واسعه وكحليه وحبوبه .. ودلوعة امها وابوها ..
رؤى : عمرها 19 سنه ثالث ثنوي أدبي عيونها عسليه وناعسه تدوخ وخشمها طويل ودقيق وشفايفها صغار بلون التوت وجسمها حلوو مرره.. ووورجه ..
___________
ملاحظه :. ( رؤى وليان بنات عم وبنات خاله بنفس الوقت ..ومتعلقين ببعض مرره )
_________________________
ليان طول الوقت تكلم على جوال خالتها ومحد يرد زهقت وقالت نمرها أكيد أنها حاطه جوالها ع السايلنت ..
______________________
"..عند رؤى .."
رؤى : يمه يمه يمه …
أمها : نعم .. وراك تصارخين ؟!
رؤى راحت باست راسها وجلست جنبها …
أمها :. قولي وش عندك ما تبوسين راسي الا وعندك شي ..
رؤى :. ههههه شدعوى يماا … المهم عادي أروح مع ليان وخالتي ندى للسوق ؟؟!
أمها : شعندكم ؟!
رؤى : بس والله ليان ما شرت لها لحفلة بكرى وقالت لي أروح معها .. وبعدين يمه حتى أنا ما اشتريت لي إكسسوارات يعني لازم أروح اشتري لي وأخلص …
أمها :. طيب .., خلاص روحي معها بس لا تتأخرون.
رؤى : إن شاء الله .. تآمرين على شي يمه ؟!
أمها : لآ سلآمتك .
رؤى : يلا بروح أتجهز على بال ما تجي .
__________________________________________

رؤى تكلم ليان …!
رؤى : السلام عليكم ..
ليان : وعليكم السلام .., ها بشري رضت خالتي ؟!
رؤى : إي رضت .. بس تعالي أي مجمع بنروح ؟؟!
ليان : وش رايك نروح للفيصليه ؟
رؤى : أوك خلاص لآ تتأخرين .!
ليآن :.إطلعي إطلعي أنا جآيتك في الطريق ..
رؤى : إي هين في الطريق شكلك والله ما بعد حتى تلبسين عباتك ..
ليان : ههههه .. يلا باايوو.
رؤى : بااي .
__________________________________________
بعد ما تجهزت رؤى مرت عليها ليان وراحوا بيت أهلهم ياخذون خالتهم ندووش …
في السيارة …!!
ليان : يلا انزلي نروح ننادي ندووش.
رؤى : أوك ..
__________________________________________
( ندى خالتهم توها صغيره ما بعد تتزوج وساكنه في بيت أهلها هي وأمها وأبوها .)
دخلوا بيت أهلهم .. ! واستقبلتهم الجدة .,
الجدة : يا هلا والله ومرحبا ..!
البنات راحوا يبوسون رأسها ويسلمون عليها …
ليان : إلا وين جدي ما أشوفه ؟!
الجدة : والله طالع للمزرعة ..
رؤى : أمي وين خآلتوو ؟
الجدة : فوق والله مدري وينها ..
إلا تنزل ندى …
ندى : أهلييييييين …!
ليان : طرينا القط جانا بنط ..
رؤى : هلا فيك ..
ندى : ههههه.. شخباركم ؟!
ليان : تمآآموو .
رؤى : بخير دامك بخير ..
ندى : دوووووم يا رب..
ليان: شرايك بطلعه يجبها قلبك ؟!
ندى علطول فهمتها لأنها عارفه قصدهم: ونآآسه يلا يلا ثواني وجايتكم..وراحت تتجهز .
________________________________________
ندى : جميله عيونها عسلية وشعرها عسلي وجسمها حلو ورشيقه ..عمرها 24 سنه آخر سنه لها في الجامعة وتتخرج ..وآخر العنقود..ومتعلقه بأمها مررررررره …
_____________________________________
رؤى : أوك ننتظرك برى .
توهم بيوقفون البنات …….!
الجدة : وين وين تو الناس علامكن بتطلعون الحين توكن جايين ..
ليان : والله ما نقدر يا أمي عندنا شغل ..
الجدة : وأنا كل ما أقول لأحد شي قال لي ما أقدر ..
ليان : ولا يهمك كل شي ولا زعلك يا الغاليه.. وهذي جلسه ..
_______
صلو المغرب في بيت أهلهم وطلعوا …!
_________
في السوق ..!!!
رؤى تأشر : ليان انا رايحه هالمحل تعالي معي ..
ليان : لا لا الله يعافيك ما ودي به انا رايحه مع ندووش هذا المحل..
رؤى: بكيفك إذا خلصتوو خبرووني..
ليان : اوك.
_________________
ليان : ندى ندى ..
ندى : آمري.
ليان : شوفي هذا المحل شكله حلووو ..
ندى : اممم شكله مررة حلوو..
دخلواا ندى وليان المحل وكان المحل فيه قسم للشباب وقسم للنساء..
ندى : واااااو شوفي هذا الفستاان حلووو مو ؟
ليان : مرررة حلوو..
ندى : ليان أنا رايحه اشووف هذييك البلووزه..
ليان لفت للجهة الثانية وتصدم بشي رفعت راسها شافت شاااااب وسيييييم لأقصى حد ..
الشاب تفاجأ من عيون اللي قدامه وكأنها سحرته..
ليان انتبهت لنفسها .. ووتوها بتمشي إلا .!!
الشاب : سووري ما كنت عارف..
ليان انحرجت ورااحت بسرررعه لخالتها و التفتت عليها ندى..
ندى : وش فيك صايره مثل الهبله.
ليان : لا لا ما فيني شي ..
ليان تضيع الموضوع : واااااو البلووزة رووووووووعه..
رااحواا ندى و ليان للمحاسب و التفتت ندى للي بجنبها ..
تفاجأت وقالت : فهد !!!!..
فهد استغرب: اممم من معي ؟!
ندى : خاااالتك ندى ..
فهد ابتسم : يا هلاااااا خالتي وش اخبارك؟
ندى : الحمدلله بخييير.. وانت كيف حالك ووش اخبار الاهل؟.
فهد : الحمدلله يسلمون عليك..
بهاللحظة التفتت ليان واستغرررررررربت و تفاجأت من اللي شاافته ..
بقلبها : معقوووووووولة هذا انت يااااا فهد !!! تغيرررررت مررررررة آآآآآه يااا زينننك..
فهد التفتت بجنب ندى و ناظر ..
فهد بقلبه : هذااا هي اللي صدمت بهااااااا يا الله وش هالصدفة.. لا يكون تقرب لنا..
فهد : خالتي احد جااي معك ؟
ندى تأشر على ليان : ايوا هذي بنت خالتك ليان..
ليااان انحرررررررجت مرررة وانصبغ وجهها احممممممممر..
فهد بإبتسامة ذووبت ليان : يا هلاااا والله ب ليااااان وش اخبااارك ؟
ليان : الحمدلله وانت كيف حالك ؟
فهد : الحمدلله بخير دامك بخير..
فهد بعيوون حايره: ليااان..
ليان استغربت من اسلوبه..
توو بتتكلم إلا تجيي رؤى : يلااااا خلصت باركي لي واخيرا لقيت لي اكسسوار يناسب بدلتي..
التفتت رؤى للشاااب وقالت لندى بصووت خفيف : منوو هذا ؟
ندى : هذا ولد خالتك فهد ..
ندى تقول لفهد : وهذي رؤى بنت خالتك جاايه معنا..
فهد : اهليين كيف الحال ؟
رؤى : الحمدلله وانت كيفك ؟
فهد : تمام ..
رؤى : دووووووم ..
فهد بجدية : خالتي من راح يوصلكم للبيت ..؟!
ندى : السايق ..
فهد تغيرت ملامح وجهه : كيف تروحون مع السايق وأنا موجود …!؟ وربي محد راح يوصلكم غيري ..
ندى بإحراج: أخاف نعطلك عن شغلك ..
فهد : شدعوى يا خالتي .. أصلا أنا ما أرضى على أهلي أنهم يروحون مع السايق بنص الليل ..
ندى: الله يعافيك ما تقصر ..
في السيارة ….! ( ندى جالسة جنب فهد .. و رؤى وراء ندى .. وليان وراء فهد ….)
ندى : من متى وأنت عندنا بالرياض ؟!
فهد : والله اليوم الظهر .. بس كان عندي شغل شوي وخلصته ..
ندى : أهاا .. الحمد لله ع السلامة …
فهد كل شوي رفع عينه يناظر ليان من المراية …!
صدفة التقت عيونهم مع بعض وابتسم فهد وليان انحرجت ونزلت عيونها …
رؤى تكلم ليان بصوت خفيف : بتروحين بيتكم والا بيت أهلي .؟!
ليان : بيت اهلي.. فشله نخليه يوصلنا ..!!!
رؤى : جد والله .. خلاص بقول ل ندى ..
رؤى رسلت ل ندى رساله بالجوال انهم بيروحون بيت اهلهم.. علشان فهد ما يسمع .. !!
فهد : توه بيروح بيت خالته ليلى ( أم رؤى ) ..!!!
ندى : فهد البنات بيروحون بيتنا ..
فهد : ان شاء الله …
_______________
وصلوا بيت الأهل …!
ندى : تفضل تقهوى عندنا …
فهد : إن شاء الله ..
ندى : حيآآآك…
_______________
في بيت الأهل ….!!!
ندى : يمه يبه فهد ولد اختي هنا …
الجدة : يا هلا والله ومرحبا .. تو ما نورت الرياض … شخبارك يا ولدي ؟!
فهد راح باس راسهم وسلم عليهم …
فهد : الحمد لله ..
الجد : الحمد لله على السلامة ..
فهد : الله يسلمك ..
ندى : ميري سوي شاهي وقهوى …
ميري : حاضر مدام ..
__________
ليان ورؤى حطوا أغراضهم في اقرب غرفة وطلعو للحديقة يسولفون …
___________
الجد : كيف الدراسة معك ..؟!
فهد : الحمدلله ماشي الحال ..
( رن جوال ندى ) ..
ندى : عن اذنكم ….
فهد : خذي راحتك ..
الجدة : إلا وين الأهل ما أشوفهم معك ؟!
فهد : والله أنا هنا لحالي … كان عندي شغل شوي والحمدلله خلصته …, كيف حالكم انتو ؟!والله اشتقت لكم …
الجد : بخير دامك بخير ..
الجدة : الحمدلله .
___________________
في الحديقة …..!
رؤى : عن اذنك بروح اشرب مويه ..
ليان : اذنك معك ..
__________________
فهد : أنا استأذن ….!
الجد : وين تو الناس يا ولدي ..
فهد : والله ماشي للدمام قبل لا يظلم الوقت …
الجده : الله يحفظك يا ولدي .. سلم لي ع الاهل ..
فهد : الله يسلمك يمه …
الجد : بحفظ الله ..نشوفك بكرى …
فهد : مع السلامة ..
الجد + الجدة : مع السلامة …
_____________________________________
في الحديقة ……..!
( ليان على جنب كأنها خالتها ندى )
ليان كانت تلعب بالورد وكان شكلها مرره كيوت …
فهد : مع السلامة خالتووو ..

ليان التفتت : فهد ..!!!
فهد انحرج : أوووه سوري حسبتك خالتي ..
ليان : لا عادي ..
فهد خق على شكلها بدون عباية وشعرها يتطاير من الهواء …!
فهد وهو يناظرها : تآمريني على شي من الدمام ؟!
ليان وهي مزله راسها من الإحراج : لا سلامتك ..
فهد : اوك مع السلامة ..
ليان بنفسها : تو بدرري ….!
ليان : باااي ..
_______________________
رؤى كانت تراقبهم طول ماكانو مع بعض في الحديقة ويوم طلع فهد ………..!!!
رؤى : أيواا أيوااا يا حركاااات … وش ذا الرومنسية ..!؟
ليان بإحراج : وانت من متى هنا …؟!
رؤى :من كلمك حبيب القلب لما طلع .. يلا يلا قولي لي السالفة كلها مو تخطرين لي كم كلمة بسرعة بسرعة ..
ليان قالت لها السالفة كلها ….!
رؤى : مقدر انا على هالحركات … مثل ما يقولون الحب من أول نظرة…!
ليان : يا زينك وانت ساكته …
______
البنات كلمو على اخوانهم علشان يروحون البيت ……!
______
في اليوم الثاني ……!
في بيت العم أبو مشاري …!
مشاري كان يناظر فلم في ال tv …
نجلا : أووووه وانت اربعة وعشرين ساعه ع الافلام غيرها خلنا نشوف شي ثاني ..
مشاري ببرود : والله محد قال لك تشوفين معي .. روحي لل tv اللي بالمجلس …
نجلا : لا والله ..! انت اللي روح هناك لانك بس تبي افلام .. أما حنا نبي نشوووف ال tv براحة مب كل شوي جيتنا واخذت الريموت ..
مشاري بصراخ : اقول وش رايك تروحين لغرفتك احسن لك .. بسرررعه منب فاضي لك ..
نجلا : زين زين يمآ منك .. الواحد ماياخذ راحته بالبيت …!
_________________________________________
نعرفكم على عايلة أبو مشاري ..!
أبو مشاري :رجال جدي بس حنون ومره مره يحب بناته ويدلعهم
أم مشاري :طيبه مره بس اللهم انها مو كل شي عادي جد مخليه اولادها على هواهم بس كل شي وله حدود
مشاري :شاب وسيم مره عنده غميزه بخده اليمين طويل جسمه مره حلو وشعره مره ناعم عيونه لونهم عسلي ويخقق بمعنى الكلمه
نجلا :بنت مره مره حلوه سمراء قصيره شوي وجسمها حلو كثير وشعرها ناعم مره وعيونها حلوه شوي لون عيونها بني غامق
شهد:بنت حلوه برضو بس عكس اختها بيضاء وطويله شوي وشعرها ناعم برضو بس مو كثير جسمها مليانه شوي ورجه
_____________________
في بيت الأهل ……!
ألاء : ميييري نظفي الصالة ..
ندى قاعدة تلعب رزان وركان عيال ألاء …
الجدة في المطبخ تساعد ألاء …
الجد طالع للمزرعه …!
ملاحظه:. ( الحفله ل .. ركان ورزان بمناسبة عيد ميلادهم )
_________

ام راكان : ألآ ..عمرها 27 سنه ..حنووونه مره وما ترضى على عيالها واكثر الاوقات مع البنات لانها توها متزوجه..

