" قوارب الجبنة البيضا "
قبل لا نبدا بأي شي نحط شوي زيت زيتون + 2 فص ثوم مدقوق ونتركهم على جنب .
نبدا نسوي العجينة .. مقاديرها :-
3 ك طحين
3 ملاعق كبيرة حليب نيدو + 1 ملعقة كبيرة سكر + رشة ملح + بيالة شاهي زيت زيتون
1 ك مويه دافيه و نذوب فيها ملعقة كبيرة خميرة فورية
" نعجنها بالعجانه والافضل تنعجن كويس بعد كذا باليد على سطح نظيف وتتخبط باليد "
نغطيها بفوطه نظيفة مبلولة شوي و نتركها تخمر 1/2 ساعة
الحشوة :-
علبة كبيرة جبنة البقرات الثلاث تقريبا بنحتاج ثلاث ارباعها
نحط معها حبة فلفل احمر بارد مفروم فرم ناااعم زي الصورة
+ ملعقة صغيره نعناع ناشف انا اخذته من المهباج اللي في السيفوي
+شوي بقدونس مفروم مثل اللي بالصورة
نهرسهم مع بعض كويس بالشوكه
بعد ماتخمر العجينة نبدا نشتغل فيها
لا تنسون تشغلون الفرن اول ما تبدون تفردون عشان يصير جاهز
نفردها كويس على سطح نظيف و مرشوش عليه شوي دقيق .. لا تكثرون بعدين ما ترضى تلزق
نقطعها دوائر الحجم اللي تبون .. شفتوا القطاعات اللي 3 مع بعض ؟ انا استخدمت الوسط
ونحط تقريبا ملعقة اكل صغيرة في كل قطعة
نسكرهم على شكل قوراب بعدين ندهن جوانبها بالفرشة بزيت الزيتون اللي نقعنا فيه الثوم
انتبهوا بس حطوا زيت لا تاخذون من الثوم اللي تحت 
نجيب صينية التشيز كيك وندهنها برضو بزيت الزيتون اللي نقعنا فيه الثوم وندهن الجوانب بعد
ونبدا ناخذ كل حبة ونرش على جوانبها شوي أوريقانو "زعتر بري" شوي لا تكثرون تصير مره
نصفها بهذا الشكل اللي ما اعرف أوصفه بس انهم كذا مايلات و لاصقات ببعض 
ندخلها الفرن 350 درجه و تكون النار من تحت لما تتحمر نقلب الحراره من فوق الين ما تاخذ لون يخقق
هنا و هي توها فرش طالعة من الفرن و ريحتها 
وعليكم بالعافية
منقوله بلا شك 
تدرين يوم جمعة اجازة وصاحين من الصبح جوعانين
الواحد وده يصحى يلقى الفطور جنبه <<كاسبر يسويه ويجيبه مثلا ؟؟؟تحطينهم لنا وتقهرينا من الصبح
بس هين بطبقها وانزلها المدونة قبل تجي امش <<قمة النذالة
ما ننحرمش منشي رغووودة
نفس شعوري ودي كذا بس واجباتي لازم أسويها ولأن بعد باباتي معاي وأنا ملتزمه فيه 🙂
بعد مو مثلش على طبخاتش , تقهري والله ( فيس لاف وجهه )
هههههههههههههههههههههههه أنتي أعترفتي أنا ماقلت ( فيس يرفع كتوفه وأيده )
وانا بعد .. الله يخليش لعويلش والى أبوهم ولا يحرمش منهن 🙂
منورتني قسمبالله :$
الله يسلمك عيوني , منورة عبوره 🙂
بجرب اعملهاا بس اشك تكوون قواارب يمكن تكوون اشكااال منووعه هههههه
يسلمووو دياااتك يااعسووله
وش اقول غير تسلم الايادي "
رووووووووووووووووووعه الصراحه ماشاء الله تبارك الله "
تحياتي
بجرب اعملهاا بس اشك تكوون قواارب يمكن تكوون اشكااال منووعه هههههه
يسلمووو دياااتك يااعسووله
وأنتي صادقة يآدوبه .. هع
الله يسلمك منورة