السلام عليكم ورحمة الله وبركاته
و اسعد الله ايامكم بالخير
هذه المرة لي وقفه مع شاعره مميزه و رائعه
وهي الشاعره ….
غريبة الدار :
شاعرة من شاعرات المملكة العربية السعودية المشهورات
,وأسمها ,,غريبة الدار,,اسم رمزي مستعار.وليس اسمها الحقيقي .
وهي من أبرز الشاعرات في الشعر الشعبي في الوقت الحاضر .
ولها ديوان بعنوان : (وجع غربة)
والديوان يضم أكثر من سبعين قصيده شعبية فيها المعاناة الحقيقة
الصادرة من المشاعر و الأحاسيس الصادقة النابغه من عاطفة جياشة صادقة .
تمتلك الشاعرة أسلوب رمزي غير مكشوف
وهي من أسرة كريمة رفيعة المقام في المملكه العربيه السعوديه .
اترككم مع قصائدها
ياشقا أيام ..عذبتها الصبور
وغنلي ياليل ..من عقب الكدر
وافرش دروب اللقا ورد وزهور
بارق الآمال في ليلي ظهر
والسهر عفناة ..والدنيا تدور
غيمة احزاني بددها المطر
والعلاج الصبر ..يا جرح الشعور
ظلمة أقداري نورها القمر
وشوف خلي زادها ..ياليل نور
عمري الي ضاع باحضان القهر
عوضه ياحظ باللقيا..يثور
ليل نجد..العين تفضح ماتستر
عاشقا ملتاع ..ولوباح معذور
عقب حزن (ن) في خفا الروح استقر
عقب وقت(ن) كل ما شكيله يجور
زان وقتي طاب وياك السهر
وفي نسيمك انتعش ريح البخور
ما بقا احزان ..ولله الامر
بالارادة .. تنجبر كل الكسور
وعن عذاب (ن) فات باغض النظر
حاضري الافراح في كل الامور
يكفي اللي ضاع من عمر العمر
يا عذولي ..لو تكرم لا تشور
ليل نجد الحب غنا للسمر
ورددت أوتار قلبي بالحظور
وقلت لك ياليل في آخر سطر
حاضري أمال وأفراح وسرور
تخطي وادور من غلاتك معاذيرواضحك
وأنا اللي غارق (ن) في دموعي
كل الجروح الماضية دون تفسير
عشتك عذاب بكل صنف (ن) ونوعي
الحب ماله قيمة (ن) دون تقدير
مانت الذي راضي بحبي وقنوعي
يا صاحبي افراق هوانا عن الغير
أنا الوحيد اللي مشالك بطوعي
ليتك تسائل ليه حبي بتبذير
وليه انحني لك دايم (ن) لك خظوعي
اما نتفاهم ولا قلنا مقادير
ما يستمر شوق (ن) وحب و قطوعي
لاني متلفت لا شمال ولا يميني
قلب (ن) يودك وعن هوى الغير شايم
مازان في الدنيا بدونك يشيني
يا قلبي اللي في عشق دنياك هايم
ان قالوا شين (ن) قلت فعيوني زيني
و أن غبت عني باقضي العمر صايم
زادي ونيتي وشربي من دمع عيني
وان راحت صار الجو بالحزن غايم
وان جيت كل فرح (ن) هجرني يجيني
حبك ملكني ودايم (ن) بالقلب دايم
بفداك عمري وما مضى من سنيني
ياهاجري ما عاد بالعمر عمري
نمر (ن) حياني الشوق ومر (ن) قتلني
كم صدة (ن) تخلف بها قلب جرحي
نساع (ن) غمرني الياس وساع (ن) رفعني
أصبحت مثل الناس عايش بوجهين
وجه (ن) ضحك وجه (ن) بكاك وفضحني
اذكرك دايم وين مارحت أنا وين
صعب (ن) تناسي قلبك اللي خدعني
من يوم رحت العمر ما عاد به زين