رزان + راكان : توأم (( سنه ونص )) ويشبهوووون بعض مرره كتاكيت البيت لهم خدود حمرررره >>> لووووول …. والكل يموت فيهم خاصة البنات
__________
في بيت الخالة نورة …….! ( بالدماام )
الأم: دانا يلا بسررعه بنطلع ..
دانا : طيب طيب يمه بس شوي ..
الأم : ريناااد يلا تأخرنا ..
ريناد : يمه وراك مستعجلة ؟! تو الناس ..
الأم : الطريق بعيد مهب قريب ..
ريان : الله يهداك يمه وشوو بعيد كلها ساعتين او ثلاث بالكثير ..
الأم : فهد فهد ..!! فهد …..
فهد كان سرحان في ليان …..!!
فهد وهو مرتاع : هلا يمه آمري .. وراك تصارخين ؟!
الأم : لي ساعه وانا اناديك وين سرحت فيه ؟!
فهد : هااا ..؟! ايه لا بس كنت أفكر في واحد من الشباب تعبان في المستشفى ..
الأم : أهاا . . الله يشفيه ان شاء الله ..
فهد: آمين .. الا ما قلتي لي وش كنتي تبين يمه ؟!
الأم : أي صح يلا يلا قوم خلنا نطلع لا نتأخر ..
فهد : ان شاء الله …
________________________________
نعرفكم على عائلة الخالة أم فهد :نورة .. 44 سنه أم ذات قلب كبير جدا .. حنانها
يغمر بيتها كله ..
فهد : حنطي يميل الى البياض _ وسيم جدآ
بكل ماتعنيه الكلمه .. 23 في سنة ثالث بجامعة الملك سعود .. اللي يشوف
فهد هذا شخصية مختلفة جدا جدا .. ما يشبه لأي أحد حوله … سواء في كلامه في
تصرفاته أو أي شي يخصه هو منفرد فيه ومايشابه أي أحد
..كما ان فهد يمتلك سحر خاص مقرون بجاذبيته …. مثل ماقلت لكم فهد له دور كبير في احداث قصتي …. وله نصيب من عنوانها..
ريان : عمره 21 سنة … ولد عنيد وياخذ حقه بلسانه ..
دانا :20 سنه ثاني سنه جامعه مملوحه وفيها جاذبيه وخفت دم
حياتها ضحك وناسه على طول..
ريناد : طولها عادي رشيقه عيونها بنيه بيضاء وجهها بيبي فيس تسحر الواحد من تبتسم
واللي مزود ابتسامتها حلا غمازاتها ..عمرها 18 سنه ثاني ثنوي ..
لين : 15 سنة … بنت هاااادية جدا … ومؤدبة وحساسة..
_______________________________
في بيت الخالة خلود ……….!
ليان : يمه انا رايحه للمشغل .. تآمريني على شي ؟!
الأم : لا سلامتك .. بس لا تتأخرين …
ليان ان شاء الله …
ليان راحت لغرفة ماجد …!!
ليان : مجودي حبيبي .. ممكن توديني للمشغل ؟!
ماجد : اممممم .. اوك معليه ..
ليان : تسلم يا احلى اخوو بالدنياا ..
ماجد : الله الله .. هالكلام ما يطلع الا عند المصالح هااا !!
ليان : يلا يلا قوم بسررعه لا نتأخر ..
_______________________
نعرفكم على عائلة الخالة أم ماجد : حنونه وطيبه وقلبها على عيالها ومدلعه لياان لانها وحيدتها

ماجد :عمره 22 سنه طويل عريض تقاسيم وجهه حلوه فيه وسامه وجاذبيه
ميزته انه هادي ..
سلطان : عمره 20 سنه طويل صدق نحيف شوي بس عرض كتوفه يغطي على نحافته وسيم ابتسامته حلوه ..
ليان : سبق وعرف ..!!
________________________
في السيارة …..!!
ليان : ماجد ممكن جوالك شوي ..؟!
ماجد :وانت وين جوالك ؟!
ليان : نسيته بالبيت …!!
ماجد : تفضلي .. بس لا تطولين …
ليان : ثااانكس ..
ليان تكلم جوال .. وحاطته على السبيكر !!!
ليان : هلا والله ب رؤى ..
ماجد بقلبه لحول اربعة وعشرين ساعه تكلم رؤى .. !
رؤى : اهليييييين ب ليووووون .. كيف الحال ؟!
ليان : تماااااااموو .. انت كيفك ؟
رؤى : الحمدلله ..
ليان : اقول رؤى ….!!!
رؤى : هلاا ..
ليان : انا الحين رايحه للمشغل تروحين معي ؟!
ماجد يأشر لها انه ما يقدر يمرها عنده شغل .!!!
وليان مهب معطته وجه ..!
رؤى : اوك ..
ليان : يلا اطعلي انا عند الباب …
رؤى : ولا يهمك ثواني بس ..
ماجد انهبل من تصرفها ……..!!!
ليان : بااايوو ..
رؤى : باي …!
ماجد بنذاله : انا منب مار أحد ..!
ليان بدلع : تكفى مجودي لا تردني .. المشغل على طريق بيتهم يعني ما بتنقص شي اذا مريت رؤى ……
ماجد : وربي عندي شغل ..
ليان : عاد فشله قلت لها تطلع ما يصير كذا ..
ماجد : أمري لله …
ليان : فديتك والله ..
________________________
عند رؤى …..!!
رؤى : جود تجين معي للمشغل ؟!
جود : لا الله يعافيك .. انا مالي ب هالاشياء ..
رؤى : براحتك .. بااااايوو ..
جود : بااااي ..
____________________________
جود : بنت حلوه وهاديه كثير جسمها حلو شعرها طويل يوصل لنص فخذها ناعم لونه ككاوي ولون عيونها اسود
___________________________
ندى طول الوقت تكلم على ليان ومحد يرد ..!!
كلمت على جوال رؤى وكان مشغول الخط ..!!
ندى في نفسها : مالي الا اكلم على بيت اختي ليلى واسألها عن رؤى ..
ندى : السلام عليكم ..
رنيم: وعليكم السلام …
ندى : وين رؤى ؟!
رنيم: والله طالعه مع ليان ..
ندى : ما تعرفين وين راحوا .؟!
رنيم : لا والله يا خالتي ما اعرف ..
ندى : اهااا . . اوك مع السلامه …
رنيم : باي ..
____________________________
رنيم : بنت جمالها عادي مو مره حلوه عمرها 14 فيها رجه خفيفه بس ثقيلة دم تدرس ثاني متوسط..
_________________________
في السيارة …!
رن جوال رؤى …..!!!!
رؤى : هلا والله ب ندوووش ..
ندى : هلا بك ..
رؤى كيف ال…….!!!!
قاطعتها ندى وهي تصارخ !!
ندى : حظرتكم وين طالعين ولا تقولون لي ؟؟!
رؤى : رايحين للمشغل .. قلنا اكيد انك مشغوله مع خالتي ألاء …
ندى : جد والله .؟! ومن قا لكم اني مشغوله لا لا منب مشغوله ..بلييييز مرووني ..
رؤى بصوت خفيف : والله اللي بيودينا ماجد وهو الحين معصب ..اخاف اقول له ..!!!
ندى : عطيني عطيني ايااه انا اتفاهم معه ..
رؤى : اوك …
رؤى : امممم .. ماجد خالتي ندى تبيك ع الجوال..!!!
ماجد اخذ الجوال وكلم ..!
ماجد : هلا ووالله بخاالتوو ..
ندى : هلا بك قلبوو ..
ماجد : آمري ..
ندى : مجوود قلبي انت .. ودي اروح للمشغل مع بنات خواتي ..!!! ممكن تمرني ؟
ماجد تحسف انه رضا يودي ليان ..!
ماجد : امممم .. ( توه بيتكلم ..!!!! )
ندى : اوك انا عند الباب بايوو ..
سكرت الخط .!!
ماااااجد عصب من تصرف خالته .. بس مهما كان هذي خالته واكبر منه ..
____________________________
في المشغل ..!!!
رؤى : ليان ..! جبتي ملابسك معك ؟!
ليان : أكيييد .. أصلاا انا علطوول بروح لبيت أهلي ..
رؤى : مي توو …
ندى خلصت تسريحتها: شراااااايكم ؟؟!
ليان : واااااااو مرره نااايس ..
رؤى : خطييييييييره ..
___________________________
الخالة نورة وعيالها وصلوا للرياض ..!!
الأم : فهد يمه وصلنا للشقه وروح شوف خاتك ألاء اذا كانت تبي مساعده والا شي ..!
فهد : ان شاء الله ..
الأم : وريان خله معنا علشان بعدين يودينا لبيت أهلي ..
فهد : أوك ..
___________________________
في بيت الأهل ..!!
ندى تلبس ..
ورؤى تتزين …
وألاء تتروش ..
ليان هي الوحيده اللي خلصت .. وكانت مرره كيووت ..
لابسه فستان أحمرقصير خيوط مخصر على جسمها ولابسه كسسوارات سوده وصندل لونه اسود ..وكانت حاطه فيونكه لونها احمر بشعرها وفاتحه شعرها
وتعطرت من عطرها المفضل كوكو من شنيل وساعه من دفنشي وشنطه برضو من دفنشي وكانت مخليه شعرها على جنب وصايره من جد ملااااك وكانت عيونها مره حلوه
رن الجرس وكانت الخدامه مررره مشغوله .. وماكان فيه الا ليان هي اللي خلصت ..
فتحت البااااب .. ماشافت من اللي على الباب علطول نزلت تعدل صندلها …!
…….: ليآن ,,,!!!
________________________
انتهى البآرت ..!!
توقعاتكم ..
ووش صاير بين ليان وفهد ؟!!
من اللي كان على البااب ؟؟
وش راح يصير بالحفله ؟!

/

/
لا تحرموننا من ردودكم وآرائكم ..
تحيآتي ..
_____

يسلموووووووووووووو على الموضوع الرائع

مع تحياتي

يعطيك ألف عاااااااااااافيه
على هذا الابداااااع في الطرح وجمااال
الأسلوب يسلمووووووووو
البآرت الثاني ..!!

رن الجرس وكانت الخدامه مررره مشغوله .. وماكان فيه الا ليان هي اللي خلصت ..
فتحت البااااب .. وكانت تعدل صندلها …!
فهد خق على شكلها : ليآن ,,,!!!
ليان رفعت راسها : فهد !!
فهد تم يناظرها وهو مب في وعيه ..
وليان منحرجه .. مهب عارفه وش تسوي ..
ليان وهي مرتبكه : آممممم .. ت ف ض ل ..
فهد انتبه لنفسه : ودخل داخل بسررعه ..
ليان راحت لبست الجلال وراحت ل فهد تشوووفه وش يبي لان ما كان في أحد فاضي الكل مشغوول ..!!
ليان : الحمد لله على السلامة ..
فهد : الله يسلمك .. إلا وين خالتي ألاء ؟!
ليان : والله تتروش ..
فهد : أهااا .. طيب ممكن تروحين تسألينها اذا كانت تبي مساعده او شي ..؟!
ليان : ان شاء الله ..
فهد : الله يعافيك .. آسف تعبتك معي بس شسوي هذي أوامر الوالده ..
ليان : لا عادي .. شدعوى ..!!
فهد : تسلمين ..
ليان : يسلمك ربي ..
فهد كان لابس بدله بنطلون جنز وبلوزه ماسكه على جسمه وخاصه انه معضل شوي وكان لابس بلوزه سدوا كت وطالع مره حلو ومسوي بشعره سبايكي
وكان لابس كب لونه اسود وطالع من جد يخقق يطيح الطير من السماء…
___________________________
عند الخالة ألاء ..!!
ألاء كانت تلبس ..
ليان من وراء الباب : خالتووو فهد ولد خالتي نوره يقول تبين مساعده ؟؟!
ألاء : لا الله يعافيه ما يقصر .. ما ودي اتعبه توه جاي من الدماام ..
ليان : اوك ..
_____________________
ليان قالت ل فهد مثل ما قالت لها خالتها ألاء .!!!
فهد : اوك مع السلامه ..
فهد ماكان وده يطلع بس ما يقدر يجلس أكثر من كذاا ..
ليان : باااي ..
_____________________
ندى خلصت من لبسها لبست فستان لونه اورنج قصير من تحت فيه كسرات وتوب وفيه شوي شك من ناحية الصدر باللون الاصفر وميك آب خفيف
ورافعه شعرها مسويه تسريحه وطالعه مره مره مره نااايس ولبست كعب لونه اصفر عالي ولبست الاكسسوارات وساعتها هديه من امها من ديور
….
نزلت تحت شافت ليان جالسه لوحدها وسرحانه بعالم ثاني قالت خلني اروعها
ندى قربت منها و..:بوووووووووه
ليان نطت من الخرعه وحاطه يدها بقلبها:يمه اعوذ بالله ندووش وشو تسوين خرعتيني
ندى:هههههههههه شكلك كان تحفه واااو وشو هالجمال
ليان استحت:تسلمن قلبو انتي الحلوه
ندى:اعرف مايحتاج تقلين اني حلوه هذي قديمه
ليان:مقدر على الواثقين انا.. وين رؤى ؟!
ندى:ماخلصت
ليان:بروح لها ..
ندى: خذي راحتك ..
ليان: سي يو
ندى:سي يو تو
________________________________
"بيت العم بو مشاري"
نجلا:ماما ماخلصتو …؟! انا خلصت الميك آب بروح ألبس
ام مشاري:يالله انا بروح احط لي دهن عود تبين يانتي
نجلا بقرف:وع لا ماأحبه
"وراحت فوق على طوول تبدل لبست تنره قصيره لفوق الركبه لونها رمادي وفيها من تحت كسره وبلوزه لونها بينك وفيها دوائر باللون الرمادي
وفتحت شعرها وحطت تاج لونه رمادي وكعب لونه بينك وطالعه مره مره كيوت ولبست اكسسواراتها مره حلوه"
نجلا:يمه لبستي العبايه..؟؟
ام مشاري:اي يالله يمه مشاري بالسياره
نجلا:اوكي يالله نازله
"نزلت نجلا وركبت السياره مع امها"
_____________________________
"بيت الجد"
ليان:ماخلصتي<~ تكلم رؤى
رؤى:الا يالله خلصت
ليان:واااااااااااو كيوت كيوت اند كيوت
رؤى:احم احم عارفه وخري منااااك
( رؤى كانت لابسه تنوره قصيره ل..نص الفخذ لونها اسود وفيها من على الجنب خطين باللون الاصفر وبلوزه لونها اصفر وفي الجنب برضو خطين باللون الاسود
خيط وربطت شعرها على تحت بالجنب وطالعه vere coool ولبست كعب لونه اصفر )

