وينك سهرت أمس من دونك معى همي
يا مطول الليل للمشتاق من دونك
سهران لكن بدون النبض في دمي
واضلوع صدري تعاف القلب و اتصونك
دعاني الشوق و اردد هلا عمي
في داخلي بس جلاسي يشوفونك
يا وردة العمر عطرك لو جفى يمي
في تربة ارضي جذورك تحمي اغصونك
دمعة غيابك متى امسحها ابطرف كمي
و اشق ثوب السهر و اتلحف اعيونك
لبيك ما غيرك انتي تنتظر سمي
دوسي على هامتي و اقول ممنونك
قلوب غيرك كثير اتيممت يمي
و انا تيممت و آمنت في كونك
عبير وردك عسى ما مل من شمي
من كثر ما اشهق غلا و استنشق اطعونك
تدرين ما عاد همي مدحي او ذمي
بغسل شموخ الأنا لو شحت امزونك
كومة رماد استحال الريح في لمي
إلا أنتي اللي تلميني على هونك
جمعت ضحك الطفل و العيد في فمي
عن كل ما لذ لي تكفيني اشلونك
خلاص يكفي سهرت امسي على همي
ثقيل دم السهر والعشق من دونك
منقووووول 
تحياتي واشواقي
وشع بين الكلمات وزادني بهجه
لاحرمني الله من تواصلك
تحياتي واشواقي
ثقيل دم السهر والعشق من دونك
يعطيك الف عافية على الاختيار الموفق لهذه الكلمات
قصيدة تنثرها جدا رائعة ..
تنساب كعذوبة النهر .. وتبزغ كبزوغ الفجر
لتكون كلمات ليس من أحرف انما من روائع شعريه ..
تحياتي لك وشكري..
كلمات فائقه الروووعه ..
تسلم يالغلا على الذوووق العالي..
ويعطيك ربي الف عافيه..
تقبل مروري الطيب
يا مطول الليل للمشتاق من دونك
سهران لكن بدون النبض في دمي
واضلوع صدري تعاف القلب و اتصونك
صح لسان الشاعر
وسلمت الأيادي
والذوق الراقي
نقل رااائع
كل الود
ويسلم ايدك يااسير الهوى
تحياتي