سمك بصلصة التمر الهندي .مع الخطوات بالصور 2024

السلام عليكم ورحمة الله وبركاته
أخباركم يالحلوات ؟؟؟
أشتقت لكم بعد غيبة قصيرة ما حبيتها وودي أحذفها من عمري
خلصت أمتحاني النص الأول ((باركوا لي ))<<<امتحنت وبنتي مريضة حدها
المهم هي الحمد لله تحسنت وانا طحت مكانها عادتني الله يصلحها <<خلصي وش نبي بقصة حياتك
حبيت بهالمناسبة أنزل لكم طبخة طيبة
المقادير :
سمك (كنعد أو هامور فيليه )اللي تحبون
ملح – بهارات سمك – كمون – ثوم مطحون حسب رغبتكم
مقادير المرق :
نص كوب زيت ذرة – 3 حبة كبيرة بصل شرائح – 6 فص ثوم مهروس 3 حبة كبيرة طماطم مقشر ومفروم – 2 فلفل أخضر – ملعقة كبيرة بهار سمك – 2 ملعقة صغيرة ملح – 1 كوب تمر هندي منقوع في ماء ساخن – 2 حبة لومي صحيح
الطريقة :
1-اغسلي السمك وضعي عليه الملح والبهارات واتركيه مدة 10 دقائق

أدري بتفيخون علي <<<والله أدري انكم تعرفون تتبلون السمك >>>ذي حق البنوتات الجدد في المطبخ حتى يعرفون الخطوات عدل ما يحتارون ويحتاسون

2- في مقلاة واسعة((انا أقلي في قدر حتى ما يتوسخ الفرن بسرعة )) سخني الزيت واقلي السمك على الجانبين ليصبح ذهبي ثم أنقليه الى طبق الفرن

3- في نفس الزيت اللي قلينا فيه السمك نضع البصل والثوم والفلفل ونقلب الى ان يصبح لون البصل ذهبي

4- نضيف البهارات والملح والطماطم والتمر الهندي واللومي الصحيح واتركيه على نار هادئة تقريبا 10 دقائق
نضيف نصف كوب ماء ونقلب ليختلط ثم نضع المرق على السمك في صينية الفرن

5- نغطي الطبق وندخله الفرن ل 25 الى 30 دقيقة حتى يتسبك السمك …وهذا شكله النهائي

ترى ذا الورد اللي يم الصحن انا مسويته <<ما تحب تمدح نفسها
وبالعافية عليكم ترى طعمه مع التمر الهندي ((الصبار ))روووعة لايفوتكم جربوه
أتمنى يكون عجبكم

[/FONT

الله يسعدك يارب

ساندرا

تسلم يدينك غاليتي سجودة

كل ماتقدمينه مميز

مودتي

ماشاءالله طبق طيب
الله يعطيك العافيه و تسلم ايداتك
عليكم بالعافيه ..
تحيتي لك ..

بس بسألك حلو هو يعني تمر بيكون حالي ولا غير ( سوري عذريني قروية شعرفني

جنينتي أنتي , تستاهلين التثبيت والأعجاب وكنت بقيمش وعيه عمنا التقيم يقول أنتظر 24 ساعة
وردش رهييييييب عملي لي وحدة
ما ننحرم

حيا الله هالطلة
الروووعة مرورك سندوورة
ومشكورة كلك ذوووق
والله يسعدك ويفرج همك
أسعدني ردك بالزااااف

عيونك الحلوة غلاتي
الله يسلمك رورو
المميز أقدمه للناس المميزين اللي مثلك وشرواك
ولك مودتي واحترامي يالغالية

فديتك مزووون على هالدعوة الحلوة …
الله يسلمك من كل شر
ويعافيك…
أسعدتني طلتك الحلوة وردك
ولك تحيتي واحترامي

المشاركة الأصلية كتبت بواسطة Raghad

السمك أنا أموت فيه بس مايجي قبال الدجاج حبيب قلبي هع .. يعطيك العافية ,
بس بسألك حلو هو يعني تمر بيكون حالي ولا غير ( سوري عذريني قروية شعرفني ماعرف حيل للطبخ والا وش نحط فيه ههه )

جنينتي أنتي , تستاهلين التثبيت والأعجاب وكنت بقيمش وعيه عمنا التقيم يقول أنتظر 24 ساعة
وردش رهييييييب عملي لي وحدة
ما ننحرم

الصراحة أنا أشوف لكل واحد فيهم مكانته وطعمه المميز بس لو يخيروني أختار السمك
الله يعافيك رغووود
لا ..مايصير حلو التمر الهندي ((الصبار )) معروف حامض يطلع السمك حامض (فديتش القرويين وش ناقصهم)
مشكورة رغووود ردش أحلى تقيييم وخلي سمعات ينقهر (مقهورة منه دايما يفشلني )
ادعي لي وان شاء الله أسوي لش وأنزلها في الأعمال اليدوية
منورة رغووود