ندى تصفر:مقدر على هالحلاوه انا
رؤى استحت:تسلمين
ليان:الله الله رؤى تستحي ماأقدر
رؤى: ليوون وش شايفتني ماأستحي
ندى:ههههههههه طيب يالله ننزل ترا بنات عمك بيجون الحين
رؤى:طيب طيب يالله خلك على جنب
ندى:اقوول صاير لسانك طويل هاليومين
رؤى:ندووش وين خالتي ألاء..؟؟ <~ احلا التصريفه
ندى:هنااك تسوي شعرها
رؤى:انا بروح لها عن اذنكم
ندى+ليان:اذنك معك
___________________
"راحت رؤى ل..عند خالتها ألاء وشافتها خالصه "
رؤى:ايدي الشياكه كولها
الاء:ياءالله لازم تحرجني يعني
رؤى:صايره بنت صغيره
الاء ظربتها على كتفها بخفيف :لا والله وأنا الحين كبيره ؟!
رؤى:ههههه.. بس حلوه كلها اورنج وشك وحلوه كثير
الاء:تحلا ايامك حبيبتي
رؤى:الا خالتي وين راكان ورزان
الاء:عند ميري تبدل لهم
رؤى:اها ااوكي بروم تحت اشوف بنت عمي وصلت ولا لا
الاء:اوكي
"نزلت رؤى تحت.. الا ويرن الجرس"
رؤى:ميري افتحي الباب
ميري:انا بدل هذا راكان رزان
رؤى:اف يعني لازم انا اروح ..!! <~ عجازه الاخت
راحت ولما فتحت الباب شافت مشاري بس هو ماشافها هي اسرحت بعيونه وهو بعالم .. وماانتبهت لصوت نجلا ..!!
نجلا:هي هي انتي
رؤى:……."لاحياة لمن تنادي"
نجلا التفت تشوف وش تناظر فيه رؤى
نجلا:هههههههههه ادري ان اخوي حلو
رؤى تفشلت:لا من قال اني اشوف اخوك من حلاته اصلا
نجلا تغمز لها:علينا
رؤى:اقووول طيري شوفي ذاك الولد يخقق مو اخوك <~ وتأشر على ولد وع مو حلو
نجلا:وع مالت قومي ندخل ..
رؤى:يلااا ..
( مشاري راح للشباب مع عيال عمه ..)
__
ام مشاري:اهلين رؤى
رؤى:هلا خالتي شخبارك ؟! <~ راحت تسلم عليها
ام مشاري:الحمد الله بخير… وانت ؟!
رؤى:تمااام..
"ملعومه ام مشاري تحب رؤى كثير وتعدها وحده من بناتها وتتمنى ان مشاري ياخذ رؤى"
رؤى:تفضلوا…
ام مشاري:زاد فضلك..
رؤى:قومي نجول نروح فوق عند ندوش وليان ..
نجلا:اوكي يالله
________________________
"عند الشباب"
فهد:اقوول مشاري ..!!
مشاري:هلا
فهد:آآآه وش رايك بشي اسمه الحب ؟!
مشاري ماقدر يكتم ظحكته:هههههههههه الحب .!!!
فهد:ايوه الحب وش فيك ؟!
مشاري:لايالحلو مافي شي اسمه حب ..
سلطان:لا والله حلو الحب …
مشاري:اقوووول مناااك جا الثاني بعد
مشعل :ههههههه والله انكم تحلمون احلام ورديه احلام بنات ههههههههههههه
مشاري:ههههههه صدقت والله ..
فهد:اقوووول بس يازينكم وانتوو ساكتين ..
ماجد: فهد تحب مع خشتك !؟
فهد تنرفز : وانت شكوو ؟
عزام :مين تعيسة قصدي سعيدة الحظ الي تحبها ؟؟
فهد:ماأحب احد زين ..!
مشاري:زينين برضوا ..
ماجد:والله حفله اليوم ابتلشت بليون وبلشتني مع رؤى وندووش …
فهد شده اسم ليان !!
ماجد:والله وقسم بلشوني ب..المشغل وكنت ابي اروح للشباب بس أخروني
فهد:وش وراك عادي اختك لازم تتحمل
سلطان : والله ان هالاخت بلوه
مشعل بمزح:لاتتكلم عن خطيبتي ماأرضى
هنا فهد انصدم:خطيبتك..!!!!!
سلطان:هههههههههه امزح شفيك انصدمت..؟؟
فهد ارتبك:ههههههههههه اكيد ب..نصدم تخطب ولاتقولي كان اوريك شغلك
سلطان:هههههههههههه طيب طيب انا ماأتجرأ اسويها اصلا
_______________________________________
"بيت الجد"
نجلا:السلام عليكم
البنات:وعليكم السلام
ليان:اهلن نجلا.. اخبارك..؟؟
نجلا:تمام.. وانتي كيفك..؟؟
ليان:دووم.. انا الحمدالله بخير..
نجلا:دووم يا رب ..
ندى:تفضلي..
نجلا وهي تجلس:زاد فضلك..
جود:شفيك تأخرتي..
نجلا:لا بس مشاري بطلعة الروح جابنا
جود:ههههههههه ليه عااد..؟؟
نجلا:مدري عنه زين انه جابنا.. الا شوفو هالهبله رؤى تناظر في واحد وتقول احلا من مشاري وهالواحد وع استغفر الله..
هنا البنات ماأقدرو يخبون ظحكتهم:هههههههههههه
نجلا : شفيكم ؟!
ليان:لا ولا شي بس رؤى هالايام ذوقها رايح فيها..
نجلا:الظاهر والله..
رؤى:طيرو ذوقي ولا احلا…
جود:مبين مره ..
رؤى:روحو منااك بس ياحلاتي والله..
ريناد:وحنا قلنا انك مو حلوه وش دخل هذا ب..هذا..
الكل:ههههههههههه..
دانا تكلم نجلا : آممممم .. نجلا انت في أي سنه ؟!
نجلا : بثاني ثنوي ..
دانا : أهآآ .. الله يوفقك ..
نجلا : آمين ..
ريناد:يلا ننزل ونفلها بالرقص ..!!
الكل:يلااا..
"قامو ونزلو تحت وسلمو على الموجودين وجلسو سوالف بنات طبعا اكيد حفله .. فكانت ونااسه ديجيه ورقص وفلله "
نجلا:رؤى
رؤى:هلا
نجلا:تعالي نامي عندنا اليوم
ليان:لا ماينفع..
نجلا:ههههههههههه انتي رؤى ؟!
ليان:انا المتحدث بدالها..
نجلا:لا جد جد تعالي نامي معنا..
رؤى:صعبه واخوك ؟!
نجلا:بالله عليك اخوي بيكون طالع مايجي الا بوجه الصبح ويروح ينام..
رؤى:اوكي بشوف الوالده..
نجلا:خالتي خليها علي..
رؤى:اوكي خالتك وانتي ادرى بها..
دانا وهي ترقص وقفت شوي : تعالو بنات خلونا نرقص مو كل يوم حفله ..
ليان : انا معرف ارقص ..
ندى : لا لا انا ما احب هالاغنيه الاغنيه اللي بعدها اذا صارت حلوه ارقص ..
نجلا : انا مع ندووش ..
دانا جات وسحبت رؤى : تعالي بس ما عليك منهم خلينا نستانس ..
نجلا كملت كلامها :وانتو ندوش وليونه تعالوا..
ليان : وييييييين ؟؟!
نجلا : بيتنا يعني وين ؟!
ندى:صعبه اترك الوالده ل..وحدها
نجلا:الله اكبر وابوك وين راح يروح..؟!
ندى:ههههههههه مدري والله
ليان:انا مدري برضو .!!
نجلا:يالله عاد فلوها ياناس..
ليان:ههههههههه بقول للوالده وارد لك خبر
ندى:وانا برضو..
نجلا:كلكم نفس الشي
الكل:هههههههههههههههههههه
ليان:عن اذنكم بروح اشوف ماما..
ندى:وانا..
رؤى+نجلا:اذنكم معكم
شوي الا يجون ليان وندى
ليان:اعذريني والله تقوول الوالده انها تبيني بكرا الصبح ..
ندى:انا ما اقدر اترك الاء لانها بعد كم يوم بتروح بيتهم ..
نجلا:خلاص عاذرتكم انشاءالله مره ثانيه..
ليان:ان شاء الله..
" البناااات كولهم رقصوو .. كل وحده وهبالها حتى اللي ما تعرف ترقص رقصت "
ام نجلا:يلا نجلا بنروح..!!
ندى : تو النااااااااااااس ..
أم نجلا : لا والله .. تأخرنا الساعه وحده ونص ..
ندى : اوك براحتك ..
نجلا:يمه بتجي معنى رؤى بتنام عندنا..!!
ام نجلا بفرح:حياها البيت بيتها..
رؤى:تسلمين..
نجلا:خالتي رؤى بتنام بيتنا..
ام رؤى:براحتكم والله..
نجلا:تسلمين خالتي يالله رؤى..!
رؤى:اوكي صبر بروح اجيب عباتي..
نجلاا : باااي بناااااااااااات ..
البنات : بااايااات ..
"راحت رؤى جابت عبايتها وتغطت وطلعت معهم"
______________________________
"بسيارة مشاري"
ركبت رؤى:السلام عليكم
الكل:وعليكم السلام
مشاري:شخبارك رؤى ؟!
رؤى قلبها يدق بقوه:الحمدالله بخير.. وانت كيفك..؟؟
مشاري:تمام
رؤى بنفسها:دووم مو يوم..
"ومشو راحو البيت ومشاري طلع.. رؤى شالت العبايه والغطى وجلست على اقرب كنبه"
رؤى:آآآه حر..
نجلا:ههههههه يلا نروح فوق واعطيك بجامه تلبسينها تريحك
رؤى:يلااا
"صعدو فوق وطلعت لها بجامه تركواز حرير مره حلوه ونجلا بجامه لونها بينك مره ناعمه"
نجلا:قومي نروح غرفة مشاري ناخذ افلام
رؤى:لا انا ماله داعي اروح روحي انت ..
نجلا:قومي علشان تختارين معي الفلم ..
رؤى:طيب يالله ..
"راحو غرفة مشاري ورؤى تشم ريحت عطره الي ماليه الجو وتناظر اغراضه المخربطه كل شي بمكان وصايره حوسه الغرفه واختارو الفلم وطلعو"
وصارو يناظرون الفلم وكان يخوف ومطفين النور ومندمجين ووصلت الساعه 3 الفجر وهم مندمجين مره ماحسو الا بالي يجي يخرعهم خلاهم ينطون..
مشاري:بوووووه
رؤى ونجلا ينطون يصرخون ويضمون بعض ومشاري رايح فيها من الظحك
مشاري:ههههههههههههههههه خوافات
هنا رؤى تخبت ورا نجلا
مشاري بأستغباء:شفيك انخشيتي رؤى..
رؤى:لا احلف من تكون علشان اطلع لك .؟!
ومشاري توه يستوعب:سوري والله نسيت انك تتغطين مني مابعد استوعب ..
رؤى ابتسمت:طيب خلاص روح
مشاري:طرده
رؤى:لا بس ابي اكمل الفلم لو سمحت
مشاري:اوكي تصبحون على خير
رؤى+نجلا:وانت بخير
"راح فوق وهم وخرو وتابعو الفلم بعدها صعدو ينامون"
_____________________
ندى:ليان..! رؤى خاينه راحت..
ليان:لاوالله تبينها تجلس 24 ساعه معنا خليها مسكينه ههههههههههه
ندى:طيب ملل..!!
ليان:اقوول حمدي ربك اني بنام عندك..
ندى:احسن ..
ليان:طيب خلينا نسوي شي حمااس ..
ندى:لا والله مالي خلق انا نعست تعبت كثير اليوم قومي ننام
ليان : لااا بليييز ما ودي انام ..
ندى : وش تبين نسوي ؟!
ليان : مممم وش رايك نخلي دانا وريناد يجون هنا نسهر ؟!
ندى : يوووه اقول لك بنام تقول لي نسهر ..!!
ليان : لانهم بكرا راح يروحون للدمام ومساكين ما عندهم احد هناك ..!
ندى : اللي تشوفينه .. بس انت اللي كلمي عليهم ..
ليان:اوك ..
" ليان راحت وكلمت دانا على جوالها وقالت لها تجي "
بعد ربع ساعه جو ريناد ودانا وكانو ليان وندى بالحديقه ..!!
ليان سمعت صوت سياره وعلطول راحت تفتح الباب ..!
ندى : وين رااايحه ؟؟!
ليان : بروح افتح الباب ..
" ليان فتحت الباب لهم وجلسو البنات بالحديقه يسولفون "
ندى كانت نعسانه وراحت اخذت لها غفوه شوي ..
" أما الباقي سهروا الى الساعه 7 الصبح .. وهم سوالف وأكل وضحك ووناسه "
ليان : شراااايكم نروح للمطعم نفطر ؟!
ريناد : جد والله انا جوعانه ..
دانا بمزح: جوعاانه ..!! يا حماره طول الوقت تاكلين ..
ليان + ريناد :هههههههههه..
دانا : بروح اصحي ندى علشان نروح ..!
ليان : خذي راحتك ..
" في المطعم "
ريناد : دوين شوفي ذوليك الشباب طول الوقت يناظروننا ..
دانا التفتت و عطتهم نظره .. بس ما ينفع معهم الا زادوو ..
ندى : اسمعو انا ما اعرف كذا مع ذولي الشباب يا يروحون يا حنا نروح ..
ليان : يا الله انا خايفه .. كلنا بنات مافي احد يحمينا ..
دانا : اقول ريناد كلمي على فهد او ريان وخلي احد يجيناا ..
ريناد: اوك ..
" ريناد طول الوقت تكلم فهد ولا في فايده ناااايم " نومه ثقيل " ..!
وكلمت على ريان .. بثالث رنه رد ريان وصوته في النوم .."
ريان : نعم شعندك مكلمتني من صباح الله ..؟!
ريناد : ريان مو وقتك اصحى معي الحين ..
ريان : وبعد تطولين لسانك .. روحي زين ..
" وسكر الخط "
ريناد كلمت عليه اكثر من خمس مراااات بعدين رد ..!!!
ريان : اوووووه شتبين ازعجتييييني ..
ريناد : اسمع انا وبنات خالاتي في المطعم تعال خذنا ..
ريان : جد ان ماعندك سالفه .. عندكم السايق ..
ريناد : لا ياحظي في شباب طول الوقت يناظروننا وحنا خايفين ..
ريان عصب : شباااااب .؟؟! ثواني وانا جايكم..
" وصل ريان .. وصارت هوشه كبيره بينه وبين الشباب .. وبعدين طلع واخذ البنات ووصل كل وحده لبيتها "
__________________
"بيت العم بو مشاري"
صحت رؤى الساعه 10 الصبح وهي مستغربه انها صحت راحت دخلت الحمام"الله يكرمكم" وغسلت وجها ونزلت تحت شافت خالتها جالسه مع شهد..!!
رؤى:صباح الخير
ام مشاري:صباح النور هلا رؤى نمتي زين.؟!
رؤى:اي والله .. الحمدلله ..
شهد:انتي نايمه بيتنا ؟!
رؤى:لا ببيت الجيران..
الكل:ههههههههه
ام مشاري:روحي اكلي لك شي شوفي الفطور بالمطبخ
رؤى:اوكي عن اذنك..
ام مشاري:اذنك معك..
"راحت رؤى للمطبخ وجلست تفطر وهاديه مره وكانت تاكل مثل العصافير الا ب.مشاري يدخل وينصدم من الي قدامه عصفور ياكل<~ حلو التعبير هههههههههه
تم يناظرها وهو منصدم وهي تاكل ولا بحاسه بشي لما خلصت نفظت الاكل من يدها ووقفت لاشعوريا ناظرت قدامها الا تنصدم هي الثانيه ب..مشاري الي تميل له مره
هو يقول بنفسه معقوله هذي الملاك رؤى لا اكيد هي اصلن هي نايمه ببيتنا رؤى راحت فيها المسكينه تمت على هالوضع لمدة 10 ثواني لاغير"
رؤى:احم سوري "وراحت على طوول وهو يفكر فيها ونزل راسه <~ بعد شنو بعد ماراحت…صار يظحك على نفسه انه ماقدر ينزل راسه والله اني غبي وش بتقول عني البنت مامره
شاف بنت هههههههههه لازم اروح اعتذر لها بس خلني افطر اول بعدين يصير خير <~ هههههههه هذا الي هامه
_______________________
"بيت الجد"
صحت ليان على صوت جوالها
ليان بصوت كله نوم:آآلووو
رؤى وهي تتنفس بقوه:ليان..!
ليان نطت من الخوف:شفيك ؟!
رؤى:شافني ياليان شافني !!!
ليان:وشو تقولين؟!
رؤى قالت لها الي صار.. وليان خمس دقايق تمت تستوعب بعدين فرحت كثير ..
ليان:ونآآسه بيجي يخطبك <~ مفهيه هع
رؤى صار وجها احمر:اقوول مناااك ..
ليان:ههههههه اتخيل شكلك وانتي مستحيه
رؤى:روحي مالت المفروض ما أقولك شي
ليان:شدعوى امزح معك ليه زعلتي كذا ؟!
رؤى:مازعلت بس آآه قلبي …اقوول جا جا باي !!
ليان:هههههههه اوكي باي ..
___________________
"بيت العم بو مشاري"
مشاري:احم
رؤى تغطت بسرعه قياسيه حتى هو ظحك عليها
مشاري:سوري رؤى ماكان قصدي اناظرك
رؤى هنا رؤى كتمت ظحكتها :احم لا ولايهم عن اذنك..
مشاري:اذنك معك
"ولما راحت صار يظحك اكيد استحت البنت هذي مافيها شك ههههههههه احرجتها مع وجهي بس جد هالبنت ملاك تغيرت 180 درجه"
______________________
انتهى البآرت ..!!
توقعاتكم ..
وشو بيصير بين مشاري ورؤى..؟؟
وشو الجديد الي بيصير بين ليان وفهد..!!؟؟
وشو سر حب ام مشاري ل..رؤى..؟؟