ياللي فراقك من هنا يا سلبني
كلي جروح (ن) ما تشافي بعد حين
وش هي حياتي دام قلبك لفظي
كان ابدفع من نضر عيني ثمن
مثل حلم (ن) لي تجيبه اللي
اليفزلة قلبي وعيوني بكن
زوله اللي مسكنه اقصى خيالي
حاضنن (ن) زوله واشقا به واعن
ما لغيره لي دروب ولا مجالي
حبه اللي في الضماير بي سكن
غالي (ن) والقر ب لو يشرى بغالي
كان ابيع الغربه واسكن به وطن
عزاة ياوقت (ن) مضي دون مصلوح
قلب (ن) قفل عن كل مخلوق بابه
دونه ودون اللي يبي غربه الروح
قلب (ن) ولو جار الزمن ما خطابه
بينه وبين الفرح يا غربتي شوح
الناس ما تدري عن اللي سطا به
أضحك بوجهه وداخلي تنزف جروح
من زود حزنه طار منه صوابه
عاف الحياة وفارقت روحة الروح
اللي قتلني من صدوده وعذابه
يدري و أنا ادري عبرتي ترفض البوح
عطشانه واشرب صحاري سرابه
عزاة ما مرت ولا لحظة فروح
كان الزمن الي بدا وانتهى به
ما فادني؟ كني عن الحب منزوح
واعيش وقتي بين هم وكآبه
و أنا الغريق وفي البحر مركبي لوح
يكفي عذاب اضن ماهي طلابه
وش فايدة تجريح حسم (ن) بلا روح
انت ناسي ولا لي بالمخاليق غيرك
من عرفتك وانا راضي بحالي سعيدي
ما يهم المعرفة بين ناس(ن) وبيني
ياللي في روحي عاش حبك وحيدي
ما شكيت الليالي يوم احبك حبيبي
حتى حزني بشوفك صار بالفرح عيدي
أيه ادري انا ادري ما تدوم الليالي
ليه افكر وانا اللي حاضن الكف بايدي
الغلا والمحبة دايم(ن) لك بقلبي
ان تباعدات ابا قطع من فراقك وريدي
ما بالغ كلامي انته تعرفه
من عرفتك اعيش العمر عمر(ن) جديدي
يشوفني حلمة وانا اشوف به غير
يشوفني فرحه واذيقه تعاسه
حبه خيالي مثل عشق الا ساطير
وانا غرامي ثابت(ن) بأرض ياسه
بعض المشاعر عشتها معة تزوير
وكل المشاعر عاشها لي باحساسه
دايم دموعة تسبق الحرف تعبير
ودايم انا اضحك كل ما زاد باسه
ياما جرحته دون وعي (ن) وتفكير
وياما فضحته بالوله بين ناسه
ياما تسامي عن جروحي بتقدير
وياما سقيته من العنا مر كاسه
ياما جزيته بالوفا لي بتقصير
وياما تعذر والخطا بي اساسه
ياما هجرته دون ذنب وتفسير
ياما حرمته من عذابي نعاسه
ياما خلق لي من غلاتي معاذير
ياما حنى لي بالهوى حيل راسه
عذري بأني شفت غدر(ن) مع الغير
أرضي جروحي فيه واجرح احساسه
ويوم(ن) نوى له خافقي نية الخير
بعثر زماني كل حبي وداسة
مادري قصدها مادري هذه مقادير
لا وعذابي كنت باخر انفاسه
ياللي خيالك عن حياتي اخذني
مر (ن) بكيتك جرح ومر(ن) على شوق
ومر(ن) حياني الشوق ومر(ن) قتلني
ياللي اعيشك حب والقلب محروق
عن كل كوني بس حظنك وسعني
ان غبت عاش القلب ضايق ومخنوق
ياللي غرامك من حياتي نهبني
ماعاش في قلبي من الناس مخلوق
قبلك ولا بعدك ولا احد(ن) عشقني
عبدالله حديب 
لا تبخلون علي بردودكم 
