السلام عليكم ورحمة الله وبركاته
اعجبتني هذه القصيده لاكن لم اعرف قائلها
فأردت ان اقدمها لكم
اتمنى ان تحوز على رضاكم واعجابكم
الله بلاني اليوم ابصحبة اثنين
شوف المها بالحلم وضم الوساده
اليا متى بيدوم هالحال ياحسين
عايش هموم القلب واطرد مراده
واليوم انا ياصاح مابين نارين
حلم الوصال ويوم لمس القلاده
وبداخلي اوجاع طعنات سكين
جرح الهوى يازين زايد عناده
والدمع ينزف وافر الملح بالعين
والصبر فارقني بليا هواده
وشلون ابخفي صادق الشعر يازين
وشلون اواسي في شعوري وداده
اوقات يسهل تبني البيت دورين
وتلقى وظيفة دون علم وشهاده
والصعب تلقى وافي الحب قلبين
والنار تحيا بعد جمر ورماده
والدمع يرسم باكي الشعرشطرين
عيا هواها لا يفارق زناده
برجع لحلمي وانتظر شوفها سنين
وارضا انا بالحظ واقبل عناده
تقبلوا تحياتي
اخوكم عاشق الابداع
" عاشق الأبداع "
تميزك بأختيار القصائد هو رمز لابداعك ….
ذوووقك راقي جدا جدا
سلمت يمناك على هالقصيده الجميله
أختك : دلوعة الرياض
الله يعطيك العافيه
أخواتي
دلوعة الرياض
و
كيان عبير
تسلمون على مروركم المستمر والدائم
وهذا من ذوقكم
دمتم في رعاية الله وحفظه
تقبلوا تحياتي
اخوكم/عاشق الابداع