/

/
لا تحرموننا من ردودكم وآرائكم ..
تحيآتي ..

البآرت الثالث …!!!

في شقة الخالة نورة كانت العايلة مجتمعه …
ريناد : ماما بليز خلينا نجلس .. ملل بالدمام جالسين لحالنا ..!
الأم : بس ما نقدر نخلي ابوك لحاله بالدمام ..
ريناد : ماما بابا مهب صغير .. وبعدين عادي كلها يوم واحد زياده ..
دانا : جد يمه هنا بنات خالاتي ووساعة صدر ..
الأم : شرايكم يا عيال ؟!
فهد + ريان : براحتك…. اللي تشوفينه ..
الأم : انا منب ماخذه قراري الا اذا قالت ليوونه رايها ..؟!
لين : بالصراحة أنا اقول يعني نجلس هنا وبابا يجينا وبعدين يوم يوم الجمعه بالليل نرجع للدمام ..علشان المدرسه …وش راااايكم ؟!!
الأم : اوك حلووو ..
ريان : أقول ليون ..! وش رايك تكلمين ابوي وتقنعينه ..؟! لانك انت صاحبة الفكرة ..
لين : ابشر ولا يهمك .. ان شاء الله اسكر منه وهو موافق ..
الكل : آميييييين ..
__________________________
في بيت الأهل …!
" كانو يتغدون كلهم ماعدى ندى نايمه "
الجد : الا وين ندى ما اشوفها ؟!
الجده : والله نايمه اليوم ما نامت الا الساعه 9 الصبح ..
ألاء : بروح أصحيها ..!!
الجد : لا خلك .. وين تروحين الخدامه موجوده .. الحين تروح تصحيها ….., ميري ميري ..!!
ميري : نعم بابا ..!
الجد : روحي صحي مدام ندى علشان تتغدى ..
ميري : حاضر بابا ..
___________________
عند ندى …!!
ميري : ضربت الباب ما ردت ندى ف..دخلت !!!
ميري : مدام ندى …مدااااام .
ندى : هممممممم.. <~ مهب حاسه بالدنيا ..
ميري : بابا يقول انزلي في غدى ..
ندى : طيب طيب اطلعي براا وسكري الباب ..
" ندى التفتت على الجنب الثاني ولا عطتها وجه "
________________
عزام يكلم مشعل جواااال !!!
عزام : أقول يالأخوو وش رايك نروح اليوم مع الشباب للكافي ؟!
مشعل : ما عندي مانع .. بس بشرط ….!
عزام : وشووو شرطك ؟
مشعل : على حسااااااااابك ..
عزام بثقه : ولا يهمك ….
مشعل : كفوو والله .. يلا روح كلمهم كلهم ..
عزام : ابشر .. بس انت كلم على مشاري ولد عمك وقول له يجي معنا ..
مشعل : أوك ..يلا مع السلامة ..
عزام : مع السلامه ..
" عزام كلم على العيال كلهم وقالهم ان اليوم معزومين في الكافي وعلى حسابه "
_________________
لين تكلم ابوها ..!!!
لين هلا بابا ..
أبو فهد : هلا والله ببنيتي … شخبارك ؟!
لين : تمام .. انت كيفك ؟!
أبوفهد : والله زهقان البيت مو حلوو بدونكم ..
لين : يا حياتي والله انت …. طيب بابا تعال لنا بالرياض ..!!!
أبو فهد : آمممممم .. مدرري والله .. عندي شغل بالمحل ..
لين : بابا تكفى بس يومين اليوم وبكرى رانرجع بس علشان ما تجلس لحالك ..
ابو فهد : ان شاء الله احاول ..
لين : اوك .. ننتظرك ..
أبو فهد : مع السلامه ..
لين : بايوووو..
_______________
رؤى تكلم بنت عمتها سديم ..!
رؤى : أهلييييين ..
سديم : هاي ..
رؤى : كييف الحال؟!
سديم : تمام .. وانت كيفك ؟!
رؤى : الحمدلله .. وينك يالقاطعه لاتكلمين ولا تسألين ..!!
سديم : شسوي ماعندي وقت أكلم أحد .. كل ماما تقول لي ذاكري .. طفشت ..
رؤى : الله يوفقك ..
سديم : آمييييين ..
" تمو نص ساعه وهم يكلمون تلفون .. سوالف وضحك وو….الخ "
______________
العمه أم سديم : ريهام)) 30 سنه تمووت ببنتها وما تحب تشوفها متضايق ومدلعتها على الآخر وطلباتها اوآآمر .. وبعد ماجابت سديم بنتها نصحتها الدكتوره انها ما تحمل مرره ثانيه لانه مو زين لها ..
سديم : عمرها 18سنة وحيدة ابوها و أمها ودلوعة طلباتها عندهم اوامر جميلة مغرورة ومتكبرة بس حنونة وطيبة وتحاول دائما تخفي طيبتها وتكابر لانها تعتقد ان الطيبة ضعف واهي مستحيل تظهر الى الناس ضعفها وانكسارها ..
_____________

في بيت الخال ابو عزاااام ..!!!
" ريفان عازمه بنات عمها ريناد وجود "
ريناد : بنات خلونا نسوي شي ..
جود جالسه على اللاب ..
جود بحمااس : ايوااااا لقييييييتها … وناااااااااااااااسووه ..وصرااخ وحمااس
والبنات مستغربين : وش صااااير ..؟!
ريفان راحت تلمس جبهتها : يؤ جود وش فيك هبله ؟ !
جوود : اليوم مباراة الهلال والنصر .. فللللللللللللللللله ..
رينااد بحماس : حبتييييييين .. ونااااااسه
ريفان : متى متى الساعه كم ؟!
جود : الساعه 8 بس باقي نص سااعه فللللللله ..
ريفان : ان شاء الله يفوز النصر ..
جود : لا يا حبيبتي الهلال ان شاء الله ..
ريناد : اي الهلال وفوق راسك بعد ..
وبدت الهوشه ريفان النصر وريناد وجود الهلال ..
شوي سكتووو كلهم فجأه …!!!!
ريفان شافت الساعه ..
ريفان بصراخ : السااااااااااعه 8 يلااااا ..
البنات ركض ع ال tv ..
_________________
عند الشباب في الكافي …!
معاذ : واااااااو شكله رووعه الكابتشينوا..
سلطان : أقول عزام ..كل يوم اعزمنا ..
ريان : جد والله خطيييير ..
عزام يطق على صدره وبثقه : أفا عليكم ما طلبتو شي .. ابشروو بس ..
ماجد : كفووو والله يا ابو خالد ..
فهد : اقول شباب خلونا بكرا نجتمع في استراحه ..
ريان : جد والله ..وخصوصا اننا رايحين للدمام بكرى وموجايين الا في الوكند الجاي ..
مشعل : خلاص اجل بكرااا كوولكم معزومين في استراحة ( ال….. ).. على حساب فهد ..
فهد : وشووووووو!! رح زين ..
الكل : ههههههههههه..
مشاري : شراكم نتقاطط فلوس ونخليها احسن عزيمه.. نسوع صدورنا ؟!
الكل : خلاص اتفقنا ..
عزام : يلا بدوور حبيبي روح جيب الفاتوره علشان نطلع ..
بدر : لا والله ما بعد أخلص خل معاذ يروح ..
معاذ : طير مناك .. اشر للرجال ويجيك وش صار يعني ؟!
مشعل : يا طول لسانكم ..
جا الرجال المصري ومعه الفاتوره,,!
أخذها عزام ..
الرجال كان واقف علشان ياخذ الحساب ..
عزام منصدم : ……<~ الفاتوره ناار
فهد سحب الفاتوره من يده وشافها: بل بل بل بل .. وش ذااا ؟!
مشاري : اوووووولله 425 ريال ..
سلطان : لو رايحيين نتعشى بمطعم احسن لنا ..
ماجد : لو سمحت الفاتوره مو لنا حنا طلبنا قليل وش دعوى هالسعر ..
الرجال : نعم يا سيد ..! هذي فاتورتكم شوفها وتأكد ..
معاذ ببرود : يلا يا حلووو ادفع فلوسك ..
بدر : ههههههههه ..
عزام : كل تبن زين ..
عزام فتح بوكه وما شاف فيه الا 50 ريال بس .<~ وهذا العزيمه عليه ..ووثاق الرجال ..
ما بقى شي في جيوبهم ماطلعوه ,,
لقطوو وجيهم وطلعوو وهم يتصددون لحد يشوفهم
وعزااام منحرج منهم مررررررره ..!!
وطول الطريق يتكلمون فيه ..
__________________
في بيت العم بو مشاري ..!!
" نجلا عازمه البنات في بيتهم .. "
( نجلا بنت عم ليان ورؤى وودائما مع بنات خالات ليان ورؤى لان ما عندها احد غيرهم )
البنات كانو جالسين بالصاله.. اللي تطالع ال tv واللي على اللاب واللي تسولف …الخ
شوي الا وجايتهم نجلا : بنات مشاري اخووي راح يطلع لفوق ممكن تدخلون داخل شوي ؟!
" رؤى كانت في الحمام" الله يكرمكم " وما سمعت كلام نجلا "
البنات : اوك ..
توه بيطلع مشاري لفوق الا تطلع رؤى وهي تصارخ ..: دوييين ووج……!!!!!!!
رؤى انصدمت من اللي قدامها ..
مشاري وقف ويوم شاف شكلها وهي معصبه كتم ضحكته .. وبعدها طلع لفوق بسررعه ,,
رؤى رجعت للحمام " الله يكرمكم " وهي متفشله …
نجلا شافت الموقف .. ويوم راح مشاري ..
نجلا وهي تضحك : ههههه ..اطلعي رااح ..
رؤى وهي تصارخ : يا حماره ليه ما قلتي لي انه بيجي هنا ؟؟
نجلا : هههه..ما ادري انك بالحمام " الله يكرمكم " ,,
رؤى : مشاء الله عليك ..وتضحكين بعد ..!!
نجلا : بس جد جد كان شكلك تووحفه وانت تصارخين ومتحمسه ..هههههه
رؤى تنرفت : كلي تبن ..
نجلا ببرود: ريلاكس ريلاكس ..
رؤى : اوووووووووه .. " وراحت للبنات وهي معصبه "
ليان : وش فيها الحلوه زعلانه ؟ !
" رؤى ما عطتها وجه .. "
ليان : شدعوى الحين انا حبيبتك ولا تكلميني ؟!
رؤى : ليان بلييز منب فاضيه لك ..
دانا : لا لا البنت اكييد فيها شي ..
ندى : بليييز رورو قولي لنا ..
" رؤى قالت لهم اللي تو صار "
دانا :الحين كل ذا الزعل علشان مشاري ولد عمك شااافك وانت تصارخين بس ؟ !!
ندى : طيب عادي وش فيها يعني هو اول مرره يشوفك ؟!
" طبعاا ليان فهمت السالفه لأن رؤى قايله لها من قبل اللي صار في بيت عمهم … "
رؤى تضيع السالفه : لاا بس … يلا يلا تعالوو للصاله ..
______________________
في بيت الخال ابو عزام …!!
في اخر ثلاث ثواني في المباراة !!!
ريناد بحماس : قووووووووووووول .. وناااااااسه ..
جود بهبال: حبتيييييييين ..
" ريناد وجود ظموا بعض من الوناسه "
" وريفان تلقط وجهها .. "
ويرقصون بهبااااال .. وفتحوا اغنية الزعيم ..
" ياهلال ياهلال زعيم والله زعيم ..الخ "
الا يدخل عليهم عزام ..!!!
" عزام ما كان يدري ان بنات عمه في بيتهم "
والبنات مو حاسيين بشي ..
يوم دخل شاف صراخ واغاني ورقص .. شك ان هذا بيتهم ..
عزام في نفسه : هذا بيتنا والا انا غلطان .؟!
عزام : الا هذا بيتنا شوف الصاله هي <~ يكلم نفسه هع
عزام ما استوعب ان هذول بنات ..
وجوود رقصها كله هبال ولا تطالع احد وهي ترقص… صدمت بعزااام .. !!!!
عزام وهو مرتاع: بسم الله الرحمن الرحيم .. من انت .؟؟!
جود تو تنتبه : ها…؟!.آممممم.. آسفه ماكنت عارفه ..
جود حطت رجلها وبسررعه راحت لأقرب غرفه ..
ريناد يوم شافتها تركض بسرررعه راحت معها ..
عزام في نفسه : ياحليلها هبله ..
ريفان كانت فوق وتوها تنزل …
ريفان : عزاااااااااااااااااااام !!!
عزام يصرف الموضوع : يا هلا والله ب ريفان اختي .. كيف حالك ؟! اقول من هالهبلات اللي عندك ؟!
ريفان : يا حسره ياحسره ان شاء الله شفتهم وهم يرقصون ؟!
عزام : ايوا شفتهم .. انت ما قلتي لي انهم في بيتنا كان كلمتك وقلت لك اني ما بجي ..يعني الغلط منك
ريفان : طيب يلا خلصني وروح فوق ..
عزام : بس انا جوعان ..
ريفان : والله هذا مو شغلي روح اطلب لك من مطعم ..
" عزام حاب ينرفزها .."
عزام : مو مشتهي من مطعم ..
ريفان : قول للخدامه تسوي لك شي تاكله ..
عزام : بس الخدامه مو هنا انا بفنسي موصلها مع امي لبيت اهلي ..
ريفان : اوووووه صح نسيييت .. طيب والمطلوب مني الحين ؟!
عزام : انك تسوين لي شي آكله ..
ريفان : لا والله .!! روح زين ..
عزام يستهبل: يعني اروح غرفتي وتجيبين لي ؟ !
ريفان : عزام لو سمحت منب فاضيه لك ..
عزام : اجل فاضيه لمنووو ؟؟
ريفان : أوووووه..
عزام : لحظه لحظه نسيت اعزيك على خسارة النصر .. <~ هو هلالي ..
ريفان بعصبيه : عزاااام خلاص عاد وخر عن وجهي ..
عزام : اوخر عن وجهك وين اروح ؟!
" ريفان تركته وراحت للبنات .. "
عزام يصارخ : تعالي تعالي امزززح ..
ريفان : خير نعم وش تبي ؟؟!
عزام : بسئلك من اللي لابسه بلوزه رماديه وبنطلون أسود ؟!
ريفان : وانت شكوو ؟!
عزام : لا بس حبيت اسأل ..
ريفان : جوود بنت عمي ..
عزام : أهااا .. طيب يلا عطيني مقفاك يلااا ..
ريفان : الشرهه مو عليك الشرهه على اللي يعطيك وجه .. " ورااحت "
" عند البنات "
جود : يافشلتاااااه يا فشلتاااااه ..
ريفان فتحت الباااب .!!!!
جود بصرااخ : ياااااازفته ليه ما قلتي لي ؟؟!
ريفان : وشوو اقولك ؟
جود : ريفان لو سمحتي بلا بقاره ..
ريفان : لا جد وشووو اقولك ؟!
جود : ان اخوك بيجي ..
ريفان : أهااا ..والله انا توني اعرف .. ليه صاار شي .؟!
جود : شافنا واحنا نرقص .. وانا من بقارتي وهبالي صدمت فيه ..
ريفان : هههههههه .. من عذر يسأل عن اسمك ..
جود وهي رافعه حاجبها : يسأل عن اسمي ؟!!
ريفان : اي والله .. يقول " من اللي لابسه بلوزه رماديه وبنطلون اسود " <~ تقلد صوته ..
جود : وان شاء الله قلتي له اسمي ؟!
ريفان : اي قلت له ..
جود : يا حسرتااااااااااااااااااه و يافشلتاااااااااااااه ..
ريفان + ريناد : هههههههههههههههه..
______________________
نعرفكم على عايلة ابو عزام : (( خالد )) حنون وطيوووب مرره ومافي اهم من عياله وزوجته بالدنيا ذي كلها..
أم عزام : مثل كل ام حنونه تموووت بعيالها وزوجها وتاخذ من طباع زوجها واااجد
عزام: عمره 21 سنه ضعيف واسمر خشمه طويل شعره اسود وناعم هادئ بس اذا عصب محد يقرب صوبه ..
ريفان : دفشة وخجولة وبريئة (شلون تركب ما ادري ) طويلة وملامحها جميلة تاخذ من ملامح اخوها بدر واجد .. عمرها 18 سنة
بدر : حنطاوي وعيونه خضرا طويل وضعيف وحنون وهادئ وعليه برود يقهر الواحد عمره 16 سنه ثالث متوسط ..
______________________
في بيت الاهل ..!!!
" في الصاله كانت ندى والجده وألاء جالسين عند ال tv .. والجد نايم في غرفته .."
ندى : يلا تصبحون على خير ..
الاء : وين تو الناس .. !؟
ندى : بروح أنام اليوم طول الوقت طالعه ..
ألاء : براحتك .. وانت من اهله ..
" الجده كانت شوي تعبانه "
ألاء : يمه فيك شي ؟! شكلك تعبانه ..!!
الجده : لا ما فيني شي بس صداع في الراس خفيف ..
ألاء : اخذتي دواك اليوم ؟!
الجده : لا والله ما اخذته .. ماله داعي تعبت من الادويه والحبوب ..
ألاء : يمه لازم تاخذينهم هذي أوامر الطبيب .. ما يصير كذا ..
الجده : ان شاء الله .. يصير خير ..
______________________
في بيت الخاله ليلى ..!!
رنيم : ماما بكرى وشوو ألبس في بيت هلي ؟!
الأم : والله البسي اللي يريحك ..
رنيم : آمممممم.. أنا محتاره وشوو البس عندي ثلاث بدل ومدرري أي وحده البس ..
الأم : وشوو هم البدل ؟!
رنيم : البلوزه الصفره اللي مرسوم فيها بنت وبنطلون جنز , والا التنوره القصيره اللي فيها زخارف مع البلوزه الاورنج , والا الفستان الأسود ؟!
الأم : انا افضل انك تلبسين البنطلون لان هي مو عزيمه مرره كبيره بس اهلك بنتغدى وبنتقهوى وبنطلع ..
رنيم : اوك .. خلاص البس البنطلون ..
معاذ : السلام عليكم ..
" معاذ كان طالع مع بدر ولد خاله "
الأم : وعليكم السلام ..
رنيم : هلاااا ..
معاذ : قلنا السلام عليكم ..
رنيم : فكنا زين ..
" راحت فوق "
معاذ : شفيها ذي ..؟!
الأم : مدرري والله .. يمكن راحت تنام ..
معاذ : بكيفها ..
___________________
نعرفكم على عايلة ام مشعل : ليلى .. انسانه قلبها طيب وتتمنى الخير لكل الناس .. وداايم تحب تجمع عيالها حوليها
مشعل : 23 سنه جميل لابعد درجه ملامحه حاده ملامح خليجيه عيونه وسااع وكحليه .. والي محليه اكثرسكسوكته الغامقه ..
رؤى : سبق وعرف ..!
جود : سبق وعرف ..!
معاذ : 16 سنه ثالث متوسط يشبه اخووه مششعل في كل شيء الا التصرفات هو يموت بالهواش بينه وبين خواته وخاصة رنيم ..
رنيم : سبق وعرف …!
________________
في بيت الاهل …!!
" كل يوم جمعه الاهل يتغدون في بيت اهلهم "
أبوم عزام : أقول نورة متى رايحيين للدماام ؟!
أم فهد : اليوم في الليل بعد صلاة العشاء .. ان شاء الله ..
ابو عزام : توكم جايين الاربعاء .. وش يوديكم للدمام ؟!
أم فهد : والله علشان دراسة العيال والبنات ..
أبو عزام : اهااا ..
ندى : تفضلو على الغدى ..
" الكل راح يتغدى ما عدى ليان ورؤى "
ليان : وعع بكراا المدرسه ..
رؤى : الله يعافيك لا تذكريني خليني استانس اليوم ..
ليان : ههههههه .. يلا قومي نتغدى ..
رؤى : يلاا ..
" وهم رايحين لغرفة الطعام ليان تذكرت ان بيكون قدام كرسيها فهد ..!! "
ليان تكلم رؤى :يؤ يا حسره قدامي فهد .!!
رؤى : هههههه.. طيب عادي بياكلك هو ؟!
ليان بخفيف : وش رايك ما نتغدى ؟!
رؤى : هههه..كل ذا علشانك بتجلسين قدام حبيب القلب .؟!
ليان : كلي تبين .. ترى حتى انت بتاخذين راحتك يعني قدامك عزام وجنبك ماجد ..
رؤى : على الاقل انا اهون منك ذولي عادي ما يهتموون وبعدين متعوده يا ماما بس انت بيقعد يناظر فيك طول الوقت ..
ليان : اووووه خلاص انا بقول لهم اني شبعانه . . منب مااكله ..
رؤى : تعالي يا معوده شدعوى .. طيب مو اول مرره تجلسين في ذا المكان اصلا هذا مكانك .. وهذاك مكانه يعني خذي الموضوع ايزي ..
ليان : بس هو مايكون موجود .. وبعدين الحين غير شافني بدون عباية .. يعني فشله….طيب رورو حبيبتي وش رايك تجلسين في مكاني وانا اجلس في مكانك ؟!
رؤى : ما يصير .. بيشكوون الكل بيسأل ليه غيرتو اماكنكم لانهم متعودين كل واحد وفي مكانه ..
ليان : آممممم .. طيب شسوي ؟!
رؤى : اقول بس تعالي ..
" رؤى راحت تتغدى وتركتها "
ليان اوووف تركتني وراحت الحمااره ..
الجد : ليان يمه تعالي تغدي وينك ؟!
ليان ابتلشت : هااا ؟! ايه الحين جاايه جاايه ..
" وراحت ليان وجلست في مكانها ."
_____
في غرفة الطعام ..!!
" كان الكل جالس .. ومافيه الا كرسيين ل.. ليان و رؤى.. واحد جنب ندى وريناد وقدامهم فهد والثاني جنب ماجد و لين وقدامهم عزام "
( ملاحظه : البنات ما يتغطون بس يتحجبون عن عيال خالهم وخالاتهم ) ..
فهد كل شوي رفع عينه وناظرها ..
الكل ياكل ويسولف وليان مستحيه ..
" وندى شكت في الموضوع فهد يناظر ليان وليان مستحيه وما تاكل …!!!! "
ليان : مشكووره خالتي على الغدى .. عن اذنكم ..<~ تقصد خالتها ألاء
ألاء : بالعافيه قلبي ..
ليان : الله يعافيك ..
الجده: وين تو ما اكلتي يا بنيتي ..
ليان : والله شبعانه يمه ..
أم ليان : وشوو شبعانه .!؟ ما اكلتي اليوم شي ..
ليان انحرجت : آممم .. والله ماني مشتهيا اكل .. " ورااااحت "
ندى : فهد !!
فهد: آمري ..
ندى : ….. " تو بتتكلم الا بدر يقول "
بدر : خالتي حطي لي شوربه ..
ندى : ان شاء الله ..
لين : وانا بعد حطي لي شوي ..
ندى : طيب
فهد : الله يعافيك يا خالتي ما قصرتي ..
ألاء : بالعافيه ان ان شاء الله ..
" راح فهد للمغاسل .. وشاف ليان تغسل هناك .. "
فهد بعيون حايره : ليان ..!!
______________
انتهى البآرت ..!!!
توقعاتكم ..
عزام لما عرف انها جود تتوقعون راح يحبها والا ؟!
تتوقعون ندى بتعرف اللي صار بين ليان وفهد ؟
فهد وش كان يبي في ليان ؟!!
/

/

/
لا تحرموننا من ردودكم وآرائكم ..
تحيآتي ..
_______

البارت الرابع..

فهد بعيون حايره : ليان.!!!
ليان : هلا
فهد : اخبارك؟؟
ليان : الحمد لله تمام…وانت؟؟
فهد بابتسامه : دووووم ..انا بخير
ليان : تسلم
فهد : الله يسلمك ….طيب ليه ما كلتي ؟؟
ليان استحت لانه هو السبب : لا والله بس ماني مشتهيه..
فهد : اهاااااا …
ندى كانت رايحة ناحية المغاسل عشان تغسل يدينها وشافت ليان وفهد وهم يتكلمووون….!!
ندى بنفسها : انا متأكده انه في شي ومصيري بعرفه …اوريك يا ليوون
وغيرت اتجاها وراحت لدورة المياه الثانيه ..
_____________
" العيال بعد ما خلصوا غدى على طوول طلعوا وراحوا الاستراحه الي كانوا حاجزينها.. "
والبنات والحريم جلسوا يتقهوون ..
رؤى تدوور بدلة القهوه …. رؤى : امي تبغين شاهي ولا قهوه ؟؟.!!
الجده : الله لا يهينك عطيني قهوه..
رؤى مدت الفنجال الجده: سمي ..
الجده خذت الفنجاال : سم الله عدووك …. والله كبرتوو وصرتووو حريم وقريب معااريس ..
رؤى انقلب وجهاااا احمرر : لا يا أمي تونا صغاار…
رنيم كانت جالسه يم الجده وسمعتهم : هههههههههه بس امي شوفي وجهها كيف صار..
رؤى : اقوول روحي منااااك …. ورن جوالها ..
رؤى : عن اذنكم..
الجده : اذنك معك …
رنيم للجده : يا امي ما تدريين قد ايش احبك ولا اقدر اتخلى عندك <~ متعلقة فيها مرره..
الجده : وانا اكثر يا روح جدتك انتي ..
لين : أمي بشتاق لك .. الحين بنرووح وانا ما جلست معك ..
الجده : يا حبيبتي والله انت خلاص الاربعاء الجاي ان شاء الله تجوننا .. واجلس معك انت ورنيم طووول الوقت .. ولا بعد بخليكم تنامون عندي..
لين: والله .؟! وناااااسه ..
رنيم : فلللله.. بننام في بيت أهلي مع جدتي وجدي ..
رنيم + لين : راحو باسو راسها من الفرحه ..
" وجلسوو يسولفون الى حوالي نص ساعه وبعدين كل وحده راحت لبيتهم "

عند البنات في غرفة ندى … ما كان فيه الا ندى وليان ..!!!
ندى : ليان !
ليان : هلا ..
ندى بنظرات مكر: وش الي بينك وبين فهد .؟!
لياان ارتبكت : هاه …آآآ آآآ آآ مافي شي ..ليه انتي شايفه شي؟!
ندى انتبهت لارتباكها وبصمت بالعشره انه فيه شي : معقوله ما تقولين لي ؟؟؟
ليان بصوت يرجف : ايش اقووولك ؟
ندى : انا لاحظت اليوم على الغدى … وشفتكم يوم كنتووا عند المغاسل ..!
ليان انحرررجت مووت وما تدري ايش تقول : امممممم السالفه وما فيه دخلت عليهم رؤى
رؤى جاايه تركض : ها ها ها ها <~ تتنفس بسرعه..
ليان بصوت وااطي : الحمد لله انقذتني ..
ندى : ايش فيك عجله..؟؟ ركدي شووي
رؤى : ليوون عليك طلبيه
ليان : عن الالغااز وقولي مين ؟؟
رؤى تغمز لها بدون ما تنتبه ندى : خالتي نوره تبيك تقول من زمان ما جلست تسولف معك..
ليان : اوك … عن اذنكم ..
ندى و رؤى : اذنك معك..

عند العيال بالاستراحه !!
" فوووضة الي على الابتوب والي يلعبون بلووت والي يسولفون ….الخ "
ماجد وريان سلطان عزام يلعبون بلووت ..
سلطان : عزاموه خلصنا وألعب
عزام جاته رساله وجلس يقراها : دقايق ووارجع..
ماجد ضربه على راسه بخفيف : ياخي خلصنا..
عزاام : طيب طيب وهذاني لعبت ..
::::
مشعل : مشاري بغيت منك الملزمه الثالثه هي عندك ؟!
مشاري : ايووه عندي اياها في سيارتي ..
مشعل : اذا جيت اوصلك للبيت عطني اياها ..
مشاري : خلاص اووك..
:::
" معاذ جالس ع اللاب .. وبدر بناظر ال Tv "
معاذ بصوت خفيف علشان ما يسمعونه العيال : بدير بدير تعال بسررعه ..
بدر : هاااااا؟!
معاذ : بنت بنت تكلمني في البلياردوو شوف وش تقول ,!!
بدر فز من مكانه : بنت ..!! وشوو تقول ؟!
معاذ : شوووف وانت ساكت لا يسمعوننا العيال ويفضحوننا ..
بدر : اقول معاذ تكفى خلني العب معها شوي ..
معاذ : رح زييييين .. انا ما صدقت بنت تعطيني وجه تروح تاخذها مني ..

عند ليان وام فهد..!!
ام فهد : شخبارك يا بنيتي ؟؟
ليان : والله تمام الحمدلله .. انت يا خالتي كيف حالك ؟!
ام فهد : الحمدلله ..
ام فهد : شخبار الدراسه معك ؟؟
ليان : الحمدلله.. بس تدرين ثالث يبيلهاا نسبة ..
ام فهد : الله يوفقك ويسهل دربك..
ليان اكتفت بابتسامه..
" الا تجيهم دانا و ريناد .."
دانا : شعندهم الحلوين يتسااسرون ؟!
أم فهد بمزح : بس كملووو الملقوفتين ووصلووا ..
ليان + ريناد + دانا : ههههههههههه..
ريناد : يلا يلا قولو لنا وش عندكم جالسين لحالكم ؟!
أم فهد : ما عندنا شي.. بس والله من زمان عن ليان وقلت خلوني اسولف معها شوي ..!
وريناد : اهااااا…
دانا : قولو كذا من زمان ..

" عند ندى و رؤى "
ندى : رؤى ..!
رؤى : هلاااا..
ندى : بسألك سؤال وجاوبيني بكل صرراحه ..!!
رؤى : ترااك خوفتيني قولي..
ندى : ايش الي بين فهد وليوون ؟!
رؤى ارتبكت : هآآآ … ايش بيكوون بينهم يعني ؟؟
ندى : ترى مو انا اللي ينلعب علي !!
رؤى : يووووووه وانا وش دخلني سالي ليوون تقولك ..
دق الباب وكاانت رنيم ..!!
ندى : ميين؟؟
رنيم : انااا رنيم ..
ندى : دخلي يا حبيبتي ..
دخلت رنيم :: رؤى تقولك ماما يلا بنرووح !!
رؤى توها بتتكلم الا تقاطعها ندى … ندى : لا هم بيتموون معي اذا جاا العشاء خليت السواق يوصلهم..
رنيم : اووك بقول ل ماما..
رؤى : لا لا انا الحين بنزل واقوول لها..
ووقفت .. رؤى : عن اذنك !!
ندى : اذنك معك..
_________________________
" رؤى نزلت وشافت لياان طالعه الدرج .. "
رؤى : ليوون وين رايحه؟؟
ليان : برووح اجيب عبايتي فصختها بغرفة ندووش.!!
رؤى : لا ندووش تبينا نجلس عندها شووي .. انا الحين برووح اقول ل أمي تعالي معي..
ليان : اووك يلا..
وهم يمشوون مع بعض … رؤى : ليوون فاااتك ندى وش سألتني من دقايق ..!!
ليان خاافت : وش سألت ؟؟
رؤى : وش فيك خاايفه كذاا.؟!!
لياان عصبت : لا تلعبين بعصاابي.. وش قالت ؟؟
ووقفت ولفت رؤى ناحيتها وصاروا مقابلين بعض ..!!!
رؤى مستغربه : طيب طيب لا تعصبين ……. قالت لي ايش الي بين ليان وفهد ؟؟
لياان : يااااااااااا ربي ..
رؤى : ليه هي سألتك قبلي..؟!
ليان : اي .. ايش اسوي؟؟
رؤى : طيب هي وش درراها …. تتوقعين سمعتنا واحناا نتكلم.؟؟
لياان : لاااا هي قالت لي..
رؤى : ايش قالت ؟؟
ليان : تقوول انها لاحظت علي اليوم وانا مستحيه وهو كل دقيقة يناظر فيني ويووم كنا عند المغاسل شاافتنا نتكلم ..
رؤى رفعت حاجبها :عند المغاسل ؟!
ليان : ايوا عند المغاسل .. يوم رحت للمغاسل… ما راح الا للمغسله اللي انا فيها اووف ..
رؤى : ايش كنتوو تقولون ؟؟
ليان : لا بس كان يسأل عن اخباري .. وليش ما اكلت ..
رؤى : اهاااااا ..
______________________________
"وستأذنوووا من امهااتهم ورضوا لهم وبعد صلاة العشاا يرجعوون"
عند العياااال اللي ما زالوا في الاستراحه..!!
وقف فهد ووقف معه اخووه ريان : يلا مع السلااامه ..
مشاري : ماشي الشرقية .!؟
فهد : أي والله مااشي نبي نوصل قبل الساعه 10 ..!!
مشعل : ياخي خلكم توو الناس …
رياان : حنا خمس دقايق ونخلص.. الكلام مو علينا الكلام على الي جالسين في الشقة ..
فهد : وبعدين بنرووح لأمي نسلم عليها وانتوو تعرفونها عدل لازم بتخليناا ساعه كامله وقهووه وشااهي وتمررر ..!!
عزاام : طيب دقووا مو تقطعوون ترى انا بس الي ادق اخر شي فاتورتي بتوصل 1000 بسببكم ..
ريان : احد قالك كلم ؟!
عزااام : ما اقوول الا خير تعمل شر تلقى ..
ووقفوا الشباب وسلموووا على فهد ورياان بعدها ..
قام عزام ومسك يد فهد واليد الثانيه ريان ووداهم الى باب الخيمة..!!
عزاام فك يدينه من يدينهم : يلا يلا مع السلاااامه ..
ريااان وفهد : ههههههههههههه مع السلامة ..
وطلعوا وركبووا سيارة فهد ورااحوا لبيت أهلهم ياخذون أمهم وخواتهم..!!
_________________________________
" في بيت الاهل الكل راح بيته الا عائلة أم فهد والبناات كلهم. "
___________________________

عند البنات …!
ندى قفلت موضوع ليان وفهد ولا عاااد افتحته مرره ثانية ..!!!
رؤى : والله طفش..
ليان : وانا اكثر منك …
ريناد: ياااا ربي ايش نسووي؟!
ريفان : شرايكم ننزل تحت للحديقه ..
دانا : أي والله جد على الاقل نشم هواء شوي ..
ندى : يلاا خلونا ننزل ..
البنات : يلااااا ..
__________________________________
رنيم تكلم شهد بنت عمها تلفون ..!!
رنيم : اهليييين ..
شهد : هلاا والله ..
رنيم : شخبارك ؟!
شهد : الحمدلله..انت كيفك ؟!
رنيم : تمام .. اقول شهد ..
شهد : هلااا..
رنيم : حليتي واجب القواعد ؟!
شهد : ايواا .. من زماااان خلصته ..
رنيم : مشاء الله عليك .. دافووره ..
شهد : هههههههه .. قولي ماشاء الله ..
رنيم : ما شاء الله .. يلا نقليني الجواب ..
شهد : اياا الكسلانه .. حليه لحالك ..
رنيم : وانا فاضيه افكر .. يلا يلا بس عطيني ..
شهد : اوك .. جواب السؤال الاول ……….!!!
" تمو يسولفون نص ساعه .. وبعدها كل وحده راحت تنام "
_________________________
" العيال توهم طالعين من الاستراحه.. "
مشاري ومشعل في سيارة مشعل ..!!
مشعل : اووف بكره علينا ذاك الدكتور الغثة ..
مشاري : هههههههههه اللي طردك ذاك اليوم …
مشعل : اسكت والي يرحم وااالديك..
مشاري : والله يا حلوو عيال خالاتك خطيييرين ..
مشعل : بعدك ما شفت شي ..
مشاري : طيب ذكرني الملزمة اعطيك اياها لا انسى ..
مشعل ضرب جبينه بيده : تصدق نسيت ..!!
مشاري : والله ادري انك نسااااي وبمرتبة الشرف ..
مشعل : ههههههههه ..
مشعل جاااه مسج من رؤى .." ميشووو حبيبي انا بيت جدي اذا خلصت مرني "
مشعل : اوووف ..
مشاري : وش فيك ؟؟
مشعل : رؤى تبيني امرها بيت جدي..
مشاري : طيب ليه ما تمرها.؟!
مشعل : بس مالي خلق ..
مشاري : اقوول عن الكلام الفاضي ويلا خلصني على بيت جدك ..
مشعل : احلاا يلي يدااافع ..
مشاري ارتبك : هاه .. لا ادافع ولا شي…
وصلوا بيت الجد ومشعل دق هرررن ل رؤى علشان تطلع ..
طلعت رؤى ولا انتبهت ل مشاري الي جالس قداام يم مشعل لان السياره كلها مظلله ..!!!
وتجي برجتها المعتاده وتفتح الباب القدامي مكان ما مشاري جالس ..
رؤى برجه : كااان ما جييت .
انتبهت لمشاري الي كاتم ضحكته … وعلى طوول سكرة الباب وفتحت الباب الي وراه ودخلت ..
رؤى تكلم مشعل : اممممم سوري ما كنت ادري انه معك احد..
مشعل : ههههههههههههههههههههه مو مشكله..
_______________________________________
في الحديقه عن البنات …!
دانا جاها مسج من ريان .. " داانا انا وفهد الحين جايين لكم بنسلم على امي وابوي وبنطلع تجهزووو "
دانا : اووووه الحين بنروووح ..
ريناد : ومن قالك انت .؟؟!
دانا : ريان توه مرسل لي مسج انهم بيجوننا هو وفهد في الطريق ..
ريناد: يا الله ..
دانا : بنات الحين فهد وريان .. راح يدخلون شوي .. وش رايكم ندخل داخل ؟؟!
البنات : اوك ..
" دخلوا البنات وراحوا الصالة "
بعد خمس دقايق جاوا فهد وريان….
فهد من ورى الباب : يمه ..!
الجده : حياك حياك..
دخلوا فهد وريان وسلمووا على جدهم وجدتهم وباسوا راسهم وبعدها اجلسوا
ليان اتصلت على سلطان علشان يجي وياخذها ….
وبعد 10 دقايق رن جوال ليان..!!
ليان : هلا سلطان..
سلطان : انا عند الباب طلعي ..
ليان : اوك ….. وسكرت السماعه..
ليان سلمت عليهم كلهم وعيون فهد تلاحقها الى ان طلعت من الصالة وكان وده يلحقها
وهذا الشي لاحظته ندى بس ما علقت على أي شيء…

" عند رؤى مشعل الي توهم داخلين البيت .."
مشعل : الله يقطع بليسك فشلتيني قدام الرجال ..
رؤى : وانا ايش دريني انه معك في السياره .؟!
مشعل : عميااااا..
الاثنين : ههههههههههههههههههههههههههههههه…
دخلوا الصالة وشافوا ام مشعل تكلم تلفون ويمها جود جالسه على االلاب ومعاذ على ال tv…
ام مشعل : الحمد لله بخير …… الله يسلمك ……. ان شاء الله بقوله ……. مع السلامه ..وسكرت السماعه..
اول ما سكرت ام مشعل السماعه…. رؤى : يمه من كنت تكلمين ؟؟
معاذ : يااااا لقفك ..
رؤى : وانت من الي كلمك؟؟
جود طنشتهم : ايه يمه مين الي كنت تكلمينها ؟؟
مشعل : جاات الملقوفه الثانية ..
معاذ : بنات ما ينشره عليهم..
ام مشعل : عن الهذره الزايده هذي.. عمتكم ريهاام..
معاذ : وش تبغي؟؟
رؤى : الحين من طلع الملقوف انا ولا انت .؟!
الكل : هههههههههههههههههههههههههههههه
ام مشعل : عازمتنا على الغدى ببيتهم بكره…
مشعل : بس احنا ..؟؟
ام مشعل : لا كل عمامك وعيالهم وحريمهم وترى لزمت علي انكم تجوون..
مشعل : والله على حسب محاضراتي …
معاذ : الله واكبر ياا الدافور يعني ما تقدر تفوت محاضره وحده..؟!
مشعل : يا حلاتك وانت ساكت ..
رؤى وقفت : يلا تصبحون على خير ..
الكل : وانتي من اهله..

" في بيت الجده "
فهد وقف : يلا يمه احنا ماشين..
الجد : خلكم شوي ما بعد نشبع منكم..
ندى : ايه والله بس شوي..
ام فهد : لا والله شوفي الساعه كم … وبكره دووامات ومدارس..
الجد : الله يعين…
الجده : الله يوفقكم ان شاء الله .. ويسهل دربكم ..
الكل : آآآآميييين ..
وقاموا وسلموا عليهم ووصلوهم الى الباب الشارع…
الجده : في حفظ الرحمن يا وليدي …
الجد : انتبه للطريق .. لا تسرع ..
فهد : ان شاء الله ..يلا مع السلاامه …… " وطلع وسكر الباب.."

في اليوم الثاني الصبح .. الساعه 5 ونص ..!
" في بيت العم ابو مشاري "
ام مشاري : شهوود حبيبتي يلا قومي..
شهد : هممممممممم ..
ام مشاري : يلا عاااد حبيبتي قومي وراك مدرسه ..
شهد :ة يمه تكفين خليني اغيب ..
ام مشاري : غيااب ما فيه يلا قومي … استناك تحت..
شهد قامت: يااااااااا ربي يعني لازم اروح..
" وبعدها بدلت ملابسها وتروشت ونزلت تفطر .."

" بيت الخال ابو عزاام…. على الفطوور "
ابوعزاام: الله يعافيك يا بنيتي صبي لي شاهي..
ريفاان : ان شاء الله ..
ام عزام : بدر وش فيك ما تااكل ؟!
بدر ونصه نووم : مااني مشتهي ..
عزااام : منت مشتهي ولا فيك النووم..؟!
بدر : والله لو اقدر انام كان نمت ..

في بيت العم ابو مااجد
ابو ماجد : ياا عيال لا تنسوون اليوم بيت اختي ريهام..
ماجد وسلطاان : ان شاء الله يبه..
ام ماجد ل..ليان : وانتي لا تتأ خرين اليووم ..
ليان : ان شاء الله …. يلا باااااااااااااي ..
" وطلعت وركبت السياره مع السواق وراحت مدرستها "

" في مدرسة رؤى ولياان "
رؤى شافت صديقتهااا من بعيد..
رؤى وهي تأشر بيدهااا : رغوود رغوود تعالي …!!
جات لها رغد وسلمت عليها..

نعرفكم على رغد : بنت مرررره بريئة وتنحب بسرعه شعرها قصير وناعم وعيونها عسليه وبشرتها بيضا باختصار كلها على بعضها كيوووت .. عمرها 19 سنه ثالث ثنوي ادبي … تو متعرفه عليها رؤى من كم يوووم ..

رؤى : اخباارك رغوود ؟؟؟
رغد : تمام … وانتي اخبارك ؟؟؟
رؤى : دوووم … تمام الحمد لله ..
رغد : دووم يا قلبي مو يووم …
رؤى تأشر على ليان: هذي ليان بنت عمي ..
رغد: يا هلا والله .. تشرفنا ..
ليان اكتفت بابتسامه ..
ورن الجررس يعلن بداية الحصة الاولى…..
" طبعا ليان ب فصل لحالها .. ورؤى ورغد بفصل .. لأن ليان علمي ورؤى ورغد أدبي "
رؤى : يلا قومي نروح الفصل …
رغد : يلا …. وراحوا فصلهم..
_____________________
انتهى البارت…!
هالبارت مافيه توقعات…. بس علشان مافيه توقعات قولولي وش احسن شخصيه عجبتكم من البنات والأولاد ؟!

/

/

انتظر جواااابكم …!
تحيآآتي ..

روايه جميله
يعطيك العافيه
وياليت ماتتأخرين بكمالها
وراجعي القوانين حتى تعرفين
دمت بخير
يسلمو ع الروايه الحللوووووووووه

وتكفين كمليهاااا

البآرت الخامس …!!

" في بيت العمه ريهام ..الساعه 10 الصبح "
أم سديم : سودارتي سوي شوربه … <~ سودارتي الخدامه ..
سودارتي : طيب مدام ..
أم سديم تكلم أبو ماجد ..<~ أخوها ..
أم سديم : السلام عليكم ..
أبو ماجد : وعليكم السلام ورحمة الله ..
أم سديم : شخبارك .؟!
أبو ماجد : الحمدلله .. كيف الحال .!؟
أم سديم : بخير دامك بخير … اقول بو ماجد ..!
ابو ماجد : آمرري .
أم سديم : لا تخلي اليوم .. لازم تجي ع الغدى انت وام ماجد والعيال ..
ابو ماجد : ان شاء الله …
ام سديم : حيااااك ..
________________________
" في بيت الاهل "
" الجده كانت تعبانه مررره وماصحت من النوم للحين "
والجد كالعاده يا في المزرعه او في المحل …
ندى كانت توها جايه من الجامعه ….!!
ندى: يمه يمه ….
ميري : ما ما نوم ..
ندى : غريبه نايمه الحين .. متى نامت ؟!
ميري : ماما .. ما في قوم كلا نوم ..
ندى خافت : شلون ؟!
" وبسرعه ندى راحت لها في غرفتها تشوف وش فيها .. "
_______________________________
في بيت أبو مشعل ..كانو العيال توهم جايين من المدرسه …!
أم مشعل : رنيم يلا ماما بسرعه لبسي علشان ما نتأخر ..
رنيم : ان شاء الله ماما ..
جود : يلا يمه انا خلصت خلينا نطلع ..
أم مشعل : انتظري ما بعد يجون رؤى ومشعل ..
" شوي الا يرن التلفون .. ! "
كانت رؤى اللي على التلفون مكلمة من تلفون المدرسة ..
أم مشعل : جود حبيبتي روحي شوفي من اللي في التلفون ..
جود : ان شاء الله ..
رؤى : الووو ..
جود : هلا …
رؤى : جوود وين أمي .؟!
جود : لحظه شوي ..
جود : يمه تعالي رؤى على التلفون ….!
أم مشعل : ان شاء الله ..
رؤى : يمه مشعل ما جاني تأخر ..
أم مشعل : اكيييد ما بعد تخلص محاضرته .. خلاص تعالي مع ليان بنت عمك ..
رؤى : طيب .. وكلمي على مشعل وقولي له لا يجي ..
أم مشعل : ان شاء الله …
__________________
في بيت الخالة أم ركان …!
رزان : واااء وااااء وااااء ..
أم ركان كانت شايله رزان على كتفها : رزووونه حبيبتي خلاااص .. لولياتي تعالي خذي رزان بسررعه خليني اسوي الغدى الحين يجي بابا .. <~ لولياتي الخدامه ,,!
لولياتي وهي تركض : طيب طيب ..
_________________
في سيارة سلطان ,,!
ليان : سوسو حبيبي مشتهيا ايسكريم .. وربي حرر ..
سلطان : اذا مرينا ع السوبر ماركت اشتريت واذا ما مرينا خلاص منب شاري ..
ليان : وشووو سوبر ماركت ؟! لا يا حبيبي ما ابي من السوبر ماركت ووع .. تكفى روح باسكن روبنز ..
سلطان : طرارة ومتشرطه بعد ..
ليان بدلع : بليييييييييز ..
سلطان : طيب .. رورو.. وش تحبين أي ايسكريم ..؟!
رؤى : آمممممم.. توفي ..
سلطان : وانت يا ليان .!؟
ليان بمزح : وش معنى تدلع رؤى ولا تدلعني .؟!
سلطان : والله رؤى اختي .. <~ رؤى اخت سلطان من الرضاعه
ليان : وانا مو اختك .!؟
سلطان : اختي بس اربعه وعشرين ساعه قدامي ..
ليان: أمآآ عاد يعني رؤى اللي ما تشوفها كللش .. اقول بس جيب لي ايسكريم اوريووو ..
سلطان : وش طول لسانك … طيب ..
____________________
في بيت الاهل …!!!!
ندى بخووف : يمه حبيبتي وش فييك .؟!
الجده صحت وكانت حاطه يدها على راسها : ما فيني شي بس راسي يألمني شوي ..<~ الجده كانت تعبانه مرره بس تعرفون الامهات لازم يكابرون ..
ندى : يمه اكلم على اخو ي خالد اخليه يوديك للمستشفى ؟!
الجده : لا لا تكلمين على احد ولا تقولين لاحد خلاص انا بخير مافيني شي ..
ندى : طيب اجيب لك دواك ؟!
الجده : أي صح نسيت آخذه .. عطيني اياه شوفيه هنا في الكومادينه ..
ندى : ان شاء الله ..
______________________
في بيت العمه أم سديم …!!!
" تو دخلو عائلة بو مشعل "
أم سديم : يا هلا والله ومرحبا .. تو ما نور البيت ..
بو مشعل : منور بأهله ..
ام مشعل : تسلمين حبيبتي ..
أم سديم : حياااكم حياااكم … سديم يمه تعالي سلمي على خالك وزوجة خالك ..
سديم : طيب ماما .. الحين جايه ..

في بيت العم ابو مشاري ..,,!
ابو مشاري : يلا يعيال تأخرنا ..
نجلا : طيب طيب يبه بس ألبس جزمتي ..
ابو مشاري : وين مشاري الى الآن ما جا ؟؟..
شهد : يبه هو كلم وقال بيجي بعد ربع ساعه هو ومشعل ولد عمي لان عندهم محااضره وما بعد تخلص
ام مشاري : روجينا روجينا جيب عبايه انا < ~ روجينا الخدامة
نجلا : وانا بعد جبيها ..

" عند مشاري ومشعل في القاعة الي فيها المحاضرة "
مشعل بصوت وااطي عشان الدكتور ما يسمعه يكلم مشاري اللي جالس يمه : اووف وذا متى بيخلص
مشاري : والله اني ميت جووع
مشعل : وانت بس تااكل
مشاري ومشعل بصووت واطي : هههههههههههههههههههه
الدكتور انتبه لهم : خير فيه حااقه هناا ؟.<~ مصري
مشاري حاول يمسك ضحكته : لا سلامتك …كمل كمل ..

في سيارة ابو مااجد …!
" الي كان فيها (( ليان ، ابو ماجد ، ام ماجد ، ماجد )) وسلطان بيجي بسيارته "
ماجد : ليوون ..!
ليان ما تسمعه لانها حاطه سماعة (ipod) ومغمضة عيونها ومنسجمه مرره
ماجد : ليووون ..!!! <~ في عالم ثاني ..
ماجد رمى عليها علبت مويه عشاااان تنتبه ..
ليان نطت مرتاعه : خيررررررر ..؟!<~ يا حرام قطع عليها انسجامها
ماجد كاتم ضحكته : نزلي نزلي وصلنا ..
ليان : وما عندك لسان تتكلم على طول بعلبة الموية..؟!
ماجد : راح صوتي وانا اناديك … بس لا حياة لمن تنادي ..
" (( ابو ماجد * وام ماجد)) سبقووهم ودخلوا قبلهم.. "
ليان : دق الجرس وخلصنا ..
مااجد : ههههههههه لقطي لقطي ..

" على الغدى بيت الجد "
الجده ما كلت أي شي من صحنها وحاااسه بألم في راسها <~ بس انتوا تعرفون الامهات ..
ندى : يمه ليه ما تااكلين ..؟!
الجده : لا بس شبعانه ..
الجد : ايش كلتي مالك ساعه من جلستي …. حتى فطور ما كلتي منين شبعانه ؟؟
ندى بخووف : يمه فيك شي؟
الجده حست بخووفها وما حبة تبين لها شي : لا يا يمه ما فيني شي
ندى : يمه لا تخوفيني عليك
الجده : ياا يمه قلت لك ما فيني شي .. هذا الشيطان يوسوسلك ..

في الدمام .. عند الخالة نوره..!
كانوا طالعين يتغدوون بره( ابو فهد كان مشغول ولا جا معهم)…. وهم في السياره ,,!!
ريان: ايش رايكم نروح ( دشيلز ) ..؟!
دانا : لا لا لا نبي نروح ( فرايديآآآآ )
ام فهد : نشوف راي الاغلبية..
ريناد : انا ابي ( فرايديآآآآ)…
فهد : وانا بعد ..
دانا : لقط لقط ..
رياان : كرمينا بسكووتك ..
ورااااااااحوا على مطعم ( فرايديآآآآآآآ) وتغدوا هنااك …

" في بيت العمة ام سديم "
بعد مااخلصوا غدى..!!
ام مشاري : يعطيك العافية يا ريهاام…
ام سديم : الله يعافيك ..
رؤى : تسلميين يا عمتي والله خووش كبسة ..
ام سديم : الله يسلمك
سديم: بنات ايش رايكم نطلع للملحق انا هناك حاطة الاستيريوا والشبس وكل شي … يلااااا..
البنات : يلااااا
سديم : عن اذنكم راايحين الملحق ..
الكل : اذنكم معكم..

" عند الشباب في المجلس "
مشعل : وش رايكم نلعب اونوو..؟!
الشباب : اوك ..
سلطان لزوج عمته …سلطان : اقول يا عمي ما عندك اونوو….؟!
ابو سديم : الا… تحصله في الملحق <~ ما كان يدري ان البنات في الملحق
سلطان : يعطيك العافية ..
ابو سديم : الله يعافيك …
سلطان ل..الشباب : يلا واحد يروح يجيب الاوراق من الملحق ..انا مهمتي وخلصتها…
مشاري : والله رجلي ما ادري ايش فيها .. ضارب بالكرسي <~ كل هذا عشان ما يروح..
مشعل : آآآآآآآآآه يا بطني يألمني <~ معااه في الخط…
سلطان : ياااا انكم كذابين ..ما شفت مثلهم ..
الشباب : ههههههههههههههههههههه
سلطان : مجوود يلا قم جيب الاوراق ..
ماجد : كل مرة اصير انا الضحية …. بس وش اقوول .. امري لله..

عند البنات …!
" كاان يم الملحق حماااام .. وكانت رؤى واقفة تعدل شعرها في المرايآآ والبنات كلهم دااخل الملحق "
رؤى جالسه تغني ومنسجة على الآآآآآآآآآآآآآآآخر..!!!!
رؤى : سلام العشق وعماقه يضم الشوق واشواقة…
تجيك الروح مشتاقه وتهديك القصيد الوان…

على درب الهوى جينا من اول ما تلاقينا…
وتغير كل ما فينا وعشنا فرحة الازمان…….الخ

ماجد كان رايح للملحق بس ناظر ساعته واتذكر انه لازم الحين يكلم واحد من الشباب ولا بيتقله تفقد جيوب بنطلونه مالقا جواله قال :
اروح اخذ الجوال وأي احد يجي بس لازم اروح"ورااح بسرعه عند الشباب"
____________________________________________
"عند الشباب في المجلس"
سلطان:وين الاونووو.؟!
ماجد:والله لازم اكلم واحد من الشباب سلطان روح انت..
سلطان تنهد:آآآه منكم يعني كل هذا علشان ماتجيب اونوو…
ماجد:لا والله سلطان روح بليز..
سلطان:طيب طيب"وقف بيروح للملحق"..!!
_________________________________________
"عند البنات رؤى دخلت وشافتهم كلهم جالسين وياكلون"
رؤى:سدووم..!
سديم:اخلصي وش تبين..
رؤى:افا كذا تعامليني.!؟
سديم وقفت:ههههههههه امزح وش فيك .؟؟
رؤى:اممم ابي طلب صغيرون حيل..
سديم:آمري؟؟
رؤى:ابي تجيبين جوالي نسيته متعيجزه اروح..
سديم:اوكي ولايهمك..
ليان:الشمس من وين طالعه.؟!
سديم:لأنكم في بيتنا يالله منآآآآآك ..
"وطلعت سديم ولا حست الا بطراااااااااااااااااااااااااخ <~ يعني صقعت هع هع"
بس يد سلطان كانت اسرع ومسكها بسرعه وتم جامد مو عااارف وش يسوي كانت ملاك الي واقفه قدامه وهي من الخوف مافتحت عيونها حتى <~ اهم شي
تمو حوالي 20 ثانيه وفتحت عيونها ببطئ وانصدمت من الي قدامها ماعرفت وش تسوي غير انها انطرمت وخاصه انه مازال ماسكها
وهي وجها راح فيها بعدين سلطان استوعب وبعد يدينه..
سلطان:احم آسف مدري انكم هنا…
سديم بالموت تتكلم:لا عا عادي ب ب بس بغيتو شي .؟!
سلطان منزل راسه <~ بعد ايش:والله بغيت الاونوو لو سمحتي …
سديم:اوكي الحين اخلي ليان تجيبه لك..
"وراحت وهو تم يناظر يدينه كيف مسكت هالملاك ويقول بنفسه مين هذي معقلوه نجلا لا لا لا ما اظنها هي اجل مين شوي الا سمع صوت رؤى"
رؤى:لا والله ..سديم رحتي تجيبين جوالي ورجعتي بدونه..
"سلطان ابتسم اجل سديم ياحليلها كبرت وحلوت حيل"..
سديم:طيب بس دقيقه طلع بوجهي سلطان وش اسوي..؟!
ليان بدهشه:سلطان..!!!
سديم:ايوه خوذي له الاونوو تشوفينه في ثاني درج على اليمين..
ليان اخذته وودته ل..سلطان الي ماتكلم كلمه وحده وراح..
جود نطت بوجها:وش صار ووش سوا ووش قال..؟؟
سديم:حشى بكرسي الاعتراف وانا مدري.؟!
نجلا :اخلصي و قولي ماراح نتركك الما تقولين كل شي..
سديم بصواريخ:ماصار شي سمعت صوته تخبيت انتظرته يروح بس الاخ طوول تكلمت قلت له وش فيك قام يدور مالقاني
قلت له انا متخبيه بغيت شي قالي ياليت الاونو بس ..
جود صدقت هالخبله:اها اجل هيك حراام كان بيير حمااس لو شافك ..
سديم:يازينك وانتي ماكله تبن ..
نجلا : ههههههههههههههههه…
جود بستهبال:طيب ينفع بدال التبن حلاوه .؟!
سديم:يكون احسن بعد ..
البنات : هههههههههههههههههههههههههه..
_______________________________
"عند الشباب"
سلطان دخل عليهم وصارو يلعبون وهو شارد عنهم يفكر ب..سديم والصدفه الي جمعتهم مع بعض وانتبه لصوت مشعل وهو يقول …!
مشعل:يالاخو هو انت يالله دورك ولا اطلع ..
سلطان:هذا الي بيصير..
مشاري بأستغباء:وشو بصير الحرب العالميه بالدول المتحده <~ وش دخل..
سلطان يرمي عليه الخوداديه:طير ياشيخ"ووقف والكل وين ت..؟!و بدري.. اقعد…"
سلطان:بدري بعمركم بس لازم اروح مواعد واحد من الشباب <~ نصاااب
الكل:اوكي
"وطلع وهو سرحااان يفكر ب..سديم <~ حظها ياليتني مكانها شوي .."الا يسمع صوت رؤى تكلمه"
" نذكركم رؤى اخت سلطان من الرضاعه ف.. قاطه الميانه "
رؤى:وين رحت يالحبيب..؟؟
سلطان : قاطه الميانه الاخت ..!
رؤى : مو أول مره ..وبعدين مو انت اخوي ..
سلطان :اهااا اخووي .. اجل انتي سحيله ام الخلاجين.؟! <~حلوه
رؤى تقلده:لا سحلية أم عبادين .. المهم خرجنا عن محور حديثنا..
سلطان:اوه صار ي محور طيب مافي نص.؟!
رؤى:وفي بروفا ..
سلطان:منآآك وش تبين.؟!
رؤى تتمسكن:انت صح ولد خالتي .. واخووي وحبيبي ووقلبي وعمري ..
سلطان:الله الله كل ذا على وشووو … طيب كملي
رؤى:طيب ابيك تجيب لنا اسكريم..!
سلطان:ياليل مطولك …قولي كذا من زمان … اقووول بس توني شاري لكم طيري..
رؤى:بس مو انا الي مشتهيته..
سلطان:اجل ليون حتى هي بعد شاري لها..
رؤى:لا والله سديم مشتهيته وعيب<~ نصاااااااااااااااااااااابه
سلطان خفق قلبه:ها طيب وش تبي.؟!
رؤى بخبث:شمعنى..؟؟
سلطان ارتبك:لا بس عيب حنا في بيتهم..
رؤى ما صدقت :اها ..اوك جب 7 شكل " توفي اوريو توت كرز فرواله " …
سلطان:اوك..
رؤى تمد له فلوس:هذا سديم تقول عطيه الي بيشتريه..
سلطان حمق:هذا اللي ناقص روحي قولي لها يقولك سلطان عيب عليك مافي بنات يدفعون للأولاد…
رؤى:ايوه يالله ياشاطر روح..
سلطان:شاطر بعينك روحي زين ..
" وراااح يشتري لهم بس علشان سديم "
__________________________
الساعة 10,30 بالليل …
في بيت الأهل …كانت عندهم ألاء !!!
" ندى وألاء كانو في الصاله يناظرون ال tv … والجد والجده نايمين .."
ندى : ألاء …!!!
ألاء : هلاا .. وش فيك .؟!
ندى : مدرري وش فيها أمي احس انها تعبانه هاليومين .. <~ ندى متعلقة بأمها مرره علشان كذا خايفه عليها ….
ألاء : أي صح .. حتى انا يوم كنت هنا حسيت بتعب أمي .. بس تقول انها ما فيها شي بس عوار الراس ..
ندى : أي وهذا اللي مخوفني …
ألاء : طيب خلي خالد يوديها الدكتور …
ندى : مهب راضيه اليوم قلت لهاا قالت لي لا تقولين لأحد ولا تكلمين أحد ..
ألاء : طيب وش العمل .؟!
ندى : مدرري والله .. بس انا بكرى ما بروح للجامعه خايفه عليها .. تخيلي اليوم طول الوقت نايمه ما صحت الا يوم جيت من الجامعه ورحت لها .. وكانت تعبااانه مرره. .
ألاء : آمممم.. خلاص انا اكلم خالد بكرا الصبح وأقول له ..
ندى : طيب ليه ما تكلمينه الحين .؟!
ألاء : لأن ما يصير نكلم عليه الحين الوقت متأخر ..
ندى شافت ساعتها : يوووه طار الوقت بسرعه ..
_______________________________
في بيت العمه أم سديم ..!
" سديم كانت ع اللابتوب "
الأم :يلا يمه سديم قومي نامي بكرى وراك مدرسه .
سديم :ماما تو النااااس اانا مو بزره اروح انام الحين ..
الأم : الحين تقولين تو الناس .. وبكرى بالموت تصحين من النوم ..
سديم : طيب طيب بس شوي واروح انام …
_________________________________
في بيت العم أبو ماجد ..!
" كان ابوماجد وماجد وسلطان في غرفة المعيشه "
أبو ماجد : بشرني يا ماجد شخبار الدراسه معك .؟!
ماجد : الحمدلله .. كل شي تمااام ..
أبو ماجد : وانت يا سلطان .؟!
سلطان : ماشي الحااال …
أبو ماجد : الله يوفقكم ان شاء الله ..
سلطان + ماجد : آميييين …
____________________
انتهى البآرت ,,!
توقعاتكم ..
وش سر تعب الجده.؟؟!
تتوقعون سلطان راح يحب سديم والا ؟!

/

/

تحيآآتي …
لاتحرموننا من ردودكم وآرائكم ..

لا توجد أفكار عن “رواية لا أشوفك بعد موتي جالس لحالك حزين / كامله 2024”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.